الارشيف - يلا يا شباب أرجونا عضلاتكون

Pages: 1

يلا يا شباب أرجونا عضلاتكون
(انقر هنا ان احببت مشاهدة الموضوع الاصلي بالالوان و الصور )

Posted by: merellaa

بدي اطلب من الشباب يقرو يلي كاتبتو ويعطوني رايون بصراحة هل هالكلام صحيح واذا لا ليش وشو بتردوا عليه بس بنفس هالطريقة يعني طريقة تصويرية ومنشوف مين الاشطر يا حلوين

النساء كثمرة التفاح على الشجر التفاحة الأفضل تكون في أعلى الشجرة

ولكن الرجال لا يريدون أن يحصلوا على الأفضل لأنهم يخافون من الوقوع

وإيذاء أنفسهم لذلك فهم يأخذون التفاحة العادية التي سقطت على الأرض

ورغم أنها غير كاملة او غير جيدة إلا أن الحصول عليها سهل هنا قد

يعتقد التفاح الذي في أعلى الشجرة أن هناك شيء ما خطأ بهم والحقيقة

هي أنهن في غاية الروعة والكمال

ببساطة عليهم يكن صبورات ويثقوا بأنفسهم وانتظار قدوم الرجل الحقيقي

لايسقطن ليكن سهلات المنال، وإذا أحبهن شخص ما واحتاج إليهن فإنه

سيفعل كل شي ليحصل عليهن فالمرأة بالنسبة للرجل لم تكن لكي تركل

بقدمه! وليس لكي تقوده من اذنه ولكن جنبا الى جنب لكي تكون متساوية له

ومن تحت ذراعيه لكي تحصل على الحماية وبقرب قلبه لتحصل على الحب

الرب يحميكون

ميمو

Posted by: merellaa

بونجوووووووووووركون

لك يا ويلي عليكون يا شباب باينتو صحيح انكون بتقطفو التفاحة يلي باسفل الشجرة هههههههههههههههههههههههههههههه

باينتو ولا حدا منكون بيكلف خاطرو وبيحاول يطال التفاحة يلي قاعدة فوق وناطرة
لك ويلاااااااااااااااااااااه ويلي عليكون

ربي يحميكون
ميمو

Posted by: Nada1981

عزيزتي ميمو

بنصحك نصيحة اخوية كتري من مواضيع الطبخ و مواضيعك الروحية و بلالك المواضيع الرجالية, الظاهر نسبة الجنس اللطيف عم تتزايد يوم عن يوم بلمنتدى لهيك مواضيع للشباب ماحدا عم يهتم فيها.

هلا كتبي موضوع بمنتدى المرأة و شوفي كم وحدة من حزب الحلاوة و الدلع رح تهتم فيه و ترد عليكي.

النصيحة كانت بجمل

Posted by: hadi..

ميمو

انا بخالفك الراي بانو الرجل بحب التفاحة السهلة او الساقطة

بالعكس تماما الرجل بحب التفاحة الناضجة المتفهمة و اكيد

مو مشكلة اذا كانت باعلى الشجرة او وسطها

و باعتبارك شبهتي المراة بالتفاحة انا بعرف انو شجر التفاح

ما بيحمل باعلى اغصانه تفاح يمكن تكون تفاحة وحدة لا اكثر

و بالنتيجة رايح اتكون عرضة للعصافير ( يعني للنقر و النق )

منشان هيك لشو انتعب حالنا و نطلع على اعلى الشجرة

و الرجل دائما بحب اتكون رجليه على الارض

Posted by: merellaa

واعيني عليكي يا ندوش عنجد ليش هيك
فعلا حزب البنات عم يكبر ويكبر ويا حيف الشباب عم يقلو او عم يستسلموا للامر الواقع يلي هو انو البنت قدرت تاخد الحيز الاكبر من كلشي هههههههههههههه ويلاه ويلي اكلنا اتلة عالمرتب

لك هادي لك وا عيني شو هادا
بحب خبرك انو البنت اذا كانت باعلى الشجرة وصاروا العصافير ينقروها هاد يعني انها رائعة اكتر واكتر لانو ما حدا عم يقدر يطالها بالعكس بس بيحاولوا ينقروها حسب تعبيرك وهاد بتخيل شي حلو لهالبنت ويفضل تضلها فوق ممممممممممم ميشان الشباب دايما يطالوا التفاحات يلي تحت ويشكوا رواسي على راسون ههههههههههههههههههههههههه ولا تتعبوا حالكون الندم حلو بالمستقبل هههههههههههههههههههه

ربي يحميكون
ميمو

Posted by: micropen

اول حاجة رح قلك يا انسة ميري ليه انتو اقوى مننا احنا معشر الرجالة
وثبت ذلك علميا :ودا الرأي للعلماء و لم يكن فى حسباننا احنا الشباب:

وذلك نظرا لأن لديها

1- هرمونات اكثر

2- كالسيوم و استروجين اكثر

3- كرات دمويه بيضاء اكثر00

كذلك يوجد تحت بشرتها طبقتين من الدهن تحميها من نزلات البرد والزكام

وقد اكدت التجارب العلميه والاحصاءات على مدى 100 عام ان النساء اطول عمراً من الرجال

فلو نظرنا الى عدد الارامل على الكره الارضيه نجد أن 75% منهم نساء

ونادرا ما نجد ارمل رجل

وللعلم ايضا

ايضا اثبتت الدراسات ان الدجاجه اقوى من الديك فهي تستطيع ان تبيض كل يوم بيضه باذلة مجهود يقدر ب 100 حصان يوميا وهي طاقه قادره على تسيير عربة قطار لمسافة 50 كيلو بينما الديك لايملك الا ان يصيح ويبقبق فقط

مســــــــــــاكين احنا الرجالة مو هيك ؟؟؟؟؟؟؟؟؟

بس

انا اعتقد إن

عضلات الرجل أقوى

لذلك يستطيع الرجل التسلق وقطف اعلى تفاحة والزمن قادر انو يثبتلك يا انسة ميري

مع الشكر الجزيل لموضوع التحدي

Posted by: ABUODEE

بصراااااااااااااااااااااحة..!!!!!!!
التفاح طيب

بس في الو كتير انواع

وانا بحب التفاحة ذات اللون الغامق مق
يعني الغامقة اذا كانت قريبة من الارض رح اقبل فيها
اما اذا كانت بـ رأس الشجرة يعني اكيد رح اطلع لرأس الشجرة كرمال هالتفاحة....

يعني الشغلة بترجع لذوق آكل التفاحة والمروّة والهمّة والاصرار
بس كوني اكيدي انو اذا قطفت التفاحة من رأس الشجرة وطلعت العصافير ناقرتها
رح يكون مصيرها الارض الي تمت بعيدة عنها زمااااان
وحتى ولو كانت ذات جمال خارق ولون حارق
لازم تكون صافية ونقية صحيح انها بـ رأس الشجرة بس
كتير مهم تكون من الداخل سليمة وطعمها حلو
والا مصيرها بعد اول تذوّق .........الارض
مع العلم انو الشجر العالي اكثر ثماره العالية مصيرهابالعصا لتقع على الارض
يعني اذا بهالشجرة تفاحتي عالية و نفس التفاحة موجودة بشجرة تانية بس مانها عالية
رح اقطف القريبة من الارض بلا تردد وخلي العالية للعصافير ينقّروها

لكم جميعاً محبّتي

Posted by: a_aroush

مرحبا ميريلا .. متعودين منك دائماً مواضيع و قصص حلوة .

اليوم جاي عبالك تتحركشي بالشباب شو القصة ؟

رح كون واقعي بجوابي الك : صحيح الشباب بيلحقوا التفاحة الواقعة عالأرض السهلة , لكن مو لأنهن بيحبوا التفاحة السهلة , إنما مشان يعرفوا طعمة التفاح قبل

.

الشب دائماً بيتطلع على أحلى تفاحة بالشجرة , لهيك برد النصيحة الك و لكل بنت ما تكون تفاحة بأعلى الشجرة , لأن الريح رح توقعها قبل الكل , ولو صمدت قدام الريح رح تذبل و ياكلوها العصافير قبل ما حدا يطالها مثل ما قال هادي , و هيك بتروح هدر . ما تكون بقلب الشجرة حتى ما يغطيها الورق من الشمس و هيك رح تبقى خضرة و حامضة و ما تنضج , و ما تكون بأسفل الشجرة حتى ما يقطفوها قبل ما تستوي . لازم تكون بالوسط عطرف الشجرة تورجي وجها للشمس حتى تنضج و و تحلى حتى تصير حلوة مقشّرة أو بلا تقشير هههههههههههههههههه , و بيشوف جمالها كل شب , لكن ما يكون عودها ضعيف حتى ما تكون سهلة القطف , و لو شافت الشب اللي بتحبوا تدلي غصنها شوي و تلاقيه .

Posted by: merellaa

رجع انفتح الموضوع بعد زمان من شب باينتو بدو يتحدى حزب الحلاوة والدلع

اقتباس:

انا اعتقد إن

عضلات الرجل أقوى

لذلك يستطيع الرجل التسلق وقطف اعلى تفاحة والزمن قادر انو يثبتلك يا انسة ميري

لك يا هلا فيك ويا هلا بهمتك الحلوة عنجد .. ويا سيدي انا معك البنات بيضلوا المسيطرين وانشاااااااااااااااااالله يجي اليوم يلي شوف فيو الشب الواعي ههههههههه يستخدم عضلاتو ليقطف اعلى تفاحة بدل ما يستخدمها لشي تاني

اقتباس:

كتير مهم تكون من الداخل سليمة وطعمها حلو

والله يا عبود باينتك مو مصلي عالنبي اليوم هههههههههههه لك انا معك مية بالمية يمكن العالية تلقوطها العصافير قبل البني ادمين بس شي طبيعي تتعرض البنت لكتير ناس سيئين بيجوا بطريقة الاحتيال بس الحلو انو يكون في حدى يعطيها أمان ويقلها انا طالع جيبك ههههههههههههههههههههههههههههههههههههه شو رايك

a_aroush اي يقبشششششششششششششششششششششششششششششش يلي بدو تدلى لعند الشب يلي حبتو
كمان انا مع انو لا تكون فوق فوق ... بس لا تقنعني انو في شب ما بيعرف طعمة التفاح ان كان مقطع ولا مقشر ولا محزز ولا مع جيلو ههههههههههههههههههههههه
بس عنجد التفاح أنواع وهالايام البنت يلي هي بتقرب من الشب ويا ايدكم هي يلي بتنال الاعجاب اكتر بكلشي والشب بيتاخد فيها وبينسى انو في مين ناطر هههههههههههه

ربي يحميكون
ميمو

Posted by: عـبوودي

اليومين هدول كل التفاح على الارض مافي شي ع الشجرة .....
مشان هيك الشباب ياخذوا من الارض ,,,
بس عني انا اموووت على التفاح الحلو ,,,,

Posted by: micropen

يا الله شو حبيت موضوع هالتفاحة ليه ما بعرف
يمكن لانو اجى وقت التفاح بس على فكرة انا بحب التفاح الحامض

برجع لقصة هالتفاحة اللي براس الشجرة

اول ما اتطلعت فيها حسيتها انها لازم تكون الي

بس اتطلعت مع حالي وقلت هي التفاحة ماكانت هون من قبل وانا بعرف هالشجرة منيح كتير

والله خلقها باعلى فرع بالشجرة لسر معين وحسيت انو هالتفاحة كجزء من نفسي و

بالنسبة الي حبيت اخدها معي لكن صمتها جعلني اعتقد انها تريد علاقة صداقة

حابب تكون هالتفاحة جزء مني وتشاركني مسيرتي وبدي اعرف اذا هي معي باللي عمفكر

فيه لاني ما بدي اتسلق واقطفها وحس اني ساويت خطية حابب تكون برضاها عطية من الله

بمعنى تاني هالثمرة حابب تكون ثمرة عطاء مو ثمرة خطية وبدي شي يدلني اذا اتسلق هالشجرة او كفي بطريقي من دونها

Gold cannot be purified without fire

Posted by: dark angel

مين هادا إلي عمبيقول انو كل التفاح على الارض

لسا في بنات مانزلوا من الشجرة

لسا في بنات اصيلات اكتر مم بتتوقع

يلي بدو التفاحة إلي فوق وبدو يمتلكا
في يروح لعندا ويسألى بكل ادب
ابلت يكفو الطريق ماأبلت لله يعينو
صح ولا انا غلطاني

Posted by: micropen

لا اكيد مانك غلطانة لانو ما لازم الشخص ينظر للاسفل وياخد من على الارض
بالعكس يتطلع دايما للاحسن والاحسن دايما بكون بالعالي

(من هنا انبثق نور من جديد أنتم شعاعه لعالم اغوته المادة والشهوة والشهرة حتى كاد ان يفقد القيم)

بس شو رأيكم بالكلام التالي:

((كثيرا ما تجد المرأة لذة عميقة في أن تجرح من تحب فإذا رأته يتألم أحست بالسعادة ثم أسرعت إليه ملهوفة لتداوي جراحه))

وهون بسأل ليه لازم يكون في ألم

Posted by: dark angel

أنا الصراحة مابعرف ليش لازم يكون في الم

بس يلي بعرفو منيح

انو المرأة بتجرح حبيبى لما بتكون بدا تتاكد

انو بيحبى هي الحالي مابتصير إلى إذا كانت المرأة من التفاحات يلي فوق

اما إذاكانت من التفاحات يلي على الارض

فعذرني لاني مابعرف شو الجواب

الله يوفقكن

dark angel

Posted by: أبو غوسي

والله ياريس . التفاح طيب مابقلك لاء
بس مابحبو لسببين لاخامس لهما . الأول قشر التفاح مابحبو او مابقدرلو . تو . مافي تو
بس بحب البرتقان . البرتقان غير شكل .
اي وفي عندك كذا نوع بحبو مو انو مابحبو .
بس التفاح نو

موقع زيدل سوريا حمص .. خدمات تشات و دردشة ... أرشيف المنتدى