الارشيف - ستريت سمارت

Pages: 1

ستريت سمارت
(انقر هنا ان احببت مشاهدة الموضوع الاصلي بالالوان و الصور )

Posted by: imad_dahi

مرحبا ... كيفكون

حلفنا ما تقومو ..... انشالله كل شي تمام ...

اول شي بعتذر ع الغياب لي عم مر فيه اوقات بس خلو ببالكون انو انا ع طول معكم

بس حبيت اليوم قلكون شي يمكن ما حدا انتبهلو .....

برنامج ال ستريت سمارت ... عرفتوه شي ؟؟ لي عم تبثو قناة ال الانفينيتي كل يوم اربعا بالليل

لي حابب خبركون عن البرنامج هو انا احد اعضاء منتدى زيدل الحبيب هو مشارك بهالبرنامج والحمدالله لحد هلق عم يكسب نقط منيحة وبتمنالو التوفيق والربح والنجاح

مو بس لانو بيقربني ... من جهة امي .. بس كمان لانو عضو معنا وكان الو سطور جميلي بالمنتدى بس بسبب سفرو غاب عنا وطال غيابو وانشالله بيرجع ليكتب معنا

مايكل بينيامين ..... هو صديقنا الغالي ... واكيد البعض منكون بيتذكر هالاسم ...

ملف مايكل الشخصي

كتبو اسمو مرة بالرنامج مايكل ادوارد ..... ..هو ادوارد اسم ابوه ومش اسم العيلي

انا اقدرت شوف البرنامج اكتر من مرة باخرو ولا مرة صحلي شوفو .. لانو بروما بكون شغال وقت بيحطوه وبدي اضطر روح لعند رفقاتي تاشوفو
وهلق بسوريا بالصدفي لشوفو ... واحيانا بيتصلو اهلي فيي وقت بيكونو عم يبثو البرنامج
بلا طول سيري

بتمنى منكون تشجيع مايكل ... باي وسيلة بتقدرو عليها
يمكن فيكون تصوتو ... ..... مباشر عن طريق الموبيل او عن طريق النت .. او تتدعولو لحتى يقدر يحقق شي

مايكل بضل صديقنا ..هيك والا مووووو هيك

ما بعرف اذا انذكر شي عن هالبرنامج من قبل بالمنتدى وشكرا لاصغائكم

سؤال بايخ .... هلق هو اسم البرنامج ستريت سمارت والا سمارت ستريت ؟؟؟ لا تواخذوني عم اكتب والساعة هلق الخمسة صباحا ولسى ماني نايم
يالله منشوفكن

Posted by: نانو لولو

على فكرة أنا بعرفو منيح لمايكل وفي بيناتنا زمالة عمل

أنا من جهتي بتمنالو التوفيق بالبرنامج وبتمنى من جميعأعضاء المنتدى

يساعدوه اذا احتاج المساعدة

Posted by: imad_dahi

شكرا الك نانو لولو على مشاركتك الاولى على ما اعتقد بمنتدانا منتدى زيدل

وشكرا كمان على تشجيعك لاحد اعضاء هالمنتدى ..... المحبوب مايكل
الف شكر

كنت بتمنى المشاركة من باقي الاعضاء بس مو الهيئة ... مش حابين

عكلن ماشي الحال

منشوفكن

Posted by: maichel bengame

شكرا خال على الاهتمم بالموضوع ونشالله رح اكتبلكم اكثر تفاصيل عنه قريبا وشكرا اخ نانو
موقع لبرنامج عمادوووو
www.iamstreetsmarts.com

Posted by: maichel bengame

اخوتي واخواتي اعضاء وزوار منتدى زيدل
اعتذر عن غيابي وذلك لسبب سفري وانشغالي عنكم انا الان في دولة الامارات العربية مشارك[ ببرنامج تلفزيوني على قناة انفنتي هو برنامج ستريت سمارتس 2 ”ستريت سمارتس“ هو برنامج تلفزيوني واقعي يتم عرضه على شاشة تلفزيون إنفينيتي كل أربعاء وجمعة الساعة العاشرة والنصف مساءً.عدد المشتركين 16 مشترك ومشتركة من كل أنحاء المنطقة العربية (8 شبان و8 شابات) يقيمون معاً بحيث يتم فصل الشبان عن الشابات. يجب أن يتمتع المشتركين والمشتركات بمواهب عظيمة وبراعة في مجال الأعمال والتفاوض.
يتم تقسيم المشتركين الـ16 إلى فريقين للمنافسة فيما بينهم على 15 مهمة تُعطى لهم بشكل مكثف من قبل مقدمة البرنامج ”تالين"، أما الشخص الأخير المتبقي يحصل على جائزة نقدية بقيمة مئة ألف دولار أميركي. هذا البرنامج يتطلب الكثير من الذكاء وسرعة البديهة والقدرة على حل الألغاز...
يعتمد المشتركون على مهاراتهم الشخصية وعلى العمل الجماعي للفريق للفوز بالمهمة الأسبوعية. يفوز الفريق الرابح بالمهمة الأسبوعية بـ 10000 درهم.
درهم يتم توزيعها فيما بينهم، أما الفريق الخاسر فيتوجب عليه القيام بأعمال صعبة وشاقة كما أن مشترك واحد يتم استبعاده من الفريق الخاسر كل أسبوع من قبل رفاقه من الفريق نفسه. والإستبعاد يتم كل أسبوع خلال بث مباشرة على شاشة التلفزيون.
تُعطى المهمات الـ15 بشكل مكثف طوال 33 حلقة بحيث تكون ”تالين“ هي وسيطة البرنامج من خلال إعطاء النصائح واللوم والتوبيخ.
يشارك المشاهدون عبر الرسائل النصية القصيرة بالتتصويت لاستبعاد المشترك من الفريق الخاسر بالإضافة إلى تصويت لجنة حكم البرنامج الذي يشكل نسبة 50% من القرار النهائي بالإستبعاد.
وفي نهاية البرنامج يتبقى المشترك الأفضل ويحصل على جائزة البرنامج النقدية (مئة ألف دولار أميركي)

[i]اتمنى منكم ان تتابعوني في هذا البرنامج وارجوا منكم التعليق على الموضوع
ودعمي في حال خسر الفريق وذلك عن طريق التصويت
اهلي واقاربي في قرية زيدل وكل الاصدقاء ارجوا منكم متابعة الموضوع الان نحن في الحلقات الاخيرة وانا بحاجة لدعمكم
ولك كل الشكر خالي عمادووووو ولك ايضا اخي نانو ولكل منتدى زيدل
مايكل بنيامين
maichelddd@hotmail.com 009710504642939 www.iamstreetsmarts.coml[/size]

موقع زيدل سوريا حمص .. خدمات تشات و دردشة ... أرشيف المنتدى