مرحبا للجميع:
اسمحيلي انجيل هنيكي على المواضيع اللي انا شخصيا بحس بمتعة كبيرة بقرائتها وبكتابة ردود عليها .
بالنسبة الي وعن خبرة شخصية بلاقي انو طالما الانسان موجود مع عيلتو اللي هني الاب والام والاخوة معناتو قسم كبير من حجم كلمة غربة بينلغى لأنو مهما كانت العاطفة من القرايبين سواء كانو بيت الجد او غيرهن مابتعبي الفراغ اللي رح يتركوا غياب الاهل. حاليا رح احكي ضمن العلاقة مع بيت الجد اهل الام ومارح اتوسع اكثر من هيك, اني ربيت عند بيت جدي اهل امي لانو امي كانت تروح عالجامعة يعني كل ذكريات طفولتي كانت بين خالاتي ومع ستي وجدي ويمكن الحادثي الوحيدي اللي على طول بتذكرها من طفولتي وعمري كان اقل من خمس سنين هيي هالكم ساعة عند بيت جدي قبل ماتسافر خالتي على اسبانيا واللي هيي يمكن اكثر وحدي بين كل قرايبيني متعلقة فيهي بشكل كبير. بس اللي بدي وصلو انو وقت بيت الجد بحسسوا حفيدهن او حفيدتهن انهي من العيلة وبقولوا هالشي وقتها مستحيل يقدر الواحد مايتعلق فيهن او مايحس بحرمان بسبب البعد عنهن يعني بالنسبي الي صعب عليي انو ماحس بهالنقص العاطفي او الفراغ العاطفي اللي صار بعد سفري على اميركا بالوقت اللي كانو خالاتي يقولولي اني اخت الهن مو بنت اخت. بس لوضح رأيي بالنسبة لسؤال انجيل اني بلاقي انو في كثير امور ما بتتعوض ونحني هون عم نحكي عن مشاعر وعواطف مو امور ماديي ملموسي وصعب الاهل يقوموا بدورهن كأهل وبيت جد ووووو. وبكل الاحوال صار من الصعب انو نقدر نجمع بين كل شي بحياتني يعني صعب انو نقدر نأمن مستقبل مليح ونكون مع عيلتني وقرايبيني واصدقائني وكل الناس اللي منحبهن وبنفس الوقت ونفس المكان.
بس اني بخالف ندى بالرأي انو البعد عن بيت الجد بخلي الأحفاد الموجودين معهن أقرب من الأحفاد البعاد عنهن "كمان عن خبرة شخصية وبجوز هالشي بيختلف من شخص لشخص" لأنو مافي حدا بياخد مطرح حدا بهالحياة وخصوصا بموضوع المحبة والاهتمام والقرب والبعد مالو دور بهالموضوع لانو مبدأ البعيد عن العين بعيد عن القلب مابينطبق عالناس اللي منحبهن والهن مكاني بحياتني ودور كبير بتكوين شخصية كل انسان فيني.
بس بنفس الوقت الشوق والحنين بين بيت الجد والأحفاد متبادل وقد ماأني بشتاق لبيت جدي بتصور انو هني بيشتاقولي اكثر وبرجع بقول عم احكي عن تجربة خاصة وبجوز قلة عدد الاحفاد بيلعب دور كبير كونو اني واختي الحفيدتين الوحيدات غير اربع احفاد شباب غيرني يعني ممكن هالشغلي يكون الها دور بس مو كبير.
وختاما بحب قول انو اللي عاش بعيد عن حنان بيت جدو واهتمامهن خسر شغلي كثير مهمة بحياتو بس مابيعرف اهميتها لانو ماعاشها.


مع حبي واحترامي
رشاعواد

وصعي اشتقتلكن كثير واشتقت للكتابة بهالمنتدى الغالي

لم أعش هذه التجربه لأن ترتيبي متأخراً بين أفراد عائلتي لكني رأيت
تلك المعاني في عيون أبناء إخوتي وأخواتي عندما يجتمعون في منزل
أبي الذي يمثل لهم بيت الجد..

كنت أحس بحرصهم على المجئ وألمس رغبتهم في البقاء بيننا لأنها
الفرصه الأكبر للقاءهم ببعضهم وممارسة الحياة بصورة أبسط وبأنماط
حره بعيده عن الكثير من القيود..

ويساعد في هذا أيضاً أن تلك اللقاءات تتهيأ لهم في أوقات تكون بالنسبة
لهم فرص للتنفيس بعد فترات طويله قضوها بين عناء المدارس ومايبنى
عليها من نظام الحياة..

كانوا يمارسون حياتهم بيننا بأقصى حدود السعاده وكأنهم يحرصون
على إستغلال كل لحظه ليستمتعوا بها بالقدر الذي يستطيعونه..

وفي تلك الأوقات يكون هم أمي التي تمثل الجده بالنسبة لهم منصباً
على توفير كل ماتستطيع لإسعادهم والدفاع عنهم إن حاول أحد معاتبتهم
على أي خطأ من باب إيمانها بأن فترة بقاءهم محدده ومن المفترض أن
يسعدوا بها قدر الإمكان..

المؤلم في الأمر هو تلك اللحظات التي يواجه بها أولئك الأطفال واقع
المغادره والتي لايملكون فيها سوى الدموع التي يعبرون فيها عن
عن رفضهم للرحيل..

كنا خلال ذلك نمنيهم باللقاءات القادمه ونصورهم لهم قريبه وبأنها ستكون
الأجمل والأطول..

وتستمر الحياة ومن كان بالأمس طفلاً يتمنى البقاء في بيت جده
نجده اليوم أباً تفرض على ظروفه الإبتعاد وحرمان أبناءه من ذلك العالم
ونجده في الغد جدَّا يتمنى أن يجتمع أبناءه وأطفالهم حوله..


مع الشكر والتقدير للأخت أنجيل على هذا الطرح..

وللجميع تحياتي..