الارشيف - فرنسا × البرازيل هل يعيد التاريخ ذاته ؟؟؟

Pages: 1

فرنسا × البرازيل هل يعيد التاريخ ذاته ؟؟؟
(انقر هنا ان احببت مشاهدة الموضوع الاصلي بالالوان و الصور )

Posted by: hosam abdulaziz

التاريخ 21 حزيران عام 1986
المكان مدينة جوديلاخارا في المكسبيك
الحدث:مبارة البرازيل × فرنسا في دور الـ8
النتيجة فوز فرنسا بنتيجة 4-3 بضربات الجزاء بعد انتهاء الوقت الصلي 1-1
سجل للبرازيل الدقيقة 17 كاريكا و عادل لفرنسا ميشيل بلاتيني في الدقيقة 40

وجه الشبه كبير بين تلك المبارة و بين هذه المباراة التي ستقام الليلة 1-7-2006 في المانيا بين نفس الفريقين
كلنا يذكر فريق البرازيل الذهبي و نجومه :

سقراط

و زيكو

و كاريكا و برانكو
و ايضا نجوم فرنس
ا كالحارس جويل باتس

و لويس فرنانديز و جيان تيجانا و العملاق ميشل بلاتيني

و اليوم لفرنسا حارس مخضرم هو بارتيز و نجم مخضرم هو زيدان و هداف قناص هو تيري هنري و ايضا دايفد تريزيغه
و للبرازيل ايضا رونالدو و رونالدينو و روبرتو كارلوس و كاكا

نقاط الشبه بين المبارتين:
ان البرازيل في وقتها كانت فريقا لا يقهر بنظر الجميع كما هو الآن
و ان لدى فرنسا كان هناك نجما في آخر ايامه الكروية هو بلاتيني , كما هو حال زيدان اليوم.
و حارس مميز لفرنسا هو جويل باتس كما حال بارتيز اليوم
فهل التاريخ سيعيد الكرة مجددا في لقاءات الفريقين ؟؟؟ اتمنى ذلك , لننتظر و نرى.

Posted by: a_aroush

اقتباس:

فهل التاريخ سيعيد الكرة مجددا في لقاءات الفريقين ؟؟؟ اتمنى ذلك , لننتظر و نرى.

والله ضحكتني يا حسام .. بتتمنى ذلك آه .. بس إذا طلعني بعدين مين بدو يكسرلكن هالمكنة المصدية بلكي بتجيبو غيرهي .

يا سيدنا تعا لقلك شو رح يكون أوجه الشبة بين المبارايتين .. بالمباراة الأولية فات سبع غوال ... بكرة كمان رح يكونوا سبعة .. بس توزيعهن رح يكون بغير نتيجة رح تكون 6/1 للبرازيل .

يا أما 5/2 و هيك بيكون التاريخ عاد نفسه بس لسنة 1958 بأول لعبة لبيليه بكأس العالم ... أنت وقتها ما كنت خلقان .

Posted by: تامي العيسى

يا حسام مع اني مع البرازيل بس بتمنى تخسر البرازيل أمام فرنسا ولا تربح مباراة متل اللي ربحتها ألمانيا على الأرجنتين مبارحة ............وليش؟؟؟؟؟؟؟؟
لأنو الحكم كان مع ألمانيا وهالشي كان واضح متل عين الشمس لأنو اللعب اللي لعبتوا الأرجنتين غير اللعب اللي لعبتوا ألمانيا .......

بس الألمان محظوظين من يوم الخلقو ......

بس انشالله التاريخ بعيد ذاته وبتلعب البرازيل وألمانيا بالمباراة النهائية (( متل المونديال الماضي )) وأنتو بتعرفوا طبعاً مين رح يفوز .........

Posted by: imad_dahi

hello from longtime
today , maybe brazil will win , maybe , but if brazil win , maybe nobody will say it was lucky
so plz when we talk , lets be good talker, yesterday Germany was not lucky , but Germany
played very good and we have wached the match
and today if Brazil win , i will say its lucky team hehehe

bass enshala ma tekhsar el brazil mishan ma n2oul eno kanet gher mahzouza o faransa kannet mahzouza
so good luck for france and brazil
and hard luck for Argentina and Ukraina
and germany will see how italy is italy in the next game

Posted by: Nada1981

عماددددووووو الحمدلله على السلامة وين هلغيبة هي

اليوم اذا البرازيل خسرت بيكون في سبب واحد بس الي هو انا

من اول ما ابتدا المونديال و الفرق الي عم شجعها انا عم تطلع واحد ورا الثاني بس المشكلة انه انا حاطة انه البرازيل رح تاخد كأس العالم لهيك حطيت لحالي خطة حمصية اصلية و رح اوهم حالي اني مع فرنسا و بس تخسر فرنسا برجع بشجع البرازيل مرة ثانية
احمص من هيك فكرة حمصية مافي ( احمص بمعنى حمصي )

عمادو انشاءالله مابتطول الغيبة علينا مرة ثانية و هدا اللينك منشان تكتبلنا بلعربي بدل السيرلانكي الي انت كاتبه

http://www.lakii.com/vb/arabicboard.html

تحياتي للجمع و بلتوفيييييييييق لفرنسا هههههههههههههههه ( بلشت بلخطة الحمصية من هلا )

Posted by: lamia

لا حمصية تمام و بلقب فخر كمان هاهاهاهاهاهاها
و الله شكلو التاريخ اعاد نفسه و فازت فرنسا على الرغم مناصابتها الطويلة بانفلونزا الطيور ههههههههههههههههههههههههههههه

بس لا تعزبوا حالكم المانيا اشترت الكأس و رح تشرب فيه مته قريبا خخخخخخخخخخخخخخ

Posted by: alosh66

التاريخ عاد نفسو بس هالمرة غير نتيجي
اليوم كانت النتيجي 1_0
لفرنسا بس والله حرام ليش طلعوا البرازيل
وكان ضروري هدا لاعب الفرنسي يدخل هدف
دخيل الله يعني
بس لو شو ماصار البرازيل بضل اقوى فريق بالعالم
مع انو انا مابفهم شي بكرة القدم
بس هدا راي (ماتضحكو علي)

Posted by: alosh66

انا اليوم لما فوتو فرنسا الهدف جيط صرت غني ونط وارقص
كل بالي انو البرازيل هني يلي فوتوا الهدف
هههههههههههههههههههه
ياحرام انا شو مثقفة ههههههههههههه

Posted by: suher issa

احم احم احم
عم ركز شوي شوي لاحكي لان والله ما بعرف شو بدي احكي لكل مشجعين البرازيل الغوالي معنا
يعني الله اخد بحقي على شان ما تتأخروا وتشمتو فيني
يعني معقول الطالع اسبانيا يطالع البرازيل الله كبيررررررررررررررررر
ما طول البسط معكم يا ابونا جورج نصيص ويا عبدالله يعني الشماتي رح ترجع لان ما فعلت علق بعد ما اخصرت اسبانيا لشوف كيف رح يكون الوضع
وجي اليوم وهو يوم من احلى يوم رح ترخوا هو خصارت البرزيل من فريق فرنسا الكنت مبسوطين فيه ان خصرت اسبانيا
يعني ما فيكم غير تحكو وتعلقو علي وم افيكم كنت تسكتو لتشوفو كيف رح تلعب البرازيل وفرنسا
بلشتو فيني يوم الخصرت اسبانيا
شماتي علننا بالمنتدى
مسجات واميلات على النت
مكالمات تلفونية شخصيا للشماتي
مسجات على الموبيل كمان شماتي
يعني من عدا شي كنت حزينة بلشتو فيني هههههههههه
بس الله اخد بحقي وانا هلق رح نام مرتاحة ان البرازيل رح ترجع للبرازيل سليمي
بس المشكلة عند كل الشجعوها وعدد كبير كتير
يعني والله الله بدو يقلكم اقعدو واسكتو احسن ههههههههههههه
بحب وجه تعزية خاصة وانا عم اضحك طبعا
لابونا الغالي جورج نصيص
عبدالله العرعوش الما قصر بلسانه ابدا
رشا عواد ابنة خالتي العزيزة القال اسبانيا فريق زفت هههههه
تمتومي ابنة عمي (يعني حرام تكوني ابنة عمي انت بتشجعي البرازيل لكن هههههههه)
وكل ما عزاني لما خصرت اسبانيا برجعلهم التعزية لان لسا ما قدمت الاسبوع لخصارت اسبانيا راحت خصرت البرازيل
بس خلونا نتفق ونقدم الاسبوع والاربعين مع بعض ومعنا ابونا جورج بقدس التعزاي ههههههههه
يعني انا بدي فش خلقي وبغدر احكي اكتر بس رح كون متعاطفة شوي وما احكي بقا
بس روحوا ناموا واحلموا احسن من ان تشجعو فريق متل هدا هههه
لكم فرحي الكبير اقدمه لكل مشجع برازيلي
ولكم طولة البقاء
هههههههههههههههههه

Posted by: Nada1981

صار لازم حط خطة حمصية اصلية اكتر من الاولى لانه خسراة البرازيل اليوم أكدتلي اني مصدر شؤم كامل على كل الفرق الي عم شجعها لهيك حطيت لحالي خطة خمسية قصدي خطة حمصية جديدة و رح بلش شجع المانيا هههههههههههههههههههههههه

Goooooooooooooo Germany

Posted by: imad_dahi

im here now to say HARD LUCK for Brazil
bel haz ma hek

yalla wassouna

Posted by: roddain

منذ المونديال الماضي وانا اقول مونديال المانيا لفرق اوربا .

ولكن مشجعي البرازيل كلعادة يرفضون هذه الفكرة ويرشحون البرازيل للفوز.

يا سادة منذ اربعين عام وكاس العالم يذهب مرة لاوربا ومرة لامريكا الاتينية
والبعض يشكك في هذا ولكني اقتنعت به بعد مونديال 1990 عندما فازت المانيا على الارجنتين (بلغش) وبعد اربع سنين وفي مونديال امريكا الجميع وبدون اي استثناء رشح البرازيل لتفوز ومن كان منافس البرازيل طبعا الارجنتين ووضعت المجموعات بحيث يلتقيان في نهائي كاس العالم ولكن هذا لم يحدث بعد ان اخترعت الفيفا قصة تعاطي ماردونا للمنشطاط فخرجت الارجنتين من الدور الثاني بس سوء احوال الفريق النفسية بعد ابعاد ماردونا وفازت البرازيل كما هو مخطط له .
وجاء مونديال فرنسا المونديال الاوربي الذي كان من اجمل البطولات وعلم فيها الفريق الفرنسي العالم كله اسلوب لعب جديد في فنون كرة القدم ولتقت البرازيل مع فرنسا في النهائي وخسرت البرازيل فقال الجميع فرنسا اشترت الموندبال ولكن راي الشخصي وبما اني من الذين يؤمنون بمبداء مرة لاوربا ومرة لامريكا اقتنعت بهذه الفكرة ولكن الفوز الفرنسي كان صريح وجميل وفرنسا لعبت ناقص لاعب . فعانت فرنسا من كره لم تشهده حتى عندما كانت تحتل سوريا في الشارع السوري وضن الجميع ان البرازيل خسرت بمكيدة . المهم حدث خلاف بين بيله وبلاتر والشركة التي فازت بحقوق نقل مونديال 2002 افلست وحدثت امور لا احدد يعلم لا الله وحده وبعض الافراد في الفيفا ادت الى مصالحة ناريخية بين بيله وبلاتر .
وجاء الموندبال ووصلت الفرق الي كوريا واليابان واقوى المرشحين كان التانغو وبعده تاتي فرنسا لماذا لانهم القوى على الساحة في ذلك الوقت الارجنتين تاهلت بعد ان قطعت ثلثي تصفياتها بينما فرنسا لم تدع لقب يعتب عليها بطل اوربا والقارات وكان المزيد القادم ولكن ارادة بابا الفيفا وبعض من الذين لم تعجبهم خسارة البرازيل 98 قلبت كل الموازين وحركت المونديال بغير اتجاه وتحكمت بكل دقيقة من عمره وليس بكل مبارة فقط .
البرازيل كانت تسمى هناك في كويا واليابان فريق الفيفا هذا الفريق الذي تشجعه الفيفا التي بيدها كل شيء لماذا لا اعلم تركت الفيفا كل الفرق ونحازت الى واحد .
وبطريق امور لاتصدق تخرج فرنسا من الدور الاول وبودن ان تسجل اي هدف والمصيبة الاكبر ان تخرج الارجنتين ايضا اقوى فريق على المستديرة في تلك الفترة وطبعا كما قال المعلقين العرب ومنذ خروج الارجنتين قالوا البرازيل بطلة العالم واصبح الطريق ممهد لتفوز بكاس العالم .على اي اساس بنية هذا التصريح هناك الكل كان يتحدث على البرازيل مع انها خسرت ثلث مباريات التصفيات واحتاجت الى كمية من الاهداف للتاهل وكان لها ذلك ولم يشكك احد بهذا طبعا لانها البرازيل اكبر واهم دعاية عند الفيفا .
المهم كان مطلوب من البرازيل ان تلعب ال تسعين دقيقة ولا تقلق لانها سوف تخرج رابحة كيف اسالوا بلاتر فجواب عنده.
وكان لها ما ارادت وحققت البطولة التي لا تسحقق ان تشارك فيها .لماذا؟
لانه ثبت غش البرازيل فب اعمار لاعبين منتخب الناشين في احدى بطولات العام وعقوبة هذا الجرم حرمان من المشاركة في كل بطولات الفيفا لمدة طويلة . ولم يحرك احد ومات الموضوع وكان شيء لم يكن.
فكان بطل مزيف من ورق وفقط يحمل اسم البرازيل.
اما المونديال الحالي فكانت البرازيل كلعادة محظوظة حيث لعبت اربع مباريات مع فرق حلمها الوصول الى كاس العالم وعندما لعبت مع فريق من مستواها خسرت .
فريق يعتمد على الاعلان ليربح وليخيف الخصم ولكن ليس على ابطال العالم ليس على زيدان وهنري ليس على منتخب فرنسي اقل ما يمكن القول عليه انه اكثر من رائع.
لاعبي فرنسا كبار في السن ولكن لم يبقى لقب لم يحملوه ولم حلم ولم يحققوه بعض الاصدقاء توقع 6/1 او 5/2
انا توقعت في نفسي 2/0 لفرنسا ولا انكر بان الخوف لازمني كل المبارة ولكن فرنسا كانت الافضل وربحت ولم تضلم البرازيل من قبل التحكيم كما حدث للارجنتين وانكلترا بل على العكس نجى رونالدوا من الطرد بعد احتساب الحكم خطء لصالحه ووالخطء عليه .
المهم ربح الافضل وهذا هو المستوى الحقيقي للبرازيل .
ولكن السؤال الصعب من سوف يربح مونديال 2010 ولمن سيكون هل هوى من نصيب اوربا او امريكا .
اذا ربحت امريكا لاتينية هل ستخر مونديال 2014 الذي سوف يقام في البرازيل من يدري ربما نعم.
او ستفوز افريقيا . كل شي عند بلاتر وارد من اوصل كوريا الى المربع الذهبي 2002 قادر على كل شيء

في نهاية هذا المقال الطويل لقد دمعت عيوني وانا اشاهد خروج فريقي اليوم هذا الفريق الذي كان يستحق الوصول الى نصف نهائي كحد ادنى ولكن للحكم راي اخر طرد روني واصيب بكهام فكانت المصيبة وبما انهم فريق تخلى عنهم الحظ في كل المناسبات خسروا وتركوا في قلبي غصة كبيرة .اما الفريق الثاني الذي احب فخرج ايضا ولكن مرفوع الراس بعد تحيز تحكيمي واضح لصالح المانيا
المونديال خسر الارجنتين والكاس بكى على انكلترا.

اتمنى ان تربح ايطاليا لانها الافضل وان تلتقي مع فرنسا في النهائي ولو ان ارادة الفيفا تريد وصول البرتغال والمانيا ومن يدري قد نشهد بطل عالم جديد.ولكني لا اتمنى ذلك.

Posted by: hosam abdulaziz

شكرا لكل من ترك بصماته الجميلة عهالمشاركة
يبدو انه فعلا التاريخ اعاد نفسه و اثبتت فرنسا انها معادلة صعبة الحل امام ابطال السامبا .
عبد الله مشكلتكم انه ما بتعرفوا حجمكم الطبيعي و كل بطولة بتجوا و كأنه الكاس بجيبكم الصغيرة , و بس خسرتوا بتصير القصة فيها مؤامرة,كان بنفسي توصلوا عالنهائي لنورجيكم قيمتكم بس ما النا نصيب.
تامي هارد لك يا عيني , الحكي ببلاش و بحكام و بدون حكام المانيا وصلت المربع الذهبي و البرازيل برة.
ندى برضايي علييك خليكي بعيدة عن الألمان , و بعرفك بتحبي الطليان لهيك حمصنتك ما رح تفيد.
و عمادو ما تتفائل كثير , تأهلتوا عحساب (استراليا و كرواتيا) و رح تتنكشف اوراقكم قدام الألمان.
و لميا , يعني معقول يا عيني هي قصة مشتراة المباراة , شو مفكرة حالك بسورية , و الواسطة بتربح فرق او بتخسر ثاني !!!!!!!!!

ردين حقيقة بستأسف اني اسمع هيك تحليلات من شخص مثقف كرويا مثلك و كأنك عمتتكلم عن الدوري السوري و الأتحاد الكروي بسورية.
يعني مو معقول تصور اتحاد كرة القدم بهالطريقة هي , و تشوه ببطولة راقية مثل كأس العالم و تعمل منها انه بوتقة من المؤامرات و الغش و الخداع ؟؟؟؟
ما بعرف كيف زبطت معك انه المانيا اخذت المونديال 1990 بالغش
و انه مارادونا اخرج من المونديال 1994 بالغش
و انه فرنسا و الأرجنتين خرجوا من المونديال بالغش
و انه كوريا وصلت المربع الذهبي 2002 بالغش
و انه البرازيل ربحت مونديال 2002 بالغش (انا الماني و مباركلهم الفوز بكل جدارة وقتها)
و كيف زبطت معك انه البطولة مقسمة بالمداورة بين اوروبا و امريكا ...؟؟؟؟
يعني بالـ1994 لو ما باجيو و امثاله يضيعوا ضربات الجزاء كيف كانت رح تربح البرازيل
و شو نسيت انه البرازيل ربحت مونديال 1958 بالسويد و بالفوز على الدولة المضيفة نفسها ؟؟؟
ما بعرف حاسس انك بتتأثر كثير بلحظة الخسارة و يمكن ما قدرت تتحمل خروج الفريقيين اللي بتحب بيومين متتالين و فورا الضحية هم الحكام ورئيس الفيفا.
اذا فعلا عندك هيك قناعة ما بعرف ليش بعدك بتفكر تتابع بطولة كأس العالم .!!!!!!!!!
و حقيقة , انا مبارح بآخر ربع ساعة من مبارة المانيا و الأرجنيتين , قلت خلص طلعنا برة , و بلشت استعد نفسيا , لتقبل الأمر الواقع و الأبتعاد عن الأنظار شي اسبوع تجنبا للشامتين , و ما فكرت للحظة برر خسارة المانيا و لي سبب كان , لأنه قلت خلص هي هي امكانيات فريق المانيا .
بس ما بعرف ليش البقية مصرين انه الخسارة الها اسباب خارجية.

Posted by: M Salami

مرحبا يا شباب
للأسف خرجت البرازيل التي أشجع. في الحقيقة البرازيل التي أشجع لم تلعب في هذه النهائيات وإنما فريق مهزوز كسول ينتظر الفرص ورحمة الله والحكم.
هذا ما كنت أقوله في نفسي منذ أول مباراة، ولكني كنت أسكت تلك الأفكار اللعينة حتى أستمر في تشجيعهم، وكانوا بانتصاراتهم المتتالية على وشك إقناعي بتفوقهم.
لم يكن رونالدو ورونالمينهو وكارلوس على مستوى أسمائهم، ولا عذر لهم.
أعتقد أنهم يخافون الإصابة وهذا الخوف مبرر نظراً لما حدث للكثير من النجوم. ولكن ما ذنب الجمهور وخاصة جمهور البرازيل الذي يتجاوز الحدود. ما أريد قوله: لا داعي للعزاء في وفاة الأموات.
أما الكلام عن المؤامرة فهذا غير منطقي، وكالعادة الصديق حسام على حق (في الامور التي لا تتعلق بالمرأة).
هذا لا يعني أن ألمانيا أفضل فهم كما قال عبدالله يحتاجون لمرمى بمساحة أكبر وربما عدد مدافعين أقل في الفريق الخصم. فرغم سرعتهم وتعاونهم واندفاعهم إلاّ أنهم يفقدون السيطرة على الكرة عند دفاع الخصم.
في هذه البطولة لا أرى نجماً باستثناء حراس المرمى وخاصة الالماني والبرتغالي.
أرشح للقاء القمة فرنسا وألمانيا

Posted by: lamia

حسسسسسسسسسسسسام نسيت انو بمبارة الارجنتين الحكم ضيع علينا ضربة جزاء ؟؟؟؟
و وقت الاهداف الترجيحية اخر لاعبين عنا شاطوا الطابة متل الولاد الصغار بعد ما طلعت مرت الرئيس الالماني على الشاشة و نزلت على الملعب
حاج ولو مبين انها اجت دفعت الشيك و راحت !

Posted by: sulieman safar

I am so happy that Brazil is out, they are not playing well enough to deserve the wooden spoon.Despite the fact that Germany is playing well I hope that Portugal win at the end .Commeseration to Abona George and all the Brazil supporters,but I am sure if Australia was not beaten so unfairly by Italy we would have won the cup.
It is an ugly game with so many unfair refereeing decisions and corruption with big money involved .
لا داعي للعزاء في وفاة الأموات
sulieman

Posted by: Nada1981

عم سليمان الحمدلله على السلامة بلأول وين كنت غايب الفترة هي كلها? و بعد الغيبة هي راجعلي بلأمنية هي

اقتباس:

I hope that Portugal win at the end

الله يسامحك

عنجد انا دائما كنت مع البرتغال بكل مباريات التصفية المؤهلة للكأس و بكأس اوروبا بس بعد لعبهم ( ال كتير نظيف) مع هولندا و مبارح مع انكلترا صرت اتمنى انه اول فريق يخسر هلا هو البرتغال
انا كنت شجع البرتغال طبعا منشان كريستيانو رونالدو بس الظاهر كنت مغشوشة بلمظهر و طلع ماعنده لا رحمة ولا اخلاق و بعدين بيعمل حاله النجم و العالم بتصدقه

Posted by: kealee

hi
شكرا كتير على حكيك يا رودين و معك حق لأنو عنجد ما حدا بيستاهل الفوز غير انكلترا
بس شو بدنا نعمل اذا الحكام ......
و بعدين لا تنسو انو أون منصاب و ما عم يلعب و كان في لأانكلترا ضربتين جزاء ما انحسبو خلال المباراة
يعني ولله حرام يطلع هيك فريق عظيم يهيك طريقة
بس مو مشكلي المهم أنو البرازيل أخيرا طلعت و لو أنو كان لازم تطلع من زمان بس كل الفرق اللي لعبت معهن كانو ضعاف
المهم أنو بالنسبة الي انكلترا هيي الرابح الوحيد لو شو ما صار

Posted by: الصوت الحر

لست من المنحازين لفريق معين , لكن دائما اتابع مباريات كلأس العالم بشغف و انحاز للعب النظيف و الاعبين النجوم الذين يقدرون على تغيير مجريات البطولات.
و لفت نظري في هذه المشاركة محاولة البعض تشويه صورة كأس هذه البطولة العريقة التي تلفت انظار المليارت في العالم , و تستطيع ان تجمع الناس من حولها اكثر من اي حدث آخر في العالم.
انا ارفض جميع الأفكار التي تحاول تصوير هذه البطولة بانها مسيسة او مبرمجة او مخطط لها سلفا و نتيجتها محسومة و معروفة لفريق يختاره رئيس الفيفا او عصابات المافيا او الدولة المنظمة للبطولة
لو أن الأمر مرهون بالقوة و المال , لكانت امريكا و الأتحاد السوفياتي سابقا هما اول دولتان تحصلان على اللقب , في وقت ان سجل كليهما يكاد يخلو من عبور الدور الثاني للبطولة
و لو ان رئيس الأتحاد الدولي يستطيع تحديد هوية الفائز ببطولة او في مباراة , لكان فكر بدولته سويسرا ان تحصل على اللقب و هذا امر كفيل بتخليد اسمه عبر العصور (امر وارد حسابيا شبيه بمفاجئة اليونان في اوروبا 2004) او على الأقل كان دبر امر عبورها لبوابة اوكرانيا السهلة في دوري ال 16
لذلك هذه افكار غير منطقية براي.

و لو كانت الدولة المضيفة تستطيع ان تحسم امر الصراع على اللقب لمصلحتها , فهل اكثر من ايطاليا بلد يحتضن المافيا في العالم , حتى تعجز عن حصد اللقب و تسمح لألمانيا من خطفه في عقر دارها 1990.
و متى كانت اسبانيا ستجد فرصة انسب لخطف اللقب اكثر من عام 1982 عندما كانت البطولة على ارضها ؟؟؟؟؟
اذن بالتأكيد هذه نظرية سخيفة و غريبة.

اما من يدعي رشوة مدرب (مثل مدرب الأرجنتيني) لتخسير بلاده اما المانيا
هل نسيتم قصة الاعب الكولومبي في مونديال امريكا 2004 و الذي قتل فور عودته لبلاده لمجرد انه سجل هدفا بالخطأ في مرمى فريق بلاده!!!!
فهل من المعقول ان يتجرا مدرب او حتى لاعب , بمثل هذا العمل في مثل هذه الدول , و هو يعرف مصيره تماما فيما لو كشفت ملامسات هذا العمل؟؟

او هناك من يدعي ان منتخب البرازيل كان مرتشيا في بطولتي فرنسا1998 و المانيا 2006
المنطق يقول ان كل من يفكر بالرشوة يحاول حصر هذه العملية بعدد اقل من الأشخاص , شخص او اثنين بالكثير و الا تصبح العملية معرضة للخطر.
عدد لاعبي اي فريق هم 25 ناهيكم عن الجهاز الفني الذي يتألف من 15 فرد على الأقل
فهل من المنطق ان يتم ضمان تكتم 40 شخص على عملية من هذا القبيل , و خاصة انه هؤلاء الناس من اغنى اغنياء العالم , و لا يهمهم المال بقدر ما تهمهم الشهرة و تخليد اسمهم بالتاريخ؟؟؟ مضت 8 اعوام على مونديال فرنسا و لم نسمع احدا حالو مشف ملابسات هذه العملية لو وجدت ..؟؟؟
معظم لاعبين البرازيل شاركوا في بطولتي فرنسا و المانيا , فهل يتقبل العقل فكرة قبولهم للخروج بهذه الطريقة مرتين و تحقيق انجاز لم يسبقهم اليه احد عبر الفوز بالكأس مرتين متتاليتين ؟؟؟

و اخيرا اقول , لو ان بطولة العالم تدار بهذه الطريقة السخيفة المكشوفة على ذكائنا نحن العرب
فهل جميع دول العالم غبية الى هذا الحد حتى تزج بنفسها في هكذا منافسة محسومة اللقب سلفا ؟؟؟؟
و هل جميع لاعبين العالم غبيين الى هذا الحد حتى يتنافسوا بالصراع على لقب مستحيل المنال بالنافسة الكروية الشريفة ؟؟؟

اتمنى من الجميع ان يتحلوا اكثر بالروح الرياضية و يبتعدوا عن طرح هذه الأفكار الغريبة التي تشوه باسم و عراقة كأس العالم.

Posted by: تامي العيسى

للأسف لقد أعاد التاريخ ذاته وفازت فرنسا على البرازيل وبالرغم من أنني أشجع البرازيل فانني أريد أن أكون صادقة وأقول بأن البرازيل كانت تستحق هذه الخسارة لأنهم لعبوا لعباً سيئاً في حين أن فرنسا لعبت لعباً رائعاً بقيادة زيدان الذي أدهش العالم بلعبه وتنظيمه لفريقه .
بس أنا مقدرة أنو البرازيليين عطوفين : لأنهم شفقوا على الفرق الأخرى وعطوها فرصة للفوز يعني كل مونديال رح تربحوا البرازيل ؟؟؟؟؟؟

بس يا ندى عجبتيني بحكيك على البرتغال أنو لعبهن ما نظيف .
اللي بيسمعك بقول أنو ألمانيا أكتر فريق بالعالم قلبهن طيب ولعبهن نظيف لأنو من أسباب كرهي لألمانيا هو لعبهن اللي بلا رحمة ولا أخلاق .( بس الألمان رح ياخذوا الكأس اذا ردنا أو ما ردنا وأنتوا بتعرفوا ليش .......................?)
أتمنى التوفيق لكل الفرق المتبقية ( عدا ألمانيا ) وتقاتلوا عالكاس بس ما تهبشوا بعضكم ......

زيلو زيلو زيلو .......... برازيلو

Posted by: issa george

أنا من المؤيدين لكل تعليق حلو نابع من القلب من كل شخص بحب شي بها الدنيا وبيدافع عنوا لآخر لحظة ..وبحاول أنوا يصورو للعالم أنوا الأفضل ..بيعرض حسناتوا ..وبخبي سيئاتوا ..وبهاجم كل من يحاول أنوا يقلل من أهميتوا ..وحتى لو شافوا أخطأ ..أو قصر..صعب كتير أنوا يعترف بهذا الشيء ... طبعا على القليلة قدام العالم ..وهذا برأيي ..أسموا العشق ..العشق الكروي..وتغير القناعات للإنسان العاشق شغلة صعبى كتير ...
لانوا أغلب اللي عشقوا البرازيل عشقوا الماضي معها ..وبطولاتا القديمة ..وأنا برأيي أنوا هدا الفريق الاسطوري أنتهى ..مع كأس جول ريميه 1970 ..متلها متل الأورغواي ..وبعدها بلش كأس العالم ..مع برازيل جديدة ..قابلة للربح والخسارة ..وكانت بدايتوا ضعيفي ..حتى أنوا توقفت أنجازاته ..حتى عام 1994..وطبعا المتابعين للتاريخ البرازيلي ..بيعرف أنوا البرازيل كانت مهددة للخروج من التصفيات و تأهلت بصعوبة للمونديال 94..وكان الفضل طبعا للمهاجم روماريو..اللي أستعان فيه المدرب قبل مباراته الحاسمة مع بوليفيا وطبعا من بعدها توالت الأنتصارات ..حتى الكأس !!.ممكن تتخيلوا مونديال بدون البرازيل !؟؟المهارات الفنية العالية للهجوم البرازيلي عم تضهر بشكل واضح مع الدفاعات الضعيفة اللي عم تترك مساحات كبيرة للخصم .اللي ظهرت مع اليابان..أمــا وقت عم ينصدم الهجوم البرازيلي مع دفاع محترف ..بغطي جميع المساحات ..ولياقة عالية للمدافعين ..بتقل المهارات الفنية للهجوم ..وطبعا هذا اللي لمسناه مع الفريق الفرنسي ؟؟ ماحدا يقول انوا البرازيل لعبت مباراة ضعيفة ..أبدا ..البرازيل لعبت متل العادة ..بس الدفاع الفرنسي كان فوق العادي ..بالإضافة ..لحارسه العملاق ..وطبعا ..المهندس زيدان ..مافينا ننكر هذا الشي . ( تذكروا مباراته مع كرواتيا ..ماحدا مننا ما صفق للفريق الكرواتي ..) وبالنسبة للفريق الألماني ..بحب قول ل تامي أنوا هدا ما بسموه بلا رحمة ..هذا بسموه روح قتالية وإصرار لإحراز النصر ..وهذا الشي قليلة الفرق إذا ماكانت معدومة الي بتتمتع فيه..واللي بيسحر قلوب المشجعين الألمان..لاحظتوا كيف شعلوا الملعب و أستماتوا لتعديل النتيجة مع الفريق الأرجنتيني ..
اللي بحبوا أنــا بالمونديال أنوا بطلع منا أشياء كتير مخباي جوا..وبخلينا نحب أشخاص لمجرد أنهم بحبوا نفس الشيء ..واللي بتابع المباريات بالمطاعم ..أو بالملاعب ..بلاحظ هدا الشي !!
مع كل الحب

Posted by: hosam abdulaziz

اقتباس:

المشاركة الأصلية كتبت بواسطة تامي العيسى

لأنو من أسباب كرهي لألمانيا هو لعبهن اللي بلا رحمة ولا أخلاق

اقتباس:

المشاركة الأصلية كتبت بواسطة موقع الكورة

ألمانيا تحتل المركز الثالث في قائمة اللعب النظيف
حصل المنتخب الالماني لكرة القدم على المركز الثالث في التقييم الذي يصدره الاتحاد الدولي لكرة القدم (الفيفا) حول المنتخبات التي تحافظ على قواعد "اللعب النظيف" وذلك قبل بدء مباريات الدور نصف النهائي لبطولة كأس العالم لكرة القدم ألمانيا .2006
ووفقا لما أعلنته مصادر الفيفا اليوم الاحد في برلين فقد جاءت البرازيل في المركز الاول لقائمة أفضل الفرق التي تقدم "لعب نظيف" وحصلت على 886 نقطة يليها المنتخب الفرنسي برصيد 874 نقطة بينما جاء منتخب البلد المضيف في المركز الثالث حيث حصل على 846 نقطة.
يذكر أن الفيفا تكافئ اللعب النظيف نهاية بطولة كأس العالم بمنح الفريق الفائز جائزة قدرها 50 ألف دولار على شكل ملابس رياضية

اقتباس:

المشاركة الأصلية كتبت بواسطة تامي العيسى

بس الألمان رح ياخذوا الكأس اذا ردنا أو ما ردنا وأنتوا بتعرفوا ليش .......................?

صدقي يا تامي انا غشيم كثير بالتحليلات الرياضة و التوقعات و مني قدكم يا فطاحلة الكرة بهيك قصص.
فيا ريت تعطيني نظريتك اللي دفعتك لهالقول و بس يا ريت تكون شي جديد غير اللي سمعونا اياه الشبابا الطيبة قبلك!!!

Posted by: تامي العيسى

الظاهر يا حسام انك ما حظرت مباراة الأرجنتن وألمانيا لأنو اذا حاظرها رح تعرف انو اللي حكينا صحيح .

بس بكرا الأيام جاي وبس تاخذ ألمانيا الكاس عود تذكرني بس انشالله تكذبني ألمانيا وما تاخذ الكاس وقتها بعود اجي معك يا حسام وبصير شجع ألمانيا

Posted by: Nada1981

اسفة على المقاطعة بس اليوم ايطاليا رح تربح لهيك تامي يا عزيزتي لازم تلحقي حالك و تغيري رأيك و عرضك على حسام

موقع زيدل سوريا حمص .. خدمات تشات و دردشة ... أرشيف المنتدى