الارشيف - من علمني حرفا كنت له عبدا...............

Pages: 1

من علمني حرفا كنت له عبدا...............
(انقر هنا ان احببت مشاهدة الموضوع الاصلي بالالوان و الصور )

Posted by: mariam

في عيد المعلم لانملك مانقول الا كل عام وانتم بخير
قال أحمد شوقي ......
مكرما العلم والمعلمين.............
قُم لِلمُعَلِّمِ وَفِّهِ التَبجيلا............ كادَ المُعَلِّمُ أَن يَكونَ رَسولا
أَعَلِمتَ أَشرَفَ أَو أَجَلَّ مِنَ الَّذي ..... .... يَبني وَيُنشِئُ أَنفُساً وَعُقولا
إِنَّ الشَجاعَةَ في القُلوبِ كَثيرَةٌ......... وَوَجَدتُ شُجعانَ العُقولِ قَليلا
إِنَّ الَّذي خَلَقَ الحَقيقَةَ عَلقَماً ............. لَم يُخلِ مِن أَهلِ الحَقيقَةِ جيلا

ولكن من يعاني ويتعب ويقاسي مرَ الحياة لأنه معلم يختلف رأيه..وهذا ابراهيم طوقان يخبرنا حالة المعلم.............

شوقي يقول وما درى بمصيبتي........ قم للمعلم وفّه التبجيلا
اقعد فديتك هل يكون مبجلاً ............. من كان للنشء الصغار خليلا
ويكاد يقلقني الأّمير بقوله ................ كاد المعلم أن يكون رسولا
لو جرّب التعليم شوقي ساعة............ لقضى الحياة شقاوة وخمولا
حسب المعلم غمَّة وكآبة ................. مرآى الدفاتر بكرة وأصيلا
مئة على مئة إذا هي صلِّحت........... وجد العمى نحو العيون سبيلا
ولو أنّ في التصليح نفعاً يرتجى ........... وأبيك لم أكُ بالعيون بخيلا
لكنْ أصلّح غلطةً نحويةً ...................... مثلاً واتخذ الكتاب دليلا
مستشهداً بالغرّ من آياته ...................... أو بالحديث مفصلاً تفصيلا
وأغوص في الشعر القديم فأنتقي............... ما ليس ملتبساً ولا مبذولا
وأكاد أبعث سيبويه من البلى............ وذويه من أهل القرون الأُولى
فأرى حماراً بعد ذلك كلّه........................ رفَعَ المضاف إليه والمفعولا
لا تعجبوا إن صحتُ يوماً صيحة........... ووقعت ما بين البنوك قتيلا
يا من يريد الانتحار وجدته........................ إنَّ المعلم لا يعيش طويلا

لكل المعلمين ولكل من يؤمن بالقلم ويحافظ عليه................كل عام وانتم بخير............

مريم

Posted by: fr george massis

بضم صوتي لدكتورتنا مريم وبعايد كل المعلمين والمعلمات وخصوصا اساتذتي بالمدرسة بزيدل
كلهم ودون استثناء
والأساتذة يلي معنا وبذكر الأستاذ زياد...................
وكل عام وأنتم بخير وتكون دايما شمعة تنير دروب الأجيال
والله معك.......................

Posted by: angel

وأنا بدوري أقدم جزيل الشكر والعرفان لكل من كان له الفضل في ايصالي لما أنا عليه من علم ومعرفة ... وأقدم التهاني لجميع المعلمين والمعلمات وأخص بالذكر أساتذتنا في المنتدى :الأستاذ زياد السطاح والأستاذ غسان الدرة والأستاذ سعدالله نعمة المحترمين ... وكل المحبة والأماني القلبية لوالدي ووالدتي وعمي( أبو وسام ) وامرأة العم الغالية ( أم جون ) في عيدهم .. أدامكم الله جميعا" ذخرا" للأجيال ..
وكل عام وأنتم بخير ...

Posted by: ghassan durra

جميع الاصدقاء والاحباء الطلاب .
شكرا لتهنئتكم الجميلة بعيد المعلم وان دل على شيء يدل على الاصالة في داخلكم والعرفان بالجميل بوجدانكم ادامكم الله ذخرا للوطن والمجتمع وباسمي واسم زملائي الكرام نشكر كل من وجه تهنئة او سيوجه ونحن نوجه التهنئة لمعلمينا من على قيد الحياة او من غادرها ولم ولن ننساهم على قول هارون الرشيد من علمني حرفا كنت له عبدا .
واخص بالشكر الاخت الغالية الدكتورة مريم والاب الفاضل جورج والطالبة المحبوبة انجل وكل عام وانتم بخير باعياد اذار جميعا .

Posted by: ziad sattah

جزيل الشكر لكل من ألقى أو سيلقي علينا تحية معايدة بعيد المعلّم ..
و اخص ّ بالشكر العزيز جدا ً الأخ حسام الذي قام بتنزيل خبر الحفل الفنّي الذي تقيمه وحدتنا النقابية بمناسبة عيد المعلّم و هو مناسبة سنوية يتم فيها تكريم المتقاعدين من المدرسين ( و المدرسات حتى ما تزعل سناء ) ثم يبدأ الحفل الذي يحوز سنويا ً على إعجاب الجميع و يحيي الحفل نخبة من المطربين المميّزين . مع عشاء فاخر و مشروب و توابعه.
أرجو أن ألتقيكم في الصالة بين الحضور .. طبعا ً الدعوة ليست مجّانية و لكن المبلغ ثلاثمائة ليرة سورية يقارب سعر الكلفة .
- على فكرة : عيد المعلم هذه السنة يصادف \\ 16 \\ آذار يوم الخميس أمّا الحفل فهو يوم الجمعة , و أهلا ً بكل من يستطيع الحضور . و كل عام و أنتم بخير .

Posted by: hosam abdulaziz

اقتباس:

المشاركة الأصلية كتبت بواسطة ziad sattah

على فكرة : عيد المعلم هذه السنة يصادف \\ 16 \\ آذار يوم الخميس أمّا الحفل فهو يوم الجمعة , و أهلا ً بكل من يستطيع الحضور

بداية شكرا للدكتورة و كل من قام بالرد عالموضوع
بس عندي تساؤل عن تاريخ عيد المعلم اللي طول عمري بعرفه انه بيصادف في السبت الثاني من آذار .
و الأستاذ زياد عميقول انه مصادف يوم خميس .

فهل هالتغيير تم بعد ما تم العمل بنظام العطلة يوم السبت
و بالتالي تعويض المعلمين عن هذه العطلة بتغيير يوم عيد المعلم ؟؟؟

على كل اتمنى التوضيح و اعلامنا عن التاريخ الجديد لعيد المعلم سنويا.

قال الرئيس الأسد:
المعلمون بناة حقيقيون لأنهم يبنون الأنسان
و الأنسان هو غاية الحياة و هو منطلق الحياة.

Posted by: Desert rose

هي من المناسبات التي تذكرنا دائماً بأيام المقاعد والدراسة .
مراحل الشباب سبقتها مرحلة البراءة و الطفولة .
مراحل ولكل مرحلة جمالها وفنها ونشاطها وعنفوانها
مراحل تلتصق بنا تلازمنا نستشهد بها ...وبكل... محبة وهدوء وحرص معلميها .
مراحل ضمتنا حوت طيشنا وجدّنا ....أحببناها عشقناها وهانحن اليوم مع ذكرى العيد نتمنى أن نعود إليها وتعود إلينا .
نتمنى أن نلتقي بكل من كانوا يحملون معهم كل يوم صباحاً شمعةً لتنير دروبنا ويعودوا ظهراً لديارهم مثقلين بهمومنا وشقائنا ...وشقاوتنا

لكل هؤلاء أخص بالذكر أساتذة زيدل الأعزاء وخصوصاً من يشاركنا كل حرف وكل كلمة أقول كـــل عـــام وأنتـــم بخير شكراً لكم حمل هذه الرسالة المقدسة .
وأيضاً كل الخير والشكر لأساتذة المدارس والجامعات اللبنانية الذين يصادف عيدهم يوم الخميس في 9 آذار ...وستبدأ إجازتهم من ظهر الغد الأربعاء حتى صباح الأثنين

زهرة الصحراء

Posted by: a_aroush

مرّ علينا الكثير من المعلمين , منهم من أحببناهم كثيراً و منهم من أحببناهم أقل بقليل و منهم ربما لم نحبهم أبداً لكننا لم نكرههم . لكن مهما اختلفت محبتنا لهم يبقى لهم مكان كبير و قدر كبير و أثر أكبر في حياة كلّ واحد منّا .

لا أعرف كيفك أصف المعلم , و لا أجد العبارات الكافية لأقدّرهم بها , لأن لهم معزّة كبيرة عندي و لا أقدر أن أضعها في كلمات , لكن سأصف المعلّم بالفنان و نحن لوحاته الفنيّة , فكيف لنا أن ننسى فضلهم علينا و نحن نحمل نقوشهم معنا في كل مكان .

أتمنى لكل المعلمين قضاء عيد سعيد و أدامهم بخير , و أخص بذلك كل المعلمين الذين كانوا معنا على مقاعد الدراسة , ثم أختي العزيزة عفاف و لو أنها ليست معنا , و كذلك المعلمين الذين معنا , ابن الخال الأستاذ غسّان درّة و الأساتذة سعدالله نعمة و زياد سطاح .

و كل عام و أنتم بخير

Posted by: RUSHA AWAD

مرحبا للجميع:
كل سني على صفحات هالمنتدى منجدد معايداتني لأشخاص كان الهن دور كبير بحياة كل شخص منني بشكل مباشر او غير مباشر من خلال المعلومات اللي عم يعطوني ياها او من خلال مواقف او كلام بقولو وكلو بيلعب دور بتكوين شخصية الانسان

بمراحل مثل الطفولة والمراهقة ويمكن هالشي ماكثير منعطي اهمية وقت منكون على مقاعد الدراسي لانو منكون مشغولين بشغلات غير ولا تسألوني عن هالشغلات

لانو كل مابتجي سيرة المدرسة بتكون ردة فعلي ابتسامي وبعدين ضحكة كبيرة لانو بمر بمخيلتي كل المواقف الحلوي والشيطنات والشغب اللي عشناهن وبعدين بتذكر ساعات الجد والدرس. طبعا ومابنسي عايد استاذي الاستاذ زياد سطاح اللي كان معلمي للغة الانكليزية لمدة سنتين والاستاذ غسان الدرة اللي كان نائب المدير واللي اتحمل شعبة البكالوريا كثير اذا بعدو بيذكر سنة 2003 ومعايدي للاستاذ سعدالله واللي بتأمل انو يرجع يشاركني بالمنتدى ومعايدي لكل معلم معني بالمنتدى في حال نسيني نذكرهن.

مع حبي واحترامي
رشاعواد

Posted by: Nada1981

مرحبا جميعا

كل عام و جميع المعلمين و المعلمات بألف خير. يعني عنجد قليل عليهم يوم عيد واحد بلسنة و خاصة انهم عم يستحملو الطلاب بلمدرسة بجانب مشاغلهم و مشاكلهم اليومية خارج المدرسة.

المعلم بعتبره انا جوهر العملية التعليمية و التربوية لانه وظيفته كموجه الها دور كبير من خلال منطقه و لسانه و لغته و مشاعره و اخلاصه بعمله و طريقته بلتدريس لانجاح العملية التربوية و التعليمية.

انا بلنسبة الي درسة لصف التاسع بحمص و كنت بحب انساتي كتير لانهم هنن كمان كانو يحبوني و مع انه كنت مشاغبة من الدرجة الاولى الا انه ولا يوم اخدت عقاب من حدا منهم

ندى

Posted by: sulieman safar

Never before in the history of human relation so much is given by the so few to the so many. To me this statement represent the work of teachers. To all those teachers that taught me and will keep teaching me, my gratitude and love go to you forevere.
sulieman

Posted by: ziad sattah

اقتباس:

اتمنى التوضيح و اعلامنا عن التاريخ الجديد لعيد المعلم سنويا

كنّا سابقا ً نحتفل بعيد المعلم في يوم السبت الثاني من آذار , و لكن بعد أن أصبحنا في سوريا نعطّل يومي الجمعة و السبت, فكان لا بد أن نختار يوما ً آخر غير السبت . و جاء اختيار يوم الخميس لأنه يأتي مباشرة قبل عطلة نهاية الأسبوع . و نحن في سوريا لدينا عطلة عيد \8\ آذار , و يمكن أن تأتي أحيانا ًيوم الخميس الأول أو الثاني من آذار . لذلك وقع الاختيار على يوم الخميس الثالث منه .
و هنالك توجُّه ٌ أن يكون هذا العيد موحّدا ً بين الدول العربية. و كل عام و أنتم بخير..

Posted by: Desert rose

بكرة رح نتذكـــــــــــــــرن ...............بس أنتوا ماتنسونـــــــا
بكل شفة من ميماسكن ...............إذا فعلاً بتحبونـــــــــــــا
بصحة أغلى الحبـــــــايب ...............من زيدلنا نادونـــــــــــا
بيكفي وقت الكنا صغـــار ...............بالكلمة رجفتونــــــــــــا
هلق نحنا صرنا كبــــــــار .............. ولازم يعني تريحونـــــــا
برقصة حلوة وغنيـــــــــــة ................بسهرتكن هالميمونــا
والله الدبكة مابتحلــــــــى ...............إلا الزهرة ماتكونــــــــا

كل عــــــــــــام وأنتم بخير .......:

زهرة الصحراء

Posted by: Abu Julian

كل عام وكل المعلّمين بخير..... وكل سنة يتجدّدوا بالمعلومات UPDATE!....
وبحب أخص بالمعايدة أستاذ توما(!) الذي ظلمني في الماضي ورسّبني في الحادي عشر، مع أنه وعد بأن لن يرسّب أحداً.... وأما لي فقد قال بالحرف: "لا تتعب نفسك بالدراسة هذه السنة لأني سأرسّبك!"..... وحتى الآن لا أعرف السبب!!!......... فقد كان يدرّس مادتي الفيزياء والكيمياء، ورسوبي في مادتين كان كافيا لرسوبي بالسنة كلها!..........
والرجاء ممن يعرف السبب الذي من أجله قام بذلك أن يخبرني!.....

كل عام وأنتو بخير جميعا - وخاصة الحبيب أستاذ زياد!........ وتيلحقني طرطوشة: فقد كنت مدرّسا أيضا إلى جانب كوني مترجم!..........

Posted by: Desert rose

بعد ماالرب وفقتي وحصلت على الشهادة الثانوية الفرع العلمي بمجموع 167 علامة ...كان قدامي أكتر من خيار لدخول كلية من كليات الجامعة ....علوم ....أدب ....أو تجارة وزراعة أو واحد من المعاهد التقنية ....ولهون وبس .
ولكن كوني بحب مادةالرسم والتلوين وبهواها أنا وصغيرة أخترت كون طالبة بالمعهد المتوسط الهندسي وكان المعدل المطلوب 136 ...يعني هالإختيار اجا عن رغبة ومحبة .

المهم متل مابيعرف البعض بأنوا كان في 3 إختصاصات بها المعهد واحد منهم الرسم المعماري واللي كان هوي إختياري .
ضمن هالإختصاص كان في مادة الرسم المدني مادة أساسية وكان الأستاذ راجي شحود واللي بوقت مش بعيد كان بعد ما اتخرجت مدير للمعهد الهندسي يدرسنا هالمادة
كنت دائماً متفوقة بالرسم المعماري الدقيق وكان معدلي ماينزل تحت 80 بالمية
أما بمادة الرسم المدني ماكنت أبدا أقدر آخد المعدل المطلوب وماكنت اتجاوز 24 بالمية وهالمادة كانت مرسبة كونها مادة أساسية .
وماكنت أعرف السبب يعني في شي مش مظبوط ...بس اللي بعرفوا بأنو راجي مابيحبني وهالشعور متبادل .
وبنهاية السنة كان معدلي بها هالمادة 24 من مية والمفروض لأنجح يكون المعدل 60 بالمية
أصبت بإحباط وكرهت راجي أكتر وكرهت الرسم وقلت خلص مارح تنفد هالسنة .
ولكن حصل اللي ماكان بالحسبان :
فعند دخولي لقاعة الرسم بالفحص الأخير واللي بيحدد نتيجتي وعند مروري قدام باب غرفة أستاذي العظيم ...بسمع صوت عم ينادي :

جلحوم ..... جلحوم .......فوتي لهون

وطبعاً أنا بخاف منوا ومابحبوا وبستعوذ بالله من شوفتوا ..... بس مابقدر مافوت !!!!
دخلت وقلت ........نعم أستاذ !!!
قال شو معك معدل نص السنة
جاوبت 24
رد ....يعني أدي بعد بدك لتنجحي
رديت وأنا عم برجف ...36 علامة أستاذ ....وبتصور هاد شي مستحيل !!
سكت ...سكت ....وبعدين نطق :
ببرادة وبإبتسامة عريضة .....36 بس ....طيب ماتزعلي ..... 36علامة وحبة مسك .
وهون كانت الصدمة ....!!
ماعرفت شو بدي أعمل ولاكيف بدي طير وخصوصي أنو بعد ماقدمت فحص ...و لقيتها فرصة بعد ماشكرتوا جزيل الشكر ...لأسألو ليه هيك كان يعاملني بقسوة كل السنة

فجاوب وقلي :

معقول من أول درس بالسنة عم تقولي لرفيقتك

أنو كباية بوظة بالصالحية أحسن بكتير من هالمادة .....وصدقوني أنا مابتذكر قلت بس يمكن قلت

....ومابدي أدخل بسجال معوا ...كان بدي آكل عنب مابدي قاتل الناطور .
بس كان بنفسي فش خلقي وطبعاً حقي ....يعني مشان كباية بوظة رح يطير السنة عليي.

وبصراحة ضليت مابحبوا لسنتين من اليوم ....لحد ما التقيتوا بالصدفة وقلتلوا روح الله يسامحك أستاذ راجي والله نقصت من عمري بسنة وحدة عشر سنين .

وضليت ردد.. وقول إذا اتزوجت والله بعتلي صبي رح سمي راجي وكل يوم أعملوا أتلةةةةةةةةةةة

الله لايجربكن ......حدا مرق بهيك هزة .

على كل حال تحية غايبة للمهندس راجي شحود على طيبته اللي ظهرت معي بنهاية المسلسل آخر السنة .

والله يسامحك أبو جوليان فتقتلي جروحاتي ومع مين مع راجي !!!!!!

زهرة الصحراء

Posted by: ziad sattah

اسم ْ المُعَلّم بالسَّما مكتوب ْ

بين الرُسُل ْ ب ِ حَرْف ْ نوراني
حامِلْ سِراج ْ المعرِفهِ ع َ دروب
وحدو مَجد ْ أجيالنا باني
كل ّالشّموع ْ ب ْ تخلَصْ و بتْذوبْ
إلا ّ المُعلّم ْ شَمِعْتو بْ تْضَل ّ
رَغْم ْ التّقاعد دَوم ْ شعْلانه ِ
=====

هذه الكلمات قمت ُ بإلقائها أثناء الحفل الفنّي , في فقرة تكريم المتقاعدين .

الحفل كان ناجحا ً و جميلا ً بالرغم من عدد الحضور الذي تجاوز ال550 مشترك. و بما أنني كنت أحد المشرفين على الحفل فقد استدعى ذلك غيابي عن المنتدى في الأيام الماضية . شكرا ً لكل من قال كلمة حلوة في حقّنا . و كل عام و أنتم بخير .
بما أننا على أبواب عيد الأم : سأكتب الكلمات التي بدأت ُ بها حفلة عيد المعلم ( و هو احتفال شمل المناسبات الثلاث : عيد المعلم & عيد الثورة & عيد الأم ) :

زيدل ضيعة بْ يطلعْلا

ن ْ قالوا :عندا شَوفة ْ حال ْ
مهما بْعِدْنا بْ نرجَعلا
و فيها شو بْ يحلا الموّال.
ما عام ْ بْ يمرقْ إلا ّ
بتكَرّم ْ: باني الأجيال
و عيد الثورة رجّعلا
أرضا ,للساكن :عرزال
و عيد الأم ّ و يا مَحلا
هالكلمة ,لمّا ب ْ تنْقال
بْ نتكرّم لو نعملا ّ
عنّا بالقلب ْ تمثال..

Posted by: RUSHA AWAD

مرحبا للجميع:
هلأ اني كتبت مشاركتي ومعايدتي بعيد المعلم لكل المعلمين الاعزاء بس بما انو سناء ذكرت حادثة صارت معها بالمعهد اني بحب احكيلكن عن حادثي صارت معي بصف الحادي عشر علمي ومن خلال هالمشاركي بحب وجه شكر كبير وتحية كبيرة لمعلمة هالمادة اللي الها مكاني كبيري كثير بقلبي ومارح اذكر الاسم وانشالله هالتحية توصلهي عن طريق هالمشاركي, هلأ مالكن بطول سيرة:
كان عندي اسبوع فحوصة حافل يعني كل يوم في امتحان وكل امتحان اصعب من اخو واني بطبيعتي بدرس بالليل يعني عادي وتعودت عليهي واللي صار انو اضطريت اوصل النهار بالليل مشان خلص منهاج الفيزيا ومانمت طول الليل ورحت ثاني يوم عالمدرسي وقدمت الفحص بس بثاني يوم كان عندي فحص ثاني لمادة ؟؟؟؟؟ واني كالعادي رجعت عالبيت ونمت على اساس كم ساعة نومة الظهر وبس فقت بالليل بدرس وراح عن بالي انو جهز المنبه قبل مانام (مع العلم انو اني اذا كنت نعساني كثير بنام لساعات طويلي ) ومافقت الا على صوت اختي (رشا قومي رح تتأخري عالفحص) هيي قالت فحص واني صابتني حالة صمت لشي كم دقيقة

لحتي لاحظ اذا كنت عم احلم ولا صارت الدنيي ليل ولا هوي بالفعل ثاني نهار, بس طبعا تبينلي بعدين انو صرني بيوم جديد. هلأ اني رحت عالمدرسي اجر لقدام وعشرة لورا لانو مابحطها واطيي وباخذ صفر(كان مجموعي يهمني كثير) وماني عارفي شو بقول للانسي يعني ماعدني طالبة ابتدائي او اعدادي حتى مافيق وبعد تردد قررت اعترف للمدرسي بالحقيقة وقلت شومابدو يصير يصير بس طبعا شرحتلهي الموقف برات الصف مو قدام رفقاتي لحتى مايصير في شماتي واني مثل ما بتعرفو من موضوع سابق اني عصبية ومابتحمل المهم كثير تفاجأت بردة فعلهي(ومو غريبي عنهي هالمواقف وهالتفهم ) انهي قالتلي بكل بساطة انهي مصدقتني ورح تعفيني من تقديم الفحص ورح تحطلي علامة الفحص اللي رح نعملو بعدين للفحصين وتمنيت لو بقدر استلمهي تبويس

وتشكرات

لانهي انقذتني من ابشع موقف مر عليي لهاللحظة. المهم اني مابعرف اذا كانت بتتعرض للمساءلي لو الموضوع انعرف بوقتو بس حبيت ورجيكن انو في مدرسين بيجو على حالهن وبيتحملو نتائج اخطاء او طوارئ بتصير مع طلاب معينين لانو بالفعل بحبوهن او بهمهن معنويات هالطالب اللي صار وغلط مرة.

مع حبي واحترامي

رشاعواد

موقع زيدل سوريا حمص .. خدمات تشات و دردشة ... أرشيف المنتدى