Pages: 1
هيفا ليلة راس السنة
(انقر هنا ان احببت مشاهدة الموضوع الاصلي بالالوان و الصور )
Posted by: Desert rose
وين فستانك ياهيفا ؟؟؟؟؟
زهرة الصحراء
Posted by: فاروق القدومي
يا ويلها هيفا مفرعه مو لابسه ايشار ممكن ناسيتو بالبيت
او مقصوده منها عشان راس السنه
Posted by: mariam
لأ بس يمكن ومع احترامي للجميع عم تشرح الوضع العربي ....هيك صار عريان ........
بس خسارة ينحدر الفن اللبناني لهيك مستويات.......يمكن في ازمة اقتصادية بلبنان والفنانين ماعاد لقيو حق ثياب؟؟
يعني لو اشتركت بعرض ازياء كنا قبلناها اما تتسمى علينا مطربة وفنانة ونضيع وقت ونسمعها بتصور مو مقبول ........
خسارة ..الفن ببلادنا يصير بهيك مستويات ..........
ايمتا رح نصير نسمي الاشياء بمسمياتها .......قولكن عادورنا والا بعد شي ميت جيل ........وبنقول انحدر الذوق الفني عند جيل الشباب ........بالله قدام هيك منظر شو رح تفرق الكلمة والا اللحن خاصة اذا غنجت معهن شوي..........وياريت اذا حدا فيكن بيقدر يحصي كم موبايل كان عم يصور غير الكاميرات ........
خسارة الفن.........
Posted by: سيلفانا خوري
نـظـراً لغـلاء القماش في الأسـواق ِ
فضلت هيفا كل ماهو لامع ٍوبرّاق ِ
حتى إذا صـم ّ الآذان نقيقَ صوتها
كان في الجسد ِ للعيـون تـرياق ِ
متل ما تفضلتي دكتورة مريم ..هيفا فنانة استعراضية لا أكثرومن المرجح او الاكيد بهيك سهرة ما حدا سائل عن صوتها اوعن الطرب.. الرجال رايحين يتفرجوا على بوس الواوا 
والنساء رايحين يتفرجوا على رجب حوش صاحبك عني...
بس ياترى مين الاعقل الرجال ام النساء؟؟؟
Posted by: RUSHA AWAD
هلأ انتن يعني حسد ولا ذيقة عين؟؟؟؟
يعني المخلوقة حبت تستقبل السنة الجديدة باللون الأبيض ووقت نزلت عالسوق مشان تقطع قماش وتخيط حبت نوع بس ياحرام مافي يكفي فستان كامل ومشان ماينكسر خاطرها قررت انو تجيب هالموجودات عند صاحب المحل واللي بيطلع منهن بكون مليح. هاي بدال ماتقولو الحمدلله طلعوا بكفو ل.....؟؟؟؟؟؟؟ وهاي هيي كل القصة
بس عتبي عليكي يا سناء , انو يعني لو انو كانت الصورة مرفقة بصوت او بمقطع كليب من هالحفلة كان حدا بيزعل.
مع حبي واحترامي
رشاعواد
Posted by: الساحر روني
يعني والله ما بعرف شو صاير لذوق الشباب يا عالم لك لو أعجبو بهيفاء وهبي قبل 15 سنة أو على الأقل قبل عشر سنين لما كانت بتمثل دعايات لبلعناها و قلنا ماشي الحال بس ما عجبو فيها الا هلء بعد ما ختيرت و صار عمرها قد عمر الشحرورة لك لأ لسا صوت الشحرورة حلو يعني في كلام في مغنى في معنى مو متل هي صوتها متل القطة و هي عمتولد و أغانيها ولي شو بدي أحكي عن أغانيها مهزلة مصخرة و الله قليل على كل حال متل العادة بقول كل واحد حر و هو رأيو
Posted by: Desert rose
شهد فندق الموفينبك في العاصمة اللبنانية بيروت ليلة راس السنة ارتفاعا حادا في درجة الحرارة وقوة الجاذبية، حيث احييى السهرة كل من النجم وائل كفوري والحسناء هيفاء وهبي..وان ذكر اسم هيفاء وحده كفيل بان يفسر ما حدث ليلة الحفل!
هيفاء تزينت بعدد كبير من سلاسل الؤلؤ وتصميم للقماش اشبه بان لا يكون فستانا! فقد ارتدت ما كشف من جسمها اكثر مما غطى بكثير، واعتبر "فستان" هيفاء مثيرا جدا وقد تسبب لها بمشكلة عندما قام أحد الحضور بالتحرش بها على المسرح لكن العواقب كانت سليمة!
ويبدو ان الفستان اثار حماس الحضور خاصة من الرجال فقد صفقوا لها وشاركوها الغناء، ولم يفوتوا فرصة التجمع حولها كالدبابيس حول المغناطيس لالتقاط صورة "من العمر"..
أخ مقدومي... بتصوري هيفا مابتعينها بس أكيد قاصدتها
دكتورة مريم ...أتعودنا على هيفا بثوب العراء متل ما أتعودنا عالوضع العربي والأهمية للأقدمية 
سيلفانا ...كلامك الممزوج بين إعجاب العنصر النسائي والعنصر الرجالي صاب الهدف والدليل هالصورة اللي بتظهر هيفا مع أمها .
يارشا فستان أبيض عن فستان بيفرق كتير ...طيب عطيني رأيك بفستان شمس الغنية نجوى كرم ليلة راس السنة 2007؟؟؟
الساحر روني ...إذا صوتها متل القطة اللي عم تولد وعندها آلاف المعجبين من الشباب ...فكيف إذا كان صوتها حلوا ...الهيئة بجد ختيرت مشان هيك ماعد تحرز تكون من معجبين هيفا
إنشالله ماتكونوا نسيانين مين صاحب الموفان بيك عالشواطى اللبنانية
أحم أحم
زهرة الصحراء
Posted by: الساحر روني
يا ستي و بالناقص أني كون من معجبي هيفاء أصلا مين قلك أني بنزل من مستوايي و بكون من معجبيها هادا اللي ناقص و الله أما مسألة أني ختيرت فهادا السؤال بالذات بسألك ياه الك شخصيا أنتي شو رأيك هههههههههههههه أما مسألة أني بحرز و لا لأ و رغم أن الموضوع ما بظن بيخصك بس حابب قلك و حياتك بحرز أكتر بكتير من اللي ممكن تتصوري
Posted by: Desert rose
الحق معك سوء بالفهم ....بسيطة ....مع انو حضرتك كمان أسأت الفهم
زهرة الصحراء
Posted by: matrex
صحيح انا عضو جديد معكم لكن اسمحولي عبر عن رأيي...........
اي دخيلا هيفا شو بتنحب دخيلا هههههههه
اكيد احسن من جاد شويري يلي اجا على حلب وحضرتو براس السنة....يعني مالو علاقة
هيفا على الاقل بتنحب
بتنحب بس مالها علاقة لا بالفن ولا بالغناء ولا بالجمال............
تحياتي العميقة لصاحبة الموضوع على هل الموضوع الحلووووووو
Posted by: a_aroush
نظراً للشغف الكبير اللي عم نلاحظه عند الأعضاء لسماع أخبار هيفا وهبي , سمحولي طالب الإدارة بتخصيص منتدى خاص لهيفا .
أول مرة بشوف موضوع بيحرز على عشر ردود و أكثر من 500 قراءة بيوم واحد .. و لسا ما خلص , بظن هالشيء بيثبت أن الكل مهتم فيها , حتى لو كانوا من الناقدين الها و الما بيحبوها , عم نلاقي أن صعب يتجاهلو المرور على مواضيعها , الإدارة و المشرفين و الأعضاء القدامى و الجدد ... سمالله .
فبرأيي تخصيص مثل هيك منتدى رح يجيب أعضاء كثار .. أو خلوني قول زبونات كثار عالمنتدى .
Posted by: Nada1981
مرحبا جميعا
انا بضم صوتي لصوت عبدالله لفتح منتدى جديد اسمه منتدى هيفا بس رح ازعل كتير اذا انا ماكنت مشرفة المنتدى بحيث انه حضرتي من متابعين اخبار هيفا اول بأول 
مابعرف ليش فئة من الشباب بترفض فكرة انها تكون من المعجبين بهيفا مع انها عنجد بتنحب ( طبعا لشكلها ما لصوتها )
انا برجع و بقول رأيي بهيفا ما تغير و انا عن نفسي بحب احضر هيفا لانه بحب غنجها كتير
تحياتي
ندى
Posted by: merellaa
مو معقول انا عنجد لهلق ما عم صدق انو في هيك انسانة
واللي ما عم صدقو اكتر انو في هيك شعب بيحبوا هالانسانة وبيزقفولها وبينطربوا لصوتها
بس يا خوفي انون عم ينطربوا لشي تاني مش رح قولو
ايه دنية عم تمشي بالمقلوب
ربي يحميكون
ميمو
Posted by: الساحر روني
شباب قبل كل شي بحب طمنكم أنوا أنا و الصديقة سناء الأن أكتر من سمنة على عسل و اللي صار مجرد سوء تفاهم حيث شنينا حرب كلامية على بعض من خلال الرسائل استخدمت فيها جميع أنواع الخضروات من بندورة الى بصل الى برتقال و خضرة يا بلادي خضرة بس الأن كل شي انتهى و أنا سعيد و مسرور بصداقتي مع العزيزة سناء و يمكن هي عفوية و طيوبة أكتر من اللازم و أنا متسرع و عصبي أحيانا كمان أكتر من اللي لازم على كل حال اللي مضى مضى و هلء كل شي صار صافي يا لبن هي فقط للتوضيح و سلامي و تحياتي سناء
بس كمان للتوضيح يعني من جهة مقابلة هادا مو معناتو أني غيرت نظرتي لهيفاء يا أخي أنا بعرف أنوا كتير كتير شباب بيموتو عليها بس أنا هيك عقلي بشوف غنجها اللي حكى عنوا البعض مجرد تكلف و تصنع مقيتين و ماني حابب كمل احتراما لمشاعر الأصدقاء في المنتدى بس متل ما قالت الصديقة العزيزة merellaa الدنيا ماشية بالمقلوب و في شعر كتير حلو كان أستاذي العربي أيام البكالوريا الله يرحم يقولوا أو هو بيت واحد مافي غيرو يا أخي رهيب بس كمان ماني حابب قولو أيضا احتراما لمشاعر أصدقاء المنتدى اللي كلهم بيعزوا عليي كتير
أما أنتي merellaa عن جد ماشاء الله عليكي من العين كل يوم و كل رد بشوفوا الك بيزداد اعجابي فيكي أكتر و أكتر بجد ربي يحميكي و أيضا لكي سلامي و تحياتي
Posted by: Desert rose
بعد سجالات فنية سببها خلافات ذوقية وطباعية ....واللي أعتبرها الصديق العزيز روني الساحر شن لحرب كلامية ...وبين أخد ورد ...وموافقة وصد ...ومرة معك ومرة ضدك ...قدرنا نوصل للمرحلة اللي سماها الساحر سمن وعسل ...واللي أتكللت بتوقيع عقد صداقة عامة للمنتدى وصداقة خاصة لسناء بتمنى تدوم وأهلا وسهلا بروني!!!!!!! (( مع حفظ الألقاب ....مرقها تسلملي ياساحر ))
وهلق .....
منرجع لموضوعنا الأساسي ولراس السنة 2007 مع الفنانة هيفا "بالموفان بيك "ولفستانها الأبيض الإستعراضي "..ولكن قبل بدي أشكر كل اللي شاركوا بالموضوع عن جديد :
matrex...a_aroush...Nada1981....merellaa
رح كون صريحة وبتمنى مايساء فهمي .
الفن الإستعراضي فن قائم بحد ذاته ، وهوي واحد من الفنون الجميلة اللي بتضفي على هالسهرات طابع مميز وجميل وبتصعد أجواء الحفل بنسبة 100/100 ((شو موافقين
))
يعني أنا ماكنت بالموفان بيك ببيروت مع هيفا ..إنما كنت بمكان أقل من الموفان بيك بكتير وإحتفلت بعيد راس السنة بــمطعم صغير بالشام وعلى مستوى هالمطعم كنت حابة تكونوا معي تتشوفوا صاحبة الفستان الأحمر اللي أفتتحت الحفل ...أي لا هيفا ولا طل الخبر ..ولك بالقليلة هيفا عندها قامة ..عندهامقومات بتأهلها تكون فنانة إستعراضية أما فنانتا العظيمة فمابتملك شي من اللي بتملكوا هيفا ...ويامحلا صوت القط اللي عم يولد ...وبرضه قدرت تحصل على النجومية وتحيي أول سهرتنا الفنية (( فيكن تخبروني كيف ))
المغزى بأنو الفن الإستعراضي موجود وين ماكان ولكن نحنا نصعب نسجل على حالنا نقاط فيها خسارة ألنا لذلك منلزق كل فن متدني بالفنانيين الإستعراضيين اللبنانيين ...الله يسامحنا ...ويلا الله بيعين .
المهم وبالمختصر .
أنا متل ندى بحبها لهيفا ..الصبية مهضومة وحلوة ومهنتها متل أي مهنة إجتماعية بحاجة لتقنيات ولمفهوميات ولأدوات تتقدر تنجح بالحياة وتحوز على لقب (( أجمل فنانة إستعراضية للسيدات )) ومابتصور حدا بيقدر ينكر نجاح هيفا بكل المجالات .
س: بتحبوا تشوفوا ياجماعة فنانتنا اللطيفة صاحبة الفستان الأحمر ...وقتها صدقوني رح ترحموا هيفا..خبروني اذا بتحبوا ؟؟؟
زهرة الصحراء
Posted by: hosam abdulaziz
مرحبا جميعا
انا بس حابب علق عشغلة لفت الها الساحر روني
انه اذا بندقق بوجه هيفا بنلاحظ وجود بعض التجاعيد اللي يبدو و مثل ما قال انه سببها التقدم بالعمر
فما بعرف هل هو فعلا هيك ام انه الصورة بتغش و خصوصا رقم 2
اما فستان شمس الغنية بتصور ما في حكي عليه كثير و امر طبيعي نشوف هيك فستان حتى بسهراتنا الزيدلية.
و شكرا سناء لصورة شمس الغنية .
Posted by: Desert rose
مع أني مش حابة أعطي الموضوع كتير أهمية بحيث الصديق عبدلله حسيتوا مش كتير عجبوا موضوع كثرة الردود... إلا أنو كنت لازم أنا كمان قول شو اللي لفت نظري .
اللي لفت نظري أنو صرتوا تصنفوا صبية بها الجمال وبعمر هيفا أنها سيدة متقدمة بالعمر .
مع أنو مافي مشكلة بهيك تصنيف ..المشكلة من أنكم عم تتهربوا من حقيقة جمال هالإنسانة مع وضع كل صفاتها التانية على جنب .
أما الملفت أكتر هوي :
الوقت اللي دققتوا في بصور هيفا تتقدروا تشوفوا التجاعيد اللي كان سببها الصورة أكيد .
وهلق ... وللجميع بوجه تحية كبيرة مع تمنى من القلب بأنو تبقى زوجاتكم مستقبلاً وبالتألق فقط متل هيفا عند مايصيروا بنفس العمر يعني بين 33 والــــــ35
ودمتم سالمين
وشكرا عن جديد لكل اللي كتبوا بالموضوع
ولكل اللي عجبهم أو ماعجبهم الموضوع
ولكل اللي بيحبوا هيفا.. وكمان للي مابيحبوا هيفا
وتكرم حسام ....صح منشوف متل فستان نجوى كتير بسهراتنا الزيدلية
....ونصيحتي ألك تجيب هيفا على عرسك ....وعلى مسؤوليتي مش رح تقشع التجاعيد لاأنت ولاغيرك
بلغي كل مواعيدي
رامي عياش وهيفا
زهرة الصحراء
Posted by: الساحر روني
بشكرك عزيزتي سناء لأنك طرحتي نقطة في غاية الأهمية و أجد أنني يجب أن أوضح
وجهة نظري
يعني متل ما حضرتك حكيتي أنو الأنثى لما تصل لعمر ال 30 أو حتى 40 أو حتى
أكثر من هيك و لما تبدأ التجاعيد تظهر عليها يعني بتكون الوحدة فقدت جاذبيتها و
مصدر اعجاب الرجل بها يعني لما الرجل بيتجوز الفتاة لما يكون عمرها عشرين سنة
بيكون ميت فيها و هي مالية عليه حياتو و بس يصير عمرها فوق ال30 بيبطل يكترث
فيها طبعا لأ و بعتقد أنك فهمتي كلامي غلط لما حكيت عن اعجاب البعض بهيفاء بعد ما
صارت ب 30 و هون بالذات يجب أن أوضح وجهة نظري حيث بالتأكيد من المنطقي
أنوا هيفاء وهبي لما كانت بال 22 مثلا أكيد من ناحية الجمال و اثارة الإهتمام بجسدها
ستكون أكثر منها الأن صحيح بعض البنات يكتمل جمالهم في الثلاثينيات و يكتسبون
روعة و جمالية ملفتة بالأضافة الى الإتزان الذي يضفي جمالا ورونقا لكن أنا الأن أتحدث
حصرا عن موضوع الإثارة بالجسد و المياعة لأنو موضوع هيفاء اللي نحكي الأن فيه هو
هيك مشان هيك أنا كنت مستغرب بسؤالي أنوا لما كانت هيفاء ب 20 ليش ما كان حدا
سائل فيها و ما حدا قايمها من أرضها و هلأ صار الكثيرين بيعشوقها و بيموتوا عليها و
الجواب ببساطة هو كلام الأخت ميرييلا أنوا الدنيا كلما تقدمت كلما عمتمشي بالمقلوب و مو
معناتو هادا أنوا الإعجاب بهيفاء بعد ما صارت فوق ال 30 هو المقلوب لأنو أنا متأكد
الأن بهادا العصر لو كان عمرها 20 لكان الشباب ماتو عليها أكتر و أكتر وهناك الأن متل ماقلتي مليون واحدة متل هيفاء و كلو ماشاء الله أخد حقو وزيادة بس المقلوب
أنوا اهتمام البشر للأسف صاير سطحي أي صارت الأولويات هي الأكل و الجنس
و النوم و راحت كل الأشياء المفيدة و القيمة و المسلية و الممتعة بجد بشربة مي و دبلكة وأنا لا أقول مثلا هنا
محاضرة و أقطع بنصيب الشباب بس يعني لا تطخو لا تفزر مخو أرجو أن تكون الفكرة
وصلت و أن لا يكون أحد قد انزعج من كلامي مع العلم أنو لو كانت هيفاء بالذات بالعشرين أو حتى بالمية هي ما بتعجني يعني كل واحد عندو ذوقو يا أخي يعني مثلا أنا بشوف أنوا هيفاء ما بطلع مثلا نقطة ببحر نيكول كيدمان مع العلم أنوا عمر نيكول كيدمان 39 و هيك بعتقد تماما وصلت وجهة نظري اللي حبيت وصلها
تقبلو جميعكم تحياتي
Posted by: ABUODEE
يا جمااااااااااااااعة يمكن هاي هي التجاعيد الي قصدكم عليها
س انا مابيهمني تجاعيد>>>> الي بيهم المضمون
دالع ودلع ودلع
بس الي بدي اكدلكم اياه انو هيفا معررررروفة حتى بالهند
و فيروز او جورج وســــــوف او ام كلثوم ماحدى بيعرفهم غيرنا نحنا العرب
يعني لكل زمن في امبراطوووور ولكل امبراطوووور في الو زمن
وبووووووووووووووس الوووووووووووواوووووووووووا
Posted by: sulieman safar
أه يا مغشوش
.............بس الي بدي اكدلكم اياه انو هيفا معررررروفة حتى بالهند
و فيروز او جورج وســــــوف او ام كلثوم ماحدى بيعرفهم غيرنا نحنا العرب
شو بيعرفك بهالمعلومات لو ما كنت ملاحق هيفا من محل لمحل؟ وطلبت ايدها هذاك اليوم!
له يا خال , انا حسبت انو حسام بينغش................انه اذا بندقق بوجه هيفا بنلاحظ وجود بعض التجاعيد اللي يبدو و مثل ما قال انه سببها التقدم بالعمر
فما بعرف هل هو فعلا هيك ام انه الصورة بتغش و خصوصا رقم 2
ولكن كما يبدو انو هالجيل كلو مغشوش.
لهلق لفاق حسام انو رنيم كانت وما زالت وتبقى اجمل من هيفا؟
وبيقلوا ليش أنا وهالجيل ما بنتفق.
شي بيجنن.
سليمان
Posted by: moni_salloum
من منكم لم يسمع عن البرنامج المعرووف المترجم الكافي
صدر العدد الجديد منه بعنوان العاري حافي
للفنانة هيفااااااااااااااا بمناسبة راس السنة الجديدة
فهي تترجم بحركاتها ولباسها الكلمات والمعاني والاغاني
تترجم اغنية صباح
(يأمي طل من الطاقة وعلي دل من الطاقة وشلحلي فُل من الطاقة وغمزني وفَل من الطاقة )
الان عرفنا اين هي الطاقة كما هو واضح في صور السهرة
واغنية نصري شمس الدين (كل العشاق ينامو وانا سهران على الطاقة)
ياأخي معو حق بينسهر على الطاقة
كما انها احرجت الفنان عاصي حلاني بأغنيته الهوارة
(وبسحّاب التنورة ليش الفتحة من ورا؟)
الان لايوجد سحّاب والفتحة اصبحت من الامام
والان علمنا اين الواواااااااااااااا على قبال ما يصير الواوا بح
واخر المفاجأت من هذه الفنانة في هذه الصورة
>
<
>
<
>
<
>
على امل اكتشاف المزيد من المفاجأت في السنة القادمة
مع تحيات ابو ميشال
Posted by: عبدالله غول
عادي يا جماعه فستان هيفا مستر كتير هاد استر فستان عندها
وبعدين انتو سيبتو قضيه فلسطين ورحتو على فستان هيفا
Posted by: hosam abdulaziz
اقتباس:
|
وبعدين انتو سيبتو قضيه فلسطين ورحتو على فستان هيفا
|
طالما الموضوع منه هامك بالمرة انا بسجل موقف تعجب من كونك تركت جميع مشاركات المنتدى التي تحصى بالآلاف
و اخترت هالموضوع لتسجل مشاركاتك الأولى معنا ؟؟؟؟
اذا دل هالأمر علىى شيء , فهو انك من اول المهتمين بأخبار هيفاء.
اهلا و سهلا فيك معنا و ما تنسى تغير اعدادت الجنس من لوحة التحكم لأنه بجانب اسمك عميطلع صورة الفتاة بينما اسمك بيدل على انك ذكر (للتنويه فقط)
مرحبا بك معنا.
Posted by: dark angel
بجوز هيفا لما اجت لتدفع الفاتورة
لقت انها كتير كبيرة
فقررت انو تقص شوي من هون وشوي من هون
مشان تقل عليها الفاتورة
موقع زيدل سوريا حمص
..
خدمات تشات و
دردشة ...
أرشيف المنتدى
vBulletin Copyright ©2000 - 2008,
Jelsoft Enterprises Limited.
vB Easy Archive Final ©2000 - 2008
- Created by Stefan "Xenon" Kaeser
