اقتباس:

يا سطـّـــاح == البدر إن لاح == إليالي الشعر بيضويها جيب سلاح == وشك رمــاح == الســـاحه بدي إطويها

أهلا ً بدر-----صرلي شهر----ناذر نذر, وْ رَحْ ذِلّو

لمّا الحرّ---يـ ْ خاطب غِرّ ---بْحور الشّعر بْتخضعلو

نْجوم الضّهر -----بْساعة فَجر--- لـ ْخيّي بدر بْقدّملو

راية نَصر----- بْساحة فِكر ------ بْنَحْرو بَدّي هَدّيها

~~~~~~~

يا سطـّـــاح == البدر إن لاح == إليالي الشعر بيضويها
جيب سلاح == وشك رمــاح == الســـاحه بدي إطويها

=============================
حاجي تْشط ْ == وحاجي تْنط ْ == الطاعه حُط ْ مْقابيلي
جاي تْـــــرُط ْ == قبال الخُط ْ == لسانك مُط ْ وههديلي
الريشه غُط ْ == بحبري خُط ْ == بس بشرط ْ تهجيلي
نظمك عَرْط ْ == وحكيك خَرْط ْ == راياتك بدى ثاويها
==============================

يا سطـّـــاح == البدر إن لاح == إليالي الشعر بيضويها

جيب سلاح == وشك رمــاح == الســـاحه بدي إطويها

==========================

بْهَجّي حْروف == تْسِنّ سيوف == بْعَينكْ شوف السّطاحي

رامي رفوف == مْنْ المألوف == بْجَوز ظْروف من سلاحي

لا بـكفوف == وْ لا بصفوف == و لا بألوف من رماحي

يـــا مـنـتـوف:== بْنفخة أوف == بْدُورَك بـَدّي طـَفـّيـها

***

رقوا شوي وبنتفة مي طفوا النار ........الولعانة
ولو زدتوها بعد شوي رح أكتب ........عالعميانة
حرف العطف وحرف الجر وعنكم مني.. سئلانة
وأوعا تقولوا عني خطّي أنتِ وحدة .....جهلانة
العقل الـ بعتوا من زمان سببوا الحالة.. التعبانة
ورح خبّص معكن شوي ومش رح أبقى ندمانة
ويابدر إن بدّك زياد دوّر على...... عالبلكوووونة
ومن نورك نوّر شوي بتقشع أحلى ......دكانة
فيها الطيب وفيها السحر وفيها نبع ..الغناني




زهرة الصحراء

يا مَوجوع == مْنْ الموضوع ==== بهالينبوع الإسمو زيْاد



لِفّ رْجوع ==بـ ْ يِكْفي رْكوع ==حْروفي طوع وْ م َ بـ ْ تنعاد


لـ َ ياسوع== بـ ْ ضَوّي شْموع ====بَلكي جْروحَك يشْفيها

* *

ما بعرف شو بدي قول == خايف تلغي العضويه

سامحني حضرتك أستاذ بدر
بعرف أني جاهلة ببحور الشعر
العرس تيحلى ويطول السهر
مابيكمل إلا بكاس معتق من خمر
والمعركة بلا تالت ناشفة ومالها رمز
إلا القهر والكسر والبهدلة وطول الصبر

تهنئة لأحلى زياد وأحلى بدر ...وأحلى قهر وأحلى كسر... وأحلى كلام مكتوب عالقافية.. بأحلى حلة وأحلى شعر .

ناطريكن



زهرة الصحراء

اقتباس:

المشاركة الأصلية كتبت بواسطة ziad sattah شكرا ً سناء , أحسنتِ الأداء في هذا الإعلان المجّاني = آآآآآآآآآآآه يا بدر : يا مَبْخوع===وْ يا مصروع== وْ مَيّت ْ جوع ْ وْ عَندي الزّاد يا مَوجوع == مْنْ الموضوع ==== بهالينبوع الإسمو زيْاد لِفّ رْجوع ==بـ ْ يِكْفي رْكوع ==حْروفي طوع وْ م َ بـ ْ تنعاد لـ َ ياسوع== بـ ْ ضَوّي شْموع ====بَلكي جْروحَك يشْفيها * *

ما رأيَك َعزيزي \ بدر \ بقليل مِن الـ \\ عَتابا \\ ؟؟

هَيْدي المَوهبة يا ناس ْ رَبّي
عَطاني وْ صِرْت عَرْش الشّعر رَبْ بي
صَرلي شهر خَيّي البَدر :ربّي
أسافه ضاع جهدي و العذاب
**

نصيحة خَيْ لا ترد الجواب
==============

بدر وزيادْ بالأشعارْ غَلّوْ

بقلبْ عامرْ بحُبُّو دونْ غِلّوْ

حِشاشْ القلبْ زاروها وغَلّوْ

مثلْ طيرينْ هدّو بقلبْ غاااااااابْ

**********************

اقتباس:

عليل بمطلعو َرد بْ بَلاهه يا خيي كان هالعلقه بلاها وإذا ما فيك تتحمل بلاها نصيحة خَيْ لا ترد الجواب

==============

حابب رِد لكن نَفْس مالي

وْ لا بَدّي عْلَيك ضَيّع ْنفس مالي

يـ َ أسْوَد ْ وَجْه : عِشْت بـ ْ نَفس مالي

يـ َ أمّا سْوَدْ وَجهَك عالجواب؟

***

انتظرت ْ كتير تـــا تِلفو عصابي

طليعي بـ ْ مدرسة عامِلْ عصابي
م َ عمرو إبن يا إبني عصا :بـــي
إلا ّ تْعاقب بـ ْ يوم الحسااااااااااااب

**

حابب رِد لكن نَفْس مالي

وْ لا بَدّي عْلَيك ضَيّع ْنفس مالي

يـ َ أسْوَد ْ وَجْه : عِشْت بـ ْ نَفس مالي

يـ َ أمّا سْوَدْ وَجهَك عالجواب؟

***

طبيعي عْلَيك إنّي شــــــوف حالي

بـ ِ حالَك صار بَعدي شوف:حالي
بِفَضْلي الجّلد عندَك شــوف: حالي
ع َ كِترْ الضّرب يا شيخ الشّبااااااب

***

===================
ضعيف الحَــيّــل عم يــِــحـْــلم بِ ضربي
جـــــاهل غـَــــــــر وبجهلو مَ ضَــــــرْ بي
ِكنت قادر كسرلو بِ ضربه
ضلاعو بس مانعــني العتاب
=====================

الظّاهر يـ َ خيّي منبرك أصلو جَليد ~~~ م َ بْيِحفَظ الأسماء بالجّهد الجّهيد

مْبارِح دَخَلْ عالمرجلة خيّي البدر ~~~~ و اليَوم جايي إفصلو وْ رِدّو وَليد

~~~~~~~~~~~~~~

حِكمة ْ بِذِهن ْ النّاس محفورة-----م َ يْغرّك ْ المهيوب بالصّورة

مهما البدر يعلى على الأخيار-----بيْضَلْ كَوم ْ حْجار مهجورة
بْشِعري أنا دَوزَنْت أهل الكار--------لوحاتْهُن سابِر ْ أنا غَوْرا
ياما ع َ إيدي تـ ْتَلمَذوا شُعّار---وْ صاروا بِفَضْلي اليَوم أسطورة
وْ ياما بـ ِ نَهري عَمّدوا أفكار----وْ حْروف مِنّي بـ ْ خَتم ممهورة
هالبدر يلّلي عُقرْ داري زار ------يْزيدْ الّلعي بحْروف معصورة
جار الزّمَنْ لمّا عَلَيّي جار------ مُرْتـَدّ عَنّي, بـ ْ رَجّعو بـ ْ زَوْرة
جايي تـ َ ينفش ريش,هالثّرثار------مهما نَفَشْ بيضَلّ :عصفورة
وْنحنا اُ سوْد الغاب يا ستّار---------حكمة بـ ِ ألْف كْتاب مأثورة
حابِب تـ َإحكي بـ ْهَيْبتو شو صار--و الّلي جرى والصّار مَ بْيِنْقال
بِرْجَعْ أنا وْبـ ْقُول: محضورة

~~~~~~~~~~~~~~~~~~~~~~~~

عنوان شرك من شرشر عنوانها == وألوان نظمك من عتم ألوانها
بريشات حرفك للتفاهه صورت == لوحه إنتفت كل القيم من شانها
لولا العتب كنت بْ بياني سطرت = = نعيك على اركانها وحيطانها
لكن مَ زالك عَ الروابي نَشّر ِت = =قصدان جهل ونشزت ألحانها
رح بكتفي بأضهار يلي زورت == بالرد عا فكره خست أوزانها
====================================
شاعر انت بس الشعر ما قدرت == وتجاوزت حدك على أعيانها
وتبهورت في منتداها وزعبرت == وإستبدلت حب الجنا بزيوانها
وتطاولت عا كل مجد وسعرت == حول المعالي شرورك ونيرانها
====================================
وتا إنصفك حيثي أنا لهون إحضرت == حتى الحقيقه تسطع بميدانها
مبدع إنت ساحق إنت ما قصرت == حامل لواء الموهبه ونيشانها
لكن يا عيب الشوم عزمك سخرت == للبهوره عالمرتبه وفرسانها
وإستحقرت كل المعاني ودمرت == قلعة شموخك وهْدَمِت أركانها
مثل الطبل فارغ خوي مَ تغيرت == الحان ر ِتمك مَ أختلف دوزانها
مهما قلت أو صرّحِت أو عَبرت == نفس المعاني ضيق ومحدود
فكرك ردي محروم من إحسانها

=======================================

يا بدر يالّلي انْشَلْ فِكرَك ْ عالأكيد

جـايـي تِرِشّ بْذار أيّـــام الحصيد

مِـن بَعد ما صَفّيتْ لازِقْ عالحديد

جايي بـ ْ لواء الموهبة عَندي تشْيد

تـرغي و تزبِد متل بَرق بـ ْ لا رعيد.

بْشِــــــعري أنا نَشّفْت ْ دَمّك بالوريد

و رْ جِعْتْ نجمة زْغَيّرة ,زينة لـ ِ جِيد

وْلـ ْ غَير هالشّغلة يـ َ إبني مِش ْ مفيد

وْ مِن بَعْد ما رَدّيْت روحـك عن جْديد

عالمرجلة لاهث بـ ِشــي يِشْبه نَشيد.

=========
حِكْمة رَواها شاعر بـ ْ عَهدو مَجيد :

جـَهـّزْ عـَصـاك وْ بَعْـدها لِـمّ العبيد,

عندي العصا بِحْروف بـ ْ تْعَلّم عنيد

كابَر وْ ناوَر وانتهى بْساحي:شهيد.

صَرْلي أنا عشرين يَوم, وْ يوم زيد

عامِل كَرامة ْ لـ ْ ضَيْف زار المنتدى

يا حوينتو أمسى على إيدي:شـــريد

~~~~~~~~~~~~~~~~~~~~~

===================================

بيفخر عا الدني إنْ كنتْ ضدّو
==============================

طال الليل وْ طَوّلنا ~~~وْ مَلّوا الزّوّار

القصّة مهما تْجادَلنا ~~~ ما منها كار
===================
حلوي مِنّكْ مقبولي~~~~تْحَسّنْت شْوَي
بَلّشْ يِظهر مفعولي ~~~يا: حُمّصْ كَي
ناوي إطْفيك بـْ جَولي ~وْ عم قول:خْطَي
خـَلّي مَصْيَدْتي بـ ْ قَولي ~~~تلعَب بالفار
~~~~~~~~~~~~~
أوعا يا بدر تـ ْ لاسِن~~~~حَكيم عْيون
دَمّو بعْروقي ساكن ~~~لو مهما يْكون
يِمْكِنْ يهجيني لَكن~~~~~هـُوّي بيمون
لولا بـ ْ تسمَعني:هادِنْ~~~نحنا لـ ْ كْبار
==================

اقتباس:

المشاركة الأصلية كتبت بواسطة bader1 حكيم المنتدى ْتفاخر بْ ردّو == بحر موصوف والشطـئآن حدّو نسي الموهوم لما البدر يطلع == كيف بْــيحكمو بْجزرو وْ مدّو ===================================

اقتباس:

المشاركة الأصلية كتبت بواسطة ziad sattah أوعا يا بدر تـ ْ لاسِن~~~~حَكيم عْيون دَمّو بعْروقي ساكن ~~~لو مهما يْكون يِمْكِنْ يهجيني لَكن~~~~~هـُوّي بيمون لولا بـ ْ تسمَعني:هادِنْ~~~نحنا لـ ْ كْبار ==================

~~~~~~~~~~~~~~~~~~~~~

*

السّطّاحي نال الشّهْرة~~~بـ ْ طيبة أخلاق
بْجودو خَيّال المُهرة~~~~~وْ نَبْعو رقراق
وْ تا غَيّرْلك هالنّظرة~~~~~مـن بَعد خْناق
تْفَضّل ْ يا روحي إقرا~~~~~~آخِر إخبار:
::::
خَيّي البدر رَحْ مِدْ إيدي وْ صافحو~~~وْ مهما عِمِلْ بِسعى إليه بـ ْ صالحو
وْ لولا صَفَعْني بـ ْ ديرلو خدّي اليمين~~~وْ سَبعين مَرّة لو أساء بـ ْ سامحو
حيثو اصطَفانا وْ زارْ موقعنا الرّصين~~بْقودو ع َ صَدر البيت,أحلى مْطارحو
الله عَفى عمّا مضى يا ســــــــامعينْ~~~~ لـ ْ خيّي البدر:مِصراع قلبي فاتحو

***********************

و هكذا .. نكون قد وصلنا إلى الفصل الأخير من محاورتنا : بدر و أنا , و بإشراف الحكيم .. أرجو أن تكون قد نالت إعجابكم (؟؟) , و إلى اللقاء في محاورة قريبة إن شاء الله .

كنت ُ أحاول استفزاز بدر كي يمتعنا أكثر و أكثر لأنه مِثل نبات الحَبَقْ : كلما حرّكته و تحركشت به , كلما أعطى أعطر الأطياب .

شكرا ً للمتابعة و القراءة ..

===================

==========================

شو أيمتا منبلش هز عن جديد ....ماتطولوا علينا ...أخ بدر ناطريكنك

موقع زيدل سوريا حمص  .. خدمات تشات و دردشة  ... أرشيف المنتدى

vBulletin Copyright ©2000 - 2008, Jelsoft Enterprises Limited.
vB Easy Archive Final ©2000 - 2008 - Created by Stefan "Xenon" Kaeser