الارشيف - المتة هل من فوائد

Pages: 1

المتة هل من فوائد
(انقر هنا ان احببت مشاهدة الموضوع الاصلي بالالوان و الصور )

Posted by: hosam abdulaziz

العادات و التقاليد هي غالبة تعكس الوجه الحضاري للبلد او لمنطقة و ربما قرية
و في زيدل هناك عادات و تقاليد كثيرة توارثناها عن اجدادنا و احبناها و حافظنا عليها حتى غدت ترافق اسم القرية في اي مكان ذهبنا اليه.
و احد هذه العادات واشهرها شرب المتة
انا لست بصدد مناقشة عادات و تقاليد القرية لكن احبب ان اضف معلومة قرأتها فب احد المجلات السعودية حول فوائد بعض الأعشاب
كثير منا تسائل و يتسائل عن فائدة و اضرار المتة بعضهم يقول انها مفيدة و البعض يقول انها مضرة خصوا الأكثار منها لكن بالنهاية لا احد يكترث لأنها عادة اقرب الى الإدمان و لا يمكن العزوف عنها ,و هذا نص المقال حرفيا كما نشر في المجلة:
المتة
شراب المتة او شاي المتة معروف في سوريا و يحضرمن امريكا الجنوبية ,يستعمل ورقه كالشاي و يعرف في البلاد العربية باسم "متة"
تتميز شجرة المتة بصغرها و خضرتها الدائمة و اوراقها البيضاوية الشكل و حافتها المسننة و هي تشبه اوراق الشاي.
و قد وصفت المتة بأنها هاضمة و مغذية و مفرحة و ملينة , ويفضل ان تشرب بعد الطعام بوقت طويل لتسهل هضمه و الإكثار من شربها لا يحدث امساكا و لا اضرارا لها على القلب و الأعصاب كالقهوة بالرغم من احتوائها على الكافيين بل تبعث النشاط في العضلات و الأعصاب و تسكن من آلام الرأس و الصداع و عسر التنفس و تهدئ الدماغ.

يعني يا جماعة اشربوا متي و كثروا و خذوا راحتكم بس ما تنسوا تعزموني.

Posted by: Desert rose

لاشك أن طرح مثل هذا الموضوع قد يلفت انتباه الكثيرين .....وخصوصاً أن المتى هو المشروب المفضل عند الزيدليين والقرى المجاورة لها.....ومايميز هذه العادة أو التقليد هو انتقال هذا الكأس الصغير...من يد الى يد....ومن فم الى فم ..مع أنني لم أرى تفسيراً لهذا الشئ سوى أنكم تشعرون بأنكم عائلة واحدة كبيرة ومامن فرق بينكم... ..أو أنكم تريدون المحافظة على عادات وتقاليد أجدادكم...بعكس بعض المناطق التي تتناول المتى ولكن بطريقتين مختلفتين....فاما ان تؤخذ كالشاي بفناجين متفرقة..أو عن طريق تلك الأداة المستعملة في الشرب فتكون شخصية ولاتنقل من شخص الى آخر؟؟؟ (وهذه الطرق أفضل من الناحية الصحية)

أما عن الأفعال المستخدمة لبهشية الشاي.... وهو الأسم الثالث للمتي ...فهو يستخدم كمشروب مقو على غرار الشاي المستخدم في آسيا وأوروبا.....وله خصائص شبيهة بخصائص الشاي والقهوة فهي تنبه الجهاز العصبي وبنفس الوقت هي مسكنة معتدلة..وتزيد من مستويات الطاقة الذهنية والبدنية ولكن على المدى القصير...كما انها تساعد في تخفيف الصداع والشقيقة والألم العصبي..والتعب والأكتئاب المعتدل؟؟؟

اذا ليس كما يقول البعض.....في انه مشروب لاينفع ولايضر؟؟؟

أما أنا فأنصحكم بالأعتدال في تناولها بعكس نصيحة حسام لكم.....(فكل مازاد عن حده نقص)

Posted by: shadi

شكراً حسام العزيز لهذه المعلومات المفيدة عن المتة . وبشكل عام من العادات السيئة والمتفشية في مجتمعنا على حد علمي تناول المشروبات بعد الطعام وأياً كان المشروب فيستحسن تناوله بعد فترة بين 3 إلى 4 ساعات بعد الطعام فالشاي يمتص مادة الحديد الموجوده بالأكل في حال تم شربه بعده مباشرة . والاعتدل بأي مشروب هو شيء أساسي .بالنسبة للصحة فما يكون مفيداً بعض الشي عند تناوله باعتدال يصبح مضراً عند التناول بجرعات جنونية . و كما ذكر الحبيب حسام في المتة مادة الكافايين وهي مادة منبها وبنسبة أقل من الشاي . وتبقى فوائدها أكثر من ضررها في حال تناولها باتنظام على مدار اليوم .وأنا أعرف الكثيرين من الناس الذين يصيبهم اللأرق في الليل عند تناول المتة من بعد الساعة الثامنة ؟
ولزيادة الفائدة (النكهة) للمتة تتم أحيانا إضافة بعض المواد المفيدة كالأعشاب وسمعت ان البعض يشرب متة بعسل ولكن لم أدري كيف الطريقة؟؟؟؟؟؟؟؟
وحسب خبرتي في سوريا توجد ثلاثة أنواع رئيسية للمتة الدارجة الشرب ففي المناطق الجنوبية (جبل العرب) متة ببورين. وفي المناطق الوسطى ترجواي وفي المناطق الساحلية مالطا.
كل شيء زاد عن حدّه انقلب ضدّه

Posted by: wisam

المتة ايها الاصدقاء في زيدل مشروب غالي على قلوب الجميع0 فهو0 يرتبط منذ الصغر باشخاص غاليين على القلب فففي الصباح تستيقظ لتشربها مع اهلك و في المساء مع الاصدقاء و انت في الطريق لا تدري من اين تسمع صوتاً يقول لك حول على شي كاسة متة ... و كل مغترب جاي من الاصدقاء و الاعزاء بقولك جهز كاسة متة بدنا نرجع الايام الخوالي ..فالمتة مشروب رمزي في زيدل يرمز لجلسات الالفة و المحبة و بمكننا ان نتجاوزها لنقول الحب فمن منا في ايام الشباب لم يشرب كاس متة من يد حبيبته ظل يتذكر طعمها سنوات
و لكن مع كل هذا اصبحت الان لا استطيع النوم و اصاب بالارق عندما اشربها بعد الساعة السابعة مساء فلا انام كل الليل .......... فهل اصابت هذه الحالة احدكم من قبل

Posted by: imad_dahi

يعني مو عارفان اشو بدي قلك يا وسام بخصوص مشروب الويسكي بزيدل ( يعني المتي ), ادمان تام ومطلوب جدا, انا بالحقيقة عم اشرب متي مع الشباب هون بروما و نحني ماني بحاجي انجيب المتي من سوريا لانها متوفرة في بعض المحلات هوني, ومن افخر الانواع كمان، بتلاقي مصاصات بتلاقي متي وكل لاوزمها،
ابو شريك جلسة المتي ضرورية والنكثي انو هوني عني مطرح ماني ساكن انا و رامي في الدير الفرنسي في روما، في اثنين فرنساوي بلشوا يشربوا متي واحد منهون بدو يجيب العدي كمان، يعني صارت على مستوى عالي و عالمي كمان....
على كل حال هي مجرد ما ء ساخن مطعم بطعم المتي و السكر و لا اكثر من تسلاية ومعها بينجمعوا الاحباب و المغرومين وكمان معها بتخلق مشاكل وهموم و الله يعين
يا اخي الها سر ما بيعرفو غير ربك............
وهلق انا عازمك ع متاي بروما بقى شو رأيك ..يالله حول
ليكهي حدي جاهزي

Posted by: suher issa

هاي للجميع .
لست الحقيقة الشخص الذي ينصح بشرب المتة لأنني لست أحبها كثيراً لكن كما ذكرتم فالمهم أن جلوسها جميلة و لا أستطع أن أقول أنني لن أشربها فمجبرة لأنه مشروب عام , لكن عندما طرحت السؤال فأتاني الرغبة بأن أعرف ما فوا ئدها فذهبت إلى ويب أرجنتيني لأعرف عن طريق الإنترنت فهذا ما إكتشفته فترجمتها لكم:
لقد اكتشفت عشبة المتة في العالم القديم فكانوا أكثر اهتماماً بطبيعة الأرض وبأعشابها ليس كانوا يعرفوا بفوائد المعالجة التكنولوجية التي هي متوفرة الآن ,فهم استخدموا فوائد المتة لأنها جيدة ل: تنظيف الدم – يسيطر على الشهية –يخفف اليكسترس –ينبه الفكر –تساعد على الهضم –تهدى الأعصاب الموجودة في الدم _تخفف الشهية
و فيها العديد من البيتامينات A,C,E,B-1,B-2, و B= المغنيسيوم , الحمضو, الكلس, الحديد ,بوتاسيوم والشىء المهم الموجود فيها تسمى (ماتيني) فهي تشبه الكفايين لكن لا تؤثر مثلها في عدم النوم (ليسا كما ذكرتم) ولهذا السبب المتة هي المشروب الأساسي في أميركة الجنوبية وأهم البلدان هي:أرجينتين,باراغواي,وروغواي, و جنوب برازيل
فهم يشربونها بدلاً من الشاي و القهوة لأنها أكثر نفعاً
وقد استنتجوا أطباء عالميين في ألمانيا(هامبرغو) أنها أكثر عشبة مفيدة بين كل الأعشاب لحد الآن
فكثير من الأطباء ينصحوا الأمهات بأن يعطوها لأولادهم وأيضاً تنصح للرياضيين كمشروب حيوي
كما أيضاً اكتشفوا أنها تطول العمر والمرض .(فشربوها كثير بلكي بيطول عمركم) مزحة
فهذه كل المعلومات بإختصار لأنها الحقيقة لها فوائد كثيرة و فيها الكثير من الملومات الكيماوية و لكن لست جيدة فيها (لكن هذا ليس نصيحتي أنا ,لكن أخذتها من ويب و هي على الأغلب صح )
فهذا كل ما عندي من معلومات حولها (الشيء الأكيد إنها مفيدة ولا تضر )
إشربوها و لكن أنا إعزموني على عصير أو قهوة باي و صحة للجميع

Posted by: hosam abdulaziz

عندما طرحت هذا الموضوع لم يخطر ببالي ان يفكر احدكم بالرد عليه و كان هدفي اغناء معلوماتكم لا اكثر , لكن يبدو ان موضوعي عن المتة اثار فيكم الحس الوطني و الإنتماء للقرية اكثر من اي موضوع آخر ,و هذا غير مستغرب على مشروب يعد فعلا من الرموز التي نعتز بها في قريتنا .

desert rose
شكرا على المعلومات التي اضفتها لكن انا ضدك في تفضيلك لشرب المتة بطريقة غير جماعية للكأس الواحد , الأخطار الصحية شبه معدومة , لكن هذه الطريقة تفقد متعة شرب المتة الجماعي و انا سأكون اول المتوقفين عن شربها لو درجت هذه العادة في قريتنا مثل بعض الأماكن الأخرى كأهل الضيع الغربية و محافظات الساحل, فليس اجمل منه احساس و انت تتبادل نفس الكأس مع اهلك و اصدقاءك و يزاد الأمر رومانسية لو كانت حبيبتك.
ابن العم شادي
شكرا الك عالأضافات و لذكرك انه خلال معيشتك بالشام لم تكن من المهتمين بهالمشروب كثير بس يبدو العادات و جو القرية فرضوا عليك هالشي و صرت من الشريبين درجة اولى .

وسام
فعلا تحدثت عن الجانب الرومانسي في المتة فأنا و انت لدينا ذكريات لا تنتهي مع المتة بين اصدقاءك و اصدقائي و زوار آخر الليل فعلا انها لحظات لا تنتسى.
اما موضوع الأرق الذي تسببه , طول عمري بتذكر انه بنشربها قبل النوم بشي ربع ساعة و ما بتعمل اي تأثير بس بيجوز العمر اله حقه ,و انا لساني بشربها هي و القهوة قبل النوم و ما بلحق عد لل 10 بكون غفيت.

عماد
انا مثلك مغترب ما بعرف ليش كل ما عملولنا الصدية كاسة مته هون بحس حالي بزيدل , و انا كنت بزيدل متعود مع اصدقائي عأمرين المتة و الأرجيلة
الأرجيلة انسيتها هون و ما بتخطر عبالي و لا لحظة , بس المتة شغلة مهمة و اساسية لأنه فعلا بتحسسني بزيدل و جوها الحلو.

و اخيرا سهير بقلك شكرا عهالمعلومات الأضافية اللي جبتيلنا اياها من المعقل الأساسي للمتة (الأرجنتين), اكيد معلومات صحيحة و مضمونة و نحن بانتظار المزيد منك , بس زعلتيني بشغلة انك ما بتحبي المتة , يعني يا سهير ان عزمناكي عقهوة كلها 10 دقايق و بيخلص الفنجان و بنقلك مع السلامة
بس وبن المتة غير بنشرب اول كاس و بس تموصل بنجددها ليخلص الأبريق و في بعد مجال نعمل ابريق ثاني يعني بالمضمونة بترحلها القصة ساعتين زمان و بنكسبك اكثر معنا ,شو رايك هلق متة او قهوة ؟؟؟؟

Posted by: suher issa

القهوة فأنا أسفة لكن أكسب شوفتكم رغم أنني لن أشرب والجلوس معكم(مجاملة)هاهاها هذا كأس متة من عندي

Posted by: mariam

من الثابت ان المتة تحتوي مجموعة فيتامينات ومادة شبيهة بالكافئين والشايين وقد ذكرتم فوائدها احب ان اضيف انه وبالطريقة التي نشربها تزود الجسم بكمية من السوائل نحن بحاجة لها وخاصة من يعانون من الامساك ولها تاثير مدر للبول ولكن الاهم ان الاكثار من المشروبات اللذيذة هذه المتة والقهوة والشاي يساعد على تشكيل القرحة المعدية وبعض انواع الرمال البولية لذلك من يعاني من حمضة او حس حرق في معدته او من قولنجات كلوية عليه الاقلال من هذه المشروبات
وحتى تستفيد منها بشكل امثل عليك عدم غليها او غلي الماء لان ذلك يخرب الفيتامينات

ولكنها تبقى المشروب الوحيد الذي يشعرك بدفء العلاقات الاجتماعية ولذة المشاركة مع من تحب حتى ولو نقلت لك بعض الفيروسات

Posted by: Desert rose

كان الموضوع حلوا كتير كون المتي المشروب المفضل عند الزيدليين ومايحيط بها من قرى صدية وكونها تقليد بينتقل مع الأشخاص لأمريكا وأستراليا والسعودية ..بيستحق أنو نعيد التدقيق فيه شوي لسبب واحد وهوي دفاعي عن فنجان القهوة الصباحي واللي بتصور بيتفوق باللذة والنكهة عن مشروب المتي الضعيف واللي كل يوم بسمع :

عبدلله شو عم تعمل عم بشرب متي
عماد عم بشرب متي
حسسسااام كمان قاعد عم يشرب متي ....سليمان ووووالخ ...مابعرف إذا عبود كمان متي أو زهرة تشرين أو هنا سفر .... سهير قالت رأيها .... وليزا مامنعرف بالخابور شو بيشربوا قهوة أو متي أو شاي .....يعني:

متى متى متى .....شيء ممل فعلاً حتى بالسمع هيدا رأي الشخصي طبعاً فعذراً من كل الزيدليين إنما الحق لازم ينقال ؟؟؟

طيب .....

اليوم رح أنقل وحدة من المأثورات التي تركها الفيلسوف الفرنسي فولتير مقطوعة صغيرة بيتغزل
بها المشروب الأسود اللذيذ من دون سكر طبعاً .....ورأي البدو بأنو فمش بس الفيلسوف فولتير وحده اللي تغزل بالقهوة، ، لكن الأشعار العربية الفصحى منها والعامية قد حفلت هي الأخرى بالتغزل بها، ....يمكن إذا عرفتوا رأيهم تغيروا رأيكن...؟؟؟

[align=center]فولتير

إذا تمنيت الحياة دون متاعب أو آلام
لسبعة أيام في الأسبوع
فتناول قدحاً منها
تسألني من هي؟!
أقول: الساحرة السمراء.. القهوة
تشفيك من كل آلامك..
حتى آلام الحب، لها من رشفها شفاء..
لا صداع.. لا عطاس.. ولا أحزان. وآهٍ من دلالها، إذا مسها اللبن
!! فقل على متاعب الصدر العفا!!
ولا تدهش إذا قمت مثلي بعد شربها..
طارحاً العكازين ومطارداً الحسان.. في كل مكان!

قالت البدو :

ياما حلا الفنجان مع راحة البال
في مجلس ما فيه نفس تجيله
هذا ولد عم.. وهذا ولد خال وهذا رفيج ما لقينا مثيله
وفي البوادي العربية يتفننون في كيفية (تحميس) حبوب البن في (القلاية)، فيوصي الشاعر البدوي من يقوم بهذه المهمة قائلاً:
احمس ثلاث يا نديمي على ساق
ريحه على جمر الفضا يفضح السوق حذارك، والنبهة، وبالك والاحراق
واصح، تصير بعاجل الحمس مطفوق
وعطت بريحٍ فاضحٍ فاخرٍ فاق
لا عنبر ريحه بالأنفاس منشوق [/align]

زهرة الصحراء

Posted by: celine

انا مع اني صدية (اُح )يعني الاصل.... حلوة هاي موهيك ؟؟؟؟للصراحة مابشرب غير مع رفقاتي واحيانا مع اهلي بس اكيد الاطيب عالصبح فنجان القهوة بس بما انو ماعنا هالعادة بقى حسب المزاج احيانا متي واحيانا قهوة
بس المشروب الاطيب والمفضل واخ لو فيي اشرب منو هوي (الكاكاو )لكن لانو بيعمل وجع بالراس سببو (الرمل )اجبرني الدكتور عالتخفيف وحتى الامتناع عنووالافضل اشرب متي بدلا عنو ....وطبعا اهلي بلشو معي يالله هالمتاية وهالمتاية...ولهيك عندي ردة فعل تجاه المتة بس لا تخافو
بسايركن بكم ابريق (قال هيك ومابتشرب متي بقى كيف اذا كانت بتشرب)

يمكن بشرب مع رفقاتي لانو مابكون حاسة انو عم اشرب متة وعلى فكرة للضيافة انا بحسها احلى شي لانو بتعمل العلاقة ودية وبتخلي القعدة تطول وكيف اذا كانت مع الحبيب ......
بس انا للجكر وقتها ما بشرب.....ها ها ها

وهلأ حسام بدك تجدبها علينا يعني مانك عارف انو بس تجيب سيرة المتة الكل رح يركض بسرعة ليرد سواء كان من صدد ولا من زيدل ولا ولا ولك حتى اللي مو من عادتهن يشربو متي بدن يردو لانو العدوى منتشرة وانا اكيدة انو مافي حدا ما جرب هالطعم الساحر ..

واكيد اطيب متة بتصير بعد السهرات والتعاليل بالصيف مع اكبر جمعة ممكنة و ما بتوصل المتاية لاخر واحد الا وموصلة...والاحلى بمعسكر العاشر اذا بتذكرو .....

مشان الله خلوني ادرسلي شوي....مو مشان شي بس مشان التقي معكن عن قريب عبر احلى منتدى ....زيدل....وبصحتكن جميع...

Posted by: lamia

اقتباس:

و تسكن من آلام الرأس

اي و الله خصوصا وقت الدراسة ههههههه

لا بجد في معلومة مهمة لازم تعرفوها كلكم ... و ثابتة عن طريق التجربة على عدد هائل من الاشخاص
اول شي المتة بتسبب ( عند شربها ساخنة جدا ) لذوي المعدات الحساسة نوع من انواع القرحة المؤلمة و غالبا تكون في المري !!!!
و كمان بتسبب نوع من انواع السعلة بسبب تخريشها للمري بشكل طفيف هالشي اللي بئدي لتجمع طبقة مخاطية عليه و هيي اللي بتسبب السعلة
و لهيك نصحوا مرة بالتلفزيون اللي بعاني من هالاثار يستعيض عن المتة بالزهورات ...
بس و الله انا ما رح استعيض عنها بالزهورات حتى لو اضريت اشربها باردة هههههههههههههه

Posted by: Nada1981

مرحبا جميعا

بلأول بدي اعرف لميا اديه فاضية حضرتك لحتى تفتحي موضوع المتة من اول وجديد? شو ماضل حدا تتسلي معه بعد ما انا سافرت

انا بشرب المتة بفترة الصيف ( بسوريا ) و احلا فائدة للمتة هي الجمعة و اللمة الحلوة الي بتعمها بين الاهل و الاصحاب لما بيقعدو شي 10 ساعات يشربو فيها

لميا شكرا على المعلومة الجديدة هلا تأكدت انه السعلة الي كانت معي ماكانت بسبب الاركيلة كانت بسبب المتة و رح حاول اقنع اهلي بلموضوع حتى اقدر اشرب اركيلة على راحتي من دون كلمة هلا بتسعلي و هلا بتمرضي

سلام للجميع

Posted by: Kfrbaowy

والله هي اول مرة بعرف ه المعلومات عن المتة واستغربت
لان اللي بعرفو وحسب مو قارء

انو المتة تحوي نسبة كبيرة من التبن

Posted by: سلمى حايك

بصراحه موضوع حلو وهو اول موضوع افتحه في المنتدى العذب هذا
شكرا للجميع فقد استفد كثير من المعلومات الحلوة دي

Posted by: mariam

اعجبني راي الاخ كفربو انو المتة بتحوي كثير من التبن ....للعلم انو التبن يبدو المقصود فيه الالياف لانو معلومكم كل النباتات بتتميز انها غنية بالالياف وهاي ضروية للهضم بس للاسف المتة ما بنتناولها لانو معلومكم بنشرب منقوع النبات مثلوا مثل اي صنف زهورات او شاي او......................بس الشي الاكيد يا اخ كفربو انو المعلومات اللي كاتبينها الاعضاء مو من خبرة شخصية بس ولكن من قراءات ومطالعات ومعلومات طبية .........
شكرا لجميع المشاركين

Posted by: Wesam B

السلام عليكم و رحمة الله....

شكرا لجميع من شارك في وضع و التعليق على هذا الموضوع....

أنا من مدينة النبك, و أعتقد أنه معروف مدى تعلق أهالي النبك بمشروب المتة. فالمتة في النبك تعتبر العنصر الاساسي في أي جلسة, سواء كانت رسمية ام غير ذلك.

وبمناسبة طرح هذا الموضوع- رغم ما يحتويه من تضارب بالمعلومات- أحببت أن أشارك بهذه القصيدة القصيرة وهي ليست من تأليفي..

خـضــراء يــابـسـة قــد بــت أهــواهــا………...بـالكـأس أمـلـؤهـا والـمــاء نـدّاهــــــا
كـوبٌ مـن الــمـتــة و الليل يـجـمـعـنـا………...وحـبـيـبـتــي قـربـي والكأس روّاهــــا
أهــواكِ يـا مــتـــة و مــاؤك الـــدافــي………...و بـسـكـر أبـيـض كـالـثـلـج حـلـّاهــــا
الـخـمـر والـمــتــة وعـيـونٌ من الهـوى...……...أهـوى ثـلـاثـتـهـم بـل أنــت أغـلـاهـــا
الـمــاء يـقـطـعـهـــا إن كــان مـغـلـــــيـــــا................ًوالـخـلُّ إن يــده بـالـسـكــب عـلـّاهــا
لـا تـتـرك الـمـتـة إن لـم تـكـن قطـعت………...أمـا إذا قـطـعــت جــدّد مــحــيـــاهـــا
و اجـعـل بـحـوزتـــك مـصـاصـة دومــاً………... لا أنــت لــي خــلٌ إن كنـت تنساهــــا
لا تــرتـحـل بـلـداً أبـــداً بــلـا مــــتـــــة………... و انـزل بـلـا نـدمٍ إن كـنـت تــلـقــاهــا

طـــــــوبـــــــــــى لــــمــــــن مـــتـــت
طــــــــوبـــــــــى لـــمـــــن صـــبــــــت
طـــــــوبــــــــى لـــــمــــــن نـــــــادت
كــــــــأســـــــاً فــــــــلــــبــــاهـــــــــــا

Posted by: Wesam B

السلام عليكم و رحمة الله....

شكرا لجميع من شارك في وضع و التعليق على هذا الموضوع....

أنا من مدينة النبك, و أعتقد أنه معروف مدى تعلق أهالي النبك بمشروب المتة. فالمتة في النبك تعتبر العنصر الاساسي في أي جلسة, سواء كانت رسمية ام غير ذلك.

وبمناسبة طرح هذا الموضوع أحببت أن أشارك بهذه القصيدة القصيرة وهي ليست من تأليفي..

خـضــراء يــابـسـة قــد بــت أهــواهــا……...بـالـكـأس أمـلـؤهـا والـمـاء نـدّاهـــــا
كـوبٌ مـن الــمـتــة و الليل يـجـمـعـنـا....……...وحـبـيـبـتــي قـربـي والـمـاء روّاهــــا
أهــواكِ يـا مــتـــة و مــاؤك الـــدافــي………...و بـسـكـر أبـيـض كـالـثـلـج حـلـّاهــــا
الـخـمـر والـمــتــة وعـيـونٌ من الهـوى………...أهـوى ثـلـاثـتـهـم بـل أنــت أغـلـاهـــا
الـمــاء يـقـطـعـهـــا إن كــان مـغـلـيـــا………...والـخـلُّ إن يــده بـالـســكــب عـلـّاهـا
لـا تـتـرك الـمـتـة إن لـم تـكـن قطـعت………...أمـا إذا قـطـعــت جــدّد مــحــيـــاهـــا
و اجـعـل بـحـوزتـــك مـصـاصـة دومــاً………... لا أنــت لــي خــلٌ إن كنـت تنساهــا
لا تــرتـحـل بـلـداً أبـــداً بــلـا مــــتـــــة………... و انـزل بـلـا نـدمٍ إن كـنـت تــلـقــاهــا

طـــــــوبـــــــــــى لــــمــــــن مـــتـــت
طــــــــوبـــــــــى لـــمـــــن صـــبــــــت
طـــــــوبــــــــى لـــــمــــــن نـــــــادت
كــــــــأســـــــاً فــــــــلــــبــــاهـــــــــــا

Posted by: الألماسي

اقتباس:

المشاركة الأصلية كتبت بواسطة Desert rose

قالت البدو :

ياما حلا الفنجان مع راحة البال
في مجلس ما فيه نفس ثقيله

هذا ولد عم.. وهذا ولد خال
وهذا رفيقٍ ما لقينا مثيله

وفي البوادي العربية يتفننون في كيفية (تحميس) حبوب البن في (القلاية)، فيوصي الشاعر البدوي من يقوم بهذه المهمة قائلاً:

احمس ثلاثٍ يا نديمي على ساق
ريحه على جمر الغضا يفضح السوق

حذراك، والنبهة، وبالك والاحراق
واصحى، تصير بعاجل الحمس مطفوق

وعطت بريحٍ فاضحٍ فاخرٍ فاق
لا عنبر ريحه بالأنفاس منشوق [/align]

زهرة الصحراء

والله خطيره هالزهره!!!!!!!

طبعاً البدو اللي هم إحنا..

الموضوع عن المته ،، مو مشكله..

دخلتي القهوه العربيه كمشروب مشابه ،، مو مشكله..

بس تنقشي أشهر ماقالوا (البدو ) بالقهوه!!!!!!!

هذي قويه بصراحه..

الله يعطيك العافيه..

قريت الموضوع ولفتت إنتباهي هالمشاركه..

وعلى فكره على طول المده اللي قضيتها بزيدل وكثر ماحضرت جلسات

مته ، ماجربتها مره ،

بس القهوه غييييييييييييير عندكم..

تحياتي للكل..

Posted by: الزيرسالم

عم بسمع انه شرب المته خمسه فجا جين باليوم ينشط الزاكره وشديد الانتباه وتفيد لا عبين كمال اجسام هل هاذا صحيح يرجاء الد علا السؤال

Posted by: Afram

مساء الخير
شكرا على هذا الموضوع
أنا بصراحة لما كون بحمص بشرب متة كتير أما بس أرجع على بيتي بتم خفف لحتى أنقطع عنها.
وكمان أهل قرية زيدل مشهورين بوضه مصاصات المتة الطويلة عندما كنت في زيدل قبل سنتين في سهرة مار جرجس كانت سهرة كتير حلوة وممتعة شباب وصبايا في منزل أحد الأقارب متة وأرجيلة بس مع الأسف نطرت الأرججيلة كتير حتى توصلني بس ما وصلت من كتر ما كانت جمعة وسهرة حلوة كانت بوجهلون تحية. بس السهرة على كاسة متة وارجيلة ما بتتنسى وخصوصي إذا كانت جمعة ورفقة حلوة.

Posted by: syria & joleat

يعني قلتو المتى الها فوائد على راسي من فوق بس والله طعمها ما بينهضم مو طيبة بالمرة
ووقت ارجع على سوريا اذا قلت لا شكرا ما بحبها ببلشو بيقولو لكن يا عمي الغربة غيرتك وكبرتك عن المتي عفوا نسينا انك جايه من برا ومو من مستواكي هيك شربات مو على اساس هي ذكرياتنا ووووو...... على اساس انو المتي من عاداتنا بس مو يعني يلي بيحبها ويلي ما بيحبها يشربها يعني اكتر شي حلو بهالغربة انو مافي متي غصب الا اذا بدنا نروح لعند شي جماعة سوريين ولي اذا قلت لاااء..
انا مشان ما وجع راسي وانفخ قلبي بشرب وانا ساكتة مشان ما اسمع هالموشح مع اني ما بحبها ..,. بس اذا كانت متل ما عمتقولو منها فوائد معناها عاداتنا عمتفيدني بدوون ما حس..

تحياتيsyria & joleat _ ياسمين _

موقع زيدل سوريا حمص .. خدمات تشات و دردشة ... أرشيف المنتدى