الارشيف - كرنفال البرازيل 2006

Pages: 1

كرنفال البرازيل 2006
(انقر هنا ان احببت مشاهدة الموضوع الاصلي بالالوان و الصور )

Posted by: fr george massis

من منا لم يسمع عن أكبر كرنفال وأشهر كرنفال بالعالم وبدون منازع
البرازيل كله لايتوقف عن الرقص والعروض الشيقة لمدة أربعة أيام دون انقطاع مجتمعين بمدنه العريقة والتاريخية والتي قد يصل عددها في بعض المرات لما يزيد عن مليونيين شخص النوم في الشوارع والرقص حتى الصباح هذا هو البرازيل في أيام الكرنفال................
ولحتى ما نفوت عليكم فرصة المشاركة والحضور اليكم بعض المرفقات دعما للمنتدى الإغترابي ولأبوعرعوش أشو في عندكم بأميركا ولا بأستراليا عزمتكم بس ما طلعتو خرج.................

Posted by: a_aroush

شكراً أبونا عالدعم الكبير للمنتدى الاغترابي , و نشالله إذا هيك بدك تضل تدعملنا اياه رح يصير أكثر المنتديات زيارةً .

لو أنك من أول باعثلنا هيك صور كني ما ترددني بالروحة منوب , بس لأنك ما بدك ياني نجي هلأ لبعثتهن , لأنو ما عاد نلحق نقطع تكوتي .

شو هاذ يا عمي والله غير شكل , بس دخلك هالمناظر هي بس للفرجة أما شو ؟ على كل حتى لو كانت لأما شو مانا خرج مثل ما قلت .

Posted by: Desert rose

عبدلله أنا ماعجبتني كتير قعدة أبونا بالبرازيل
على كل حال رح أشكي لأموا وبعدين منشوف شو رح يصيير
روح أبونا الله يعينك من العلقة مع أهالي زيدل
بكرة الصبح بيكون الخبر بنص الضيعة .

أنو يعني معقول هيك صور من أبونا شو نسيت قصة التي شربت الأورانج ؟؟؟

يلا خلي هالشباب المحرومين ينبسطوا شوي !!!
قال كرنفال قال ووين بالمنتدى الاغترابي !!!
برأي نفتح منتدى خصوصي لهيك كرنفالات

زهرة الصحراء

Posted by: fr george massis

هذا يلي شفتوه من الكرنفال يلي بيشتركوا فيه 180 مليون برازيلي وبيترقبوا العالم كلو
الله يعيني عليكم
ويسامحكم...............................
والله معكم.............................................. ....

Posted by: hosam abdulaziz

طيب رح نقبل بأتهامك النا بالتخلف و الجهل
طيب انا عندي الك سؤال
انا بعرف انه الله انزل وصاياه العشرة على موسى لنطبقها و المسيح بنفسه ما نقضها ,
احدى هالوصايا بتقول : لا تشته امرأة قريبك
و المسيح قال:
وسمِعتُمْ أنَّـهُ قيلَ: لا تَزنِ.أمَّا أنا فأقولُ لكُم: مَنْ نظَرَ إلى اَمرأةٍ لِيَشتَهيَها، زَنى بِها في قلبِهِ.

طيب يا ابونا , يعني انا هالمسيحي ضعيف النفس وقت شوف هيك شوفات قدامي ان كان عالطبيعة او بالصور , كيف بدك ياني التزم بتعاليم المسيح ؟؟؟؟؟
يعني قد ما حاولنا بنظل نحن البشر ضعاف النفوس
بقا فيك تفسرلي كيف انت كرجل دين بتعتبر هيك مشاهد هي من احتفالات المرفع البرازيلي و ليست متعارضة مع تعاليم المسيح او تشجيع الرجال على ارتكاب النزوات؟؟؟

Posted by: fr george massis

أولا ليش ما بتتذكر الحالة الأولى من النعمة وقت يلي كان أبوينا آدم وحواء في حالة العري فما كانوا يفكروا مثلك ههههههههههههههههههه
الحقيقية بدك تعيش بالبرازيل سنة كاملة لتشوف أنو الفرق بسيط جدا بين وقت الكرنفال وأيام السنة العادية لأنو هون مفهوم التزلبط بلغتنا هو حاجة ملحة من جراء ارتفاع درجات الحرارة ، فالأمر عادي جدا .....................
والتحرر الجنسي هون مو مثل عنا يعني بكل بساطة إذا اثنين حبوا بعضهم ما بيدورا على شي كافيترياا بآخر الوعر ليشوفوا بعضهم وإذا بشي صدفة أبونا شاف شي اثنين هنيك ما في حاجي تذيق خلاقي على السليلر وتتدخل ما قول لحدا وما جيب سيرة لحدا وما بعرف شو؟؟؟؟؟؟؟؟؟؟؟؟؟؟؟
بالمختصر الفيد ما حدا بفقد طهارتوا من هيك مواقف لأنو العفة الحقيقية بالقلب ومو حصار كبتي مذقع ......يعني بالمشرمحي وقت بتكون بمجتمع مغلق مسكر مكبوت مثل البلاد العربية ما تحمل الله منية بأنك ما عم تشتهي امرأة قريبك لاء على العكس لازم تبين هالشي وهالنعمة وقت بتعيش بمجتمع منفتح وفي من كلشي مثل المعاملتين بلبنان ........فهمتني خال....................انشالله
والله معك...............................

Posted by: a_aroush

حلو صار الموضوع أبونا ... خصوصي لأنو بيعرّف الناس بالمنتدى الاغترابي على طبيعة المجتمع و الناس اللي عايشين معها بالغربة .

أبونا بدك تسامح الشباب معليش , هني صعب ينظروا لهيك صور بنفس نقاء الروح اللي عندك , و أنا مثلهن ... يعني هالصور و هاللباس مو طبيعي حتى بأمريكا , النظرة لهيك لباس مانها طبيعيّة .

في عنا مثال هون لمثل هيك حالات جنان , و خصوصاً باللباس و طريقة الاحتفالات , بيصير بعطلة الربيع , ملايين من طلاب الجامعات بيتجهوا لعدّة مناطق سياحيّة بأنحاء أمريكا , و بيحتفلوا بهالمناسبة بطريقة جنونيّة ألعن من كرنفال البرازيل , و كل هالشيء بأماكن عامّة و بالطرقات و عالشاطىء و بأي محل ممكن يجتمعوا فيه ... و هي مثال بسيط جدّاً لصور مأخوذة بعطلة الربيع ..( في صور جنونية أكثر من هيك بكثيييير ) .

عندي إحساس أنو هالموضوع رح يحطّم موضوع هيفا وهبة بعدد الزيارات .

Posted by: Nada1981

مرحبا جميعا

صدقوني لا البرازيل ولا اميركا بيصير فيها قد اوروبا, للاسف مافيني حطلكم صور منشان ما ينحذف الموضوع هههههههههههههه

ندى

Posted by: fr george massis

أي الله يسامحكم لأنو كل عظمة الكرنفال تحول الموضوع لمعرض للصور وعرض العضلات
هيك رح تخلوني اندم على فتح الموضوع ...................
على كلن عبدالله مانا غشمين على يلي بيصير بأميركا وعنا أكبر مثل فساتين الأعراس والحفلات يلي بتبهرجوا فيهم عنا بالصيفية شي عجايب غرايب لاء والأحلى من هيك صرنا نحس لباسنا كثير موضة قديمة وقت منشوف موضتكم ويالله خوض على تزلبط ؟؟؟؟؟؟؟؟؟؟؟؟؟؟؟؟؟
فإذا شفنا هيك بكرنفال مرة بالسنة بزيدل وفيروزة في كرنفال دائم ولمدة 3 أشهر بالصيفية
وسؤالي .....................
ليش بالحفلات يلي بشوفها بموقع درغلي ما في هالإباحة (عفواً) يلي بنشوفها منكم وقت بتجو لعنا؟؟؟؟؟؟؟؟؟؟؟؟؟؟؟
هاي على مستوى السيدات أما على مستوى الرجال فحدث ولا حرج بنروح نسلم بالغلط على شي أميركاني بيعرضلنا كل الشروطة يلي عندو وبدون أي احراج ما بيكلف حالوا تبديل ملابسوا ؟؟؟؟؟؟؟؟؟؟؟؟؟؟؟؟ شو هاي برأيكم حرية ؟؟؟؟؟؟؟؟؟؟؟؟؟؟؟؟؟؟؟؟؟
والله معك.....................

Posted by: a_aroush

يعني كأنك نزعجت أبونا أو شي من الردود , نحنا آسفين ما كان قصدنا لا نعرض عضلات و لا نقلّل من عظمة هالمهرجان .

بس السؤال هوي أن شو كنت متوقّعنا نحكي بهالموضوع , كيف كان ممكن يمشي الموضوع بالشكل الصحيح أو الاتجاه الصحيح ؟.

انت سألت شو في عنّا بأميركا و أستراليا بالنص الأصلي للموضوع , و لما شاركناك مثل ما شاركتنا بصور الكرنفالات اللي بتصير عنا صرت تقول عم نعرض عضلات !؟

أما الكرنفالات التي تتكلّم عنها و التي تجري في زيدل خلال الثلاث شهور في الصيف , فدعني أجيب عليها بكلامك نفسه .

اقتباس:

ما حدا بفقد طهارتوا من هيك مواقف لأنو العفة الحقيقية بالقلب ومو حصار كبتي مذقع

ما كان قصدي شيء من هالردّ أبونا , لكن حسيت أنو في تهجّم بردّك الأخير , و ماني عارف ليش , و أنا بصراحة ما حسيت أني غلط بشيء أو أي حدا غلط بالردّ , ربما كان الكلام في شوية مزح و لكن كلو كان عادي .

Posted by: fr george massis

تهجم للأسف وبعتذر إذغ هيك فهمت يا عبدالله أنا ماقصدي هيك شي وإذا انت فهمت هيك فبعتذر عن ذنب أنا برئ منه
قصدت أنو شو عم تعملوا بأميركا تعا لهون مع العم سليمان وتفرجوا تفسحوا ......................
ومو أنو أنتو بينقصكم شي من هالخصوص...................
أما موضوع الكرنفال واللي بدي من طرحوا هوي ثقافي بحت لأنوبصراحة الأغلبية ما بيعرفوا بطابع المهرجان الثقافي فإذا كانت الأوسكار أعظم جائزة سنمائية فجائزة الكرنفال الأهم بالبرازيل بعد جهد وعناء وتدريب عام لأكثر من خمسة ألالاف شخص .....................
والسؤال الأكثر طرحاً لإلي بسوريا هوي حضرت الكرنفال وهذا حقيقي وبعد عدة استفسارات قلي أحدهم أنو في عدة أفلام برونو أو سكس على الكرنفال فرأيت أنو شو نشوف الشي الحلو من الكرنفال وليس عرض الإباحية .......................
إذا حدا مننا بحب الموضة وراح حضر شي عرض لمصممين عالمين وشاف الفساتين أو حجرة بيرميها هي الإباحية بدون اي خلفية عن موضوع العرض أو الكوليكشن؟؟؟؟؟؟؟؟؟؟؟؟؟؟؟؟؟؟؟
بينما بيكون المصمم محضر ودارس وقالب الدنيا كلها ليخلق مزج حضاري بقالب حلو وحديث...............
في قبائل اليوم بالعالم ما بتعرف شو هي حضارة اللباس فكثير عادي تشوف المرأة عارية الصدر
يا هل ترى ما في خلقية بهالقبائل أو ماسماه حسام مداعبة وإثارة وشهوة لإمراة القريب؟؟؟؟؟؟؟؟؟؟؟؟
كل هالأسئلة اليوم بدنا سوى نلاقيلها جواب ..ومن الطبيعي نختلف ونلتقي لأننا بصراحة وهاي لازم نقر فيها أنو الزيدلي يلي عايش بأميركا صار أميركاني حتى لو بعد وقت قليل وقد ما تقاموا ما رح تنجحوا لأنو ولادكم بلشو بالمدرسة وبيعيشوا مع الأميركان أكثر من أهلهم...............
والأسترالي نفس الشي والبرازيلي نفش الشي والفنزويلي....................الخ
والله معك؟؟؟؟؟؟؟؟؟؟؟؟؟؟؟؟

Posted by: عـــون

من :fr george massis الى :fr george massis
شعب عربي بحت

--------------------------------------------------------------------------------

هذا يلي شفتوه من الكرنفال يلي بيشتركوا فيه 180 مليون برازيلي وبيترقبوا العالم كلو
الله يعيني عليكم
ويسامحكم...............................
والله معكم..............................................

والله عجبني هذا الرد ،طبعاً من كاتب الموضوع لنفسه ، بصراحه احنا ثقافتنا غير شكل او مفهومنا عن الثقافة وحتى السياحة مفهومنا عنها غير شكل

مشكور

Posted by: سيلفانا خوري

تحية الك ابونا جورج والحقيقة اللي اكثر شي أثار أهتمامي بالموضوع هو درجة صراحتك اللي اخترقت الحد المألوف....
وبالنسبة لرأيي الشخصي لا اجد في الكرنفال اي شيء ثقافي وانما ممكن ان يكون تراث فلوكلوري متعلق بحضارة هذا البلد وبالطبع هو مهرجان في غاية الروعة بغض النظر عن العري والأثارة؟؟
التي قد تكون تكون تحضر في نظر البعض ولكن ماهي سلبياته؟؟
ماالذي يحدث عندما ينتهي هذا المهرجان الرائع (عرض الكرنفال)
الى اين تذهب معظم هؤلاء النساء ؟؟ اين تنتهي هذا الجمال الحضاري الفلوكلوري ؟؟ الا تعتقد ان كل الجمال المعروض يفقد قيمته حتى الانسانية!! لان السلع المعروضة فيه كما هي سهلة العرض..سهلة البيع ؟؟ وماهي النتائج المترتبة عن هذه الافعال؟؟
ما هو عدد الاطفال التي لا تعرف الى اي اب او الى اي اسرة تنتمي ؟؟ كل هذه الاموال الباهظة التي تصرف في مثل هذا المهرجان لاتسد جوع المئات من الاسر التي تعاني من الحاجة المادية و لا تسد رمق اطفال الشوارع
بالنسبة لشعوب افريقيا كما تفضلت التي تجد نساءها عاريات هذه النساء لاتتعرى بهدف الاثارة والاغراء وانما هو شعب يعيش على طبيعته فيه المرأة عاملة وأم اكثر منها اي شيء اخر لذلك دائما يرافق هذا العري طفل ملتزقا على ظهر امه او على صدرها ..ولا تجد اي اهتمام او عناية في تلك الاجساد على عكس التعري في بلاد اخرى لهدف اخر.
وصدق ابونا جورج ان ليس كل من يعيش ببلد غربي او يولد فيه يتقبل ويتأقلم مع عاداته
قد يتأثر الانسان نسبياً بما حوله ولكن ليس بالضرورة ان يقتنع بكل ماحوله ...
وللاهل تأثير كبير على تفكير الأولاد منذ الصغر عندما يغرسووا في عقولهم عادات ومفاهيم تعلمهم على احترام أنفسهم وأجسادهم التي هي هيكل الروح القدس
عندما يعلموهم ويتعلموا معهم ان ينالوا من الغرب ومن حضارته كل ماهو جيد ومفيد ولكن من دون ان يضيعوا في سياق الحرية العمياء التي لا يُعرف أحيانا ً مضمونها إن كان تخلف او تحضر ؟؟
هذا راي شخصي في الموضوع مع كل محبتي وتقديري للجميع.
سيلفانا

Posted by: fr george massis

مرحبة شباب من جديد عون ما فهمت شي من كتابتك على فكرة ما بحب اللون الأحمر بالرد ياريت يكون أكثر مسالمة بالمرات القادمة وشكرا لتعاونك...................
دائما العرب بيحبوا ورقة التين لأنو بحسوا فيها كل الحماية وأكبر ستر لعورتهم ولحضارة وثقافة مع بعض تحفظي عم شوفها بقصائد جاهلية وليست موجودة بعض إلى حدا ما على أرض الواقع.................... الشي يلي بدي قولوا لوا بتجمعوا وخصوصا يلي عطوني دروس بالأخلاق العربية !!!!!!!!!!!!!!!!!! لو بنجمع الحوادث والقصص يلي بنسمع فيها وشفناها على عدد السكان أي بنكون طرنبنا البرازيل من زمان ما تنسوا أني حكيت عن 180 مليون
والله دوم معكم ............................

Posted by: سيلفانا خوري

أخطائنا وعوراتنا لا يمكن ان تخفيها ورقة ؟؟ ولا شجرة تين باكملها ...سواءً في شرق او غرب ؟؟
لان الخطأ بالرغم من انه شيء انساني ولا نستطيع ان نتعرى منه ولكنه في النهاية ومهما تخفى يظهر واضحا وضوح الشمس ...
وان تكلمنا عن رقي وحضارة.. فاريد القول اني اكثر شيء احترمه في الغرب.. هو حرية التعبير والقدرة على احترام الرأيي الاخر.. الامر الذي نفتقده ؟؟لاننا شعب شديد الحساسية
سريع الانفعال دائم التمسك بوجهات نظره وغير متقبل للحوار...
أبونا جورج اعتقد انك فهمت الموضوع بشكل خاطىء ؟؟
حضرتك طرحت تساؤل للمغتربين وانا اعطيت وجهة نظري الشخصية بكل حرية ولم اهدف الإساءة الى شخصك !!
وان كان هدفي الاساءة او ان اعطي دروس بالاخلاق كما تفضلت !!!!!
لما ناديتك ( بأبونا) وانت الاعلم بما تحمل هذه الكلمة من معاني ؟؟؟؟
لقد تكلمنا مسبقا لوقت طويل صوتيا وعبرت لك عن سعادتي بكلماتك.. وسعة صدرك ..
وتكلمنا في مواضيع مختلفة وتأملنا معا وصلينا ولم تبخل علينا انا وصديقتي بحسن الكلام.. وهذا الامر جعلني أتفاجا اليوم بردة فعلك !!ولو كنا نتناقش في الفكرة في حد ذاتها وتبرز نقاط الخطأ في كلامي بطريقة اخرى اكثر تحضرا !!!كنت ساتقبل الفكرة برحابة صدر لانه في النهاية الهدف من طرح اي سؤال هو الحوار !!؟؟ ولا اقولها منزعجة وانما متفاجأة ؟؟؟
وفي النهاية شكرا على رحابة صدرك... مع محبتي

سيلفانا

Posted by: fr george massis

مرحبة سيلفانا
أول شي وبرجع بلاقي نفسي مضطر اعتذر وبشجاعة على ذنب ما ارتكبته فما بعرف شو فيه ردي الأخير من طريقة غير حضارية ومن اساءة إلك أو لغيرك؟؟؟؟؟؟؟؟؟؟؟؟؟؟؟؟
القصة ومافيها يا سيلفانا أنو على طول بنظرنا الغرب هو المنفلت أخلاقياً وكل موضوع بنطرحوا بيجينا الرد جاهز وبهالزاوية بوجه التحديد................واللي قلتوا أنا تعو لنقسم عدد الحوادث على عدد السكان ببلدين مثل سوريا والبرازيل صدقيني وأنا متأكد أنو بترجح كفة سوريا وبكثير
ولأني أبونا وبعرف شو صار وشو عم يصير عم بحكي هيك ..............
ومو لأني عايش بالبرازيل عم دافع بس شبهو الحقيقة بالشمس لأنها عالية وواضحة وكمسيحين لازم نتحلى بالشجاعة لقول الحقيقة على حدج قول الكتاب المقدس تعرفون الحق والحق يحرركم..............................من جديد أسف سيلفانا
والله معك.......................................

موقع زيدل سوريا حمص .. خدمات تشات و دردشة ... أرشيف المنتدى