الارشيف - أغاني للمغتربين فقط......

Pages: 1

أغاني للمغتربين فقط......
(انقر هنا ان احببت مشاهدة الموضوع الاصلي بالالوان و الصور )

Posted by: RUSHA AWAD

مرحبا للجميع وخصوصي المغتربين
بلشت الصيفية وبلشو القرايبين والأصحاب والأحباب يروحو على زيدل واللي رايح منقلو الله يكون معو ويوفقو واللي مانو قادر يروح منقلو كمان الله يكون معو ويصبرو. وقد ماكتبنا على صفحات المنتدى وقد ماناقشنا وجادلنا مارح نقدر نخلي صديقتنا سناء توقف حرقصتها لهالمغتربين

ومهما كتبنا وفحينا بلعنا مارح نقدر نعبر عن الحنين للوطن والأحباب والأصحاب بزيدل لهيك ومن هالمنطلق الوطني حبيت افتح باب المشاركة لكل المغتربين من زيدل ومن برات زيدل وحتى من برات سورية يعني كل شخص بعيد عن بلدو او اهلو في ينزل اغنية بلاقي انها بتعبر عن حالتو

او اي شخص من زيدل مشتاق لحدا بهمو امرو برات زيدل بامكانو كمان يشاركنا باغنية وخلونا نسمع ونسرح ووووووووووووو.
مع حبي واحترامي
رشاعواد

Posted by: hosam abdulaziz

مرحبا رشا
رح كون اول المشاركين معك لأن فور قرائتي للموضوع تذكرت و بدون تفكير اغنية كانت و ما زالت تترك بقلبي حرقة كل ما بسمعها
و هي اغنية نسم علينا الهوى للسيدة فيروز
و تحديدا وقت بتقول:
و فزعانة يا قلبي اكبر بهالغربة و ما تعرفني بلادي
لأنه هالشي كان دوم بيرعبني من وقت جيت عالسعودية انه يصيبني مثل اسلافي و اللي معظمهم عمره الأغترابي بالمملكة بيتجاوز الـ20 سنة و هالشي كان بجد يشكل مصدر رعب الي اني ابقى هالمدة بعيد عن سورية.
و لهيك حطيت ببالي هدف اني ما اتجاوز الـ 5 سنين شو ماكانت التكلفة و لحد ما مشي الحال فرقت عسنة.
بس ما بعرف لو كانت غربتي ببلد مثل الولايات المتحدة او استراليا او كندا او اوروبة هل كانت هالغنية رح تأثر فيي مثل ما عملت و انا بالسعودية ؟؟؟ الجواب عندك اكيد.
لهيك هي دعوة مني لمساعها
نسم علينا الهوى

نسم علينا الهوا من مفرق الوادي
يا هوا دخل الهوا خدني على بلادي
يا هوا يا هوا يللي طاير بالهوا
في منتورة طاقة و صورة خدني لعندن يا هوا
فزعانة يا قلبي أكبر بهالغربة ما تعرفني بلادي
خدني خدني خدني على بلادي

شو بنا شو بنا يا حبيبي شو بنا؟
كنت و كنا تضلو عنا و افترقنا شو بنا
و بعدا الشمس بتبكي عالباب و ما تحكي يحكي هوا بلادي
خدني خدني خدني على بلادي

Posted by: RUSHA AWAD

عزيزي حسام
شكرا الك على هالأغنية اللي أكيد مستحيل اني اسمعها وما تترك جواتي شخصيا تأثير كبير والجملة ذاتها اللي بتحز بقلبك بتعملي بكثير احيان هاجس انو ممكن يصير فيني مثل المثل اللي بقول "بعيد عن العين بعيد عن القلب" وانشالله يكون هالشي مجرد حكي بس.
هلأ يظهر ماحدا حابب يشاركني ويشاركك بهالموضوع لهيك رح تكون الساحة مفتوحة الي والك فقط لا غير مع اني كنت بحب اسمع اغاني من اختيارات واذواق مختلفة ومثل مابتعرف أني وانتي مثل ماذكرت بموضوع سابق انو مامنتفق غير بشغلة اختيار المطربين ولهيك بما انو بلشت انتي مع فيروز رح كمل معها لأنو هيي عندي بالدرجي الاولى .

راجعين ياهوا راجعين
http://www.6rbtop.com/listen.php?son...3&type=au&q=hi

ياطير
http://www.6rbtop.com/listen.php?son...7&type=au&q=hi

وفي اغنية ياجبل اللي بعيد واللي هيي اقرب شي لقلبي ماقدرت نزلها فياريت تنزلها بمعرفتك
وشكرا

مع حبي واحترامي
رشاعواد

Posted by: hosam abdulaziz

اقتباس:

هلأ يظهر ماحدا حابب يشاركني ويشاركك بهالموضوع لهيك رح تكون الساحة مفتوحة الي والك فقط لا غير

ولك شو يعني , ما بكفي لحالي و بوفي ؟؟؟؟؟

على كل الخلاف بوجهات النظر ما بيفسد للود قضية يا رشا , و انت بتعرف معزتك عندي بقدر ما بعرف قديش ما انت بتعزيني كمان, بس انا رافع شعار النقار عقد المحبة و بالتالي انت قدري لحالك مقدار محبتي الك.
و رح اهديكي هالموال الحلو للاستاذ وديع الصافي عربون محبة الك
و بتصور هذا رح يذكرك فورا بسهرات الضيعة و يحرك فيكي مشاعر حلوة كثير.
لكِ رشا

اما عن الغنية اللي ذكرتيها فهي كمان من اروع ما غنت فيروز و تكرم عينك هي لينك للي بيحب يسمعها
يا جبل اللي بعيد+ بعدوا الحبايب بيعدوا

Posted by: Desert rose

مش معقول يارشا سناء ماتشاركك هاللينك الحلوا للمغتربين ولو بغنية
ولكن حاولت أعمل بحث على شي فنان سوري غنى للمغتربين تما يشوفوا حالهم علينا هاللبنانية .
وبعد البحث لقيت غنيتين للفنان السوري المميز شادي جميل إنشالله يعجبوكي يارشا ويعجبوا كمان المغتربين .

سماع غربوني تحميل

سماع عالهيلا الهيلا تحميل

الغنية الأولى بهديها لشخص بالقارة الأميركية عزيز على قلبي كتير كتير كتير

زهرة الصحراء

Posted by: hosam abdulaziz

ولو يا سناء معقول القصة بدها تبحث تنلاقي عالم غنت للمغتربين و من سوريا ؟؟؟
طيب انا رح مرقلك هالموال اللي اغلبنا ربي عليه , للسلطان ابو وديع (او هذا حسبتوه عليكم كمان)

و رح اهديكي اياه او شو رايك نأجله ليوم سفري و سمعك ياه وقتها؟؟؟

طيب اني خيرتك فأختاري
احلى موال للمغتربين من سلطان الطرب جورج وسوف

Posted by: Desert rose

شكراً حسام على موال جورج وسوف ويمكن هي آخر غنية بتهديني ياها من السعودية
فاسمحلي اليوم شاغب شوي بالأغاني
بغنيتين
غنية تكون ألك وغنية تكون عليك

وخبرني أي من الأغاني عجبتك ....اللي معك ولا اللي عليك

سماع غنية ألك تحميل

سماع غنية عليك تحميل

أما هاالموال مع هالغنية الوسوفية فبهديك ياهم تتسمعهم أنتَ ليلة سفرك .

سماع ...آخر غنية من بيروت قبل مايرجع مغتربنا من السعودية ... تحميل

زهرة الصحراء

Posted by: RUSHA AWAD

مابعرف شو هيي قصتي مع فيروز بس كل مابدي اسمع اغنية بلاقي بين اغانيها شي يعبر عن اي حالة ممكن مر فيها ولأني بعرف انو فيروز ما بتنكره شو ماغنت وبأي وقت كان بتشجع وبنزل اغانيها. بس هالأغنية على قد مابحبها على قد مابنزعج وقت بسمعها , يا ترى انتن كمان هيك بتحسو؟؟؟؟؟؟؟؟؟

الوداع
http://www.6rbtop.com/listen.php?son...0&type=au&q=hi

مع حبي واحترامي
رشاعواد

Posted by: love whisper

ميرسيتو ياغوالي عالاغاني الحئيئة احى عبالي ابكي لما سمعتهون

وانشالله بنرجع كلياتنا عسوريا ولبين اهلنا ورفئاتنا

Posted by: Madonna Safar

نيالك شو عـبالك ضيعتنا الحلوة قبالك
علّي وقول لي عقبالك وبالخير عليّ فوّل
اشتقنا وطالت غيبتنا يطول عمرك لا اتطول

Posted by: talal_alachkar

أول شيئ
بدي قول مرحبا لمدونا و كل عام و انتي بخير و إنشالله عيد الجالي نشوفك عروس إنتي و رشا و ماتضل رنيم لوحدها عروس . أمين يارب
ياريت إذا فيكم توجدولنا قصيدة هذي دمشق ، لنزار قباني بصوت أصالة نصري
وشكراً
طلال

Posted by: RUSHA AWAD

عم تعطيني مصروفي ومالي خبر سيد طلال, قاعدي على قلبك وماني عرفاني
لك عمي اذا انتي دخلت القفص الذهبي ما معناتو انو كل الناس حابي تدخل هالقفص
عالقليلي بالمستقبل القريب ومع هيك مو أسافي فيك أغنية أصالة مو هيك صديقي
http://www.6rbtop.com/library/resour...n/26191_hi.ram

مع حبي واحترامي
رشاعواد

Posted by: Madonna Safar

اهلين طلال مبروكة الفرحة الله يهنيكن يا رب
هلا اول شي طلال انت في شي ما بتعرفو انه اني ورشا متفقين اني ما بخطب لحتى هيي تخطب بقا اني شايلي هالقصة من بالي لتخطب رشا...
عقبال فرحتك رشا وبكرا بس خطبتي وتجوزتي رح غنيلك وقلك

أوها يا ما قعـدوا جنبـي
أوها ويا ما حرقـوا قلبي
أوها وقالوا رشاما بتتجوز
أوها تجوّزت وربي نصرني
لي لي لي لي ليش

هلا هيي غير هيك بس كرمال الفضايح منخليها هيك وفي غنية كنت حابة نزلك ياها بس ما نزلت معي
رح اعطيني الموقع اسمها زغاريد سمعوها وعطوني رائيكن هههه

http://music.abusora.com/Singers/%D9...%D9%8A/#player
وهاي بيت تاني مشان ما تزعلي رشا هاذ كله تشجيع مشان تخطبي

أوها عاللّعْلَعي اللّعْلَعـي
أوها يا صـبايا تجمّـعي
أوها يا ليل طول طـول
أوها ويا شمس لا تطلعي
لي لي لي لي ليش

Posted by: talal_alachkar

رشا هلق لعرفتي أنك قاعدي على قلبي ههههه و مو بس أنا و حسام كمان ههه
وبعدين أنا مستني أخذ غرفتي ، يعني إذا رح تضلي بالبيت مرح أغدر أخذ غرفتك بس وقت الي بتحلقي اه قصدي و قت الي بتتجوزي و بحلي عن قلبنا و بيبتلي غيرنا هههههه هيك فينا ناخذ الغرفة ههههه .
مادونا إذا رح تستني رشا لتتزوج معناتو عيش يا عزال ههههه ليطلع الحشيش ههههه .
على كل حال الله ينولكم الي ببالكم رشا و مادونا أنتو من الأشخاص الي الواحد بيفتخر انو يحكي الواحد معكم و ألو الشرف أنو يدعوكم أخواتي .
مادونا سلميلي على أهلك و عايديهم و إنتي كمان رشا، وكل عام و انتم بخير .أمين يارب
طلال

Posted by: syria & joleat

ليش مغرب ... نجوى كرم .....
.
http://www.6rbtop.com/download.php?s...8&type=au&q=hi
غنية معبرة تسيل الدمع من عين كل مغترب ...

و بتسألني ليش مغرب وعايش وحيد
بارض بلادي عشت معذب شو طالع بالأيد .....

لن أستطيع أن اكمل حتى لا ينهمر دمعي على لوحة المفاتييح .....

" أحبك يا بلادي مهما حصل "

ما هربت من بلادي أنا بعبدها عبادة
انا خايف عولادي ليموتو من الجوع

قرأت هذا مرة ولم يفارق بالي لحظة (يمكن بالمنتدى قريتو )
" سوريا هي الحبيب الذي هجرناه ولم نستطع أن نعشق سوااه "

سلام _ ياسمين _

Posted by: abode durra

و الله هالموصوع حلو كثير و اني كمان بحب فيروز كثير و بسمعلهي كثير بحسهي بتهدي الاعصاب و هاي اغنية حلوة بحبهي

راجعين يا هوا

و الاغنية الثانية ما كنت بعرفهي بس مرت عليي وقت كنت عم دور على رابط الاغنية الاولى
و عنوانهي

ردني على بلادي

انشالله يكونو عجبوكن و في كثير اغاني بذكروني بالبلاد و بزيدل بس الواحد مو دائما بيخطروا عبالو

تحياتي

موقع زيدل سوريا حمص .. خدمات تشات و دردشة ... أرشيف المنتدى