الارشيف - نصائح عملية للمراهقات

Pages: 1

نصائح عملية للمراهقات
(انقر هنا ان احببت مشاهدة الموضوع الاصلي بالالوان و الصور )

Posted by: تامي العيسى

من برنامج فتاة مراهقة تعتمد برنامج غذائي مدروس وتحرص على ثوابت تترافق مع هذا البرنامج نقتطف الملاحظات التالية :

1- أزن نفسي مرة كل أسبوع لأتأكد من سلامة وزني .

2- أينما كنت أحتفظ بقنينة ماء الى جانبي وأشرب منها كلما شعرت بالتعب أو العطش .

3- لا أتناول أكثر من قدح صودا أو كولا في الأسبوع .

4- لا أخرج من المنزل قبل تناول الفطور الصباحي .

5- اشرب الحليب غير الدسم .

6-أمشي وأمشي كلما أمكنني ذلك .

7-أفضل تناول السمك واللحوم في وجباتي .

8-البطاطا المقلية لا آكلها أكثر من مرة واحدة في الأسبوع .

9- أستعيض عن السكريات وألواح الشوكولا بكوب من اللبن .
أتمنى أن تستفيدوا من هذه النصائح ..........................

Posted by: Nada1981

تامـــــــي

الله يسامحك خليتيني ابكي على حالي

هلا عرفت شو و وين و كيف الغلط الي صار معي من زمان ( زمان يعني من 15 سنة )

1- أزن نفسي مرة كل أسبوع لأتأكد من سلامة وزني .
هي كانت مستحيلة لانه كنت خاف اطلع على الميزان و زين حالي و عنجد يمكن لبين ماصار عمري 22 سنة لحتى تشجعت اني وقف على الميزان

2- أينما كنت أحتفظ بقنينة ماء الى جانبي وأشرب منها كلما شعرت بالتعب أو العطش .
ماكنت حب اشرب مي بس هلا بشرب مي قد 10 بس بعد شو?

3- لا أتناول أكثر من قدح صودا أو كولا في الأسبوع .
الكولا لهلا الشغلة الوحيدة الي مافيني بطل اشربها يعني صار معي حالة ادمان على الكولا, العالم بتفيق الصبح بتشرب قهوة او شاي او عصير و انا بشرب كولا

4- لا أخرج من المنزل قبل تناول الفطور الصباحي .
الفطور لهلا مابفكر فيه ولا بحاول اني فكر اني اكل الصبح

5- اشرب الحليب غير الدسم .
الحليب كله مابحبه ولا بشربه و يمكن هدا السبب انه الكلس عندي نسبته قليلة و لانه عم اشرب كولا كتير مفعول الحليب هيك و هيك مارح يأثر فيني

6-أمشي وأمشي كلما أمكنني ذلك .
انا ماكنت امشي كنت اركض و خاصة لمى كنت بفريق كرة القدم النسائي كنت العب رياضة كتير و خاصة انه كان عندي تدريب مرتين بلاسبوع و لعب المباراة كل يوم سبت يعني الرياضة هي الشغلة الوحيدة الي كنت اعملها كويس بفترة المراهقة

7-أفضل تناول السمك واللحوم في وجباتي .
انا مابحب الاكل و خاصة اللحمة

8-البطاطا المقلية لا آكلها أكثر من مرة واحدة في الأسبوع .
البطاطا كانت اكلتي المفضلة

9- أستعيض عن السكريات وألواح الشوكولا بكوب من اللبن .
السكريات و الشوكولا لهلا من الشغلات المفضلة عندي و بفضلهم عن الاكل و لهيك بعتقد مافي امل اني ترك العادة هي

شكرا تامي على الموضوع و بتمنى انه النصائح هي توصل لعدد كبير من المراهقات لانه الفترة هي بتكون من الفترات المهمة بتكوين جسمهم

تحياتي

Posted by: lamia

اقتباس:

4- لا أخرج من المنزل قبل تناول الفطور الصباحي .
الفطور لهلا مابفكر فيه ولا بحاول اني فكر اني اكل الصبح

هي انا كمان متلك ندى ما بفكر افطر و لا بجوع الصبح و لا بشتهي الاكل و لا شي

لا و الاحلى اني اذا فطرت باكل اكتر خلال اليوم !!!
فمن وين لوين الفطور ضروري؟؟؟

Posted by: George daboul

تحية للجميع
شكرا لك تامي لهذه النصائح ولكنني أضيف أنها تصلح للجميع وليس للمراهقات فقط
ومن تجربة شخصية أؤكد على ضرورة الابتعاد جدا جدا عن السكريات وبالأخص الحلويات وحتى أبسط الأمور منها مثل المسكة والدروبس ( العلكة والمصاص ) وإذا كان ولا بد فهناك أنواع خالية من السكر
وعذرا إن أخطأت

Posted by: كاترين

شكرا تامي على هالنصائح
بس اني اشرب الحليب كل يوم اشي مستحيل جدا لاني ما بحبو
وكمان اني ما اكل بطاطا بشكل شبه يومي كمان مستحيل
ورغم اني باكل شوكولاته وبطاطا بس انا نحيفة يعني ما بسمن

Posted by: bin9bin

1- أزن نفسي مرة كل أسبوع لأتأكد من سلامة وزني .

2- أينما كنت أحتفظ بقنينة ماء الى جانبي وأشرب منها كلما شعرت بالتعب أو العطش .

3- لا أتناول أكثر من قدح صودا أو كولا في الأسبوع .

4- لا أخرج من المنزل قبل تناول الفطور الصباحي .

5- اشرب الحليب غير الدسم .

6-أمشي وأمشي كلما أمكنني ذلك .

7-أفضل تناول السمك واللحوم في وجباتي .

8-البطاطا المقلية لا آكلها أكثر من مرة واحدة في الأسبوع .

9- أستعيض عن السكريات وألواح الشوكولا بكوب من اللبن

شوووكررا ليكي بس مو صعباااااا كتير

Posted by: sweet-w

مشكورة اخت تامي
أنا يمكن هدول النصائح هلق لبلشت فيهن
بس ما كون تأخرت

Posted by: gadshama

مشكور على هذه المعلومات
جزك الله خيرا
واتمنى من الله ان يساعد الجميع على عمل تلك النصائح

Posted by: تامي العيسى

لا تخافوا صبايا قدامكن كتير وقت لا تطبقوا هالتعليمات
بس يعني انو نستعيض عن الشوكولا والحلويات بكوب لبن ما فاتت براسي

Posted by: الملاك الثائر

شوفي عميمة تامي لقلك:

1- أزن نفسي مرة كل أسبوع لأتأكد من سلامة وزني .
من شي 3 او 4 سنين ويمكن اكتر ما وزنت حالي
2- أينما كنت أحتفظ بقنينة ماء الى جانبيوأشرب منها كلما شعرت بالتعب أو العطش .
اي هاي بعملا انا بشرب مي كتير وقنينة المي او الكاسة دائما جنبي قبل ما انام

3- لا أتناول أكثر من قدح صوداأو كولا في الأسبوع.

يمكن بالسنة كلها ما بشرب شي اسمو كولا

4- لا أخرج منالمنزل قبل تناول الفطور الصباحي .
كاسة حليب مع كاكاو او ميلو بالشتا وشوية فواكه او كاستر بالصيف (غالبا بفيق مباشرة للغدا بالصيف)

5- اشربالحليب غير الدسم .
دسم مو دسم ما بعرف بس بشرب نيدو

6-أمشي وأمشي كلما أمكننيذلك .
ما بحب المشي الا اذا كنا بنوصل بعد المشي لهمبرغر رومي او بوظة ميمار
7-أفضل تناول السمك واللحوم في وجباتي .
باكل كل شي واي شي ماعدا الكوسا والباميا والفاصوليا البيضا والكرسو

8-البطاطا المقلية لا آكلها أكثر من مرة واحدةفي الأسبوع .
اخ اخ لا تذكريني بالبطاطا امي ما بتحب البطاطا فما بتقليلنا بطاطا غير كل كام اسبوع ويمكن كل كام شهر (طبعا بوقت الجامعة ما باكل بطاطا ابدا لعدم وجود ال ماما )

9- أستعيض عن السكريات وألواحالشوكولا بكوب من اللبن .
لن اقبل
لن اقبل
لن اقبل
أتمنى أن تستفيدوا من هذه النصائح ..........................

Posted by: SAMMAR ZAIDAN

تامي وريجيم رزق الله ايام زمان

مرحبا تمتوم شكرا كثيييررر على هل النصايح الحلوة

- الميزان هوي اكثر عدو الي على وجه الارض وما بحب شوفتو مشان هيك ما بزين حالي غير اذا انجبرت روح على الدكتور.

-مشان قنينة المي شي اكيد وين من كان بتكون معي لانو عايشين باكثر محل في شوب بالكرة الارضية .

-الكولا ما بشرب اكثر من وحدة كل اسبوع لانو العصير الطبيعي اطيب .

-اي ما بطلع من البيت قبل ما اشرب ابريق متي وما بحياتي اكلت فطور .

-ما بشرب حليب الا بالشهر مرة .

-بمشي من باب البيت للسيارة ومن السيارة للبيت.

-اكل السمك واللحوم بالوجباب ممكن بس مو على طول .

-للاسف انو البطاطا كثيررر طيبي بس مع هيك ما باكل البطاطا المقلية اكثر من مرة بالاسبوع.

-هلق عنجد فيكي تشربي لبن بدل الشوكولا ؟؟؟
مافي اطيب من الشوكولا

بس ما سمعت نصايحك مشان عدة المتي وصحن البزر وmbc2 وغير هيك حدهن كتاب علوم او فيزيا دسم كثيرررررر ررررررر
هذول اكيد من مشاكل المراهقات كمان شو رايك؟

موقع زيدل سوريا حمص .. خدمات تشات و دردشة ... أرشيف المنتدى