Pages: 1
أخبار بتهم اللبنانية
(انقر هنا ان احببت مشاهدة الموضوع الاصلي بالالوان و الصور )
Posted by: Desert rose
تم تخفيض تكلفة التخابر الدولي لكل أنحاء العالم إعتباراً من 31-3 2006
مثال :
أميــــــركا من1100 ليرة لبنانية لــــ700 ليرة لبنانية نهاراً وليلاً بعد العاشرة 500 ليرة لبنانية
السعودية من 1000 ليرة لبنانية لـــ700 ليرة لبنانية نهاراً وليلاً بعد العاشرة 500 ليرة لبنانية
أوروبـــــــا من1100 ليرة لبنانية لــــ700 ليرة لبنانية نهاراً وليلاً بعد العاشرة 500 ليرة لبنانية
يعيش لبنان ....يعيش يايايا .....يعيش 
عقبال مايخفضوا بسورية كمان 
زهرة الصحراء
Posted by: اردني وفي
يالا ممتاز يازهرتنا اللي نزلت اسعار الاتصالات
بس نحنا ارخص بكثير من عندكوا
الدقيقة على امريكيا ليل نهار 10 قروش ما يعادل 14 سنت
وعلى الدول العربية 25 قرش ما يعادل 35 سنت
وعلى اوروبا 20 قرش ما يعادل 28 سنت
ولسه بالاعياد وايام الجمعة بتصير ارخص من هيك
انشالله عقبال ما تنزل بسوريا 
Posted by: hadi..
الله يسامحكم شو تخفيض الاسعار
بدكم تخربوا بيتنا لانو كل ما انخفضت الاسعار
انخفض ربح الاتصالات و بالتالي انخفضت الحوافز الانتاجية
للاتصالات لاني بشتغل بالاتصالات 
Posted by: Desert rose
أهلا هادي
الحق معك بأنو في كتير أشخاص رح يتأثروا بتخفيض أسعار التخابر الدولي
ولكن لحتى يظبط البلد ضروري الدولة تضبط كل المخالفات.... ومنها الإتصالات الغير شرعية
فياعزيزي ماتزعل كانت الدقيقة بمحلات الإتصالات 500 ليرة لبنانية عن طريق النت .لأي بلد بالعالم
وبرأي كان كتير ...فهلق خفضوا عن سعر الدولة كمان شوي بيمشي الحال وبدل الـــ500 خلوها 400 وعمسؤليتي ماتخسروا 
مامنطول كم يوم ومنبارك لكل ا للبنانية بالـــــــــــــ adsl اللي كان متوفر سابقاً ولكن هالمرة بأسعار سوبر خيالية ... وهيك كمان رح يتأثروا شوي كل موزعين الكابل اللي محلاتهم كمان مش شرعية
مابدك تزعل هادي
البلد لازم يظبط 
زهرة الصحراء
Posted by: fadel kanj
"عهدير البوسطة"
هلّق إذا بدنا نقول إنّو البوسطة سبب كلّ المجازر والدمار يلّي صاروا بها البلد، منكون عم نتخبا، نحنا وال 10452 ورا دولابها...
يعني لو إفترضنا "نفخت" دولابها على الطيونة... كنّا "زمطنا"؟ أو "فلت" شي شريط "بوجيه" ونطّ "الشوفير" يجيب واحد من الغبيري... كنّا هلق "سويسرا الشرق"؟ يعني بتعتقدوا لو كان في خليوي وقتها كانت مرتو للمرحوم (الشوفير يعني) إتصلت فيه وقالتله "إبنك طالعة حرارته، تعى بسرعة"... وكانوا الشباب تفهّموا الوضع وكفّوا المشوار بالتكسي أو تمشاية... ووفروا شي 10000 مقعد؟
بيقول المثل "تنذكر وما تنعاد"... بس بوسطتنا بتنذكر بكلّ مناسبة... وبكل "ماتش" عم تنعاد.... فلو سمحتوا يا إخوان مبقى حدا يجيب سيرة البوسطة لأنّو ما دخلها... نحنا شعب منتلقّح طائفية وبتكبر معنا... أو حتى يجي وقت نسافر أو نعمل شي حادث ونفقد الذاكرة... ساعتها بس... مننضف...
يلّلي ما كان إلو نصيب يشهد إنزال الجيش الاميركاني بالنورماندي، في يرجع يشوف نفس المشهد إذا بدو... بوجّ الحمام العسكري لمّا يكونوا الاسلام والمسيحيّي... عفوا الحكمة والرياضي عم يلعبوا... ولك من بعد روايح المازوت والشحم تبع البواريد كيف بيكون بعد فيهن أعصاب يلعبوا؟ وبهيك حقل ألغام كيف فيه الواحد يحطّ كرسي ويقعد يتفرّج؟ طبيعي مش بسّ يكبّ قنينة ميّ عالحكم... يعني "المينيموم" قزازة مولتوف...شي ومنّو ليعمل جوّ!
وعلى فوقى... المنظر الأجمل من النادي الرياضي، هو كتيبة الدبابات يلّي بتوصل قبل يومين من مباراة ال110 وال 220 على الملعب البلدي... يا عين ملّا شوفة...ورحمة جدّي منظر ولا أروع... أهضم شي فيه منظر المجنّدين يلّي بيكونوا عم يتعنزقو عال500(!!) بسّ كلّ هيدا كوم، والمضاد كوم... ما أصلا ما بيقوّص نزول... إلّا إذا كان بن لادن بين جمهور ال110...ساعتها بدو الواحد منّا يحسب حساب!! والله بحبّنا وما عندنا "أباتشي"، كان الحكم ما بينزل عالملعب إلّا فيها... وبصراحة إمّي يلي فيها مكفّيها...
خلّيني إتضبضب وكل بوسطة وإنتوا سالمين... بس حرقة بقلبي ليش "حصان طراودة" مشهور أكتر منها.. هي يلي فظّعت أكثر منّو... وبعدها يتفظّع
تنذكر ومتعاد
110يعني الانصار
220يعني النجمة
وتنذكر ومتنعاد ............ اذا الله راد
fadel_kanj@hotmail.com
Posted by: Desert rose
Posted by: Desert rose
اتخذت المدارس الكاثوليكية قراراً بالإقفال يوم غد الأربعاء 20/11/2007
وبعض المدارس في بيروت الكبرى أعلنت الإقفال حتى يوم الإثنين القادم
التمنيات يكون هالتسكير لصالح لبنان .
ولعل وعسى .....تتقدم التهاني للشعب اللبناني برئيس جديد للبنان خلال ايام
مع أنو الأمل كتير ضعيف
زهرة الصحراء
Posted by: mariam
ما بعرف ليش خطرت ببالي اغنية 000
شروال جدك يا جدي 000000000000000000000000000
الله يهنيكن يارب ويبعد الخصخصة عنا 00
امين يارب العالمين
موقع زيدل سوريا حمص
..
خدمات تشات و
دردشة ...
أرشيف المنتدى
vBulletin Copyright ©2000 - 2008,
Jelsoft Enterprises Limited.
vB Easy Archive Final ©2000 - 2008
- Created by Stefan "Xenon" Kaeser
ماكان أحلى من هيك خبرتعبان ؟؟؟