Pages: 1

زياد .....كل عام وأنت بخير

(انقر هنا ان احببت مشاهدة الموضوع الاصلي بالالوان و الصور )


Posted by: Desert rose

مابعرف إذا بتحبوا تشاركوني التهئنة بالعيد الأول لأستاذ زياد المشرف في المنتدى الروحي على صفحات المنتدى ..... لابل متأكدة من أنو الكل رح يشترك بفرح إكتمال عمر زياد واللي صار بالــــــــــــ ؟؟؟؟ ييييين و عقبال ماتصير بالـــــــــــ ؟؟؟؟يييين اللي بعد المية أخ زياد وتصير المشرف العام لمنتدى زيدل ..........كتير العمر مش هيك

كل عام وأنت بخير زياد ..بتمنالك دوام الصحة والعافية وتحقيق كل تمنياتك بحياتك

زهرة الصحراء



Posted by: Nada1981

استاذ زياد

كل عام و انت بخير و عقبال ال 105 سنيين يارب ( لا حدا يسئلني ليه بكتب دائما 105 )

و انشاءالله بتكون ايام و سنين سعادة و فرح و بتتحقق كل امانيك

و بما انه هي اول سنة بتحتفل فيها معنا بعيد ميلادك سمحلي اهديك اغنية Happy Birthday to you

http://m6rb.com/show_play.php?do=play&chack=2535

بتمنالك يوم سعيد و عيد ميلاد سعيد


ندى
http://www.zaidal.com/229images/images/111.gif

* ملاحظة: يعني لو حضرت الست الوالدة مستنية قبل ما تولدك 3 ايام كان صار برجي من برجك




Posted by: ziad sattah

ليس أجمل من أن تجلس إلى الإنترنيت صباحاً و تدخل إلى بريدك لتجد رسالة تقول :
منتديات زيدل تهنّئك بعيد ميلادك السعيد و عقبال الـ 100 يا رب .

شيء رائع أن ْ تضاف هذه التقنيات إلى المواقع البريدية . و لقد تلقيت هكذا تهنئة أيضاً من ال YAHOO .. ثم اكتملت ْ فرحتي بتهنئة السناء الدائم في المنتدى تلك الزهرة الصحراوية التي قلت لها يوما ً :

رجلي ع َ رجلك ْ وَين ْ م َ تروحي معك ْ
يا ساكنة ب ْ بيروت : قلبي ب ْ يسمعك ْ
و المســـــألة ْ والله مـو ْ مِـتـْحـَمّـلـةْ
ألقي ب ْ عصاكي ع َ الجمر ْ تا إتبَعِك ْ



و أشكر المميزة ندوووووووش على التهنئة و كذلك كل الأعضاء و كل عام و جميعكم بخير .



أربعييييييييييييييييين!!!!!



Posted by: sulieman safar

It is alwayse difficult to express feeling with words but in your case it is impossible to do justice to your wonderfull person.Today we can say that everything is possible because the good lord gave you to us on this wonderfull day. May your birthday be full of love and joy together with your family and friends .
sulieman



Posted by: سيلفانا خوري

كل عام وانت بألف خير.. أنشالله عقبال المليون




سيلفانا



Posted by: حكيم عيون

هو صحيح إبن عمي زياد عمرو أربعين سنة ....بس رجاحة عقلو بتعادل شي خمسين سنة بس ياللي مابتعرفوه عنّو.....أنو ضحكتو وطلّتو وخفة دمّو وقلبو ..بيعطيهْ عمر... العشرين سنةْ ...يعني شبْ وحكيمْ بنفسْ الوقتْ ...بسْ شِعرو شوي تعبانْ..
فبنصحك يا إبن عمي ...بيكفي عشرينْ شمعة بهالعيد... مش هيكْ.....
كلّ عامْ وأنتَ بألف خير....




Posted by: angel

الأستاذ المحترم زياد ..
كل عام وأنت بألف خير ...وانشالله عقبال المية بالصحة الجيدة والسعادة الدائمة..
وسام وأنجيل



Posted by: white flower

شكرا يا زهرة الصحراء لانك سمحتيلينا من خلال هالمناسبة نوجه تحية كبيرة للاستاذ زياد ونشكرو على وجوده القيم بيناتنا ونتمنالو العمر الطويل المليء بالصحة والسعادة والمزيد من العطاء



Posted by: suher issa

الحقيقة لا اعتقد انني اعرفك شخصي رغم انك من زيدل ولكن الشيء الذي اعرفه انك تعطي كثير لهذا المنتدى وهذا نستحق التقدير به وانك صديق للجميع لهذا نفتخر بان لدينا مثلك بالمنتدى ولك الشكر بما تكتب وتشرف بالمنتدة الروحي
لك كل الشكر والمحبة والتقدير وكل عام وانت بخير يعيد ميلادك الاربعين



Posted by: Abu Julian

أخي زياد،

كل عام وأنت من أهل البيت: من قطيع الرب الصغير، ومن المشرفين على المنتدى الروحي!........

سنّ الأربعين هي سنّ حرجة!؟........ أنا مررت بها، وعانيت منها لمدة سنة كاملة!......... وكثير من الأشواك اللي جاهدت حتى اقتلعها من قلبي عادت للظهور، وبضراوة!...... وتعبت من ظهورها من جديد...........

بس هلّق تخطّيت هالمرحلة (بسلام!!)......... والآن أنا قريبا بصير (أبو) 44.........

وبطلب من الرب لك العمر المديد ، ولكن مع الرب!!!!................




Posted by: hosam abdulaziz

يعني انا بوجه المعايدة و المواساة بهالوقت للاستاذ زياد
المعايدة بمناسبة عيد ميلاده كمناسبة سنوية من المفترض انها تكون محطة بحياتنا للأحتفال.
و بواسيه كونه دخل في عقد جديد بحياته هو عقد الاربعينيات , و بتصور انها تكون محطة مهمة بحياة كل واحد , فتغير رقم العشرات من عمرنا يصحبه القليل من الخوف من المصير المجهول القادم.
يمكن عمحضر حالي نفسيا لأنه قريبا رح صير عد بدل (و عشرين ) بالـ (وثلاثين)



Posted by: ziad sattah


0- أخي أبو جوليان :
كلامك أثار مخاوف في نفسي ,الأمر الذي جعلني أرجع للكتاب المقدس و أتصفّحه باحثاً عن مفردات العدد : أربعين , فلاحظ معي هذه الملاحظات :
-- لمّا أكمل موسى النبي \40\ سنة من عمره خطر على باله أن يفتقد أخوته بني اسرائيل .
--ثم لمّا أكمل \40\ سنة أُخرى غريباً في أرض ( مديان ) ظهر له ملاك الرب و أرسله إلى مصر مخلّصاً لشعبه .
--و بعد خروجهم من مصر عاشوا \40\ سنة ضياع في البرّية قبل وصولهم إلى أرض الميعاد ..
--و كذلك عاش التلاميذ حياة خوف و ضياع حتى اليوم الـ \40\ عند حلول الروح القدس ..
--و حتى السيد المسيح عليه السلام لم يبدأ بعمله التبشيري إلا ّ بعد انقضاء الـ \40\ يوم صيام في البرية.

- ممّا سبق يمكننا أن نلاحظ أن ما هو قبل الأربعين هو تأسيس لحياة جديدة هادفة تبدأ بعد الأربعين ,و يارب تعين..

- و بعدين , اجتماعيا : الإنسان ما بيكبر عقلو و بيوعا إلا ّ بعد الأربعين بدليل إنّو قليل ما بنشوف ناس عم يتجوّزا بعد الأربعين . مش هيييييييييك؟


-شكري و سلامي للجميع..



Posted by: RUSHA AWAD

كل عام وانت بالف خير وانشالله يكون العقد الجديد من حياتك مليئا بالنجاح والسعادة والعطاء وان تكون بيننا في هذا المنتدى كما تعودنا عليك دائما وان يبقى نور السيد المسيح منيرا لك في دربك.

مع حبي واحترامي
تلميذتك رشا عواد




Posted by: George daboul

تحية للجميع
ألف ألف ألف مبروك وعقبال المية
وانشالله تكون أيامك كلها أعياد
وبتمنالك الصحة والتوفيق وتحقق أمانيك يارب
*****************************
بس عندي استفسار صغير
أنا خوفي أنو المعايدة يكون القصد منها أنو ينكشف العمر وهيك بتكون الفرحة لحسام بيصير يشوف حالو علينا
الله يسامح اللي مايقدر يحتفظ بالسر
عم نمزح لا تزعلو
ومنكم السماح



Posted by: قمر سوريا

مرحبا زياد بدي هنيك بعيد ميلادك و قلك كل عام و انت بالف خير و انا مع اني لسه جديدة و ما بعرفكم كتيير بس حبيتكم كلكم و حسيتكم صحابي من زمان
و بهالمناسبة بقلك سماع و انطرب :
شو بتمنى كون شموع بعيدك دووب حالي دموع قليل العمر عليك
شو رأيك عنجد شي بيأثر بالنفس غرغرت الدمعة بعيني و ما بقى فيه احبسها هههههههه
بعدين و لا يهمك كرمال سن الاربعين ما بيقولوا اربعون عاما نزداد شبابا يعني هلأ انتي زدتت شباب عن قبل ههههههههه
و المرة الجايي ما رح نمرقها من دون كاتو





Posted by: ziad sattah

!!!

مش طالب ْ ت َ تكوني شموع ْ

بعيدي تْدوبي فيّي دموع ْ

عْلَيّي ْ القمر السوري مْآضي ْ

أجمل ْ, أنبل , أحلى سْطوع ْ .



ع َ شانك يا قمر سوريا



Posted by: manalo

كل عام و انت بخير استاذ زياد و عقبال المية سنة
و لا تزعل العمر مو بعدد السنين ...فطول ما الامل بقلوبنا منضل شباب
حبيت عايدك كوني جديدة بالمنتدى
ينعاد عليك



Posted by: قمر سوريا

شكرا كتيييييييير لاستاذنا الكبير زياد عنجد ارتبطت لساني
كالوردة كالشجر العاري اقف في وجه التيار اقف امامك مبهورةً انتظر جموح الاعصار يملؤني بردا و شتاءً يشعلني لهباً من ناري
و عقبال المية سنة




Posted by: ziad sattah


**

برداً و سلاماً , حسنائي ْ

كوني :الأرجاء بـ أرجاءي ْ

كوني كالشمس بـ تشريني ْ

كالبدر الساهر بسماءي ْ

لا يشعل لهب ٌ بـ ضياء ٍ

أو تشعل ُ نارٌ من ماء ِ.

فالعشق ُ يفجّر ُ بركاناً

وكلامك ِ فجّر أجزاءي ْ


أكتفي بهذا الكلام حتى لا يقال بأنها ( جهلة الأربعين)

********
شكراً : منالو , أوافقك الرأي ..



Posted by: قمر سوريا

تسلم تسلم على هالكلام حبيبنا الكبير الاستاذ زياد و سلامتك من الجهل و اذا هيك بيكون عيد ميلادك فياريت كل يوم عندك عيد بس مو كل يوم تكبر سنة ههههههههه




موقع زيدل سوريا حمص  .. خدمات تشات و دردشة  ... أرشيف المنتدى



vBulletin Copyright ©2000 - 2008, Jelsoft Enterprises Limited.
vB Easy Archive Final ©2000 - 2008 - Created by Stefan "Xenon" Kaeser