Pages: 1

وديع الصافي .. و مواويل بتحرّك الحجر

(انقر هنا ان احببت مشاهدة الموضوع الاصلي بالالوان و الصور )

Posted by: a_aroush

قليل و نادر ما صرنا نسمع لوديع الصافي هالأيام على محطات الراديو و التلفزيون , و حتى بهالمنتدى قليل و يمكن ما شفت إلا نادر حدا يحطلو غنيّة .

لكن ما بيختلفو اثنين على عظمة وديع الصافي , حكو عنو و مجد فيه الكبار و الصغار , و رح يتخلّد اسمه للأبد بسماء الأغنية العربية .. و لكن شو هوي أعظم شيء منسمعه لما مننطرب مع وديع الصافي .

يمكن كل واحد عندو سبب , و لو جيت عد أسباب إعجابي فيه , ممكن ما أترك خصلة منو و ما عبر عن إعجابي فيها , و لكن أكثر شيء بحبه لما باسمع وديع الصافي هو الموال .

موال بيجمع بين صوت قوي مثل الرعد مع كلمات بتبرق حب و حنيّة , ليمطر جو الطرب أحاسيس و زغردة و بكي و بسمة عالشفايف , و توقف معها كل شعرة و ترتعش كل دقة قلب , و نرحل معه و نطير بعالم مو من هالدني , و يتركنا عبرّ عالمنا و نتطلع حوالينا و نقول اللللللله من قلب بنبرة قوية .

حبيت كرّم وديع الصافي و أكتب كلمات مواويله , و بتمنى لو يقرا الكلمات جيال , لتعرف كيف بيكون الحكي بحب الحبيب و حب الوطن و الأهل , حب الشجر و النهر و كل حجر , بحب العصافير و السما و نور القمر .

كثير من مواويل وديع الصافي قصيرة , و كثير تميز بالمواويل وسط الغنيّة , أكثر من بدايتها , صحيح أنهن غالبا ما يكونوا بيتين أو أكثر بقليل , و لكن لما بيغنيهن كل مرة بنغم , كانت لكل نغمة طعم أحلى من اللي قبلها .

و يا ريت لو نخلي هالموضوع , ديوان لكلمات مواويله و لأغانيه , يمكن أكتب شي كلمة غلط , فبدكن تعذروني يا اما بتكون سهواً , يا أما سمعانها غلط . في كلمة تركتها فراغ بموال لأني عدتها عشر مرات و ما كنت أعرف شو هي .. لو مريتو عليها و عرفتو شو هيي خبروني .

للأسف أن الموقع اللي عم اسمع فيه ما بيسمح بنسخ الرابط .. و ما لقيت موقع مثله بيحوي كل أغاني وديع . نشالله نتساعد لنلاقيهن بغير امكنة .

اللي بيحب يزور الموقع على هذا اللينك :

http://www.farfesh.com/


Posted by: a_aroush

1


سوى هالقلب يا حلوة ما عنّا
حرام يضل عفراقك معنّى
قلب حيران يتنهّد معنّى
يشكي وحدتو طول الغياب


2


شو صار مدري بحالها شو صار
لا علم من صوبها و لا أخبار
بكتبلها بيعود مكتوبي
مرتجع ما في حدا بالدار

وبيعملو جلسات أهل الحي
قال لازم شد حالي شوي
قلتلهن اللي بإيدو مي
مش مثل يلّي بإيدو نار

يا ريت قلبي بيحملوه بشي يوم
كانوا عليّي ما بيحطّوا اللوم
بضل اتخانق أنا و النّوم
وحياتها ما بنام ليل نهار

يا غايبة و بالفكر موجودة
عودي كفانا حرقصة عودي
بيكرجوا الدمعات عخدودي
كل ما اسمك عبالي دار

3


أهلا و سهلا بالغزال الطلّ
و يا صباح الورد قبل الفلّ
النا يا سلوى ناطرين كثير
تنشوف نورك عالجناين هلّ

معنا بعدك و بتضلي معنا
ما دام للحب بين الناس معنى
و مهما قلبت الأيام معنا
لغيرك ما عم نفتح هالبواب
يا حبيبي
يا حبيبي
يا حبيبي


4


قلتلّك يا ليلى العمر ماضي
و على عنقي جفاكي سيف ماضي
قلتلك يا ليلى العمر ماضي
و على عنقي جفاكي سيف ماضي

الليلة عالوفى و الحب ماضي
و لبكرة ما عدت احسب حساب


5


يا جارح القلب يا جارح القلب
مالك عالجفا ناوي
حملتني هموم عنها
ما روى الراوي

يلّي بنارك فؤادي والحشا كاوي
في كل كتب السما رب السما وصاك
اجرح و داوي
يا ظالم اجرح و داوي



Posted by: a_aroush

6


من جبينك الوضّاح محسود القمر
مخجول مالو عين فيك يطل
قالو صباح الفل بهجة للنظر
أحلى صباحك من صباح الفل

قالوا البنفسج ريحتو حلوة كثير
من البنفسج ريحتك أحلا
وين عندو مثل ما عندك عبير
غيرك عبير الحب ما استحلا

قالو النغم بالناي بيبكّي الحجر
من الناي مرة ما بكي قلبي
نغمات صوتك ما حلم فيها وتر
كلها حنين و شوق و محبة

قالو غني البيكون عندو قصور
لا يا حلوة المال مش ثروة
انتي الغنية بالمحبة و بالشعور
بالحنين و بروحك الحلوة


7
بدنية وردكن زارع يميني
و عدرب دراج ضيعتو يميني
بدنية وردكن زارع يميني
و عدرب دراج ضيعتو يميني
عليكن بالهوى لاحلف يميني
ما احكي غيركن بعد الغياب


8
يوم الثلاثا شيّلو من الدار
و د شّروا بالقلب شعلة نار
ريت الثلاثا ينمحي اسما
لو نقص من كل جمعة نهار


9

بتحبني و شهقت بالبكي
و راسا على صدري تكي
قالت إذا بتحبني لا تروح
و لا تغيب عني يا حبيب الروح
قالت إذا بتحبني لا تروح
و لا تغيب عني يا حبيب الروح

لا تترك بلادك أرض أجدادك
قلتلها زهقان لبنان مش لبنان
نسمات عم تلوح بالوديان
و جبال شعلانة و تلال بتشتكي
بتحبني و شهقت البكي

سألت الضياع شو صار بزهوري
سالت المدن شو صار بقصوري
سألت الضياع شو صار بزهوري
سألت المدن شو صار بقصوري

ردت زهوري صارت بواريد
و عالقصور تحطم القرميد
ردت زهوري صارت بواريد
و عالقصور تكسر القرميد

ناح أرز الرب عالعاطفة و الحب
قالت حبيبي لا تكون ياسان
يا بلاد حلوة سيجي قصورك
بتحبني و شهقت بالبكي

يا رب لا تهجر سما لبنان
و تتركو للبوم و الغربان
مهما الليالي عجبل مفجور
بيضل شعلة نار و نور

مهما يتدمّر بيرجع يتعمّر
منعمروا بمرجان منعمروا بصور
منرجعوا انسان منرجعوا لبنان
منعمروا بالحب و الايمان
لبنان بيضلو حلو لبنان



Posted by: a_aroush

10


طيري يا حمامة بهالأعالي
و خذيلي على جناحك هالرسالة
طيري يا حمامة بهالأعالي
و خذيلي عجناحك هالرسالة
قوليلا عغيابها ذاب قلبي
و ياما صرت سهران الليالي



11


نحنا عالدنيي جينا
نحيي الحب و يحيينا
شو بدو العالم فينا
نحنا بالهوا أحرار



12


بعدني بهوا عيونك بعدني
مهما الدهر عن حبك بعدني
بعدني بهوا عيونك بعدني
مهما الدهر عن حبك بعدني
اذا كنلك في غرامي بعدني
يالله نفرّح بالمحبة قلوبنا

معنا بعدك و بتضل معنا
مادام بين الناس للحب معنى
و مهما قلبت الايام معنا
لغيرك ما منفتح هالبواب

حبيبي أد ما تقسى حبيبي
و ليالي حبنا ليالي حبيبي
و غيرك ما بقى بدي حبيبة
لحلف بعد منك عالاحباب



13


عيونك يؤمروا عليي و ينهون
و ي بليالي و ينهون
عيونك يا منى روحي وينهن
و الجفا و العداوة بلا سبب



14


حبابي وين ما راحوا بيحلوا
و قلبي و عقدة همومي يحلوا
كاس المر بالمبسم يحلّوا
و يصبح كاس طيب للشراب


15


جاروا الحبايب علينا و عالهوا جاروا
بالحب كانوا لنا و لغيرنا صاروا
عصافير ربيت جوانحهن عايدينا
عنهن سألنا الوفا قال الوفا طاروا

لبنان تركنا عهاك الدرب عينينا
و بالبال بعدو حنين الطير لصغارو
الكنوا حناين علينا تكبروا علينا
نسيوا المحبة و ما عادوا عالهوا يغاروا

يا حب نحنا عرفنا مين حبينا
وورد الحبايب لنا عم تضحك زرارو
يا شوق خذنا لهن يا ردهم لينا
ببيت المحبة سوا تنكمل عمارو





Posted by: a_aroush

16



جايين جايين بدنا نسكن بلبنان
و نعيش تحت جوانحو اخوان
لبنان لبنان أول بيت للانسان
غاب السباع و جنة الحلوين
جايين جايين يا أرز الجبل جايين
جايين بدنا نسكن بلبنان
و نعيش تحت جوانحو اخوان
لبنان اول بيت للانسان
غاب السباع و جنة الحلوين


17



يا حب من عمري قطفت سنين
و حملت منك عالاسى و اللين
من حب قلبي زرعت للحلوين
عكل مفرق درب غنية

شو عاد بدي من الهوى كلّو
حلّو عذابي ينتهي حلّو
شو عاد بدي من الهوى كّلو
حلّو عذابي ينتهي حلّو
عفنا الهوا و الحب ليضلوا
مرتي و أطفالي حواليي


18


خطوطنا قلعات للمردان
مردان شاف الموت غارتها
و ما كسر ميدانها ميدان
و لا حاربت قوة تكسرتها
تغنى الزمان بنمرها الحردان
و بغصنها الاخضر و زهرتها
البحر لو من شمسها بردان
دافي جناحو من حرارتها
درعو التلال و بيرق الوديان
و الموج يتكسر عصخرتها


19



عالبال عالبال عالبال
عالبال يا عصفورة النهرين
يا ملونة يا مكحلي العينين
عالبال

عالبال يا عصفورة النهرين
يا ملونة يا مكحلي العينين
صرلي عهالمفرق ثلاث ايام
ما كنت استهدي عبيتك وين
يا عصفورة النهرين


صرلي ثلاث تيام و ما كنت اعرف نام
حفرة خيال الشمس عالمفرق
و رف الحساسين الاجا تفرّق
و ما كنت استهدي عبيتك وين
يا عصفورة النهرين

لا بحارة الفوقا
و لا بحارة التحتا
ولا عالعين
تخمين بيتك صار ريف العين
يا عصفورة النهرين



Posted by: a_aroush

20


قلبي بالجفا و الهجر علّيت
و من عيني دموع الحب علّيت
على سابع سما لو رحت عليت
رح بتعود عديار الحباب


21



لا تشمتي بهالقلب و تقولي نكوى
و لا تطربي بنغمة نواحي و النّوا
لا تشمتي بهالقلب و تقولي نكوى
و لا تطربي بنغمة نواحي و النّوا
يا ريت قلبي بدل قلبك حاملي
لتعرفي يا مدللة ظلم الهوى
يا ريت قلبي بدل قلبك حاملة
تتعرفي يا مدللة ظلم الهوى


22


بقلبي كل ما لحظك كواني
كل ما زاد بحبك ايماني
يا نفحة عطر بعيون الحبايب
ضحكلي عند ما شفتك زماني


23


يا عيد الهنا يا عيد ما نسيت ماضيك
و يا كتاب الهوا بالدمع ماضيك
يا عيد الهنا ما نسيت ماضيك
و يا كتاب الهوا بالدمع ماضيك

و يا لحظ العين فيي زرعت ماضيك
و حرقت العمر عدروب الحباب
يا لحظ العين فيي زرعت ماضيك
و حرقت العمر عدروب الحباب


24


درب الهوا غير شكل عن كل الدروب
ياما على جنباتها مشلقح قلوب
درب الهوا غير شكل عن كل الدروب
ياما على جنباتها مشلقح قلوب
نكنك ما تبت عن كار الهوا
خذها نصيحة يا حبيبي
و روح توب
خذها نصيحة يا حبيبي
و لا تذوب


25


يا زهرتي نقيتك و راضي
كوني وحيدة مزينة حواضي
لا تحاسبي الشاعر على الماضي
الشاعر اذا بيحب ما بينلام

لا تحاسبي الشاعر على الماضي
يا زهرتي نقيتك و راضي
كوني وحيدة مزينة حواضي
لا تحاسبي الشاعر على الماضي
الشاعر اذا بيحب ما بينلام




Posted by: a_aroush

26



بعدن ببالي أهل هاك الدار
متعوب قلبي و الفكر محتار
بعدن ببالي اهل هاك الدار
متعوب قلبي و الفكر محتار

صارت عيوني مشردة اللفتات
مشتاق روح بصوبهن مشوار
هب الهوا و تجرح الموال
و لا علم من صوبن و لا مرسال
ذابت عيوني عالسهر وحدي
و هموم قلبي جبال فوق جبال



27


حبيب القلب نادانا فرحنا
نزرع ورد و نحضّر فرحنا

حبيب القلب نادانا فرحنا
نزرع ورد و نحضّر فرحنا

إذا بيتم بالملقى فرحنا
لرش الورد عدروب الحباب



28


جبلنا بدمنا ترابو جبلنا
مهما الدهر غضباتو جبلنا
جبلنا بدمنا ترابو جبلنا
مهما الدهر غضباتو جبلنا
منبقى هون ما منترك جبلنا
تراب الأرز أغلى من الذهب

يا قلبي يا قلبي كل ما جفني بكمشي
و روح سألي حبايب لا بكم شي
عساك عساك تعود و تتوفّق بكمشة
من تراب المشو عليها الحباب



29


لما يا حلوة لعندها رسولي ورد
و عن ساعة الملقى أخذ معها و رد
حلم الهوى فتّح ببستانه ورد
و بعد الضّنا صارت ليالينا هنا

نشف نبع الهوا و ما رويت غلّي
و جفّت أرضنا و ما جمعت غلّي
و بريش الجانح الدفيان غلّي
حتى سمعك دق القصب

يا ريشة اللي لعبتي حني و غطّي
بدمي كتبي و على قيس غطّي
و يا عين اللي سهرتي الليل غطّي
دقيقة نوم عفراق الحباب




Posted by: a_aroush

30



ما بتذكري عالنهر كنتي توقفي
و زهر الندي من ورد قلبي تقطفي
ما بتذكري عالنهر كنتي توقفي
و زهر الندي من ورد قلبي تقطفي
و كيف كانت ترقص خيالاتنا
و تلعب بموجات المي و تختفي

و صفصافة الفوق النهر توميلنا
و عن سر بعدو بقلبها تحكيلنا
و يرجف ورقها و يستحي مقابيلنا
بس يمرق تحت منها العاصفي

ما بتذكري مشوارنا بين الكروم
و الليل واقف بينا و بين النجوم
ما بتذكري مشوارنا بين الكروم
و الليل واقف بينا و بين النجوم
و القمر واقف نايم على فرشة غيوم
نايم على وجهو قميص منتفي

نسيتي نسيتي و ما بقا عندك حديث
ما عاد يشرب من ضلوعي الياسيمن
عمر الهوا رح ينطفي عليك حزين
و كل شمعة حب حدو بتنطفي


31


حبيبي بعد هالفرقة ولو عود
بعتلي ذكر من كرمك ولو عود
لا تنسى بلادنا الحلوة ولو عود
وفا قلب الحباب عالحباب

معاد الكاس ينفعني و لو راق
و جفاهم يبس غصوني و الوراق
القلم ذايب ألم عني و الوراق
حرقها الشوق على الحباب

جبل لبنان لو فيه وليفي
و ما بزعل اد ما يعتب وليفي
العتب للقلب صابونة و ليفي
غسلو ثوب التجافي بالعتاب


32


يا ربي يا ربي ترجع الغايب عبيتو
زرعت الهم في صدري و عبيتو
يا ربي يا ربي ترجع الغايب عبيتو
زرعت الهم في صدري و عبيتو
شاعر داير يفتش عبيتو
حبيبو قبل آخر سطر غاب


33


لا تغضبو يا اهل المحبة كيفو
و كيف ما ردتوهواكم كيفو
و ضلو الحبايب لاحقوهن كيفو
نحنا وعدنا وما خلفنا بوعدنا

رحموني عام صدو عام لينو
مرمى سهام قلبي عم لينو
بقلبي بحور شوقي عام لينو
يا شط البحر شو مفرق حباب
حباب القلب في قلبي محلّن
ما حلّن يعتبو عليي ما حلّن
حباب القلب في قلبي محلّن
ما حلّن يعتبو عليي ماحلّن
دمع العين من خدي محا اللون
محا اللون المودة
وقبل ترموا الليل شايب



Posted by: a_aroush


34



كرمال قلبي يا عيوني تصبرو
عليي و عسكب الدمع لا تتكبرو
و قدام يلي بحبها رشو الطريق
و لا تخلو ثيابها يتغبرو

بعطيه بروحي شعر و بعيني بكي
الما بشتكي من حبها و لا بتشتكي
قلبي فهم من جفنها لمن حكي
و يخبّر العزّال شو ما خبرو

لا تخلو ثيابها يتغبرو

هالحلوة اللي الزهر مثلا ما خلق
و الصبح يللي بصدرها نورو دلق
لمن وصل مكتوبها قلبي اجتلق
من عطر عينيها الحروف تحبّروا

لا تخلو ثيابها يتغبرو

بحبها و ما بحب غيرا بالوجود
و العمر سكرة عاطفة و غمرة زنود
و اللي تعوّد يسكرو ورد الخدود
و ما عاد شم الورد الله يصبرو

ولا تخلو ثيابها يتغبرو


كرمال قلبي يا عيوني تصبرو
عليي و عسكب الدمع لا تتكبرو
و قدام يلي بحبها رشو الطريق
و لا تخلو ثيابها يتغبرو


35


يا قلبي يا قلبي كثير وصيتك و ناهيك
الغرام الغرام مكسر غصونك و ناهيك
انت ذايب على الفرقة و انا هيك
نضنى جسمي و عنار الشوق ذاب


36


القلب حالف عغيرك يمينو
ما عاد يعرف شمالو من يمينو
يا مين المنا نفّرك يا مينو
لندعي عليه ما يشوف الحباب


37


رجعت حليمة تغار يا أهل الهوا
شو هالمصيبة الما كنت شفلا دوا
رجعت حليمة تغار يا أهل الهوا
شو هالمصيبة الما كنت شفلا دوا
نضلت على هالحال رح نتعب كثير
و مش رح نقضي هالعمر كلو سوا
نضلت على هالحال رح نتعب كثير
و مش رح نقضي هالعمر كلو سوا


38


يا غايب و بعدك معي
عبعدك فقدت الوعي
يا غايب و بعدك معي
عبعدك فقدت الوعي

و يا بسمتي الحلوة رجعي
و يا هم عن دربي نحني


39


سقالله يوم بتصيرو لنا قراب
و نملي من منابعكم لنا قراب
و ما تقولو لنا أهل و لنا قراب
و بعدن طيبين و بالحياة



Posted by: a_aroush


40





يا ابني بلادك قلبك عطيها
و غير فكرك ما بيغنيها
نما حميتها يا ابني من الويلات
ما في حدا غيرك بيحميها

بيّك موصّيلك قبل ما مات
بلادك صلا للحب صلّيها
لو عليها ثقلت الحملات
و شي عين غدر اطلّعت فيها
مثل الأسد خليك في الحزات
صرخة بطل عالكون وديها

يا ابني بلادك يوم طلّ النور
ضوّت نجومو عا رواضيها
و المركب الأول القص بحور
فيلك شراعو من شواطيها

أرزاتنا مرقت عليها دهور
و بعدنا منكبر بماضيها
وصبرا عكتف جبالنا ناطور
جنون العواصف ما بيلويها

يا ابني بلادك جنّة الانسان
بصوتك يا بلبل ضل غنيها
تنقل ما بين الورد و الريحان
و حكايتك للساقية حكيها

خليك يا ابني عالوطن سهران
و عين اللي بيجيها النوم وعيها
و كلّ شبر بنذر من لبنان
أرضك لابنك بس خلّيها

يا ابني السما تضحكلك و تحميك
و تضل درب العز تمشيها
و تلّة الأرزة بنسرها نسميك
و جوانحك عالريح عليها
و الغار كل مواسمو يهديك
و افكارك قناديل ضوّيها
و عالشمس خلّي حلمك يودّيك
و دراج فوق دراج تبنيها
يوم الرجوع بلادك تلاقيك
و عنّك صغار المجد ترويها




Posted by: maroshka

تسلم ايدك على هالمواويل يلي بجننوا
وانا بحب كتير مطربنا العظيم وديع الصافي وحبيت شاركك بهالمواويل
.................................................. ..
قديش صحبي انا وهالبير
عتاق نحنا من زمان كتير
وغماق وغماق وشوف اسرار
مكوية بقلوبنا ودموع ومشاوير انا وهالبير
قديش صرلي بعرؤفوا شي عمر
جيل البيادر والولاد السمر
كان الغمر خلف الغمر موسم صبايا وحب وشحارير
انا وهالبير
يا بير
هال كانت توالفنا تمرق كأنها ما بتعرفنا
يا عيوني
زرعنا سقينا الزرع واقطفنا

وبدنا نسرب ما بقى بكير
ما بقى بكير
بكير انا وهالبير
......
لمن شفتني تنهدت ...من غير حكي
ورغرغت بالدمع بدا تشتكي
وحمر ورد خدودها وتكيت خجل
ومن غصتي ما قدرت قلها شو بك
وضليت واقف هي كمان وقفت معي
رحنا لا قلنا لا رجاع ولا رجعي
وتنيناتنا بهالوقت كنا بلا وعي
عرفنا شو حكيوا قلوبنا من التكتكي
لا هي حكتني ولا طلع مني حكي
.يا ورد كيف وتم وصار وحرمتني
قديش وعدروب الهوا مرجحتني
موتني تا سمحتلي اقطف قمر
ومن بعد ما مديت ايدي طرحتني
يا ورد يا ورد
يا يابا



Posted by: maroshka

غابت الشمس وبردت النسمات
ولبست قميص الليل ضيعتنا
وحط الفلك ع جبالنا شالات
وباتوا طيور بسنديانتنا



واندرز خد السما شامات
شامات بيض متل زرار فلتنا
والندي سقسق ع الوردات الي فتحوا بحيطان حارتنا
يل فلي
وعرزال تحكيلوا الدني حكايات
حكايات عن امجاد ارزتنا
يا ما ع دربو حامت فراشات
ونجوم غطت ع سطيحتنا
ومن جيرت الراعي
ومن جيرت الراعي
لها عنات عنات عنات
مقطفي من نار نهدتنا
وساقية موجاتها مرايات مرايات
قديش فرقت شعر حورتنا
وع كل حفي باقة بنيات
قصتلون فصاتين لوزتنا
يا ما عليهن جنت اللفتات
وتنهدوا شبيبات حارتنا
يا اختي انشالله تنجلي الغيمات
وبنلتقي من بعد فرقتنا

ماشتاق للمعذور للرزقات
للمصطبة لتنور قبوتنا...
لدق الجرس للمخل للقيمات
للعين للحكايات جارتنا
للراعية السمرا الي ورا العنزات
للميجنا بفيات خيمتنا
للكنار الاصفر الريشا ت
ينقر خصور كواز تينتنا
للمحكمة للسطح للخشبات
للكاس يضحك ع سكملتنا
صلي معي يا حلوة الخيات
تنعود يختي هموم حاجتنا
ما بيرجع لخيك هنا الغفوات
تا الشمل يجمعنا بضيعتنا

اوف اوف
يا باي يا حباب قلبي
يا ميجنا يا ميجنا



نحنا ليكم يا حبابنا وانتوا لينا
يا ميجانا يا ميجانا يا ميجانا


بعدني بهوا عيونك بعدني
مهما الدهر عن حبك بعدني

اذا كنلك في غرامي بعدني
يلا نفرح بالمحبة قلوبنا


معنا بعدك و بتضل معنا


مادام بين الناس للحبمعنى


و مهما قلبت الايام معنا


لغيرك ما منفتحهالبواب

حبيبي أد ما تقسى حبيبي


و ليالي حبنا لياليحبيبي


و غيرك ما بقى بدي حبيبة


لحلف بعد منكعالاحباب


..................................................
وسوري اذا غلطت بشي .....



Posted by: a_aroush

شكراً Maroshka الك كمان عالمشاركة و المواويل الحلوة .. و يا ريت تتابعي معي لنكمل كتبة باقي المواويل .


Posted by: issa george


ولو هيك بتطلعوا منا؟.. وماتعودوا تسألوا عنّا
عالقليلة تذكروا الماضي..
تذكروا الماضي..
بسمة على شفاف الهوى كنا.. ولو ولو..

ولو هيك بتتركوا المجروح؟..
عفراقكم صفّى عآخر روح
متعوب فكرو منكسر قلبواا
عفراقكم روحو بتجي وبتروح
ولو.. ولو ولو ولو ولو
ولــــــــو..

كفتى هالأسى كلو..
مهما جرى بالبال بتضلوااا.. عيــني
أمان أمان حبيبي
بكرا انسألني مطل ضيعتكم
وين أخت الشمس شو بقللو؟ ولو ولو حبيبي..

قالت ضحاك..ضحـاك ما بريد تعقد هالجبين
استحليت عاشفافك الضحكة أعرفااا.. عيني
قلت كيف بدي أضحك وقلبي الحزين..
تيتّم وصابر عالمحبة والوفا..
ولو.. ولو.. أه ولو…


هيك بتطلعوا منا؟..
بسمة على شفاف الهوى كنااا.. ولو ولو لوااا..


ياريت كلنا نصلي للعم وديـع ..وخصوصي بهالفترة والله يطلعوا بالسلامة من المشفى ...


شكراً كثير عبدالله لهاللينك الحلو .
حبيت أكتب هون حتى يظلوا الكلمات مجمعين بمكان واحد ..


Posted by: a_aroush

شكرأً الك عيسى عالغنية الحلوة . مبارح بس خبرت هالخبر السيء أنه حالته الصحية تعبانة و أنه تحت عناية خاصة و مجانية في سورية.

بنتمنى له الشفاء, و كنت باتمنى احضرلو سهرة شخصيا , فانشاءلله ما يعملها هلأ .




Posted by: issa george

<< ياختي نجوم الليل شوفيها >>

ياختي نجوم الليل شوفيها سبحان خالقها وباريها

بهالسما قناديل مضويّة بتقدري ياختي تعدّيها

ومتل نعاج بأرض بريّة سارحة والرب راعيها

شوفي القمر رفرف على المّية وصورته للناس رانيها

وحقولنا بالزهر مكسيّة عاكتاف ضيعتنا وروابيها

بكرة السفر يا نور عينيّ خدودِك من الهجران حنّيها

مالي قلب أكسر قلب بيي ولا ميمتي بوّس أياديها

خيي، انت غلطان يا خيي كلمة سفر من تمّك رخيها

وطّل عا اختك بالك شويّة وبهيك نغمة لا تحاكيها

إن رحت بدنا ندوب حنيّة وقلوبنا تفقد أمانيها

وأمّك بالحزن ما بيسوى نكافيها

ولمين بدها تقول يا بنيي بنيي خيي وحيدا لا تجافيها

صارت على العكاز محنيّة شو عليّ أنا بدّك تخلّيها

ياختي تأصبر ما بقى فيي بلادي بقلبي ورح بفديها

هالحنّت عَغيري وجارت عليي، عليي ومين متلي مجد عاطيها

أنا الغنّيتا للفكر غنيّة بأبيات عمتحكي قوافيها

والحان حبي عطيتها هديّة وما قابلت بالمتل هاديها

خيي برضاي عليك يا خيي ورقة فراق بلادك طويها

وعالسفر لا تصمم النية النية بكرة الدني تضحك لياليها

وكل غفوة تحت هالفيّة بتسوى الدني وكل ما فيها

وعهالسطيحة كل سهرية هموم الدني عنك بتجليها

وجبالنا صفحات سماوية صورة وطن حلو معانيها

خليك عاهالبيت شمسية بكرة بتجي إيام عز كتير

كلمة سفر من تمك محيها

يابـــا يــابا يــا يــا..
------------
الله عليك يــا وديــــــــــــــع

بالمناسبة :
لمحبين العم وديع فيكن تشاهدوا مقابلة على يوم الخميس بكرااا (على عيد الحب ..وأحلى عيد حب ) 14.02.2008 على الفضائية السوريـــة .ورح تنعاد الأحد...
نصيحة من أخ لاتروحوهاااا ..



Posted by: صلاح عبد العزيز

اللة اللة عليكم كل الشكر لهذا الجهد الوافر الكبير ومزيدا من نشر هذا التراث الغنى الجميل واتمنى نشر الفلكلور السورى الذى يتغنى بة شادى جميل وفؤاد غازى ونور مهنا وصباح فخرى حتى نفةم هذة الاغانى لان اللغة صعبة شوية علينا فى مصر ***صلاح عبد العزيز


Posted by: إنانا


شكراً جزيلاً لك أخ عبدالله على تخصيص فسحة لذكر الأصالة و الحب والوطن والأهل وذكريات العمر المضى ووكل ما هو جميل...



عمالقة الفن والطرب الأصيل:

يدخلون ذواتنا من دون استئذان...فيديروا عجلة الحب والحنين والذكرى فينا ...

شكراً لكل من صاغ ولحن وغنى وشدا تلك الروائع وقدمها لنا كأساً ريّا نغبّ منها في زمن الشح لتبقى قلوبنا حية نديــــة...

.

..


- 45-



هيهات يا أم الزلف عيني يا موليّا


ما ببدلك يا ضيعتي بكل المدنيـــــّة



سلوى يا بسمة أمل ع شفاف ضيعتنا


لما صباك اكتمل نويتي ع فرقتنــا



بحقولنا طاب العمل ضلّك برفقتنا


ضياعنا ما بتنهمل جنّة طبيعيــــــــّة...



.


..


-46 -



يا مرسال اللي وجهتك صوب الشمال..عرّج ع ديرة عزها فاق الخيال..


في لي بربعها أمانة غالية ..الدّهر فرّق شملنا و الهجر طــــــال..طــــــــال..




باعت مع النسمات مرسال الهوى ...يقلها شو صار فيي ع النوى...


حرقت وليفا وغابت ومعها الدوى... وقطعت خبرها لا سلام ولا سؤال...


يــــابا..يــــــابا



كانت إلي وكنت إلها أول حبيب ... صارت غريبة وصرت ع قلبا غريب...


هيك الله راد والدنيي نصيب...مش كل ما اتمناه قلب المرء نــــال...


يــــــــــــــــــابا...



.....



تحياتي


موقع زيدل سوريا حمص  .. خدمات تشات و دردشة  ... أرشيف المنتدى



vBulletin Copyright ©2000 - 2008, Jelsoft Enterprises Limited.
vB Easy Archive Final ©2000 - 2008 - Created by Stefan "Xenon" Kaeser