الارشيف - خبر تازة .......

Pages: 1

خبر تازة .......
(انقر هنا ان احببت مشاهدة الموضوع الاصلي بالالوان و الصور )

Posted by: seima

علمت من مصادر موثوقة بأن أحد شباب المنتدى سيدخل القفص الذهبي الأسبوع القادم وسيكون مفاجأة للجميع لعدم وجود أي شخص يتوقع خطوبة هذا الشاب وفي هذا الوقت بالذات
نتمنى له التوفيق وعقبال التمام بالخير وعقبال جميع العزابية من شباب وصبايا
خلونا نبلش نفرح بأعضاء المنتدى الطيوبين وانشالله يطلع الخبر صحيح
منخبركن الأسبوع القادم مع رفق صور العروسين ..............

الشاطر يحزر مين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Posted by: Nada1981

سلام مالي دخل مامتوقع او متوقع لازم تعزموني على العرس

انا مابعرف حدا لحتى احزر مين لهيك رح استنى

Posted by: seima

يعني مش معقول يللي عم بيصير الظاهر بلشت العدوى تسري بين اعضاء المنتدى .

وبلشوا هالشباب وهالصبايا ياخدوا بنصيحة العم سليمان بالامس خبرنا عن احد الشباب عم

يستعد لاعلان خطوبته واليوم سمعت انه في شب وصبية سيعلن خبر خطوبتهما في 15 آب يوم

عيدالسيدة بس يا حرام هل الشب المهضوم ما رح يكون موجود لانه ببلاد الغربة والمفاجئة انه من

طلابي فاقول للعروسين الف مبروك واخيرا سيتوج حبكما وان شاء الله الى الابد.

وهناك خبر اخر مفاجىء وهو ستصل احدى العضوات عن قريب لتلتقي باحد الاعضاء وسوف يتم

اعلان خطوبتهما ايضا واتمنى ان يكون الخبر صحيح .

اما ندى فانت تعرفين الجميع وعقبال ما نزت خبر خطوبتك عن قريب ان شاء الله وعقبال جميع

العزاببية والى اللقاء بكتير من هذه الاخبار الحلوة .

Posted by: sulieman safar

يا عيني على هالأخبار
يعني بصراحة لمن حدي بيحط أخبار من هالشكل بالمنتدى , من الضروري انو يحط شوية أدلة عن المقصودين على شان يساعد الأعضاء على الحزر.وعلى سبيل المثال : هالعضو بيحكي كثير, انفو طويل , روموانصي , طويل القامة واللسان ولكن بصراحة انا ما استفدت ولا شوي من أخبار الغالية سيما . ولكن رح حط الحسابات اللي عندي على شان شوف كني رح صيب أو خيب.
......... يا حرام هل الشب المهضوم ما رح يكون موجود لانه ببلاد الغربة
أكيد هاذ حسام لأنو بالغربي وفردو مخرطش من زمان ولكن ما عم يلاقي حدى يقبل فيه ولكن حسام غير مهضوم, يمكن حزري مو بمطرحو.
..............وهناك خبر اخر مفاجىء وهو ستصل احدى العضوات عن قريب لتلتقي باحد الاعضاء وسوف يتم اعلان خطوبتهما ايضا واتمنى ان يكون الخبر صحيح .

أكيد هاي السهورة على اساس انها جايي على الضيعة عن قريب ولكن ما عم تدور على عريس تحت اساس انو ما عم تلاقي عريس بيفهم بالطبخ.
.........اما ندى
حتى الحماصنة جاهن الدور.الله يساعد اللي بدو ياخذ ندى تحت اساس انو بدو يكون غضل معدته من كوشوك على شان ما يطق من كثر الضحك. بنفس الوقت ندى ما بدها تتجوز على اساس انو اللي ببيت اهلو على مهلو.
ما بقي الا عبد الله العرعوش . حابب يتزوج مرة ثانية ولكنو حرم من المرة الأولى.
بكل صراحة سيما , يا قوليلنا اسماء المقصودين أو لا تحطي أخبار من هالشكل بالمنتدى أما بدي احتاج لرفع اسمك للادارة.
خبر بفلوس بيصير بلاش.
سليمان

Posted by: a_aroush

سلام جيبيلنا من الآخر بلا حزازير , و خبرينا مين أحسن ما نضل نتحزر .

رحتي لعند سناء علمتك الحزازير ... اي شو نحنا بمن سيربح المليون !!!! طيب إذا حزرنا شو منربح ؟؟؟؟

المشكلة خايف لو قعدنا نتحزر غلط العالم تفكر اللي عم نتحزروا صح و تطلع اشاعات مانا فيها .

طيب خلينا نتحزر .

عضو مغترب

.... العم سليمان ؟؟؟؟

أنا بقول العم سليمان هوي اللي عم يدور على عروس ثانية .. بس المشكلة هاتي يتذكر شو بيسووا ليلة العرس ...

بكرا العروس بتقلوا : أهلي ما علموني شو اعمل ...

هو بيقلها : مشكلة .... و أنا نسيت . ههههههههههههههههههههه

Posted by: تامي العيسى

يعني يا جماعة سلام رح تجبلي الجلطة على هالحزازير المستحيلة الحل ......
يعني قولة عبدالله شو نحنا بمن سيربح المليون ؟؟؟
لك عالقليلة بمن سيربح المليون بيعطوك أربع احتمالات تنقي وحدة .....
هاي اذا ما حذفولك اجابتين .......أو استعنت بالجمهور
بس أنا اتصلت بصديق وهو سلام وما رضيت تجاوبني لهيك أكيد نحنا ما بمن سيربح المليون ..
ممكن نكون ببرنامج وزنك ذهب ؟؟؟؟ مع سلام اتأكدوا أنو كل شي ممكن .. ههههههههههه

Posted by: mariam

نصيحة شباب لا تدووروا بس عندكن في مغتربين بالدول العربية صحيح من فترة ما كنا نعدهن مغتربين بس اليوم صاروو مغتربين.......يعني اول الخيط العريس بالدول العربية...هههههههههههههه لا تقولوو لحدا اني عم غششكن

Posted by: sulieman safar

بدي قول انو مريم عم تحاول تضيعنا بزيادي أو تعمل انها بتعرف على شان يطلعلها شوية براطيل على شان تقلنا اسم العريس ولكن انا حزرت العريس ورح أعطيكم رووس أقلام:
منو كان طالب عند سلام؟
منو كان يوقع اسمو بالمنتدى مغترب من بل.........؟
اكيد كلكن عرفتوا عدى ابو عرعوش.
مع تحيات مغترب مهير العصاة
سليمان

Posted by: suher issa

يعني مسا الخير اليوم
من بعد المناقشة االطويلة بتوقع ان لازم تقولو من هون لان حارقلي قلبي عمي سليمان ما عم ينام وهو يفكر من الرح يخطب ودخلني بالنص وشاكك فيني
يعني معقول عمي سليمان ان اخطب وما قلك انا ولو؟؟؟؟؟؟؟؟؟؟؟
انت اول العارفين ولما رح اخطب اكيد رح قلك انت اول العالم مشان اخد رايك بالعريس ههههه
يعني ادا مو موافق اكيد ما رح وافق وانت وخالتي نهلا غاليين علي
بس انا مستحيل لان انتم ما رح تروحو على سوريا هي السنة ومعقول اعملها وانتم ما هنيك مستحيل
بس لقلك اليوم اجاني اميل حلو كتير بتوقع قرا جوابك وبعتلي اياه لان عملتلي سمعة ان انا الرح اخطب ورح تقطعلي نصيبي لهيك رح ادعي من الاميل الاجاني بلكي بيمشي الحال ههههههههههه
وهدا هو اسمعه يا صبايا العزابيات صلوا معي ههههههههه

دعاء من أجل عريس

يا مار فرنسيس ********** تبعتلي عريس
يا يسوع المسيح ********* يكون شكلو منيح
يا سانت تريز ********** يكون بحب الجواز
يا قديسة هيلانة ********* تكون جيوبوا مليانة
يا مار مارون ********** مايكون مجنون
يا عذراء العذارى ********* يكون عندو سيارة
يا مار متري ********** يكون عفكري
يا مار عبدو و لوقا ******** تكون قامتو >ممشوقة
يا سيدة حريصا ********* يقولوا حلو عريسا
يا مار الياس *********** يكون ابن ناس
يا قديسة ريتا ********** ما يكون متل الشيتا
يا مار وارطان **********يكون عندو وجدان
يا مار سمعان *********ما تكون عيونو عالنسوان
يا مار مرقص********** يكون بيعرف يرقص
يا سيدة العطايا ******** ما يكون عمل خطايا
يا جميع القديسيين ******** تسمعوني اجمعين
وتحوشولي هالعريس ********* عن قريب عن قريب
اليكم شكري اجمعين ****** الى دهر الداهرين
امين.....امين......امين

هههههههه
حلوة وبتمنا تتقبل صلواتكم بلكي منحطها بمنتدى المافية والجاسوسية

Posted by: سيلفانا خوري

حلو هالدعاء سهورة .. وانا رح ادعيلك ..

يامار مخاييل ****** لا يكون بخيل
يامار البيس *******شهر العسل بباريس
يا قديسة ثيوذورا***** يحب الطلعة والدورا
يا قديسة بربارة****** يكسب قلبا بجدارة
يامار بطرس******** بالقفص قلبا وقلبو تحبس
يا مار يوحنا********* يتحقق كل اللي بتتمنى

Posted by: lamia

اي و الله انا اللي ما بعرفكم كلكم حرقتولي اعصابي لاعرف مين رح يخطب هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههه
لا و انحرقت اعصابي على المساكين اللي انحرقت اعصابهم ليعروفوا مين هههههههههههههههههههههههههههههههههههههههههههههههههه ههههههههههههههههه

يالله قولوا بقى .... هههههههههه ===>>>> ما فهمت ليش عم اضحك كتير .... : )

Posted by: sulieman safar

يبدو من كتابة السهورة وسيلفانا انو بالفعل الله يساعد الشباب اللي بدهن يجوزوا بهلايام:

********* تكون جيوبوا مليانة ********* يكون عندو سيارة
********** يكون عفكري ******** تكون قامتو >ممشوقة *********ما تكون عيونو عالنسوان********** يكون بيعرف يرقص
****** لا يكون بخيل*******شهر العسل بباريس***** يحب الطلعة والدورا
يعني ويين رح تلاقوا شب بكل هالمواصفات؟ ما بعرف .

ولكن بنفس الوقت نسيتوا أن تذكروا مار رجب
يا مار رجب************ يجبلي كثر الذهب

ملاحضة لصديقنا لاميا:
في حال انو ما لقينا العروس والعريس رح نخطبك انتي ! على شان تضل الأخبار صادقة
ههههههههههههههههههههههه
سليمان

Posted by: suher issa

مساء الخير
من بعد المناقشة والحزازير الطويلة من رح يخطب
توقعاتي انا والعم سليمان بمحلها بس كنا نكزب الخبر لان قلنا معقول هل العضو المهضوم والصديق ما يخبرنا قبل سلام
بس الشاف حبابه نسا صحابه وهيك وعمي سليمان وخالتي نهلا وانا رح نقول لهل العضو الرح يخطب
مبروككككككككككككككك والله يهنيك يا رب وانشاءلله يتمم على خير
بس عرفنا العريس بس لسا العروس ما عرفنا انشالله تكون منيحة وحبابة متلك وتستاهلك
بكرا الخطوبة وانا رح بارك سلفا وادعيلكم بالخير والسعادة والحب الدائم
لان بتستاهل والله
مبروك صديقنا المقترب في زيدل

موقع زيدل سوريا حمص .. خدمات تشات و دردشة ... أرشيف المنتدى