الارشيف - ورقة نعوة...........

Pages: 1

ورقة نعوة...........
(انقر هنا ان احببت مشاهدة الموضوع الاصلي بالالوان و الصور )

Posted by: fr george massis

مرحبة ما تفزعوا من العنوان هيك كان التعليق
مبارح كنت بزيارة لأحد العائلات الزيدلية طبعا هون بالبرازيل وكالعادة جبنا سيرة زيدل وأهل زيدل وموقعنا الحبيب وأخر الأخبار الواردة فيه مما أثار فضول إحدة الصبايا وأرادت أن تتعلم بعض الأشياء وقمنا بفتح الكمبيوتر وفت شوف شو في ردود ومواضيع وهيك مرق اسم الخال حسام وتوقيعوا اللي بيخوف .... ياريت بعرف قص ةفصل لورجيكم شلون عامل هالصلبان ريتوا دايما بحراستهم وهون قالت هذا عضو ميت مشارك بالمنتدى ولا ورقة نعوى طبعا بالبرازيلي .ههههههههههههههههههه
وهون حسيت من واجبي نطرح الموضوع وما بعرف شو رأي حسام بس الصبية حساسة وهيك رأيها بصراحة وهون هيك بيقولوا كلمتهم مو دج بس ما بيواربوا وبيحابوا فشو رأيك؟

والله معك...................

Posted by: Desert rose

الله يسامحك أبونا
شو تفزعواا ...ماتفزعوا (( بالزيدلي طبعاً ))
العنوان لوحده .(( ورقة نعوة )) الساعة 7 الصبح وقبل مانفتح المشاركة بيفزع ع ع ع ع ع

أما عن توقيع حسام فأنا بنصحوا يغيير هالصلبان ويخلي الصليب بقلبوا ....والصليب بيحرسوا وين ماكان

أي القوات اللبنانية واللي بقيادة القائد العظيم المناضل من أجل المسيحيين بلبنان " سمير جعجع

غير الصليب المقطوش وصار شعار القوات فقط خريطة لبنان (( الله يستر ))

هيدا رأيي..... فتسلم أبونا جورج على هاللفتة الكريمة ....وشكراً على ورقة هالنعوة الصباحية بتدووووخ والله

زهرة الصحراء

Posted by: hosam abdulaziz

ولك شو بدي اعمل معك يا ابونا مني عرفان.
وقت عملت موقعي الشخصي اول مرة كنت حاطط صليبين عاليمين و الشمال.
قام حضرة ابونا بعثلي رسالة قلي شو قصة هالصليبين مثل ورقة النعوة و او انه صاحب هالموقع متوفي , و فعلا انا قبلت الملاحظة و شلتهم فورا.
و اليوم بيفاجئني ابونا و صديقته البرازيلية بهالطرح هذا عن الصلبان الموجودين بالتوقيع.
هلقث من حيث المبدا ممكن يكون شكلهم قريب لورقة النعوة , بس الفكرة منهم هي اكيد شبيهة لشخص بيلبس الصليب برقبته.
بس لشو حاطط هالصلبان رح خبركم:
يعني انا زلمة العين تحرسني بخاف عحالي من الحاسدين عهالمواهب الخطيرة اللي خصني فيها الرب و عمحبة الناس الي و كثير اشيا مني غدران احصرها بهالرد , و لهيك بستنجد بقوة الصليب لتحميني من هالأمور هي .
بقا هلق قلي يا ابونا اذا بتعملي شي حجاب بديل عن هالصلبان لشيلهم من بكرة.

و بطريقك سلملي عصاحبتنا البرازيلية و قلها العين تحرسك شو نظرتك ثاقبة

, انه كل هالصورة اللي حاططها لحالي عأمل نصدلنا شي صيدة , ما لفت نظرها غير الصلبااااااااااااان

, شو لا يقوم راهبة و ما عم تحكي ؟؟؟؟

Posted by: lamia

لهيك بستنجد بقوة الصليب لتحميني من هالأمور هي .
=====
يخزي العين حولك و حواليك يا حسام انا برايي تحط خرزة زرقة و تكتب عليها على شو الناس لازم تحسدك لان الوضع شوي مغبش هههههههههههههه

------

انه كل هالصورة اللي حاططها لحالي عأمل نصدلنا شي صيدة
==========
نصيحة اخوية بحـــــــــــــــــــــــــــــــــتة .... و من اعماق القلب .... اذا ناوي تصيد بها الصورة نصيحة تغيرها ....... هههههههههههه ;)

بصراحة مو مبينة نعوة مبينة واحد بحب ديانتو جدا يعني عاديين لا ترد حسام تركهم لو حاببهم

Posted by: hosam abdulaziz

اقتباس:

المشاركة الأصلية كتبت بواسطة lamiaa

نصيحة اخوية بحـــــــــــــــــــــــــــــــــتة .... و من اعماق القلب .... اذا ناوي تصيد بها الصورة نصيحة تغيرها

صدقي ما بعرف شو بدي احكي يا لميا ...؟؟؟؟؟ حيرتيني بهالقصة ؟؟؟؟
انا سبق و وجهتلك نصيحة بوضع نظارات بس تستدمي الأنترنت و يمكن هلق زدت اصرارا عهالطلب

على كل بتقول ام كلثوم : واثق الخطوة يمشي ملكا
و انا بقلك شكرا كثير عهاللفتة الحلوة منك يا حلوة المنتديات يا لميا و عقبالك بشي شب يكون احلى مني

Posted by: سيلفانا خوري

في الحقيقة لازم نشكر ابونا جورج اللي اتاح لنا الفرصة لنعطي رأينا بالموضوع

وانا ايضا شايفة الديكور متل ورقة النعوة

بس لما عرفت انو السبب هو حماية من صيبة العين

قلت يلا منتحمل

بس يا ترى مجبورين

وين مادخلنا نشوف اسم حسام مع العنوان

حتى صرنا حافظينو عالغايب !!

يعني شو مشان تصدلك شي صيدة لازم ندفع نحنا الثمن

ما تزعل حسام عمنطبق الديمقراطية

سيلفانا

Posted by: hosam abdulaziz

يعني لو ما نيشاني زابط كنتي شفتي دخلك ردود من الأناث فقط على مشاركة الأب الغالي جورج
يعني الشعبية موجودة و الحمد الله و المحبين كثار

بس خلص انا لرغبة الجميع من صاحبتنا البرازيلية و مرورا بكل من شاركنا الموضوع , غيرت توقيعي الكريم الى توقيع جديد .
بتمنى اسمع رأيكم بهالتغيير .

Posted by: fr george massis

حسام يا أحلى شب بكل المنتديات
مهما حكينا من رجال ومن ستات
بتبقى طلتك أحلى طلي
بفكر منور كل الشلي
ودي صورتك لأبعد مسافات

شكرا للتجاوب بعتز بصداقتك ومدام زيدل فيها شباب مثل حسام .....الحمدالله زيدل بخير
صدقوني ما بتندمو والله معك............................................... .

موقع زيدل سوريا حمص .. خدمات تشات و دردشة ... أرشيف المنتدى