الارشيف - سياحة موفقة لكازانوفا عبد العزيز

Pages: 1

سياحة موفقة لكازانوفا عبد العزيز
(انقر هنا ان احببت مشاهدة الموضوع الاصلي بالالوان و الصور )

Posted by: Desert rose

وأخيراً مبروك لحسام بعد وقت قليل إنتهاء مدة إقامته بالسعودية بعد غربة دامت 6 سنين وأنتوا أدرى شو يعني غربة شب بالسعودية وحيد وهالوقت كلوا .

ولكن المبروك الأحلى هوي قبول طلب السياحة بالسفارة الكندية ليقوم حسام بزيارة لكندا لشقيقة الريس وسام اللي قُبل وبكل أسف طلب هجرته هوي وعائلته من سوريا لكندا .

حسام مبروك بالتوفيق إنشالله وإقامة سعيدةمع عائلتك الصغيرة ... وأخيراً صار فيك تحقق أحلامك ياكازانوفا عبد العزيز

وإنشالله تقبل بعد بلقائنا بزيدل .....بعد سياحتك بكندا

المهم ماتكون مقكر ترجع من كندا عالسعودية شي 6 سنين كمااان !!!!!

شو أبو الحيسسسس؟

بااااااااااااااااااااااااااي

زهرة الصحراء

Posted by: shadi

والله يا أبو الحسم يعني الواحد لازم ما يقصر ويسوح كل ما صرلو .. الله يكون معك (صبرت ونلت)
بتمنالك سياحة موفقة بس لا تعزب أندرو
شادي & هدى
من أرض السياحة في سوريا

Posted by: silva

سررت بالخبر وأتمنى لك كل التوفيق بهذه السياحة الرائعة خاصة بلقاء الاحباب تروح وترجع بالسلامة واحمل معك أحر التحيات والسلامات للغوالي هناك ولا تنسى صبايا الحلوين في زيدل

Posted by: hosam abdulaziz

الف شكر الك سناء على تتبع اخباري بدقة , حاولنا نشوش شوي على وسائلك بالتجسس , و ما بعرف اذا نجحت بهالشيء ولو لساعات محدودة.

شعور و لا اجمل , و لا يمكن وصفه بسهولة , ان تتوج هذه التجربة الأغترابية القصيرة الطويلة الى المملكة العربية السعودية ,
برحلة (العمر ) الى بلاد سمعنا عنها الكثير و لم نراها الا على شاشات التلفزة و اقل ما يمكن وصفها بالرائعة.
هنا لا بد من الأشادة بالتعامل الراقي لموظفي السفارة الكندية مع مقدمي الطلبات بغض النظر عن جنسياتهم
اسلوب راقي بالتعامل , دقة بالمواعيد , احترام لمقدم الطلب , شروط منطقية و عقلانية للحصول على التأشيرة(بعكس بعض السفارات الأخرى و على رأسها الولايات المتحدة ذات الشروط التعجيزية مع قلة احترام للمواعيد 6 اسابيع للحصول على التأشيرة قد تطول لعدة شهور (ما جربت بس سألت) )
بينما في الكندية 15 يوم تكون الامور منتهية.

لا اخفيكم الامر انني كنت اعيش في عقدة المواطن السوري المنبوذ في اي مكان يريد قصده للسياحة , بعد تجارب سابقة على ابواب السفارات , و تشكل لدي قناعة كبيرة باستحالة قبول اي طلب الى اي سفارة اجنبية لابناء هذا البلد المعثر.
لكن مع الكنديين الوضع مختلف , قدم اوراقا مقنعة تحصل على التأشيرة بغض النظر عن جنسيتك او ديانتك و هكذا كان.

اخيرا شكر كبير لكل من اهتم بملاحقة اخبار هذه المرحلة و ما اكثرهم و شكر لكل من قدم التهنئة عن طريق الهاتف او بالميلات او في المنتدى.

شكرا شادي يعني فاجئتني بردك من قلب شهر العسل الله يهنيكم انت وهدى
و شكرا سيلفا و لأمنياتك اللطيفة
و مرة جديدة شكر كبير لسناء و لحرصها الدائم على معرفة اخبار الجميع (امرأة شو بدنا نساوي) , برجعتي عسورية اكيد من الصعب بعد عبرك , بس جربي قدمي عالكندية فيا بيشحطوكي و يا بيعطوكي و اذا عطوكي بفكر قلك مرحبا .

Posted by: سيمون برصون

اهلا باحلى حسام في ربوع العالم الجديد .اخيرا يا صديقي قد نلت visa لتحلق بجناحيك الى ما تشاء . رفرف حبيبي مع علم حرييتك لعنا , مشتاقين و ماحلى اللقاء

Posted by: sulieman safar

I dont trust the fact that Cassonova doesn't have other things on his agenda than visisting Canada.Apart from that I am very happy to see that Hosam is going to a country where he might see himself a little shorter than he thinks. Howevere from me and the family the best of wishes to our dear Hosam.
sulieman

Posted by: Desert rose

اقتباس:

المشاركة الأصلية كتبت بواسطة حسام

الف شكر الك سناء على تتبع اخباري بدقة

اقتباس:

المشاركة الأصلية كتبت بواسطة حسام

و مرة جديدة شكر كبير لسناء و لحرصها الدائم على معرفة اخبار الجميع

شـــــــــــــــــــــكراً ســـــــــــــــــــــــــناء

مابعرف بأيا سفارة بدي أصرف هالشكر ...
ولووو حسام مافي أتفضلي سوحي معي
والله سياحتك رح تكون أهم وأحلى

بعرف الضيف بيحقلوا يعزم عالقليلة معوا 7 ضيوف
وأنا واحد من أصل 7

موفق مرة تانية ...مابعرف ليه نقزانة من هالسفرة وخايفة يلطشوك الصبايا بكندا من الصبايا الزيدلية

باي تروح وترجع لحبابك بالسلامة
زهرة الصحراء

Posted by: tomassen

مليح يلي قضيت هالوقت بالسعودية بالاول بعدين فكرت تروح على كندا لانو لو رايح على كندا بالاول ما بعتقد تقدر ترجع عالسعودية
موفق حسام
الله يكون معك

Posted by: angel

مرحبا" للجميع...
أولا" بكرر ترحيبي بالغالي حسام وبتمنالوا يقضي معنا أسعد الأوقات وانشالله نقدر نخلي الأيام اللي رح يعيشها معنا أيام من العمر .. خاصة الطقس صار كثير حلو وكندا لبست ثوبها الأخضر المزركش بمساحات زرق من البحيرات ورذاذ شلالات نياغارا...
وثانيا" يا سناء انتي من أهل البيت وأهل البيت ما بدهم عزيمة .. أصلا" انتو انعزمتوا أول العالم من قبل ما نجي على كندا حتى..
وثالثا" الدعوة مفتوحة لكل من بحب يجي لعنا الله محييه وأهلا وسهلا بالجميع...

Posted by: Desert rose

أنجيل أنا متأكدة تمام من صدق اللي أجا برسالتك
بس أنا الحقيقة قاصدة حسام هالشب المنظوم كيف سمح لنفسوا بتقديم طلب للسياحة لعندكن من دون مايقول شو رأيك سناء نروح لعند أنجيل ووسام تنسوح شوي ....الهيئة كان خايف من أنو يشحطوا ومايقبلوا ...أو أنو حدا بيروح تيسوح وبيحمل معوا مندوبة منتدى المافيا والجاسوسية ببيروت
ولكن الله كبير ويوضع سره بأضعف خلقوا .

والدنية أخد وعطا قريباً رح كون ولأول مرة بإحدى القارات الجميلة وبسياحة منفردة مع أعز الأحباب والأصحاب ...............وبلا منية كازانوفا ****************مع أنو قارة عن قارة بتختلف ؟؟

من وين جبت قوتك ياعزيزي واللي منها أعتقدت بأنك قدرت تخفي خبر الموافقة على طلبك وأنا اللي عرفت أنك قُبلت من قبل ما أنت تعرف

كمان بالتوفيق ياكازانوفا عبد العزيز .........بس انو شو قصة المي بتكذب الغطاس وبعد شهرين العالم بتعرف الحقيقة .
المهم ماتكون القصة المشهورة بأنو رح يلزقوك بنت من كندا معها الجنسية الكندية .

حسام ما تجرسنا تسلملي .....ياشي يحرز يابلا .............**************

زهرة الصحراء

Posted by: sulieman safar

..........بأنو رح يلزقوك بنت من كندا معها الجنسية الكندية
clever thinking

موقع زيدل سوريا حمص .. خدمات تشات و دردشة ... أرشيف المنتدى