الارشيف - كيف تصطادين مليونيرا؟

Pages: 1

كيف تصطادين مليونيرا؟
(انقر هنا ان احببت مشاهدة الموضوع الاصلي بالالوان و الصور )

Posted by: hadi..

اذا كنت ما زلت عزباء فربما يبتسم لك الحظ وتصطادين مليونيرا وكل ما عليك هو اتباع ما يلي:

1- ليكن مظهرك دوما مظهر الثرية المترفة..

2- تجنبي ارتداء الجينز

3- لتكن ملابسك من الحرير او اللينون

4- تعلمي أصول الاتيكيت الخاص بالتصرف والتعامل مع الطبقات "الهاي" المليانة.

5- فلتكن طريقتك في تناول الطعام والشراب والسير في الشارع واحاديثك ...الخ مبرمجة ومحسوبة وبدقة متناهية.

6- ابحثي عن اماكن تجمع ابناء الذوات كالنوادي والكافتيريات والمطاعم الفخمة التي لا تقل فاتورة "كاسة الشاي" فيها عن عشرة دولار.

7- احرصي على التواجد في مثل هذه الاماكن واشعري كل من حولك ان المصاري معك مثل الرز لا حساب لها..

8- تصرفي بثقة في كل المناسبات وفي جميع الاحوال ووزعي الابتسامات هنا وهناك و"طعمي" كلامك بجمل انجليزية وفرنسية وطليانية حتى الكلمات العربية تلفظي بها بلكنة اهل تكساس الكرام حتى تعطي الانطباع بانك مثقفة ومودرن.

9- اذا ما ضرب أحدهم موعدا لك للقائه فلا تأتي في الوقت المحدد بل "فرقعيه"ودعيه يتقلى على النار لنصف ساعة او اكثر فانت لديك ارتباطاتك وجدول "مزحوم" بالمواعيد..!

10- لتكن طلباتك في الكافتيريات والمطاعم من تلك الوجبات والمشروبات الخواجاتيه ..كالسيكو والبيكو والترنزفو والكاباتشينو والاسبرسو ..فانت متفرنجة حتى العظم وخواجاتية حتى النخاع !!

11- تحدثي دوما عن "بابي" الذي يملك المصنع الفلاني وعن "مامي" اللي عندها خمس خادمات سيريلانكيات وعن "الآنت"و الاونكل" و"البروذر" وكل اللي خلفوكي باعتبارهم نجوما من نجوم المجتمع وانت قمرهم..!

12- اذا ما اثير أي موضوع حول السياسة ..أحوال الطقس..وفضيحة كلينتون-مونيكا..فاحرصي على استغلال الفرصة ففي حديث السياسة لا مانع من فشرة بسيطة مفادها ان" احد اعمامك سفير لبوركينا فاسو في مملكة "بوتنجان"..وفي حديث الطقس تحدثي عن ذلك الاعصار الذي شاهدتيه بأم عينيك اثناء اجازة لك قضيتها في الولايات المتحدة "من باب تخريط الكوسا طبعا" وفي حديث فضيحة كلينتون -مونيكا دافعي دفاع المستميت عن الرئيس الاميركي وقولي انك تلقيت "لسه مبارح" اتصالا هاتفيا من صديق لك يعمل في البيت الابيض اطلعك فيه على الحقيقة..من باب الكذب الابيض.
فاذا ما نفذت هذه التعلمات واصطدت مليونيرا وتزوجتيه فلا تنسي ان تعزمينا بعد عمر طويل....!

Posted by: tomassen

هلأ تأكدت انو بحياتي ما رح القط هيك لقطة ،3/4 الأشياء يلي ذكرتها ما بيطلع بايدي اعملها

Posted by: Nada1981

هادي بلاول شكرا على الموضوع بس الله يسامحك خليتني حس اني ماني من الجنس اللطيف ابدا

كل هلشغلات هي لازم نعملها منشان مليونير? لك ياعمي مستعدين نعملها منشان عريس عادي و هيك بلاول بنبلش من الطبقة الكادحة لبين ما نوصل لفوق

tomassen اذا حضرتك مابيطلع بأيدك تعملي 3/4 الأشياء هي انا قريتها و حسيت انه مابطلع بأيدي اعمل شي ابدا ههههههههههههههه لهيك خلونا على الخفيف و ندورلنا على شي عريس و نعيش معه على الخبزة و الزيتونة احسن من هدا الي رح يطعمينا و يشربنا (السيكو والبيكو والترنزفو والكاباتشينو والاسبرسو )

هادي صار لازم تنزلنا موضوع كيف بتصطاد المعترين و المنتوفين حتى نعرف الغلط مننا ولا من حدا ثاني ههههههههههههههههههه

تحياتي

Posted by: hadi..

tomassen

بصراصة هي اول مرة بشوف صبية ما فيها تدعي شي

مو موجود فيها او عندها بعدين الشغلة بدها شوية تدريب و انشالله

بعد كذا مرة بتصيدي مليونير بس ما تنسي تعزمينا على العرس

Nada1981

و انا بشكرك بالاول على مرورك ، لازم ما تحسي الا انك امراة

و انثى منشان يكون فيك تسحري الشب عفا المليونير

و الله اذا بدك اتبلشي بهالامور مع الطبقة الكادحة طبعا مستحيل

تتجوزي اكيد رايح يطفشوا منك هي التعليمات مخصصة للطبقة المليانة اصحاب

الملايين ، ولي على حظي كمان انت ما فيك تعملي هالشي

طيب ليش انا على طول بنصدم بصبايا بعملن اكتر من الي كتبتو

و العزوبية صارت شعاري ( من القلة صدقوني )قال بدي اترهبن عنجد كذب

عزيزتي المعترين و المنتوفين على قفا مين يشيل

كيف ما اتحركتي بتلاقيهم بوجهك غمضي عيونك و مدي ايدك

و امسكيلك شي عريس و بالرفاه و البنين

اما موضوع العطل وين بالصبايا او الشباب هاد موضوع طويل كتير

لانو الشباب بقولوا الحق على الصبايا و العكس صحيح ما بدي ادخل بالتفاصيل

انا بشوف العطل من الظروف السيئة

بصراحة مو من الظروف بس كمان من الصبايا بتعرفوا شو بتحلم كل صبية ( طلع خلقو هادي )

بشب طويل رياضي اسمر او حنطي منشان اكون دقيق ،عيونه زرق او خضر مافي مشكلة

و يكون حامل شهادة عالية منشان يتوافق مع مستوى تفكيرها هههههههههه

و الانكى من هيك لازم يكون يحبها لحد الجنون و بدورها تتمقطع فيه

بمزاج وشي مفروغ منو يكون مليونير و حلها اذا فيك تحلها . اوف اتعبت من الحكي باي

Posted by: كاترين

مشكور هادي على النصائح

بس ما بقدر اعملها خلينا نستنا النصيب لما يجي بكون افضل

شكرا كمان مرة
مع تحياتي

Posted by: hadi..

كاترين

شو قصة صبايا منتدى زيدل

كلكن مافيكن تعملوها هيك ما بصير لازم تتحركوا شوي

ما بدي يصير حالكم حال الصورة المرفقة

Posted by: كاترين

حرام عليك هادي شو هالصورة الفظيعة
عالعموم كل شي منك مقبول
بس انا مصممة مش راح اقدر انفذها

Posted by: lamia

اقتباس:

حتى الكلمات العربية تلفظي بها بلكنة اهل تكساس الكرام

احم احم .... خلوني ركز شوي .... كلمات عربية و بلهجة اهل تكساس ؟؟؟؟؟؟
انا بس ما عم استوعب و لا انتو كمان ؟؟؟؟؟ !

اقتباس:

بصراصة هي اول مرة بشوف صبية ما فيها تدعي شي مو موجود فيها

شو شكلك عايش بمسرح خمس نجوم على هالحالة ؟؟؟؟
اي انا الحقيقة دوبني فيني قولها لقول شي ماعندي ياه !!!!!
و كل البنات اللي بكذبوا ... اي بكذبوا ... بس مو لدرجة انهم يبنوا عالم كامل معمول الهم من الخيال و الاكاذيب التعيسة لمجرد اصطياد مليونير او اثارة اعجاب ؟؟؟

بعدين شو قصة انو من احلام الفتاة انو يكون الشب مليونير ؟؟؟ ليش من ايمتى كانت (البنات الطبيعيات) يدوروا على مصاري ليتجوزوها ؟؟؟؟ اذا على هي الحالة ما بطلع من بيت اهلي بنوب لان ماحدا رح يعيشني احسن منهم !!!!

اما الموضوع كموضوع ترفيهي : ) فحلو هههههههههههههههههه .....
و يا هادي .... الله يبعتلك شي بنت طبيعية تحكيك حكي صادق و تورجيك انو البنات مو عنوان للكذب : )

Posted by: hadi..

lamia

اكيد انا ماني عايش بمسرح خمس نجوم

اما الحلم بالمليونير معليش اسمحيلي النسبة العظمى من الصبايا بدهم مليونير

خلينا واقعيين

يا ستي انا بتمنى و رايح ادعيلك يبعتلك شب يعيشك بمستوى اعلى من بيتك اهلك

lamia انا ما حكيت انو البنات عنوان للكذب اكيد اصابيعك مو متل بعض و بالنهاية

اذا بدك رايي الخاص في كتير بنات بتفكر بالمصاري و كمان في كتير شباب ما بتفكر غير

بالمصاري يعني الحالة تعبانه خليها لربك
بعدين اكيد قصدي من الموضوع فيك اتقولي شي من الترفيه و شي من واقع الحال

و شكرا كتير على مرورك و ردك و تحياتي

موقع زيدل سوريا حمص .. خدمات تشات و دردشة ... أرشيف المنتدى