الارشيف - الحمدلله رح نخلص من واحد.... مبروك للطحان

Pages: 1

الحمدلله رح نخلص من واحد.... مبروك للطحان
(انقر هنا ان احببت مشاهدة الموضوع الاصلي بالالوان و الصور )

Posted by: Desert rose

بكل سرور مبارح تلقيت الخبر الأكيد لخطوبة صديق قديم كان ألنا معوا لقاءات عديدة عبر أول غرفة محادثة من موقع زيدل

جورج طحان كان واحد من شلة سميناها بيوم شلة الأنتريت وهي غنية عن التعريف .

حسام ....وسام....فيكتور ...جورج عرعوش ........جورج دعبول زيدل ....أبونا جهاد .....سليمان ونهلا السفر ...شادي ...وجورج طحان ....ردين الأشقر ...وسناء

الحمدلله من وقت مش طويل كبر عقل كم واحد منهم وأنضموا لقائمة المتزوجين ..متل جورج عرعوش العزيز ....وكمان الغالي وسام ....وصرنا هلق ناطرين تكمل فرحتنا بشادي وبالطحان وبكبر عقول الشباب الباقيين

ماعدا أبونا طبعاً بدنا عقلوا مايكبر

ألف مبروك لـــ جورج ولعروستنا بنت المزينة بنت الغرب العزيز وعقبال التمام بالخير
كنت حابة ضيف صورة للعرسان تتشوفوا بأنو بيوم أولادهم رح يجوا مدبقين

ولكن للأسف مبارح توقف الكومبيوتر عندي ((الحق على عبدلله عرعوش ))

وهلق كل عام وأنتم بخير في عام 2005 على أمل اللقاء بكم من بيروت مرة أخرى في الــــ2006

وتنعاد عالجميع

طبعاً مشاركتي عملتها من كومبيوتر تاني

زهرة الصحراء

Posted by: sulieman safar

هكذا كان القول ولكن كما يبدو انو الكلاسين غبروا على الطحان وطغوه أحلى طغوة وألف مبروك للصديق الغالي جورج وعروستنا الحلوة وعقبال التمام بالخير وأنا من هلق عازم حالي على العرس وفعلاً يا أبو جرييج انك رفعت ذيل قردنا عن طحيناتك أما لباقي الأصدقاء مافي حلي عنكم.
لكم محبتي جميع
سليمان
ملاحظة للغالية سناء:
ويين رحتي بطلال وأبو الزوز ؟ اي كانو يحكوا قد عشرة.

Posted by: wisam

الف مبروك يا ابو جريج و انشاء الله بالهنا و عقبال التمام بالخير
بحب بارك لعروستنا و بدي قلها انه عريسك شاب طيب و مهذب و متفتح الذهن و برايي رح تعيشي احلى الايام معه

Posted by: george tahhan

لكم مني جزيل الشكر والامتنان . الشكر الأول للأخت سناء لأني شعرت بفرحتها لما خبرتها . والشكر الثاني للعم سليمان لأنو حسيت بصدمتو لما خبر الخبر ( ها ها ها ..... ) الشكر الثالث للأخ وسام وبدي أشكرو أكثر لما يقدر يعطينا رقم جوزيف الحنا أو يعطيني إيميل لـ جوزيف ...

Posted by: hosam abdulaziz

انا بدوري ببارك للصديق جورج طحان و بتمناله التوفيق مع شريكة حياته اللي اختارها
و عقبال التمام عخير.

Posted by: salemdani

الف مبروك وعقبال العزابية
عندي سؤال
هل جورج هو اخو فكرت الطحان
والف شكر

Posted by: george tahhan

شكرا حسام وعقبالك انشالله بالأحسن وبالنسبة للشب الثاني للبارك لا أنا إبن عمو لفكرت وشكرا إلك على كل حال وعقبالك إذا بعدك عزابي

Posted by: fr george massis

ألف مبروك أبو جريج مثل ما سماك الكل
ويارب عقبال التمام بالخير
وعقبال عند اياد كمان
وعند كل العايزين؟؟؟؟؟؟؟؟؟؟؟؟؟؟؟؟؟؟؟؟
وما أكثرهم بهالمنتدى

والله معك....................

موقع زيدل سوريا حمص .. خدمات تشات و دردشة ... أرشيف المنتدى