الارشيف - انفجار ضخم وسط مدينة حمص

Pages: 1

انفجار ضخم وسط مدينة حمص
(انقر هنا ان احببت مشاهدة الموضوع الاصلي بالالوان و الصور )

Posted by: Desert rose

خسائر قدرت بالملايين والسارق في حالة حرجة

استفاق أهالي الشارع المعروف باسم ديك الجن التغرة في حي الحميدية وسط مدينة حمص فجر الجمعة على صوت انفجار ضخم هز الأبنية المحيطة به ، متسببا بخسائر مادية قدرت بالملايين.

ولفت شهود عيان من أهالي الحي والمتضررين خلال تغطية "سيريا نيوز" للحادث إلى أنهم استفاقوا على "زلزال" لم يعرفوا مصدره تسبب به انفجار خلف صوتا مدويا وحريقا كبيرا ، وقد أدى ضغط الانفجار القوي إلى كسر زجاج منازلهم ومحلاتهم.. وتحويل سيارة كانت بالقرب من مكان الانفجار إلى هيكل من الحديد.. ومن عزم الانفجار أيضا خرج باب أحد المحلات من مكانه ليخترق عمودا حديديا في البناء المقابل.
وقال الشهود: وقع الانفجار في مشغل للخياطة وامتد إلى المحلات المجاورة له على مساحة أكثر من 400 متر مربع ، وقد تسبب بالانفجار شغيل في ذلك المعمل حاول سرقته عند الساعة الرابعة من فجر يوم الجمعة، قبل أن يقوم بفتح عبوات الغاز الموجودة في المشغل ويرمي عقب سيجارته قبيل خروجه لتغطية معالم سرقته وإظهار الأمر على أنه حريق ضخم، مضيفين أن النار اشتعلت أيضا بالعامل السارق.
وقال صاحب المشغل (معتز .ش ) لـ"سيريا نيوز" إن الصانع الآن في المشفى الوطني في حمص وهو في حالة حرجة، وقدر خسارته بأكثر من ثلاثة ملايين ليرة سورية، قبل أن يركب في سيارة الشرطة التي فتحت تحقيقا بالحادث ليدلي بشهادته مع عدد من أهالي الحي.

بعتذر على نقل هالخبر الصباحي بس إذا ماسمعتوا مني رح تسمعوا من غيري
تنذكر وماتنعاد وسلامة حمص وكل سكان مدينة حمص

سيريا نيوز
3/6/2006

زهرة الصحراء

Posted by: angel

يعني الحماصنة بظلوا حماصنة .. أول مرة بسمع واحد سارق بشعل حريق ليخفي جرمه بقوم بيشعل هوي ...يعني لو عاملها يوم أربعاء كانت بتنغفرله شوي .. لأ وكنا منعطيه شهادة حمصي عن جدارة ... بس يظهر ما يبلبقلنا شي حتى السرقة...
ولايهمك سناء طالما ما في خسائر بالأرواح مو مشكلة .. بالعكس كان فيكي تحطي الخبر بمنتدى الطرائف لإنو ضحكنا عليه أكثر ما اتأثرنا...

Posted by: Nada1981

مرحبا جميعا

معلش انجيل انا رح خالفك الرأي لأول مرة

انا لمى قريت عنوان الخبر نفسه: انفجار ضخم وسط مدينة حمص قلبي انقطع و شوي ثانية رح يصيبني سكتة قلبية لبين ما فتحت الموضوع و قريته و ايدي عم ترجف و انا عم قول الله يستر. بعدين بتجي انتي و بتقولي كان لازم ينحط بمنتدى الطرائف؟

انا عائلتي و قرايبيني و رفقاتي كلهم بلحمدية الي هي وسط المدينة و هيك عنوان خبر اكيد رح يكون صعب عليي كتير بما انه انا بعيدة عن الجميع و متعلقة فيهم كتير. يعني كنت بدي اتصل فيهم لسى قبل ما افتح الخبر و اقراه

هو صحيح الحرامي هدا بيستاهل لقب ( حمصي اصلي ) بس كمان الله يسامحه لازم يجبلنا الحكي لعندنا, ما حاجة الحماصنة صيتهم وصل لبلدان العالم كلها عن طريق المغتربين, صار عنا مندوبين حماصنة بكل قارات العالم.

شكرا سناء على الخبرية الي كانت رح تجلطنا من الصبح.

تحياتي

ندى

Posted by: wisam

مرحبا ندى أنا أنجيل بس عم رد باسم وسام لأنو ما انسمحلي رد باسمي قبل 24 ساعة
أنا اّسفة حقك عليي صدقيني أول ماشفت الموضوع أنا كمان قلبي سلت وما صدقت افتحه بس بعد ما قريت إنو ما في خسائر بالأرواح برد قلبي شوي وما شفت حالي غير عم اضحك .. يعني يمكن صاحبنا بذكائه الحمصي فكر إذا شعل حاله بيخفي معالم الجرم عالاّخر...
بس عن جد عن جد لو هيك خبر مذكور بصحيفة كان ورد ضمن الأخبار الطريفة...
بتعرفي شو الحلو بالموضوع إنو هالخبر خلى اسمك يرجع يضوي من جديد بالمنتدى.. قوليلي من الأول إنو بدك ألعاب نارية لترجعي .. كنت ضويتلك كندا كلها ..

Posted by: Desert rose

صحيح أنا أعتذرت عن نقل الخبر
ولكن ماكنت بعتقد بأنو كلمة إنفجار ممكن تعمل هالقد فيكي ياندى .
إنفجار
أي وشو يعني إنفجار .......
بسيطة كتير إنفجار يعني ........
بم وحدة مابتسمعي غيرها ......
يعني.......
مش متل القصف العشوائي أو القصف المركز بالراجمات.
وبعدين بتفتحي التلفزيون لتسمعي وين طلع الإنفجار وشو سببوا بالضبط :
وكم زلمة ضل وكم زلمة طار
وكم سيارة أتكسرت وكم وحدة أحترقوا بالنار
و بعد خمس دقايق بتعرفي مين الضحية الأصلية .
وبعدها مش بكتير يابتسمعي حدا أعلن مسؤوليته عن هالحدث أو ممكن لا كمان .مافي مشكلة عادي لأن كلوا رح يصير بأرشف الأخبار .
النتيجة من الكلام يمكن صارت كلمة إنفجار بالنسبة للي عاش الأحداث المؤلمة بلبنان متل منقوشة زعتر اللي كل يوم بتعرف حالها بأنها رح تنشوي عالهدا بالنار ...فليه بدها تخاف وتنقز من الدخلة على بيت هالنار .
يكون بعلملك ندى ....هلق نحنا بلبنان ضايق خلقنا من قلة الإنفجارات ومامنعرف شو صار حتى نازلة رحمتهم علينا ومن 14 شباط لــــــــــــ 12/12/2005 عملولنا 16 مهرجان للألعاب النارية على قول أنجيل ولهلق لـــــــــــــ 5/6/2006 ماعد عملولنا ولاطلقة نار .
قولكن :
نسيونا ؟
أو عم يحضرلونا مهرجانات ألعاب نارية بعد مامرق متلها علينا .
أو الله هداهم وحنوا علينا وعرفوا أنو كتير قهرونا

على كل حال .
كلوا عادي ياجماعة ولازم الواحد يقبل كل شي بالحياة الحماصنة ......وغير الحماصنة

شكراً ندى وأنجيل للمساندة بالمشاركة والحمدلله على سلامتك من الجلطة ياندى

زهرة الصحراء

Posted by: roddain

معك حق يا ندى

يا جماعة معها حق ندى تخاف وتنزعج من الشي لي صار لان الانفجار وقع بلقرب من منزل اقارب ندى ومن البيت لي ندى بتنزل في كل سنة .
بيكفي بس توقف ندى على البلكون لتطل على البناية المحرقة .
الله ستر ونشالله ما يكون حدا تضرر .

Posted by: Nada1981

شكرا رودين على سؤالك و الحقيقة معك حق بلكلام الي قلته. للأسف مبارح عم اتصل مع الاهل بحمص و وقتها لحتى عرفت انه مكان الانفجار كان بلشارع الي مقابيل شارعنا. الحمدلله الاضرار كانت كلها مادية بس رهبة الانفجار الساعة 5 الصبح لحالها حاجة.

بهيك موقف و بهيك حالة الواحد مافينه يقول غير الله يسامح الي كان السبب و الحمدلله على سلامة العالم كلها. كلشي بينحل بلمصاري بيتعوض المهم الصحة.

سبحان الله كأنه قلبي حاسسني انه في شي من لمى قريت اسم الموضوع. الحمدية حارتي و اهلي كلهم هنيك لهيك لمى قلت بأول رد كان رح تجيني جلطة ماكنت عم امزح

Posted by: a_aroush

صار بدها الحمدالله عالسلامة ندى .. أن الحادث قرّب كثير لأهل ناس منعرفهم .

أنا مثلك لما سمعت الخبر صار بدي اعرف وين بحمص , لأن الي بيت أخت عايشين هنيك .

بس الموضوع أكيد رح يصير نكثة مثل ما قالت Angel , و رح نتبهذل أكثر , بس بتعرفي شو ؟؟؟؟ كانت النكثة رح تكمل لو جاييتك جلطة و طلع الخبر هيك ... ( حصل انفجار في شارع الحميدية و كانت نتيجته خسارة مادية تقدّر بالملايين , و كانت الخسائر البشرية لهذا الإنفجار حمصيّة تعيش في هولندا , لقت حتفها عندما سمعت الإنفجار ) . آسف ندى بس بدنا نردلك روح النكثة , بعد ما طيرلتك سناء الضحكة و راحت تجلطك ... بس معليش مو أنتي الوحيدة اللي كنتي ضحيتها .. راحت تجلط عالم كثير و أولهم طوني .. ههههههههههههههههه .

Posted by: Nada1981

معلش عبدالله في مواضيع مابيكون فيها مجال للنكتة ابدا و خاصة بمواضيع حياة و موت. و اذا حضرتك بتشوف الصورة لاي نزلها رودين بتعرف شو قصدي. الصورة هي يمكن مأخوذة من تحت بلكونا نحنا.

اقتباس:

كانت النكثة رح تكمل لو جاييتك جلطة و طلع الخبر هيك ... ( حصل انفجار في شارع الحميدية و كانت نتيجته خسارة مادية تقدّر بالملايين , و كانت الخسائر البشرية لهذا الإنفجار حمصيّة تعيش في هولندا , لقت حتفها عندما سمعت الإنفجار )

طيب على القليل قول بعيد الشر

, ولا نسيت انه انا وحيدة اهلي؟

Posted by: a_aroush

أكيد بعيد الشرّ عنك ندى , معقول بتصدقي بسمح فيكي ... لا تفكري ما بعرف شو ممكن صعب الخبر بيكون لما بيكون قريب على حدا من الأهل .. بس مثل ما قالت اينجل بعد ما اطمنا ما في شيء ... مو خطأ نرجع لطبيعتنا و نضحك شوي .. بس أنتي يمكن الصدمة عاملة فيكي شيء لهلأ مانك طبيعية و ما فقتي منها .

حمدي ربك مانك عايشة بلبنان ... شو كان صار فيكي ( من غير شر )

. بعدين شفت الصورة اللي حطها رودين مين الك ما شفتها .. لاحظت أنو سناء مكبرة الخبر كثير .. أكثر من اللازم .. مشان تعمل أهمية للخبر أكثر و يصير ملفت للنظر .. و مشان تعمل دعاية لحمص و تخبر العالم أنو شوفو عنا بحمص كمان في تفجيرات و إرهاب... مثل نيويورك .

Posted by: 0نادر

شو هالشباب اللي من كلمة انفجار كانت صابتون ازمة قلبية وانهيار وشوي تانية كان صابكون دمار شامل ... كيف بدكون تواجهوا الحياة والواقع .... شدوا حالكون شوي .

موقع زيدل سوريا حمص .. خدمات تشات و دردشة ... أرشيف المنتدى