الارشيف - شــكـــــــرا منــتــدى زيــدل

Pages: 1

شــكـــــــرا منــتــدى زيــدل
(انقر هنا ان احببت مشاهدة الموضوع الاصلي بالالوان و الصور )

Posted by: Nada1981

مرحبا جميعا

بصراحة الي 3 ايام عم حاول اكتب الموضوع هدا. المشكلة كانت بكيف بدي بلش بلموضوع و بأي منتدى لازم نزله

مثل ما كتيرين منكم عرف انه بلفترة هي كنت بسوريا بزيارة قصيرة مدتها اسبوعين فقط و انشاءالله على الصيف رح تكون الي زيارة كمان مدتها 6 اسابيع. الزيارة هي كانت لحتى شوف و اتعرف على صديقة عزيزة على قلبي كتير من المنتدى و صداقتها معي كانت بس على الانترنت و بلسنة و نص ماصار نصيب اني شوفها شخصي, لهيك حبيت انه بلفترة الي هي فيها بسوريا شوفها و اتعرف عليها عن قرب و كتير كنت سعيدة بل لقاء هدا و بتمنى طبعا يكون عندها هي كمان نفس الشعور.

قبل السفر بيوم دخلت حكيت مع سناء و خبرتها اني مسافرة و طلبت منها ماتقول لحدا حتى اعملها مفاجئة للكل, و من كلمة لكلمة عرفنا اني رح كون على نفس طيارة ابونا جهاد و سناء عرضت عليي انزل معهم من المطار للشام و انا وافقت. و بصراحة قد مااكتب كلمات شكر مارح توفي حقها لسناء.

بنفس الليلة كتبت كم رسالة خاصة لحزب الدلع و الحلاوة و برسالتين منهم بعتت رقم تلفوني بسوريا لصديقتين كمان عزيزين عليي و كنت متعرفة عليهم جديد و ماحصلي الشرف شوفهم هديك السنة. الصديقتين اتصلو فيني من اول يوم وصلت فيه و كتير انبسطت بلاتصال تبعهم و قدرته كتير و كمان صار معهم لقاء مع انه قصير بس كافي لحتى نتعرف على بعض و يعرفو مين هي ندى الي بيحكو معها كل يوم تقريبا. كمان بتمنى من الصديقتين هدول يكونو انبسطو من اللقاء هدا مثل ما انا كتيـــــــر انبسطت.

بلفترة الي كنت فيها بحمص ماقدرت شوف كل الي كان بنفسي اني شوفهم لانه الوقت كان كتير ضيق و قليل, بس من الاصدقاء الي فرحت اني شفتهم هنن الدكتور فكتور و رودين. كمان التقيت بفكتور كم مرة و كمان من كلمة لكملة قلي انه مسافر للشام نفس اليوم الي انا طالعة فيه و اتفقنا نروح مع بعض. و هي فرصة اشكره كمان مرة على التعب الي تعبه معي ( حاج انه استحملني ساعتين بلطريق انا و بنت عمي و الضحكة تبعي الي لمت علينا الباص كله )

الهدف من كتابتي للموضوع هدا انه عنجد المنتدى من اول يوم سجلت فيه لهلا و هو عم يقدملي اشياء كتيرة و منهم الصداقات الكتيرة و الناجحة مع عالم بتستحق اني قول عنهم اصدقاء حقيقيين.

من اول يوم حطيت فيه رجلي بلشام كانت سناء معي و كمان بلرجعة كان فكتور معي, تعبو معي و اسمتحملوني و الاكتر من هيك انهم ماشافوني غير كم مرة بس, شو بدي اكتر من هيك اصدقاء؟؟؟

لولا المنتدى طبعا ماكان حصلي الشرف و تعرفت عليكم كلكم, لهيك بشكر منتدى زيدل على كلشي عم يقدملي ياه الي و لجميع الاعضاء و انشاءالله بنقدر نقدم جزء بسيط رد على كلشي. الشكر الاكبر طبعا لوسام من الاول و بعده حسام و سناء و جميع الادارة من زمان و الادارة الحالية. و انشاءالله بلتوفيق و التقدم.

انا ماذكرت اي اسماء بلموضوع لحتى الصديقات الي شفتهم بسوريا اذا حبو يحكو عن الموضوع هدا يكون من طرفهم و مانه من طرفي منشان ماسبب اي احراج او ازعاج لحدا.

شــــــــــــــــــــــــــكـــــــــــــــرا مـــــــــنــــــــــتـــــــــــدى زيــــــــــــــــــدل

تحياتي

ندى

Posted by: merellaa

ندوش يا ندوش

حسيت بكل كلمة قلتيها وما بتخيل أنو هاد الشي غريب لأنو من أول ما شفتك حسيت أديشك طيوبة ...

أنا من البنات يلي شافوكي بالشام طبعا ما بتتخيلي أديش انبسطت أنو اعطيتيني رقمك قبل ما تنزلي وكنت حابة فاجئك بتلفوني بس للأسف متل المكوك الحايك ما حدا بيلقطك بالبيت هلكتينيييييييييييييييييييييي

بس بصراحة كانت قعدتنا بالشام لذوذة وعرفتني على ضحكتك لايف ههههههههههههه وحبيتها وصرت احكي لرفقاتي كلون عنك حبوكي و حبو يعرفوكي بس تجي بالصيف

ندوش شكرك لمنتدى زيدل بمحلو ... ما صرلي 3 شهور عم أدخل عليه بس بكل مرة بفتحو بستفاد على صعيد معلومات بالدرجة الأولى وعلى صعيد صداقات و .....

أنا كمان حابة اشكر منتدى زيدل لأنو عرفني عليكي وبشكرك ألك لأنو فضيتي من وقتك لتشوفي مرمورة الأمورة هههههههههههه أما شو شوفة ههههههههههه
بعرف أنو ما كان عندك وقت بس انبسطت فيكي كتير وناطرتك عالصيف وناطرة أتعرف أكيد عالبقية وخاصة أبونا جورج والأخ زياد وسناء ( شوقتيني أتعرف عليها من حكيك عنها واديشها بتجنن )

بقول ميرسي لمنتدى زيدل ولإدارتو مع أنولهلق يمكن ما حكيت غير مع حسام بس مو مشكل الأيام جاي وأكيد رح حاول كون فعالة قد ما فيي ( مع أنو بشك ههههههههههههه فوتان بالحيط اسألوا ندوش )

والرب يحميكون
ميمو

موقع زيدل سوريا حمص .. خدمات تشات و دردشة ... أرشيف المنتدى