الارشيف - حصرياً لعشاق السفر!!

Pages: 1

حصرياً لعشاق السفر!!
(انقر هنا ان احببت مشاهدة الموضوع الاصلي بالالوان و الصور )

Posted by: سيلفانا خوري

ياجماعة لا تؤاخذوني على هالموضوع

ولكني شفت حالي اليوم متضجرة من ارض الواقع فأستاجرت طيارة فسيحة ومريحة تتسع لكل الاخوة عشاق السفر

اللي عالبالوا يتفضل

ولا تاكلوا هم.. البطاقات ببلاش ..كلوا عحسابي.. (بطاقة الروحة بس الرجعة على حسابكم)

*
*
*
*
*
يلا تفضلوا ......
*
*
إربطوا الاحزمة

*
*
جاهزين....

*
*
على بركة الله

*
*
*
*
*
*
*
*
*
*
*
*
*
*
*
*
*
*
*
*
*
*
*
الحمد الله عالسلامة
*
*
وصلنا

نحن الان في دنيا الاحلام................

وكل واحد منكم يستطيع ان يطلب 3 أمنيات ...من دون حدود

(كان يعم السلام في العالم) مثلا وغيرها من الاماني التي تتمنوا ان تتحقق في مجالات حياتكم ....

الامنيات من دون حدود ولكن لاتصيروا طماعين وتنسوا الشروط ؟؟يحق لكم ثلاث فقط

انا واقفة هون واللي حيعمل عونطة رح طالعلوا كرت احمر وعالبيت

سيلفانا

Posted by: hosam abdulaziz

سلفانا عرفناكي شاعر و محاورة من الطراز الرفيع بس اليوم عرفتينا عسلفانا المهضومة و خفيفة الدم .
و انا رح شاركك هالرحلة الحلوة و عبر عن امنياتي بهالحياة بس قيدتي علينا الأحلام و الأمنيات بـ3
اول شي اكيد بتمنى ارجع عبلدي باسرع وقت ممكن
و ثاني شي بتمنى اتزوج من البنت اللي بحب.
و ثالث شي اتيسر بعمل يخليني عيش عيشة كريمة طول العمر.
و رابع شي ؟؟؟؟؟؟؟؟؟؟؟؟؟؟؟؟؟؟ اوه شبك عصبتي نسيت حالي خلص

ولك شايفة البني آدم شو طماع يا سلفانا هي تمنيت 3 امنيات شخصية , و ما خليت للوطن و الأوطان شي .
بس قولك اللي بعدي رح يكونوا احسن مني شي ؟؟؟؟
شكرا لهالرحلة القصيرة و اللي انشاء الله تصير حقيقة , و ما تنسي تحطينلنا امنياتك انت كمان 3 و بس احسن ما نشحطك برة بدورنا.

Posted by: سيلفانا خوري

أهلا وسهلا حسام ..إنشالله بترجع على بلدك بخير وسلامة ....
وبتحقق كل امنياتك.....

والحمدالله إني حددت الاحلام وإلا كنت مليتلنا الصفحة وماتركت دور لحدا

بس ما تاكل هم مادام تايدت بالشرط

في كل رحلة حاجزتللك مقعد

وقلي ليش مستعجل وبدك ياني اتمنى بالظاهر بدك تخلص مني

مابقدر اتمنى الان لاني مسؤولة عن الرحلةوبخاف أغرق في بحر التماني

وتصرخوا علي ما تلا قوني

لذلك خليها لبعدين بس اطمئن على بقية الاخوة المسافرين

سيلفانا

Posted by: Desert rose

قولكن فهمت غلط أو مظبوط بأنو رح نكون على طيارة رايحة لعالم الأحلام

لازم أعرف لابل ضروري ؟؟
لأن في فرق كبير بين التمنيات وبين الأحلام
الحلم شي صعب يتحقق ياعيوني لذلك خبريني سيلفانا شو القصة
بتمنى أو بحلم؟؟

هلق إذا تمنيات مافي لزوم يكونوا 3 بتكفي وحدة وهي الصحة الدايمة

أما إذا 3 أحلام فأولها :

_ أرجع بعمري لعمر الطفولة

_ عيش مع شخص واحد كل عمري

_ زور العالم كلوا بأقل من ثانية

أي هه هي أحلام ....لأن الحلم شي مستحيل يتحقق ياجماعة .... !!!

شو بتاخدوني.... أو ....بتنزلوني.... أو .....رح تشحطوني من عالمكم الممل الروتيني

زهرة الصحراء

Posted by: سيلفانا خوري

اهلا وسهلا بزهرة الصحراء

انت الان في دنيا الاحلام ولا يوجد فرق عندما نتمنى شيء....
نحلم بتحقيقه

وليست كل الاماني سهلة التحقيق ولاكل الاحلام مستحيلة......

وان لم نحقق شيء من الاحلام والاماني

فقط في المرور عليها متعة لما سنحرم نفسنا منها ايضا

حرام عليكي خلينا ننسى حالنا شوي ونطير من جمود الروتين ولو ماكنتي جيتي كنت رايحة على بيتك لجيبك

لذلك ما في مفر حتنشحطي معنا لآخر الرحلة

سيلفانا

Posted by: white flower

شكرا مجددا سيلفانا

خليتيني حاول رتب أفكاري وأمنياتي ......
الواحد بيكون عندو أحلام كثيرة أو يمكن الأصح أمنيات على رأي سناء بس ولا مرة فكرت أي وحدة هيي الأهم حقيقة

على كل حال ما بتصور في انسان بالعالم بيكتفي بامنية وحدة الا في حال كان بمصيبة حقيقية و وقتها بتكون هالأمنية بمثابة ورقة جوكر حياته ههههه

أما أمنياتي مثل أمنيات ناس كثييير :
بتمنى من الرب الصحة والسعادة لعيلتي
بتمنى الله يحط بطريقي شب ظريف (أو يحطني بطريقو ) نقدر نكمل هالحياة سوا بحلوها ومرها
أما الأمنية الثالثة وليس الأخيرة طبعا هيي مستحيلة على ما يبدو بس دايما بطلبها على مبدأ صلو ولا تملو

بتمنى ينتهي الشر وتنتهي معو الحروب والظلم ووووو . بتمنى العزاء للمحزونين والشفاء للمرضى
الحقيقة في أمنيات كثير من هالنوع بس خفت تحسبوهم كل وحدة لحالها و تطالعوني برات الرحلة

Posted by: Nada1981

مرحبا جميعا

بصراحة سيلفانا غشيتيني بأسم الموضوع هدا: حصرياً لعشاق السفر!!

انا قلت يمكن شي موضوع عن السياحة و فرحت بما انه انا عم ادرس سياحة وسفر هلا قلت يمكن حضرتك كمان مهتمة بموضوع السياحة كمان

بس يلا خليني طير معك برحلة الاحلام لنشوف لوين بدك تاخدينا

انتي عطيتي لكل شخص فينا 3 امنيات مع انه لو خليتيها امنية وحدة كنتي خليتينا نفكر فيها اكتر و نسئل نفسنا شو هي اهم شغلة او امنية الواحد ممنا بيحب انه تتحقق بيوم من الايام. انتي هيك سهلتيها علينا بس كمان تمام انك حطيتي رقم 3 لانه لو غير هيك كنت انا كمان عملت مثل حسام و قعدت اتمنى من اليوم لبكرا

امنياتي ال 3 بلحظة هي هنن:

1. يرجع في الزمن لسن ال 14 سنة وقت الي سافرنا فيه من سوريا لهولندا

2. غمض عين و فتح عين لاقي حالي عايشة بسوريا بين اهلي و اقربائي

3. بتمنى السعادة و الفرح و الصحة لكل العالم الي بعرفها والي ما بعرفها كمان

و اما الشغلات الثانية الي بعتبرها مانهم اماني ( العريس و الشغل و الشغلات هي كلها ) هدول بلنسبة الي طموح او خليني قول رغبة و من السهل تحقيقها بس الشغلات الي مافينه الواحد يحققها بنفسه فهي اسمها امنية. ( و كل شخص اله رأية بلنظرية هي اكيد )

انشاءالله بتحقق كل امانيكم و رغباتكم جميعا

سيلفانا تحياتي الك و شكرا على الموضوع المهضوم

ندوووش

Posted by: George daboul

تحية للجميع
من رحلة أحلام القوافي إلى رحلة الأحلام والأمنيات
رحلة جميلة ولعل أجمل مافيها أنه يحق لكل واحد التمني
ديمقراطية رائعة ؟؟ وليكن فما المانع فهي على طائرة الأحلام
اسمحوا لي أن أرافقكم
الأمنية الأولى وهي دعاء سمعته من صغري
يارب يجي يوم ما يكون فيه حدا أغنى من حدا
الأمنية الثانية
يارب تحمينا من عوز فيه زل
الأمنية الثالثة
يارب بارك خطى أنقياء القلوب فاعلي الخير وامنحهم على قدر نواياهم
الأمنية الرابعة
؟؟؟؟؟؟؟؟ ياالله بلاها أحسن ما يقذفونا ع الميادين وبكرت أحمر
************************************************** *
سامحونا
‏الاحد‏، 15‏ كانون الثاني‏، 2006

Posted by: سيلفانا خوري

اهلا وسهلا white flower ندوشش وجورج نورتوا الرحلة.....
إنشالله بتحققوا كل امنياتكم

لندى وجورج بطاقة تهنئة على التزامهم بالشروط

وكرت احمر للوردة البيضاء

مارح عديلك اياها ياوردة الا بشرط

ترضيني ببطاقة عزيمة اول ما تتحقق الامنية الثانية لاني من هلق محضرة حالي

سيلفانا

Posted by: hosam abdulaziz

كابتن سلفانا
حدث تغييرات جوية خطيرة بالمناخ و هالشي رح يؤدي الى استحالة هبوط الطائرة في ظل هالحمولة الثقيلة , و لازم نفضي الطيارة من هالحمولة باسرع وقت حتى بما فيهم الركاب
و معك خيار تبقي واحد منهم معك ليهبط بسلام والباقي يا حرام (من الشباك)
لهيك لبين ما تسمعي ردود جديدة فكري مليا مين هو الشخص اللي رح تختاريه يحط معك ببر الأمان
اختيارك رح يكون بناء على امنياته الثلاث و منطقيتها و اعجابك بها.(بدنا اسم واحد و الا رح نعطيكي كرت احمر)
طبعا ما تنسي امنياتك الثلاثة انت كمان.

Posted by: white flower

يعني جينا لنفرح بالخيال قام حسام المشكلجي نزعها
شو عملت هلق بسيلفانا كان قصدها تفرحنا شوي وصار بدها تنستر منك
قولي لنشا الله يا سيلفانا اسمك براس اللائحة وكرت مذهب لكاتبتنا العظيمة بس يا خوفي اذا خطبتي قبلي تنشغلي عنا وننحرم من وجودك الاكثر من رائع بالمنتدى
(مدري ليش ما نزل معي ابتسامات)

Posted by: سيلفانا خوري

الله يسامحك يا حسام كل الركاب مهضومين وخفيفين الظل وين المشكلةفي الحمولة

وبعدين كتير صعبتها ان اختار من بين الاماني

على كل حال إذا كنت مصمم ان اختار رح اختارهم كلهم

ونزلك من الطيارة

هيك عالقليلة بصرلي فرصة لارجع عالمنتدى وحل محلك

لانو وحدة من امنياتي هي ان اكون ادارية في شي منتدى

واخيرا رح تتحقق امنيتي

وهيك يا وردة مرح تنحرموا مني ابدا

لانوا في كل عرس رح يكون الي قرص
متل ماعامل حسام مافي موضوع وما مدخل حالوا فيه

سيلفانا

Posted by: hosam abdulaziz

المشاركة الأصلية كتبت بواسطة سيلفانا خوري

على كل حال إذا كنت مصمم ان اختار رح اختارهم كلهم

ونزلك من الطيارة

هيك عالقليلة بصرلي فرصة لارجع عالمنتدى وحل محلك

اي بسيطة يا سلفانا هيك لكن و انا كنت مفكر رح تختاريني بدون تردد .
على كل بتمنالكم رحلة موفقة و تروحوا و ترجعوا بالسلامة .
اما بالنسبة لحلمك على الاشراف على المنتديات , فهي ما بدها لا رحلة و لا طيارة و حلمك ممكن يصير حقيقة بمنتديات زيدل , طالما انك بتمتلكي هالأندفاع و الخبرة و التميز .

Posted by: سيلفانا خوري

الله يطمن بالك ياحسام ماكنت عارفة أن الاماني ممكن تتحقق بهالسرعة

على كل حال يكفيني ان أكون عضوة في حديقة شمسها إدارة منورة
دايما بطلتها

وأزهارها أعضاء معطرين المكان بعطر الود والمحبة

وبيني وبينك ما هادا هو السبب الوحيد ولكن الموقع صارلوا يومين ماعم يظهر عندي

وعندما يظهر لا يتأخر الا كام ساعة

لا تكفي للمشاركة بأغلب المواضيع

ومابدي يقولوا سيلفانا ليست بكفاءة حسام

لذلك خلينا هيك احسن

موقع زيدل سوريا حمص .. خدمات تشات و دردشة ... أرشيف المنتدى