Pages: 1
أكبر (10) عشر عادات تدمر الدماغ
(انقر هنا ان احببت مشاهدة الموضوع الاصلي بالالوان و الصور )
Posted by: احلا حلا
أحببت أن أضع بين ايديكم هذه العادات التي وصلتني عبر ايميل .....
و اتمنى لكم الافادة ...
1_ عدم تناول وجبة الإفطار
الناس الذين لا يتناولون وجبة الإفطار سوف ينخفض معدل سكر الدم لديهم. هذا يقود إلى عدم وصول غذاء كاف لخلايا المخ مما يؤدي إلى انحلالها.
2_ الإفراط في تناول الأكل.
الأكل الزائد يسبب تصلب شرايين الدماغ , مما يؤدي إلى نقص في القوة الذهنية
3_ التدخين
يسبب التدخين انكماش خلايا المخ وربما يؤدي إلى مرض الزهايمر.
4_ كثرة تناول السكريات
كثرة تناول السكريات يعوق امتصاص الدماغ للبروتينات والغذاء، مما يسبب سوء تغذية الدماغ وربما يتعارض مع نمو المخ.
5_ تلوث الهواء
الدماغ هو اكبر مستهلك للأكسجين في أجسامنا. استنشاق هواء ملوث يقلل دعم الدماغ بالأكسجين مما يقلل كفاءة الدماغ.
6_ الأرق ( قلة النوم)
النوم يساعد الدماغ على الراحة . كثرة الأرق تزيد سرعة موت خلايا الدماغ.
7_ تغطية الرأس أثناء النوم
النوم مع تغطية الرأس يزيد تركيز ثاني أكسيد الكربون ويقلل تركيز الأكسجين مما يؤدي إلى تأثيرات سلبية على الدماغ.
8_ القيام بأعمال أثناء المرض
العمل الشاق أو الدراسة أثناء المرض تقلل من فعالية الدماغ كما أنها تؤدي إلى تأثيرات سلبية عليه.
9_ قلة تحفيز الدماغ على التفكير
التفكير هو أفضل طريقة لتمرين الدماغ . قلة تحفيز الدماغ على التفكير تؤدي إلى تقلص أو تلف خلايا الدماغ.
10_ ندرة الحديث مع الآخرين
الحوار الفكري مع الآخرين يساعد على ترقية فعالية الدماغ.
,,,,,,,,,,,,,,,,,,,,,,,,,,,,,,,,,,,,,,,
Posted by: Nada1981
مرحبا جميعا
الله يصلحك ياحلا على هلخبرية من الصبح, يعني على هيك حالة انا ماضللي شي حتى ابقى من دون دماااااااغ 
, بس في شغلة حبيت اعرفها بلاول الدماغ = العقل؟ 
تحياتي
ندى
Posted by: silva
شكر كبير للمعلومات القيمة والمفيدة وأتمنى أن نكرسها في حياتنا ولكن أجد ها صعبة التطبيق ما العمل ..؟
Posted by: احلا حلا
اهلين ندا لك شو هالخبرية الي عنا تحكي عنا ما ضل شي عندك كل هدول بتساوين ؟؟؟
اما مشان سؤالك اي ... الدماغ = العقل ... فلحقي حالك يا حلوة ...
الك سلامي ...
الشكر لالك سيلفا و ان شاء الله بتطبقيا كلا
انت بدأي وحدة وحدة و كوني قوية الارادة مافي شي صعب
بتمنالك الخير ...
الك خالص شكري و احترامي ... 
Posted by: a_aroush
و أنا عم قول ليش ضارب دماغي , و مو ضالل فيه ولا فيوز .
ففطور ما بفطر , و لما باكل باكل كثير , تدخين من جمعتين لبطلت , نوم شي خمس ساعات باليوم , شغل حتى لو كنا عم نموت بدنا نفتح و نسكر لو غاب العامل , و بتقوليلي فكر حتى تدرب الدماغ عالتفكير ليه هو ضل شي بعد كل هذوليك الأسباب لندربو , يعني يمكن ما في غير الحلو ما باكلو كثير لكن بحب الحلو ما بعرف اذا هي بتأثر , أما تغطية الرأس كمان مو مشكل بضل مكشّف لكن هيك كمان مو مليح للدماغ لأن الدم بيروح على باقي الجسم ليدفّيه و الدماغ ما بيوصلو لا أكسجين و لا غيرو .
ماني عارف شو قصة المواضيع بهاليومين
الدكتورة مريم ضربتلنا شخصياتنا , و هلأ انتي عملتينا ضربة بالدماغ , و الله يستر من الأعظم .
Posted by: احلا حلا
اهلا و سهلا بعبدالله ... لك الحاق حالك الصحة لازمة والله مافي بعدا
فما بالك الدماغ ؟؟؟؟؟
بتعرف انا كلون ما بساوين هالعادات بس شغلة وحدة انو ما بفطر اما
الباقي الحمدلله كلو ما بعملو ....
شكرا لالك و لمرورك و دير بالك على حالك
لألك سلامي ...
Posted by: hosam abdulaziz
حلا شكرا عهالمعلومات
بس بتعرفي هي قريبة للوصايا العشرة للي نزلها الرب على موسى
كلنا حافضينها عن ظهر قلب و يمكن يا دوب نطبق وحدة او ثنتين منها.
----
بس عندي تعليق بس بخصوص البند الرابع المتعلق بالسكريات.
فطالما انت معنا يا حلا رح تبقة نسبة السكر مرتفع عنا و ادمغتنا رح تكون بخطر , بس المصيبة رح تكبر اذا طلع القلب كما بيتأثر بالحلا ؟؟؟؟
و البند التاسع و التفكير
فبمجرد الأنضمام لمنتديات زيدل و التعرف على العضو X و العضو Y و الحوار مع العضو Z كفيلة بأغراق ادمغتنا بالتفكير 24/24
و بنفس الوقت في اعضاء بتمرن القلوب 24/24
Posted by: a_aroush
|
اقتباس:
|
|
فطالما انت معنا يا حلا رح تبقة نسبة السكر مرتفع عنا و ادمغتنا رح تكون بخطر , بس المصيبة رح تكبر اذا طلع القلب كما بيتأثر بالحلا ؟؟؟؟
|
حسام لما قريت ردّك صرت اتخيّلك تكون بشي قاعة مليانة ناس , بس زت الابرة بتسمع رنّتهي , مغمّض عيونك و عم تردّ بهالكلمات هذول على موضوع حلا , و لما خلصت ... عبّت الزّقفة القاعة على كلامك الشاعري .
بس حسام البند الرابع و التاسع إذا كانت حلا فيهن , ما رح يضل فيك دماغ منوب و رح تطيّرك ياه , و صدّقني كل البنود العشرة هذول مانهن شي عند البند رقم ... 11 ... و اللي هوي الصبايا.
.
معليش حلا , حسام هيك عطول شاعري و حساس , بس عن جد بيستاهل منك على هالكلام والله حرام قطّعلي قلبي .
Posted by: سيلفانا خوري
شكراً أحلا حلا
على المعلومات القيمة.. وأنا في الحقيقة ما عندي مشكلة الا مع البند 5
وانشغل بالي كتير على كفاءة الدماغ... لاني ما شايفة ولا حل قريب لمشكلة التلوث..
ومادامت الاعراض بدأت تظهر على عبدالله 
الله يستر ما يوصل الدور لعندي 
Posted by: احلا حلا
شكرا لالك حسام على كل كلمة كتبتا
و اسفه كتير ع التأخير عن جد عطيتني اكبر من حجمي
عما تخجلني كتير ...
والله يوفقك يارب و يحفظك
الك خالص شكري و احترامي ...
و شكرا لالك اخ عبدالله على مرورك
و كلماتك و الله انتو بتستاهلوا كل خير
الله يوفقكم جميعا ...
اهلا و سهلا بسيلفانا عما قول ليش الصفحة مضاوية
و الله منورة لا بعيد الشر عنك ان شاء الله ع طول بتضلي متزينة بعقلك السليم
وشكرا كتير لالك و لمرورك و ردك
لالك سلامي محمل بالجوري ...
Posted by: monamour
to dear Hosam Abdulaziz we realy thank you for that information about how to keep us healty and to keep us awear to keep us live in the right way Love monamour
Posted by: dj-hani
انا مع الاخ حسام بكل كلمة و كل حرف و كل معنى و كل تلميح حكيه ........... و اكتر بكتير
موقع زيدل سوريا حمص
..
خدمات تشات و
دردشة ...
أرشيف المنتدى
vBulletin Copyright ©2000 - 2009,
Jelsoft Enterprises Limited.
vB Easy Archive Final ©2000 - 2009
- Created by Stefan "Xenon" Kaeser
