الارشيف - الكرامة.......مبروووووووك

Pages: 1

الكرامة.......مبروووووووك
(انقر هنا ان احببت مشاهدة الموضوع الاصلي بالالوان و الصور )

Posted by: mariam

ايه العظمة دي كلها آه يا كرامة يا ابهة ..........مبروك ابو شاكر
فعلها الازرق ثانية ....اربعة اهداف لم يكن احد ليتوقعها..........الكل توقع الصمود ولكن هذه النتيجة فاجات الجميع......
صرح مدرب فريق الاتحاد جدة انه يخشى جمهور الكرامة ..............
وفعلا كان نجم المباراة الاول الحارس مصعب بلحوس والنجم الثاني احد عشر لاعبا صمدوا كل هذا الوقت مع اهداف لن ينساها احد...والنجم الثالث لجمهور الكرامة...............
مبروك ليس بوسعنا ان نقول اكثر هذه اللحظة الان قد انتهت المباراة..........

Posted by: roddain

الله الله كرامة وسلام عليك ابو شاكر

مبروك لاحلى ادارة واحلى لاعبين واحلى جمهور بلعالم

مبروك لكل لي شجع معنا الكرامة ومبروك لكل شخص كان بلملعب والله انا بحسد كل شخص كان هناك لانها مباراة تاريخية وشرف لكل شخص حضر هل المبارة .

الكرامة قادر على صنع المستحيل و نهائي ابطال اسيا لم يعد مستحيل وربما كأس البطولة .

مبروك لناشئي سورية الوصول الى كأس العالم .
والف مبروك للكرامة زعيم الكرة السورية الوحيد .

Posted by: hosam abdulaziz

الف مبروك للكرامة و لجميع عشاق هذا النادي
بالرغم ان المباراة لم تكن على مستوى تقني جيد من الطرفين لكن لكل فريق هدف واضح
الكرامة كان بحاجة لنقاط الفوز مع غلة وفيرة من الأهداف و كان له ما اراد
و لا ننكر ان الحظ وقف بجانب الكرامة في اكثر من مناسبة خصوصا العارضة و القائم
لكن بالنهاية الأزرق استحق الفوز باهداف كلها جميلة و خصوصا الهدف الثاني.
و لن ننسى ان نذكر ان الأزرق اهدر ركلة جزاء في اواخر الشوط الأول.

المباراة القادمة ستكون يوم الأربعاء القادم في مدينة حمص مع فريق القادسية الكويتي
نتمنى للكرامة تحقيق نتيجة طيبة في مبارادة الذهاب حتى لا تصعب المهمة في مباراة اللأياب في الكويت

مبروك الكرامة مبروك حمص و مبروك لسورية

Posted by: Nada1981

مبروووووووووك للكرامة و مبرررررررروك لسوريا كلها

التأهل للنهائي اكيد كلمة مانها سهلة و لقب بطل اسيا صار قريب من الكرماوية

انا حضرت المباراة من اول ثانية لاخر لحظة لمى صفر الحكم وقتها بس لحتى قدرت اخد نفس

الشغب الي صار بلملعب كان مرفوض تمام لهيك بنقول للعابين الحمدلله على سلامتكم و انشاءالله بيطلع الجمهور السوري و الفريق الكرماوي سالم من الملعب و يرجع لبلده سالم غانم.

مبرووووووووووك كرامة و مبرووووووووك لحمص كلها

ملف مرفق 2347 ملف مرفق 2347 ملف مرفق 2347

Posted by: mariam

فعلها ....فعلها مرة أخرى رغم انها كانت مباراة صعبة لانها على ارض الخصم ومن الخصم هذه المرة فريق القادسية الذي شهد له الجميع بالذكاء في اللعب مع اي فريق............لكنه الكرامة انه الازرق مرة أخرى ....رغم كل الظروف فقد امتعنا واتلف اعصابنا ما قام به اهل الدار لكن يبدو ان مفاجأة الحضور الكبير من مسؤولين وجماهير مع فريق الكرامة غير المعادلة حتى عند الجمهور..........الف مبروك .......بس ما يطلع حسام يقللي المباراة مو قد المستوى ويمكن نجحوا بغلط من القادسية لا تعملها حسام هالمرة مارح نسكتلك يعني الرد رح يكون مناسب......لا تتورط ......المباراة حلوة وممتعة وهيك كانت المباراة مع جدة السعودي اللي ما عجبتك..........
مبروك خصوصي لردين
مريم

Posted by: shadi

من كل قلبي بهني هاللعيبة الي بيضو وجهنا بالعالم العربي أولاً وبآسيا ثانيا . يعني عن جد الكرامة خلاّنا نعيش لحظات صرلنا زمان مستنينها .. وانشالله يكون النهائي إلنا بس لازم يعرفو انو الفريق الكوري منو سهل وكمان منو صعب واللي غلب بطل أندية آسيا (مرتين ) بنتيجة 4 /0 ممكن يعمل الي بدو إياه ....
ألف مبروك للشباب وانشالله تلاقي كرتنا المحلية الدعم اللازم للاستمرار والتألق .... ليش لأ وخاصة انو الحماصنة على طول عم يفاجئونا يوم الأربعاء.
النهائي ذهاب 1/11/2006
الإياب 8/11/2006

Posted by: roddain

مبرووووووووووووووووووووووووووووووووووك لسورية ولحمص ولكل كرماوي في العالم
هذا الانتصار الكبير
وشكرا لكل من قدم لي التهاني بـ انتصارات الكرامة كلها.

الوطن لكل والكل للوطن .
الكرامة للكل والكل مع الكرامة.

Posted by: hosam abdulaziz

اول شي بقول الف مبروك لسورية و حمص و فريق الكرامة
انجاز رائع و فوق العادة و خصوصا انه تم على ارض الفريق الخصم.
بالنسبة لتعليقي عالمباراة اكيد كانت رائعة بالنسبة الها كحدث اما كتعليقي كمستوى رح احكي بصراحة يا دكتوة و بدك تتحملي كلامي.
يمكن حبنا لفريق الكرامة و ذهولنا من الشوط الكبير اللي قطعه بهالبطولة بيخلينا نشوفه عميقدم مستوى رائع و ممتع بس خلينا شوي واقعيين.
لسوء الحظ مبارح تزامنت مباراة الكرامة مع مباراة اخرى في دوري ابطال اوروبة و جمعت برشلونة و فريق تشلسي
اكيد ظلم كبير نقارن بين الفريقين بالمستوى و اللعب.
بس المهم كانت معنا شباب جبرونا ننقل شوي هون و شوي هون بين المبارتين , يعني ما بكذب اذا قلتلك صرت اخجل اطلب منهم يرجعوا عمباراة الكرامة كل شوي لسببين:
لأول الفرق الشاسع بمستوى و طريقة اللعب.
من مبارة قمة في الأداء و تنظيم الصفوف , التمريرة بتم عبر الملعب من قدم الاعب الى قدم الآخر
بينما عند الكرامة باستثناء الربع ساعة الأولى و كم هجمة بالمبارة كان لعبهم لعب حارات بصراحة
تمريرات بالجملة بالخطأ , و اكثر من تمريرة تأتي اما خلف الاعب او بعيدة عنه عدة امتار
صفوف الكرامة فقدت التنظيم عدة مرات و خصوصا الدفاعية و اللي بيشوف الفرص اللي صارت امام مرمى البحلوص و لم تستغل من القادسية بيعرف شو عم بحكي.

السبب الثاني هو اضاعة الفرص الغير مقبولة منقبل مهاجمين الكرامة و اللي كانت بتحسم اللقاء مبكرا
و احداها تم عبر هجمة منظمة بشكل جميل و وقت خرج الحارس الكويتي و قام المهاجم بالتمرير لزميله و اللي بدوره سددها بالعالي
ووقتها الشباب من حبهم للكرامة قالولي ( شو حسام ناوي تجلطنا رجع عهذيك المباراة)
و حتى بآخر المبارة كان عدة انفرادات مطلقة بالحارس لم تستغل.

و بصراحة و انا قلتلها للشباب , لولا توفيق المهاجم عاطف الجنيات بهالهدف المبكر و اللي اتى من تسديدة بعيدة , بتصور المباراة كانت رح تاخذ منحى ثاني.

واسوء ما ممكن شوفه بهيك مباراة على مستوى نهائي آسية , انه فريق الكرامة من بعد الهدف و خصوصا بالشوط الثاني اعتمد اسلوب تشتيت الكرة و اللي انا برأي لا يليق بمستوى هيك فرق حتى لو ان من وراءه المحافظة عالهدف و بلوغ النهائي( عمنحكي عالمتعة الكروية و الأداء)
يعني مو معقول كل ما وصلت كرة للمدافع يقوم بتشتيتها بكل قوته للطرف الآخر للملعب,
و سلبيات هالطريقة هي تعرض الدفاع لعدة هجمات متتالية في وقت قصير من الزمن.
و شبهتلهم ياها بدفاعات الجيوش في الحروب القديمة.

بكل الأحوال الأنجاز تم و هذا الهدف
بس اللي ما رح يعجبوا كلامي بيكون بعده بينظر للكرامة و بيقبله كفريق متواضع المستوى و انه اللي عمله كان مجرد ضربة حظ.
بس اذا بدنا نتأمل انه المستوى الكروي للفريق تطور لدرجة انه صار يصنف مع الكبار فالكرامة بعد بينقصوا الكثير و بتمنى التوفيق الهم بالنهائي.

بخصوص جمهور الكويت اللي عمله امر طبيعي و لو العكس صاير و مع اهل حمص رح يعملوا هيك و اكثر و اللي حضروا مباريات الفريق اللي صارت بحمص بيشهد عهالشي مع انه اغلبها كان لمصلحة الكرامة , بس في حال الخسارة او خروج الفريق كنتوا رح تشوفوا غير شي.

السؤال اللي خط ببالي مبارح بالنسبة للجمهور , انه تدبرت معهم السفرة عالكويت ب 8000 ليرة
بس هلق عاليابان شو رح يعملوا ؟؟؟؟؟
معقول يعملوها الحماصنة و يشدوا عاليابان ؟؟؟؟؟؟؟؟
برافو كرامة رفعت راسنا و قلوبنا للعالي

Posted by: Nada1981

مرحبا جميعا

هلا معقول حسام تقارن بين المبارتين: الكرامة- القادسية / برشلونا- تشلسي

اكيد مافي مجال للمقارنة بين المبارتين. و مع هيك الكرامة ربحت و جمهورها فرح مثل ما فريق تشلسي ربح و جمهوره كمان فرح

انا طبعا حضرت مبارات الكرامة بس للاسف على القناة الكويتية يعني ماصحلي احضرها بلتعليق السوري الي كان اكيد رح يكون نقله غير شكل و خاصة بما انه فريق الكرامة كان متقدم بواحد صفر من الدقيقة 14

احلا احلا احلا شي كان بلمباراة لمى الطابة توصل عند اللاعب البرازيلي و المعقلي يقول: الاعب البرازيلي الكرماوي السوري هههههههههههههههههههههههههههههههه

( للاسف ماقال البرازيلي الحمصي هههههههههههههه )

تحياتي للجميع و انشاءالله الفوز يتحقق بليابان

Posted by: aziz m

اوك انا ما رح قول غير الف الف مبروك لللازرق الحمصي الي رفع اسم سوريا بالعالي ومثل ما قال الاخ حسام المهم النتيجة والكرامة بنهائي اسيا بالتوفيق ابو شاكر والفريق كلو قلوبنا كلها معكم وانشالله بترفعو علم سوريا بالعالي سواء كان بسوريا او بكين الله يكون معكم

Posted by: mariam

عا مهلك حسام السلم بينطلع درجة درجة ومو معناتو نطلب من فريق لسا ما اتنفس يكون بمستوى اوروبي وبعد شوي رح تقللي ابطال اوروبا هيك وابطال العالم هيك شو برايك هيك فرق مباشرة وصلت لهيك مستوى بس اسلوب التقليل من اهمية اللعب واهمية المحاولة مو بس فيه استهتار بالفريق وبالمحاولة بس بحب قلك انو فيه تجني مو شوي كثير يمكن ما حل ننسى بطولة كاس العالم وكثير مباريات كان تشتيت اللعب فن للربح وكثير نجوم بيضعوا طابات وكثير نجوم خسر فريقهن بسبب غلط دفاع او تسديد هدف عا مرمى فريقوا .............بقى يا حسام مابدك تشجع انت حر بس لاتطلب فوق طاقة الفريق باعتقد انو كلام مدرب القادسية اللي عندو خبرة دولية اكيد اكثر من الكرامة اشاد انو الفريق لعب احسن من فريقوا واعطاه حقوا فياريت حاج تستهتر بلعب فربق لسا عم يحط اولى خطواتو واتاكد انو جمهور الكرامة واللي هوي اللاعب رقم 12 في اي مباراة رح يلحق فريقو لليابان او الصين او الى كوريا اوالى اي منطقة ضمن امكانيتو........
برجع بقول كلنا فخورين بهالفريق اللي عم يعطي ويتعب ليقول هيههههههه نحنا هون سوريا هون الكرامة هون .............وحمص بالقلب عاطول ويوم الاربعا كان عيد عند الحماصنةواكيد هلق رح يصيرو ا السوريين كلهن يعيدوا الاربعاء............مبروك الكرامة....

Posted by: iyad tahhan

ألف مبروك لفريق الكرامة بالفوز بالمبارة وعقبال يبقى دائماً فريق الكرامة بالصدراة
مبروك لفريق الكرامة مبروك لسوريا مبروك لمديني الرائعة حمص فوز أبنائها
وشكراً شباب على نقل هذا الخبر المفرح لعشاق فريق الكرامة

Posted by: hosam abdulaziz

انا بس حابب صحح الخطأ اللي وقعت فيه حول مكان المباراة النهائية لفريق الكرمة و تشونبك هيونداي الكوري
الخطأ مصدره موقع الكورة و اللي في وقت سابق قريت انه المباراة النهائية رح تصير في اليابان (يعني مباراة واحدة)
بينما حاليا تغيرت هالمعلومة و تبين ان في مباراة ذهاب و اياب
الذهاب في كوريا في 1 تشرين الثاني الساعة 12 الظهر بتوقيت دمشق
الأياب في حمص في 8 تشرين الثاني

دكتورة مريم انا حطيت شعار الكرامة حد اسمي لتصدقي اني بشجع الكرامة و لا اتجنى على هذا الفريق
لكن باعتراف محبي النادي ال1ين حضروا المباراة ان الأداء كان متواضعا فنيا و السبب هو تحقيق الفوز و نقاط المباراة بغض النظر عن المتعة الكروية.

تمنياتي بالتوفيق للفريق بكورية رغم مخاوفي من تغيير طبيعة المدرسة الكروية التي سنواجهها هذه المرة.

Posted by: Nada1981

مرحبا جميعا

شباب هلا مباراة الكرامة قدرنا نحضرها على القناة الكويتية بس يوم الاربعاء وين رح نحضرها؟

اذا في حدا عنده اي فكرة اي قناة رح تنقل المباراة ياريت يخبرنا او اي سايت على الانترنت لانه للاسف القناة الفضائية السورية ماعندها الحقوق لحتى تنقل المباراة, لهيك النقل عم يكون على القناة الثانية على ما اعتقد.

يلا بلتوفيق للكرامة و لاتنسو الدعوات, مامن شان شي بس منشان نلعب ضد برشلونة هههههههههههههههههههههه

ياخوفي الحماصنة نفسهم ينسو حالهم وقتها و يقعدو يشجعو برشلونة, يلا لوقتها بنكمل الحكي

تحياتي للجميع و عم استنى رد منكم

Posted by: hosam abdulaziz

مرحبا ندى
المبارة اذا بكرة رح تكون بتوقيت سورية الساعة 12 ظهرا
و الأكيد منه انها رح تنقل عقناة دبي الرياضية اللي بتجي عقمر الهوتبيرد الأوروبي
و كمان قناة ابو ظبي الرياضية رح تنقلها بس ما عندي فكرة اذا بتجي عالأوروبي
بس هذول القناتين موجودات عالنيل سات و مفتوحات مجانا.

كل التوفيق للكرامة غدا .

Posted by: roddain

الكرامة اولا

الان لايوجد اي فريق بلعالم يشد انتباهي اكثر من الكرامة
فقصة الحب التي تجمعني مع الكرامة طويلة ومتينة ومستمرة الى الابد

وبتوفيق لكرامة سورية غدا

Posted by: Nada1981

مبروووووووووك للكرامة المركز الثاني و مبروك على تتابعه فوز المباريات كلها على ارضه و بين جمهوره الحمصي الكبير

بتمنى ماحدا يزعل على الكأس لانه وصول الكرامة للمباراة النهائية انجاز كبير لازم نفرح عليه حتى لو ما ضل الكأس بسوريا

الكرامة كبير والله كبير لو شو ماصار

ملف مرفق 2366

Posted by: mariam

مبروك للكرمة الفوز اليوم ومعليش مو المهم الكاس من اول مرة حتى ماتكون الاخيرة ........معليش الطريق بتبلش بخطوة واليوم حطوا اول خطوة .........
الف مبروك وانشالله بيكون حافز للكرة السورية لحتى تطور حالها وتمشي لقدام وتحاول تلحق بالدول الاخرى
الف مبروك للكرامة.........

Posted by: iyad tahhan

والله بعد هاللعب الحلو اليوم من فريق الكرامة مابقى يهمنا الكاس بيكفي أنو عنا فريق رفع راس جمهورو بحمص و بحضور رئيسنا لهل المباراة كانت فرحتنا فرحتين فرح بفوز الكرامة بالمباراة و المركز الثاني و فرحنا برئيس في ريعان شبابه يحاول أن يجعل من سوريا بلد له مركز قوي بين دول العالم فهنيئاً لسوريا بهؤلاء الأبطال و لنبقى دائماً نقول سوريا الله حاميها

ما أجمل الذكريات مع فريق الكرامة عندما كنا نسمع الأغاني المشجعة لهذا الفريق الرائع ولست أذكر منها إلا القليل عندما كان الجمهور على مدرجات ملعب حمص البلدي يهتف بصوت عالي

كرامي كرامي كرامي

نامي يا عيني و اتهني

بفوز الكراااااامي

والأغنية الأجمل حين كانت أغنية دقو على الخشب تعانق ملاعبنا الخضراء

دقوا عالخشب دقوا عالخشب

زقفي و زلغوطة يا حبايب

للمنتخــــب

بدنا كول هاتو الكول

يهز الملعب عرض و طول

و النصر انكتب

أي والله

دقو عالخشــــب

مبروك للفريق الأزرق مبروك لأبطال حمص مبروك لأبطال سوريا

للكرامة ألف مبروك

Posted by: Desert rose

اقتباس:

والله بعد هاللعب الحلو اليوم من فريق الكرامة مابقى يهمنا الكاس بيكفي أنو عنا فريق رفع راس جمهورو بحمص

شو بيهمك إياد ؟

اقتباس:

مبروك للكرمة الفوز اليوم ومعليش مو المهم الكاس من اول مرة حتى ماتكون الاخيرة

إنشالله مابتكون الأخيرة مريم !

اقتباس:

حلوا الإنسان يتمنى ندوش .....

اقتباس:

الان لايوجد اي فريق بلعالم يشد انتباهي اكثر من الكرامة

الآن لايوجد يعني ممكن بكرة يوجد ردين ؟

هيك العرب دايماً وقت يخسروا بيصيروا يتعللوا بالآمال ويرضوا بالقليل
خلص مش أصول
كل هالشد والقد عالمركز الثاني
جرسونا هالحومصية

زهرة الصحراء

Posted by: lamia

و الله المركز التاني مو قلييييييييييييييييييييييل بنوووووووووووووووووووووووووووووووووووب

Posted by: Desert rose

صح مش قليل المركز التاني
بس كتر الشد بيرخي لميا
صار فينا متل ماصار فينا وقت شدينا بألمانيا والبرازيل ببطولة العالم 2006
شدينا شدينا وبالآخر أنشدينا لبراااااا

فياريت مايزعلوا مشجعي الكرامة من اللي قلتوا
الحقيقة أوقات طعمها مر

يعني منيح اللي خسرت الكرامة لشفناكي لميا

زهرة الصحراء

Posted by: roddain

نعم خسرنا

وخسرنا كل شيء وضاع الحلم و ضاعت معه اجمل الايام واسعدها و لكن لا يوجد يأس مع الكرامة فهذا الفريق هو الاكثر اتزان على الساحة السورية منذ عشر سنين و وصول الفريق الى نهائي اكبر بطولة قارية اسيوية امر طبيعي وليس استثناء ولكن الاستثناء هو عدم فوز الفريق بلمركز الاول والمركز الثاني بلنسبة لي هو كلمركز الاخير ولا يعجبني قول وصول الفريق الى هذا الدور انجاز وقد قالها المعلق جوزيف بشور في ارض الملعب قبل التتويج وهذا الامر اثار جنوني لان طموحنا اكبر من المركز الاول .على كل حال كانت اجواء المبارة في الملعب جميلة وكان جمهور الكرامة كلعادة رائع فبعد ان اطلق الحكم أخر رصاصة في صدورنا معلنا بذلك نهاية المشوار حيث قام الجمهور بتصفيق للفريق الكوري الذي رد التحية للجمهور وخرج الجميع من الملعب يمشون في شوارع مدينة حمص والكرامة السورية وكانهم في جنازة و العزاء الاكبر كان فوز الكرامة الذي لم يخسر اي مباراة على ارضه .
شكرا للجميع وشكرا لفريق الكرامة ادارة ومشجعين .

وشكر خاص للرئيس د.بشار الاسد الذي كان على راس المشجعين للفريق .وكان هو اول المصفقين للفريق وهو يقف على منصة التتويج بعد ان تمة دعوة نادي اللكرامة لتتويج بلمركز الثاني .

Posted by: mariam

معليش ردين مو مثل ما قالت سناء بنرضى وبنعزي حالنا بس حلو الواحد يكون واقعي يعني اللعب كان بيرفع الراس وهاذ يعني انو المستقبل جاي المهم العالم عرف انو في اندية سورية ومغمورة ويمكن ماحدا سمعان عنها بيوم من الايام بيكفي انو العالم سمع فيها وشي بيرفع الراس ........معليش الكاس بيجي بعدين بس مو كل مرة فيك تقنع جمهور الكرامة باداء فريقو معليش انت بتعرف انو الجمهور بحمص قاسي كثير ........واليوم بتصور اول خطوة ورح تكون مشجعة لكل الاندية يعني بتصور فينا نتامل الاتحاد يرجع خصم لدود للكرامة ويمتعونا باللعب ونشوفهن بتصفيات عالمية واللي بيذكر ايام الثمانينات بيعرف كيف كانت المنافسة بيناتهن ......مبروك للكرامة ......والف الف مبروك لانهن بيستحقوا

Posted by: shadi

اهنىء من كل قلبي هذا الجمهور الرائع الذي واكب فريق الكرامة في معظم مبارياته وشكراً للدكتور بشار حضوره الرائع الذي زاد من لهيب التشجيع.
و قال المثل لكل جواد كبوة .. سيظل هذا الفريق اسمه مسطراً في تاريخ الرياضة السورية.... وانشالله الجايات أكثر من الرايحات.

Posted by: lamia

اقتباس:

يعني منيح اللي خسرت الكرامة لشفناكي لميا

لا انا عم طل كل يوم بس لا جديد هنا .... يالله لمي غراضك و امشي معي D:

بس لمعلوماتك المانيا و البرازيل ما طلعوا من كتير ما شديتو بس من كتر ما انا دعيت عليهم ههههههههههههههههههههههههه

Posted by: ذكرى وألم

مبـــــــــــــــــــــــروووووووووووووووووووووووو وووووووووووووووووووووووووووووووووووووووووووووووووك

موقع زيدل سوريا حمص .. خدمات تشات و دردشة ... أرشيف المنتدى