الارشيف - عيادة الكمبيوتر والانترنت ..

Pages: 1

عيادة الكمبيوتر والانترنت ..
(انقر هنا ان احببت مشاهدة الموضوع الاصلي بالالوان و الصور )

Posted by: اردني وفي

السلام عليكم اصدقاءي واخواني واحبابي ..

ارتأيت بحكم خبرتي الواسعة في الكمبيوتر والانترنت فتح عيادة زيدل للكمبيوتر لطرح وعرض مشاكلكم وسأقوم على الفور بحلها انشاءالله ...

لا تترددوا وستجدوا الاجابة ...

أخوكم .. معن

أبو وديع

...

Posted by: sulieman safar

أهلاً وسهلاً بالأخ الأردني الوفي وشكراً على عطائك الجميل وبالفعل نحنوا بحالجة لمثل هذه الخدمات اللتي تقدمها والسبب بأنو من يقدم هذه الخدمات في منتدى زيدل هوا حسام عبد العزيز ولكن يا للأسف بيضل مشغول مع الصبايا وليس من الغريب ان يستغرق شهور حتى يرد على المشاكل التقنية. بنفس الوقت لقد سمعت صوتك الرائع والله يخلينا اياك ومن الأن انا عازمك على عرس حسام واللذي سوف يقع في تاريخ واحد وثلاثين شباط في السنة القادمة ويا ليتك تتدرب على هذه الأغنية.

جوزنا حسام وتخلصنا منو
وارتاحت العالم منو ومن همو

راح يجننا حسام
وما عم يخلي حدى ينام
وبين اليقظة والمنام
بدو يتجوز حسام.

جوزنا حسام وتخلصنا منو........

ولك الشكر سلفاً واهلين وسهلين فيك.
سليمان

Posted by: alessandro

الاخ الاردني الوفي عندي مشكلي بالكميوتر يا ريت في عندك حل

عندي البرنامج النوترين انتر فايروس بعمل سكان للكمبيوتر بس في فايرس بالجهاز وماعم يقدر

يشيل الفايرس يا ريت عندك طريقه ما لازاله هذا الفايروس

وشكرا

Posted by: hosam abdulaziz

اهلا و سهلا بالأخ الأردني الوفي
و شكرا للعم سليمان عهالشعادة الحلوة اللي بتصور كبيرة شوي عليي.

شكرا لهالبلشة المندفعة و اللي بنتمنى تظل ابواب هالعيادة مفتوحة لأطول مدة ممكنة.
بس بتمنى عليك توضحلنا اكثر حتى نستفيد منك قدر الأمكان .
يعني كل عيادة الها دكتور و يفضل يكون لهالدكتور اختصاص افضل من ان تكون عيادة عامة.
غانا سؤالي هل امكانياتك بتسمحلك تجاوب على كافة انواع الأسئلة مثلا software hardware تطوير برمجيات تطوير منتديات و لغات برمجية. trobleshoot , و اضافة الى الكثير من التشعبات الأخرى في عالم الأنترنت و الكمبيوتر,
يعني كل واحد منا معرض للأصطدام لمشاكل يعجز على حلها و يحتاج دعم الخبيرين ,فبتمنى وجودك معنى يغني طاقم الدعم الفني و يساعد الأعضاء على تجاوز الكثير من مشاكلهم.

عم سليمان اذا كل عزايمك بهالطريقة هي من هلق بتمون على 350 كرت تصرف فيهم.
و اليساندرو انشاء الله الحل لمعضلتك بتلاقي عن صديقنا الجديد

Posted by: اردني وفي

اهلا وسهلا وبصراحة هاد شرف كبير اللي اني اكون احد اعضاء زيدل واكيد يعني خبرتي انشاءالله راح اني اساعد الجميع وحتى لو ما كان عندي جواب للسؤال اكيد راح ادور على الحل بأي طريقة وانشالله شرف كبير اللي اننا نكون جميعا اصدقاء...

طيب انا راح ابلش اجاوب على سؤال الاخ حول النورتون انتي فايروس ...

اخي العزيز النورتون انتي فيروس مثله مثل اي برنامج مضاد للفيروسات يحتاج الى تحديث يومي لان ضهور الفيروسات يوميا ويتعامل البرامج المضادة للفيروسات مع قاعدة بيانات تحتاج الى تحديث للتعرف على اي فيروسات جديدة بحكم خبرتي كمبرمج فيروسات سابق اقول لك بان افضل البرامج المضادة للفيروسات هو كاسبر سكاي وهو روسي الصنع وقوي وخفيف وفعال ويقوم بعملية التحديث اوتوماتيكيا انصحك بتنزيله بدلا من النورتون وهو اخف على الجهاز من النورتون - كما يقوم بحماية جهازك من الهجمات attacks بأيقافها اوتوماتيكيا يمكنك تحميله من موقع الشركة

www.kaspersky.com

نزله وراح تدعيلي ... وهو كمان بيعمل تحديث اوتوماتيكي دون مساعدة من المستخدم ...

تحياتي وانشالله نكون جاوبناك وافدناك

.. والاخ حسام تشرفنا بمعرفتك انا اسمي معن ... وفيك تناديني ابو وديع كوني من عشاق جورج وسوف "ابو وديع " ...
واي مشاكل بتواجهكوا او اي أسئلة واستفسارات انا جاهز

بعدين اخي حسام يعني لو ما كنت واثق من كلامي ما كنت فتحت العيادة وكلفتني ابصر اكم مليون ..

انا جاهز .. بانتظار اسألتكم ..

تحياتي

Posted by: fr george massis

يعني فيك تعتبرني زبون دايم
لأنو هالشغلة موشغلتنا
وأنا من أنصار اعطي خبزك للخباز ولو حرق أكل نصو

والله معك..................................

Posted by: اردني وفي

ولو حياك الله سيدي .. واعتبر العيادة عيادتك يالا انا طالع استلم انت

Posted by: hosam abdulaziz

اقتباس:

بعدين اخي حسام يعني لو ما كنت واثق من كلامي ما كنت فتحت العيادة وكلفتني ابصر اكم مليون

عالعين و الراس هالحكي يا حبيب و انا برد كرر شكري الك لهالعرض.
بس يعني الواحد ما بيقدر يشيل بايده اكثر من بطيخة ثنتين ثلاث .
و انا حبيت انك تحدد وين بتتميز حتى نقدر نتعاون و نستفيد و نفيد .
يعني انا وقت اوردت مثال الطبيب بقصد تماما هالحكي
فبالطب في دكتور عام: هذا مهمته يعالج الأمراض البسيطة في كافة انحاء الجسم و بس تعقدت القصة بيحول عالمختص.
اما الدكتور المختص فبيختص بجز بسيط من جسم الأنسان و بيكون قادر على تشخيص و علاج اي مرض بهالقسم بالتحديد و بس كان للمرض علاقة بقسم آخر بيحوله عالمختص و ما بيقوم باي اجتهاد بعيد عن اختصاصه.
بتمنى تكون وصلتك الفكرة وبردد شكري الك من عمق القلب.

Posted by: اردني وفي

اكيد اخي حسام ..
انا بتميز بالصيانة العامة للكمبيوتر والبرمجة ومشاكل انظمة التشغيل والبرامج , يعني من ناحية البرمجة فيك تحكي اللغات التالية :
C++ , JAVA,Visual Basic ,API , Delphi , ASP , Assembly
مشاكل الاختراقات والشبكات بالذات , لاني مبرمج شبكات , يعني يا اخ حسام انا خبرتي بالكمبيوتر 14 سنة كمبرمج Hardware و Software صح لساتني بس 24 سنة , بس انا من طفولتي مبرمج ومن عشاق البرمجة , فهاد هو تخصصي ...

برجو اكون جاوبتك على سؤالي

تحياتي للجميع

موقع زيدل سوريا حمص .. خدمات تشات و دردشة ... أرشيف المنتدى