ساحة غزل في ميدان الزجل

نسّمْ عطركْ عالمرجة==غار النوَّار
مشياتكْ غنجة بكرجة ْ==لحظكْ بتّار
=====================
يا امْ العينينْ البنّيْ ==وسِحرا مَيْفوحْ
سرقتيليْ الحكمةْ منّيْ==إحتلـِّيْتيْ الروحْ
سرّ عيونكْ جنَّنيْ== وخلاَّنيْ سوحْ
فتِّشْ عَ بابْ الجنّهْ==عَ دروب النارْ
=====================

نَسَّم عِطرك عالمرجه == غار النــّوار

مشياتك عنجه بكرجه == لحظك بتّـــار
======================

إنْ دقرتْ إيدي بِ شعرا==بتقللّيْ زوقْ

إنْ هفتْ نسمةْ منْ عطرا ==شِمّْ ولاتذوقْ

خللّتليْ بقلبي حسْرهْ==كيفْ بدّيْ روقْ

وماسكْ بِ إيديْ جمرة ْ==ورجليْ بالنارْ
========================

أهلا بسيمونْ الْ راجعْ==منْ بعد غيابْ
حاملْ بِ إيدو الراضعْ==يومْ شِعرو طابْ
القعدةْ لازمها رابعْ==يا خييْ إلعَــــابْ
تربَّعْ قدَّاميْ لاذعْ ==طقم الدينار
======================

مِن مَطْلَع فجْر العالم ----شي مِش ْ مفهوم:

حوّا الحاكِم أو آدم -------هُوّي المحكوم ؟
==========================

آدمْ أعطاهْ السلطة ْ......... اللهْ تـَيْسودْ

لكنْ هالحيهْ الرقطا ......خانتْ الْ عهود

قطّة ورحْ تبقى قطّة ْ..........قّدّامْ فهود

بربعْ العقلْ بتتمطى.......يا عيبْ الشومْ

=========================

مِن مَطْلَع فجْر العالم ----شي مِش ْ مفهوم:

حوّا الحاكِم أو آدم -------هُوّي المحكوم ؟
========================

حاجةْ جاجاتْ تقاقو.....بِ أصغرْ قِنْ

آدمْ جايي تتلاقو........بِ دبحو الفنْ

حزب الدلعْ يلْ فاقو......عا ديكْ الجنْ

قطْ وجاييْ خنّاقو........إبكو المرحومْ

======================

حوّا الحاكِم أو آدم -------هُوّي المحكوم ؟

*******************************

مِن مَطْلَع فجْر العالم ----شي مِش ْ مفهوم:

حوّا الحاكِم أو آدم -------هُوّي المحكوم ؟
=============================

توعّو يا جاجْ شوية ْ........موسيْ دبّاحْ

رحتو بِ شربهْ ميّة ْ......يوْمْ ديكيْ صاحْ

حزبْ ولوْ روحكْ ميّة ْ....مشْ سبعْ رواحْ

خلفكْ راكضْ ياخطيّيْ...عالدعسة ْدومْ
==========================

مِن مَطْلَع فجْر العالم ----شي مِش ْ مفهوم:

حوّا الحاكِم أو آدم -------هُوّي المحكوم ؟
=========================
لسانيْ حاجهْ تتخفـّى.........بالقيْلْ وقالْ
قلبيْ صاففْ بِ صفـّا............وإلها ميّالْ
بينْ عيونا عميغفى ..........قلبيْ بعرزالْ
بسْ إستثنوليْ هيفا..........وإلْكنْ مضمومْ
=======================

قالْ الأستاذ زيّاد: يعني واحد :ختيار و مجَوّز مثل حالتي شو بدّو يقول ؟

كلمة ْ أوعى تخبّيها...........بحقْ الجازة ْ وما فيها
وعا ألحانْ القرّادي..............بـِقْ البحصة ْوإحكيها
===========================
فرحانْ بحالو مسكينْ....مشْ عارفْ داخلْ سردابْ
عَ بوابو وردْ وتزيينْ.....ومنْ بعدا بتاكلْ الْصوابْ
إجركْ رحْ تغرسْ بالطينْ...وبعدو راسكْ يا حبـّابْ
ورحْ تتمنى عزرايينْ....يفككْ ويخفف الْ مصابْ
ياعزابيْ طالعْ وينْ ؟.......دربكْ عا سِفلْ الواديْْ
نكسه ْ بعُمركْ جاييها
==========================

كلمة ْ أوعى تخبيها ........بحقْ الجازة ْ وما فيها

وعا ألحان القرّاديْ..........بقْ البحصة ْ وإحكيها
=========================
عزابيْ ورحْ ظلّيْ هيكْ........مهما حوّا تزازيليْ

جوّا بيتيْ عاملْ بَيْكْ........فوتة ْ وطلعةْ وأركيلة ْ

ما بدّيْ قِلاّ لِبّيكْ..............بغنجة ْ منها مقابيليْ

ولا تقلّيْ : غمِّضْ عينيكْ..(وغيرةْ حوّا يا ويليْ)

بتطـَّلـَّع لغيريْ لـَيْكْ ........بـِقـْلبها عيشة ْ بنيلة ْ

بصَابيعيْ بـِشَمِّطْ ذينيكْ.....لو مالتْ عينيْك ْمَيْلة ْ

بالله تشمِّرعنْ إيديكْ.......وهاكْ الكومة ْ إجليليْ

شطفْ الفرندا ماعليكْ.......وباقيْ الشقة ْكالعادة ْ

بينْ ما إرجعْ ساويها

=========================

هالإصبعْ الليْ وهجْ لمسو موفـِّرو.......كيف الدهبْ يا هل ترى بيسوِّرو..؟

خايفْ أنا لولا شبَكـْتـِكْ بالدهبْ..........منْ إصبعَك ب ِ لحظتا تا يصهرو

=================================