الارشيف - يوم المغترب السوري

Pages: 1

يوم المغترب السوري
(انقر هنا ان احببت مشاهدة الموضوع الاصلي بالالوان و الصور )

Posted by: fr george massis

كثيرة هي الجاليات الإغترابية بالبرازيل فهناك الطليان والألمان واليابانين والصينين والهولندين واللبنانين ................................ ولكن بس نحنا صار في عنا يوم مكرس برزنامة البرازيل وهوي يوم 16 تشرين الثاني من كل عام يوم المغترب السوري .
هيك كان تعليق احد الصحفين بالجريدة الرسمية مهنئا ومستغربا عن هذا التكريم والتخصيص بظن أنو اصلو لبناني لكن غيران هههههههههههههههه
الحقيقة الفرحة كبيرة لكل ابناء الجالية وما بعرف اذا نحنا سباقين عن كل بلدان العالم لهيك تكريم يعني في بأوربا او اميركا هيك يوم مثلا لأنو ماشاللله كثار صرتوا أو عند العم سليمان باستراليا في شي من هل القبيل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لندخل بالجد هلق اعلن رئيس بلدية مدينة بيلوروزنتي القانون التالي يعين يوم 16 تشرين الثاني من كل عام يوم المغترب السوري تقديرا وتكريما لجهودهم الجبارة في كافة مجالات المجتمع البرازيلي والذي بموجبه يستحقون كل الحب والاحترام والتقدير.
وهون ما فينا الا ما نشكر الدكتور ليسيو كدر القنصل الفخري لسوريا على جهوده المبذولة في هذا المضمار لرفع رأس الجالية فهو أب حقيقي لكل فرد منا جازاه الله كل خير.
أما عن الآحتفال فجاري التحضير له على قدم وساق وسيتمك باليوم المذكور بحضور السفير السوري الدكتور علي دياب وجميع الشخصيات السياسية والحكومية في المدينة وسيتبعه في يوم 18 تشرين مهرجان ضخم في النادي السوري الرياضي تحيه اشهر فرقة موسيقيى بالمدينة وفرقة الرقص الشعبي العربية طبعا رح نوافيكم بالصور والأخبار اول باول.
والله معكم................................

Posted by: Nada1981

مرحبا جميعا

مبرووك ابونا جورج و مبروك لكل مغترب سوري بلبرازيل على يوم المغترب السوري و انشاءالله بيصير في هيك يوم للاحتفال فيه بكل الدول الي فيها مغتربيين سوريين.

اكيد بهولندا مافي هيك يوم لانه شوبدهم يلحقو ليلحقو. لمى بنمشي بلشارع يادوب نشوف هولنديين والباقي كله اجانب, هيك اذا بدهم يخصصو يوم لكل جالية بدهم اكتر من 365 يوم بلسنة

تحياتي

Posted by: Desert rose

هيدا اللي شاطرين في بس
إعلان 16 تشرين يوم المغترب السوري
يعني هالمغترب المعتر شو رح يجي من هيك إعلان إلا شوية نفخ بالونات وتطييرها بالسما .
لو قلتلي أبونا إعلان 16 تشرين يوم المغترب اللبناني كان فيها ومافيها ...يعني في فرق كبير بين هالمغتربين .

بمعنى ربع المغتربين اللبنانية هربوا يآخر فترة من الحرب اللي كان سبب للفقر وتحميل الديَن .
بس من ليه عميهربوا السورين ليصير أسمهم مغتربين ويحملوهم جميلة بتخصيص هيك يوم
بعدين هالتاريخ مش مناسبة بس لتذكرينا بها الحركة الإغترابية .
ماتنسوا بأنو نفس هالتاريخ بيثائب الحركة التصحيحية .

زهرة الصحراء

Posted by: fr george massis

اكيد مانا نسيانين ذكرى الحركة التصحيحية والإخيار موفق لليوم
بس شو هالأعذار يا ندوش التكريم مو من الكثرة الجاليات هون في اكثر من عندكم بكثير ويمكن المغتربين يلي اجو على البرازيل قبل ما يكون في شي اسمو هولندا ............
والتكريم هوي ثمرة تعب وجهد وسمعة حلوة وتقدير ما ننسى انو التكريم من مجلس الشعب وبلد ديمقراطي يعني شغلة كبيرة
وبعدين ماتنسوا انو البرازيل 185 مليون نسمة قد 3/4 اوربا ما هيك فيالله روحوا اعملولكم شي عمل مهم بلكي بيطلع شي ابن حلال بيرد عليكم..................
والله معك.................

Posted by: Nada1981

مرحبا مرة ثانية

يعني ابونا طيب اذكرلنا شي شغلة عملوها السوريين بلبرازيل لحتى استحقو اليوم هدا

حتى نقدر نحاول نقلدكم و نحاول نطالب بهيك يوم مابس بهولندا, بسوريا كمان

تحياتي

Posted by: fr george massis

اول شغلة 11% من البرلمان البرازيلي من أصل عربي يا سوري يا لبناني
عمروا المستشفيات والنوادي الرايضية وبالبرازيل ما في حاجة نحكي عن الرياضة
أعظم الصروح العمرانية مثلا الملعب الكبير في مدينة بيلورزنتي المهندس المصمم والمنفذ هوي من زيدل وصفري كمان شفتي هههههههههههه
بنجي للنشاطات الإجتماعية فحدث ولا حرج عن المساعدات وهون بفضل اليمين ما تعرف شي عن الشمال ......................
وأكثر من هيك 100%100 من أبناء الجالية بدأً من الجيل الثانمي من حملة الشهادات الجامعية بدرجة امتياز وهذا لوحدوا بيرفع الراس وتكاد تخلوا جامعة بالبرازيل من اساتذة عرب سوريين
اي كمان قد ما دخلوا وتفاعلوا بالمجتمع عطوا حتى اللغة كلمات عربية مثل السكر والزيت والرز ............... الكبة والصفيحة وحمص بطحينة وكفتة .................
كلو مهم لأني يلي بيحفظ لغتي هوي يلي بيحبني وبيحترمني بتعرفي من يتزوج بعربية له شرف الصاهرة والفخر الكبير بسبب القيمة الكبيرة التي نعطيها للعائلة يعني كأنوا كلهم من سلالات راقية وعائلات عريقة وبنفس الشي بالنسبة للشب يفتخرون بصهرهم العربي
وشو ضل اكثر من هيك اسألوا يرد عليكم
والله معكم.................

Posted by: Desert rose

أبونا جورج مع أنك شحطتنا من الموضوع تندور على موضوع تاني إنما أعذرني مش رح أقدر ألتزم الصمت وضروري تجاويني إذا عندك فكرة شو رح يستفيد المغترب السوري بالبرزايل من تخصيص هاليوم ألوا ..
ما تكون الشغلة معنوية ؟؟
ماتبخل علينا وخبرنا !!
واللي أستغربتوا أكتر بردك إطلاق بعض التسميات العربية على بعض أصناف الطعام متل الكبة والصفيحة والحمص بطحينة !!!
ذكرتني بخالتي ميراي وهي آخر العنقود من بين 12 خال وخالة بالبرازيل .
فوقت أجت لزيدل من كم سنة كانت رح تجن لا ويمكن جنت كمان ...أي كلمة وحدة مابتعرف تحكي عربي ...لاكبة ولاغير كبة

ورجعت لديارها مزعوجة من ضغط الزيادلة لمحاولة تعليمها بعض الكلمات العربية ..lk فتوش ومكدوس وبيتنجان محشي وكروووووش .

أبونا جورج ....جدي زيدلي مش برازيلي ...يعني سوري .

شو بضل أو بفل أو بدك ترجع تشحطني...

زهرة الصحراء

Posted by: fr george massis

انو انت عم تقولي شو بيستفيد؟؟؟؟؟؟؟؟؟؟؟؟؟؟؟؟؟؟؟
معقول كل هالشرح يلي حكينا وهالتقدير الكبير ما بيكفي .............ولا لازم بلغة العصر يعني لكل مغترب شي شك ب1000 دولار اي شو هذا يا غادة هههههههههههههههههه
شو قد ما خنقتنا المادة ولغتها ما عاد في مكان للتقدير والحب والإحترام ..............
مدام الله يخليكي بليز ويا طوني دبرلي مرتك شوي شو الظاهر عم تثقل بال.............شوي
والله معكي..........................

Posted by: ورد الخال

أقدم تحياتي لأعضاء منتدى زيدل في الوطن وفي المهجر .إنها أول مشاركة لي بمنتداكم.لفتني هذا الموضوع واقبلو مشاركتي:
الجالية السورية تستحق هذا التكريم وبجدارة لما تقوم به من أعمال على كافة الأصعدة الاقتصادية و الاجتماعية والثقافية لإحياء التراث والسياسية الداعمة لسوريا الحبيبة .جالية أحب أن أسميها العائلة الكبيرة المتماسكة .أحب أن أقول لل desert rose أن المغترب لا ينتظر أكثر من هذه اللفتة المعنوية ,في هذا التاريخ يحتفلون ويعززوا العلاقات الاجتماعية التي صارت أقوى من علاقاتنا هنا.
أقول كلماتي هذه وبالأذن من أبونا .فأنا أعرف البعض عن الجالية لأن لي أقرباء من عائلة / جبرين / في برازيليا
تحيتي لك ولهم

Posted by: wajdy barakat

مبروك ابونا والله يخلي راسنا دوم مرفوع فيكن وبسيطكن الحلو .......

بس بتعرف خايف ما بكرا تصير الرزنامة على حسابكن ههههه ....او على حساب المغترب السوري بالعالم لانو اذا كل مغترب سوري بدولة معينة بيطلعلوا يوم معناها منقضيها عياد......

على فكرة في عطلة رسمية بمناسبة هاليوم والا لاء ههههه ...ودخيلك ستي حبسة (ام جبر) ضحتها شلون بالله مو معبية وجهها البشوش هههه ....

هلق عن جد مبروك وهذا شرف الني ولك مغترب سوري بالعالم وخصوصا بالبرازيل .....ومبروك الك خصوصي وشكرا لنقل الخبر السار ...

موقع زيدل سوريا حمص .. خدمات تشات و دردشة ... أرشيف المنتدى