ياريت (زجلْ)

يا ريتْ فيِّ عودْ طفل زغيرْ..........وإحلمْ معكْ لوْ نكبر شويّـة ْ

يهبّ الهوى تا إحملكْ ونطيرْ........عَ جناحْ شيْ نسمة ْ ربيعيّة ْ

ويجيْ الصبحْ تا فيقكْ بكـّيرْ..............مثلْ النِديْ عَ مروجْ بريّة ْ

ومنْ حولنا يتسابقو عْصْافير........تملى المدى بألحان سحرية ْ

ونرجعْ سوى تَ نكمِّـلْ مْشاويرْ...إشتاقتْ لصوتْ قلوبْ منفـيّة ْ

شوْ ذنبنا تَ يدقدقو مْساميرْ..............بِ كفْ إيدكْ مثلْ إيديِّ

وتَ يكـَسّرو جـْنِاحاتنا تكسيرْ.........وتا يحرمونا رشفة ْ المـَيِّة ْ

هَيكْ إنكتبْ عَ حبنا التعتيرْ............يشقى مثلْ ورقة ْ خريفيِّة ْ

شو اتقلّبتْ تَ اتشبَّعتْ تغبيرْ.........واتخزقتْ عَ أرضْ صخريِّة ْ

مهما جرى بيناتنا وبِيصيرْ...............لا تزعليْ بتبقيْ بعينيِّ

دمعة ْ حزينة ْ مصبَّرة تصبيرْ......منْ صحوة ْ النسيانْ محميِّة ْ

****************************************