في كثير اشارات استفهام؟؟؟؟؟؟؟؟؟؟؟

مرحبا للجميع:
منذ فترة بدأت الاحظ ظاهرة غير مستحبة بالنسبة لي في منتدى زيدل الغالي على قلوبنا جميعا ولو لم يكن كذلك لما خصصنا له وقتا لا بأس منه من حياتنا اليومية وما سأكتبه اليوم انا مسؤولة عنه تماما واذا أرادت الإدارة الكريمة حذفه "يعني هيك الموضة هالكم يوم" فلا ضرر ولا زعل لأني قررت أن أرسله كرسالة خاصة لادارة المنتدى ولكني أردته أن يكون رسالة لكل عضو وزائر وأي شخص يفكر بالانتساب لهذا المنتدى.
أني بشوف انو هالمنتدى هوي عبارة عن ساحة غير محدودة لكل شخص منني حتى يقدر يعبر عن اللي بيخطر ببالو وبأي مجال بس يظهر انو عم نوقع بغلط وهوي استخدام المنتدى للوصول لغايات خاصة مهما كانت زغيرة او كبيرة يعني اذا في جواتني شي قناعة معينة أو شي منحب نسمعو منقوم ومنكتب بالمنتدى موضوع وبكون هالموضوع عبارة عن طعم لبقية الأعضاء وبتصير هالعالم تكتب وعلى اساس موضوع كثيييييييييييير مهم واللي بياكل الطعم بقلو صحتين واللي بينفد بقلو عقبالك بالمرة الجاي مع موضوع جديد وللي بيرمي هيك فتيشات بقلو برافووووووووووو بس بدو يتذكر شغلي كثير مهمي وعلى اساسها بعدنا مستمرين بهالمنتدى وبسببها عني نسبة قراء تعتبر كبيرة نسبيا مقارنة مع بقية المنتديات ومن كل انحاء العالم ولهالسبب لازم نحترم عدة امور من مشاعر, مشاكل مشتركة, حريات اشخاص للتعبير......
هاي نقطة خلصنا منها.
النقطة الثانية واللي اني بالمرة مابسأل عليها ولا بتدخل بس صار لازم الواحد يعرف وصار لازم الادارة الكريمة بمنتدانا تتبع سياسة التوضيح . هالمواضيع اللي عم تنحذف ليش عم تنحذف وعلى أي أساس بيعتمدو بحذف موضوع يعني اذا خوفا على مشاعر فئة معينة من الأعضاء او القراء اني مابظن ومابقتنع وبعطيكن عدة امثلة على مواضيع وصلت المشاركات فيها لاكثر من 3 صفحات وكان فيها جرح لشعور كثير اعضاء من اللي بيكتبو يوميا تقريبا واذا من ناحية الخوف فما بظن بتروح عن بالكن شغلة انو اي موضوع منكتبو بهالمنتدى بينقرى بكل مشاركاتو وانطرح كثير مواضيع جريئة ومع هيك ماانحذفت ولا حتى صار تلميح حواليها وهيك مابضل غير احتمال واحد وهوي انو بتنحذف المواضيع على اساس التهديد والتخويف وبصير في ناس الها ايد واصلة على حساب ناس ثانيين و ويييييييييين؟؟؟ بمنتدى ضيعتني؟؟؟؟ لك بس فهموني مين هني اللي الهن حق بمطالبة بحذف موضوع؟؟؟؟؟؟؟؟
عالقليلة وقت بينحذف موضوع تقوم الادارة بكتابة كم سطر عن سبب الحذف ويكون لكاتب هالموضوع فرصة حتى يعبر بالمشرمحي عن سبب كتابتو لهالموضوع وشو هيي وجهة نظرو وبعدها حذفو اللي بدكن يا.

وهون بطالب الادارة بفرض شغلة على كل كاتب موضوع وهيي انو وقت اي شخص بيطرح موضوع من اول مرة يقول ليش طارح الموضوع وشو منتظر من ردود الاعضاء واللي بتحبو تزيدو وهيك اذا عندكن تخوف من اي طرح معين بكون هالطرح محصور بنقاط معينة بتضمنو من خلالها التزام بمبادئ معينة مابظن انو عم نطلع عنها.

وشغلي ثانية كمان انو بكون الواحد عم يكتب وعين الله علي بموضوع بسيط او كبير او ترفيهي او اللي بدكن يا وبيكتب رأيو بكل صراحة بقوم عضو مسجل بمنتدى زيدل مدري من ايمت ولامرة شايفين اسمو باي موضوع بينزل وببهذل هالعضو بكم كلمة بتعجبكن وبيطلع واني هون بقترح انو اي عضو بسجل بالمنتدى وبيكتب هيك رد يتم توقيف عضويتو مباشرة بدون مطالبة من اي شخص "يعني كلكن نظر" وكل مين بيجرح اي شخص او اي عضو باي كلمة لازم تتوقف عضويتو مباشرة واني هالشغلي صايرة معي بموضوع مارح قول عنو سخيف بقدر مانو ترفيهي وبسيط.

مع حبي واحترامي وعدم اسفي عن اي كلمة كتبت