الارشيف - اكتب اسمك باللغة اليابانية

Pages: 1

اكتب اسمك باللغة اليابانية
(انقر هنا ان احببت مشاهدة الموضوع الاصلي بالالوان و الصور )

Posted by: DREAMS BIRD

والله ياشباب اليوم عندي موضوع لقطة:
نريد من كل عضو ان يكتب لنا اسمهُ أو إن أراد اسم عضويته

جايبلكو اليوم اللغه اليابني والتي تعتبر طويله نوعا ما بالنسبه للفظها

A= ka = كا
B = tu = تو
C= mi = مي
D= te = تي
E =ku = كو
F = lu= لو
G = ji = جي
H = ri = ري
I = ki = كي
J = zu = زو
K = me = مي
L = ta = تا
M = rin = رِن
N = to = تو
O =mo =مو
P = no = نو
Q = ke = كي
R = shi = شِ
S= ari = أري
T= chi= تشاي
U = do= دو
V = ru = رو
W = mei = ماي
X = na = نا
Y = fu= فو
Z= zi= ز

نريد من كل عضو ان يكتب لناا سمهُ او ان اراد اسم عضويته

مثال: tony تكتب باليابانية---- تشايموتوفو

وياشباب ممنوع عدم وضع الردود

Posted by: الساحر روني

فكرة حلوة و بجد اسمحلي قلك أنوا الى الأن مواضيعك فريدة و بداية مميزة بشكرك و ياريت تابع على نفس المنوال أما بالنسبة لاسم عضويتي اللي هو الساحر روني فيكتب بالياباني كما يلي بس الله يخليكم مايعلق اسم عضويتي بالياباني على لسانكم أصلا من ناحية لحيصعب على لسانكم تقولو و من ناحية بدكم شي ساعة لتخلصوا من لفظو
اسم عضويتي بالعنكليزي :
rony Magician
اسم عضويتي بالياباني :
شموتوفو رنكاجيكيميكيكاتو

يا لطيف شو مجعلك هالإسم أحسن شي يصير اسم عضويتي من يوم ورايح
ياما هاري كوى شيكو ياما كنتك ياما

Posted by: سيلفانا خوري

ما تحمل هم ساحر روني مارح يعّلق اسمك معنا.. اذا بدنا ساعة تنقرا اسمك بالانكليزي بدنا جمعة لنقراه بالياباني لذلك توقع يعلق معنا اسمك الاخير ياما كنتك ياما

سيلفانا خوري بالياباني أريكيتارو روكاتوكا ريدوشكي لوتسمع امي بهالأسم لندمت على الساعة اللي سمتني فيها سيلفانا

شكرا لصاحب الموضوع واهلا وسهلا بك معنا.

Posted by: الساحر روني

بجد أنك مهضومة كتير أخت سيلفانا يعني هيفاء وهبي اللي انصرع راسنا فيها ما بتطلع نقطة من بحر هضوميتك كيفني معك

هلأ من جهة اسمك بالياباني يعني محلا قدام اسمي بالياباني بتصدقي أني لهلأ ما حسنت ألفظو يعني شي فايت طالع بجد هدولة اليابانية ما بعرف يعني سبحان مين برمجهم

Posted by: angel

كاتو جيكوتا ....
هيك بصير إسمي إذا رحت عاليابان ....

... اسم ظريف أنا حبيته .. إله وقع مميز ...بذكرني بأسماء المشاهير ...(يا حجحجتكن ) ...
شكرا DREAM BIRD عالفكرة الحلوة وبتمنى نسمع أسامي باقي الأعضاء بالياباني ...

Posted by: sulieman safar

اري ناتو أنجيل
واسمي كما يلي:
اري دو تا كي كو رن كاتو.
ويا حشحتحك كمان اسمي في جاتو!

Posted by: angel

عاشت الأسامي عم سليمان ...
بس عم اتخيل إذا رحتوا رحلة إنت والخالة نهلا عاليابان ... وبدها تعيطلك عالأكل .. بكون برد قبل ما يخلص اسمك ...
على كل غلبتني مو بس بالكاتو بالكورن كمان ...

Posted by: ABUODEE

(( كاتو دوموتي كوكو )) اي والله والنعم
كلّو في كاتو....

وبالصيني....؟؟؟ يمكن (( شاتو شوموتي شوشو ))

Posted by: merellaa

اسمعوا اسمي وفطسوا ضحك
رن كاشفو اري كاكي كوتي هههههههههههههههههههههه يعني الكا والكو والكي كتير هيك

لا واول اسمي رن الجرس هيا نلعب يعني كتير هيك وعنجد انجل انو الواحد اذا كان برد كتير لبين ما يقول ال اسم بيكون صار اسكاية

شكرا الك عالموضوع

ربي يحميكون
ميمو

Posted by: iyad tahhan

انا طلع اسمي بالياباني
على الشكل التالي هههههههه

كي فو كا تي تشاي كا ري ري كا تو

يعني اذا وصلت الحروف ببعضهن بيطلعو مثل اللي عم يسلم
على حدا صيني او ياباني هههههه

كيفو كاتي تشاكاريريكاتو

أي والله عاشت الأسامي

Posted by: RUSHA AWAD

شغلي حلوي والله, بس المشكلي انو وقت ركبت اسمي بالياباني ماحسيتو منوب الو وقع اللغة اليابانية. بس اللي قاهرني انو اسمي مافي كاتو

, انو يعني ليش اي شو الشغلي خيار وفئوس

؟؟؟؟؟؟

شكاأريريكا كامايكاتي

Posted by: angel

إياد طرنبت الكل .. عندك كاتو وشاي .... لأ وكمان شاكرية...
رشوش ماتزعلي بيطلعلك قطعة قطعة من عندي ومن عند العم سليمان وعبودي وإياد ... وكاكي من عند ميريلا ... بعدين اسمك طالع موسيقي : شكا أريريكا ... يعني فيه وزن وقافية وسجع ...
كأنو أنا اتبنيت الموضوع .. ؟؟؟ وين راح dreams bird ?? يظهر كتب الموضوع وطار....

Posted by: a_aroush

من زمان حابب شاركن بهالموضوع الثقافي الخطير .. بس والله ماني ملاقيها مناسبة .. لأنو اسمي طالع رزيل كثير ... بس يالله ضحكولكن شوي.

aaroush = كاكا شمو دوار يري

باعتباري مشرف عالمنتدى .. مين بدو يلغي هالرد ..ما في غير الادارة

بس انجيل باعتبار انك تبنيتي الموضوع فيكي تلغي الرد .. عندك الريس وسام السلطة العليا .

Posted by: angel

ههههههههههههههههههههههههههههههههههههههه
عبد الله ... ما تزعل بس دموعي شرت وأنا عم إقرأ المشاركة ... عموما ما بنصحك تروح عاليابان ....
المشكلة كنا ضيفناك كاتو وشاي من عند الشباب بس خايفين ماتحلف علينا بضيافتك ....

شكرا عالمشاركة الحلوة ولصاحب الفكرة الحلوة ...

Posted by: Desert rose

أنجيل رح أفقع قهر
ماعم بعرف أكتب إسمي
الوهمي
سناء سهل
عرفت أكتبوا

أري كاتو كاكا

لا والأكتر ...صدقيني عجبني اكتر من إسمي

طالع شغلة ة ة ة

بس
زهرة الصحراء
والله عقدني

ساعدوني شباب وصبايا.... ومسامحين بالكاتو اللي باسمي

زهرة الصحراء

Posted by: سامي الكرد

انتم في عالم واليابانية في عالم آخر

روحوا تعلموا اليابانية على أصولها في منتديات محمد شريف

Posted by: a_aroush

إينجل طققتيني من الضحك .. قال ضيف قال

هههههههههههههههههههه

عن جد ما فكرت بهالقصة , صحيح كلو عم يضيف كاتو و شاي .. أنا شو بدي ضيفهن .. نضيفوني مليح و نما ضيفوني خليهن على شم و لا تذوق

.

بس بدي قول للسيد سامي الكرد .. نحنا جماعة حماصنة هون .. يعني منسطلها وقت اللي بدنا .. يا عيني , نشالله مصدق قاطعة معنا هلأ أن هي اللغة اليابانية .

سناء ترجمت اسمك .. طلع اسمي دح و نح عند اسمك .. بس ترا عندك كل انواع الضيافة .. ما عدا الكاتو فاعطيهن شوية شاي بدل الكاتو .

رح خليلك حقوق الترجمة الك .. انتي عالاقل مديرة ما حدا بيسترجي يحكي معك .

Posted by: angel

سنوءة وحياتك كنت ناوية إتبرع واكتبلك اسمك من قبل ماتشاركي بالموضوع بس ما استرجيت بلش فيه يعني إسمي خمس حروف وظليت ساعة لركبته .... على كل كمان بلالك اليابان ... خلص معوزمين بدالها لعندنا إنتي وعبد الله ...بس مع الرجاء عدم اصطحاب الهدايا

ما بعرف ليش السيد سامي جاي عالمنتدى مستنفر ... على كل اهلا وسهلا بالجميع...

Posted by: باسمةبين الدموع

رِن كي تو كا =مينة

ههههههههههههه اسمي طلع حلو بالياباني

تسلم على الطرح المميز والرائع

Posted by: mariam

ان جنوا ربعك عقلك ما بينفعك .....لفت نظري المشاركات بالموضوع لقيت انو الفضول بيخلي الواحد يجرب ولو كان مو قنعان بس اسمي طلع ....رنكاشكي كارن ...بدي ميت سنة ما بتعلم قولو ......

موقع زيدل سوريا حمص .. خدمات تشات و دردشة ... أرشيف المنتدى