***************

بيناتنا ياعبدلله الله يعين "هالقسوس" على قولتك ..علينا نحنا وعلى هالعلقة بها المنتديات

يعني منيح اللي عم يتحملوا سئالتنا وسماجتنا وغلاظتنا وسماكتنا وحبنا وحزنا ورومانسيتنا وكرهنا وبغضنا ومحبتنا ..

من ميل منضيف غنية رومانسية ويمكن هيدا حرااااام

ومن جهة تانية منحكي عن هيفا وهبة وهون المصيبة أعوذ بالله هي أكبر خطية

ومن الميلة الثالثة منسطر كلام شعر وغزل ويمكن هاد مش أصول وعيب

والموضة يالطيف الموضة الطريق الأقصر والأوفر للوصول بسرعة لنار جهنم .

وماننسى السوبر ستار

وشي عن نــــــــــــــــــزار

وهيدا اللي مابينذكر أسموا كاظم الساهر

والتاني جورج وسوف

كلها سخافات وتفاهات وتساؤلات وإباحيات مالها معنى بالمنتديات
فاللـــــــــــــــــــه يكون بعونهم معنا ويصبرهن على خطايانا

آمين يارب

ممنوع حذف الموضوع

شكراً للمساندة عبدلله

زهرة الصحراء

مرحبا جميعا

يعني عنجد الله يساعدك يا سناء, لمين بدك تلحقي لتلحقي. من القسوس ولا من الاعضاء ولا المشرفين ولا الادارة ولا ولا ولا .........................

بس الغريبة انه مافي اي عضو نسائي ( حزب الحلاوة و الدلع ) حاول يساعدك

انتي بتعرفي ليه انا قاعدة بمنطقة المتفرجين و اكيد مارح ادخل على الساحة هلا ابدا, لهيك بس حبيت انه قلك الله معك و يعطيكي الصبر و القوة مع بعض لحتى تقدري تردي على الكل.

تحياتي للجميع

ندى

على أنغام "لا تلعب بالنار بتحرق صابيعك" أود أن أعزيك أيتها الأخت العزيزة وأواسيك على ما أصابك!!!!!!!!!!.............. شو كان بدّك بهالعلقة!!!...........:

معليش، تحمّلي شوي.......... ولاّ قلّك: ردّي بعنف وما تخافي!!!!........... في زلم وراكي

هههههههههههههههههههههههههههههههههههههه

عنجد تحفة يا وردة و بلعكس لازم تعيديها لانها طلعت معك حلوة



ندى

هالتعبير يستعلم عادة كمثل للدلالة على مجموعة من

الله يسامحك أبونا هلق هيك طلعنا بالأخير متل عجايز زيدل عم نحش ونلت

أنطروني صبايا في موضوع حابة أستشير في آبائنا الأكارم

عالنّدّى الندى الندى ***حلوي و ما عَم ْ تتْهدّى

كل ما حاكيها منْ الشرقْ **من الغرب ْ بْ ييجي ردّا
**
الحزب اللي كلّوا نسوان***دايمَن ْ مهزوم و خسران
مِتلْ حمّام ْ الجيران******و مقطوعة الميّه عندا
**
قَصدي يعني بْ يحكوا كتير ْ***و كلّو تنظير بْ تنظير
لـو يـجـتـمـعـوا مـن بـكّـيـر***يعني ما رَح ْ نـتـغـدّا
**
النّدّى كانت مرتاحه***بالجّنّه و ْ إلها السّاحه
أخذت ْ عقْلا التفّاحه***شــوفـوا عقلاتا شْــــقدّا

==========

عالندى الندى الندى *** القصة وصلت لحدا
شو بدك بها العلقـــة *** مع حلوة منك قدها
**
زياد نزل عالســـاحة *** بكلماته الذباحـة
ولو زادها بعد شويـة *** زيدل كلها لهدااا
**
قالوا زهــرة قلتوا لأ *** قالوا شيخة نزلتوا نق
قالوا حلوة متّوا طق *** وحوا بعدها مرتاحــة
**
ياآدم كبـّــــر عقلك *** رواية شيلها من فكرك
حكايتنا أكبر من هيك *** شو ليمــــونة وتفاحــــة




=================

تحيةللعضو الفني بحزب الحلاوة والدلع لوردتنا البيضا

زهرة الصحراء

عالندّى الندى الندى******ليش الزهرة محتدّا

ياللّي بْ يقرعْ عالأبواب***بْ يسمع جواب و ردّا
====
قَلبي قَلّي تا قِلّك ْ******* قِلاّ: قالوها قَبْلِك
بْ قِلّك ْ يمّا مَ بْقِلّك ْ ***(حوّا ما أعظم كَيدا)

===
عالنّدّى الندى الندى ***بْ طمّنْكنْ آنـا قـدّا
لولا مرتي سِمْعِتْني***النّومه عَلى البَرندا

==========

عالندّى الندى الندى******مدري حوّا شو بدّا

لاياللّي معها مبسوط***و لا اللّي واقف ضدّا
====
لكن آدم عقلي كْبير ْ*** ياللّي بدها ايّا بيْصير
قرّرْمن بعد التفكيرْ ***عُمرو ما يوقف ضدّا
===
عالنّدّى الندى الندى ***بْ طمّنْكنْ آنـا قـدّا
في عندي من هَيدا كتيرْ***و اللّي بدّا تتحدّا

==========

عالندى الندى التدى ......وماعد فيني إتهدّى

شوبدَّو أستاذ ْ فـْهـِيمْ...........حتى حوَّا يتحدّى
******************************
قلبي ولعْ منْ جوَّا ........فكـِّرْ هَدّي ْ وتروَّى

العلقة بلسانا حوَّا .......ما هيْ نومة ْ عا زندا
******************************
بنتْ وبدّها تدّلعْ........طنّشها وأوعى تسمعْ

حكيا ما منـِّو منفعْ......ولا جابْ ولا..لا ودَّى
******************************
بهيفا وهبي مغرومينْ...لا صوتْ ,وصورة ْ تخمينْ

رسمالا شوّية ْ تزيينْ.......وفقشة ْ تنورة ْ عِندا
******************************
كِرمالا عِمْلو أحزابْ....وطابْ الموتْ لأجلا طابْ

ولو كثرتْ عندا الألقابْ..... بصلة ْ ما رحْ تتعدَّى
***********************************

عــالندى الندى النــــدى ............... تخنت زادت عن حـدى
حوا وآدم غلطانيــــــــن ................. وشيطان بــــخبثو بــدا

عن حوى ما بنستغنـــي ............... الأرض بقربى جنـــي
وموالــــي بدي غنــــي ................ وكــل صيحة وإلهــا ردا

يا اصحابي تهدو شـــوي .............. النـــار طفيها المــــــي
بمشكلكن رح صير البي ..... ......... وفــرقتكن اوقف ضــدى

كل اخ بيحتاج لأخــــت ................. وكل شب بيعشقلو بنت
والدني حلوي لو شفـــت ...... ........ النص الثاني من عنــدا

الله بي حكمو عــــــادل ................ لحــــوا وآدم قايـــــــــــل
بمملكتي جني عامـــل .............. و إلــكون فردوسي بردى

موقع زيدل سوريا حمص  .. خدمات تشات و دردشة  ... أرشيف المنتدى

vBulletin Copyright ©2000 - 2008, Jelsoft Enterprises Limited.
vB Easy Archive Final ©2000 - 2008 - Created by Stefan "Xenon" Kaeser