الارشيف - _Super Star

Pages: 1

_Super Star _
(انقر هنا ان احببت مشاهدة الموضوع الاصلي بالالوان و الصور )

Posted by: a_aroush

حبيت حط هالموضوع لأعرف إذا حدا متابع برنامج Super Star اللي عم يطلع على قناة المستقبل .

الحقيقة الأصوات الموجودة للمتسابقين كلها حلوة بشكل غريب , و مع أن أصوات حلوة طلعت من البرنامج لكن اللي ضلوا برأيي كلهن أصواتهن حلوة و كل واحد منهن عندو ميزة خاصّة فيه حلوة .

لكن بهالبرنامج في صوتين حلوين كثير , و واحد منهن و اللي برأيي و بدون أي تحيّز لأنها سوريّة هي المتشاركة شهد برمدا من سورية - حلب .

لحد الآن يمكن متابع كل برامج السوبر الستار اللي مرقت , و ستار أكاديمي , و قبلها ستوديو الفن , بس لهلأ يمكن ما كان لأي متشارك وقع ساحر واضح على لجنة التحكيم , صوت حقيقة كل ما عم تطلع و بكل حلقة عم تنسحر فيها اللجنة أكثر , و ما بيصير أي واحد بيحب السمع ما ينسحر بهالصوت الرائع .

لكن للأسف التصويت و النجاح بهالبرنامج ما بتحدده اللجنة إنما الجمهور اللي عم يصوّت , لهيك حبيت الفت نظر الشباب اللي معني هون لهالبرنامج , و للي بيحب الطرب , أن لو يسمع صوت هالمتشاركة , ما يسمع مني و يصوتلها بناءً على رأيي فيها , إنما يسمعها و يقرر , و أنا متأكد أنه مو بس رح يعجب فيها و إنما رح ينبهر من صوتها , و لو صوتلها بيكون مليح لأنها بحاجة لكل صوت , و للأسف أن اللي عم يصوتو بهالبرنامج من سوريين قلال , لهيك خرج من المنافسة السنة الماضية المتشارك حسام مدنيّة و اللي كان برأيي صوته كان أجمل من اللي أخذ المرتبة الأولى و الثانية و الثالثة و الرابعة .

فليه السوريين ما عم يهتموا لهالبرنامج و ما عم يصوتوا كفاية فيه , صحيح أن النجاح بيجي بعدين و مو مهم مين ياخذ الأول بهالبرنامج , و عم نلاحظ أن حسام مدنيّة أخذ شهرة أكثر من اللي سبقوه أو أخذوا أصوات أكثر منو , لأنه حقيقة بيستاهل .

لكن كمان ما ننسى أن عم يصير مسؤوليّة تجاه اللي عم ينجحوا بالبرنامج , عم يصير اهتمام فيهن و برأيي ما حدا بيستاهل هالرعاية و الاهتمام أكثر من شهد برمدا بالمستقبل , و أنا متأكّد أنها رح تلاقي موسيقيين و شركات إنتاج كثير تهتم فيها فيها لأنها أكيد عملت بصمة كبيرة بصوتها لا يمكن أنها تتجاهل , بس بيضل التصويت الها مهم .

فيا ريت من كل شخص مو عم يصوّت بهالبرنامج أن يتابعو و يسمعها و يصوتلها .

للتصويت بتحتاج لايميل ... احصل من خلاله على passward للتصويت رح يبعثولكن اياها بالايميل مباشرة و فيكن تصوتو بعدها .

التصويت عم يصير على هاللينك

http://rack.futuretvnetwork.com/superstar/vote/

ما فيي قلكن شأد أنا معجب بشهد برمدا يعني حقيقة كل ما عم أسمعها عم تطيرلي عقلي , و عم سجل كل الحلقات و عم ارجع اسمع غناها و ما عم اشبع من سماعه , و لو أن بتعرفو أن عمرها بس 17 سنة , شي لحالو بيطير العقل .

أنا بالنسبة الي أد ما أني متأثر بهالصوت رح حاول كلشي و فيني جبلها أصوات , بيكفي الفت انتباه اللي مو عم يتابع , و أنا متأكد اللي بيسمعها ما ممكن ما يعجب فيها و يصوتلها .

عندي شرطان مسجلة بصوتها بس ما بعرف كيف فيي حوّل الأغاني و حطها بفايل صغير يمكن نزلوا هون , فإذا حسام أو وسام ممكن يساعدوني بهالشيء , رح كون سعيد حطلكن كم غنية بصوتها اللي غنتهن سابقاً حتى تسمعوها .

أني بالنسبة الي عندي خمس ايميلات و حصلت على خمسة passwards و عم صوتلها بالخمسة كل يوم أحد .

Posted by: fr george massis

اقتباس:

المشاركة الأصلية كتبت بواسطة a_aroush

حبيت حط هالموضوع لأعرف إذا حدا متابع برنامج Super Star اللي عم يطلع على قناة المستقبل .

الحقيقة الأصوات الموجودة للمتسابقين كلها حلوة بشكل غريب , و مع أن أصوات حلوة طلعت من البرنامج لكن اللي ضلوا برأيي كلهن أصواتهن حلوة و كل واحد منهن عندو ميزة خاصّة فيه حلوة .

لكن بهالبرنامج في صوتين حلوين كثير , و واحد منهن و اللي برأيي و بدون أي تحيّز لأنها سوريّة هي المتشاركة شهد برمدا من سورية - حلب .

لحد الآن يمكن متابع كل برامج السوبر الستار اللي مرقت , و ستار أكاديمي , و قبلها ستوديو الفن , بس لهلأ يمكن ما كان لأي متشارك وقع ساحر واضح على لجنة التحكيم , صوت حقيقة كل ما عم تطلع و بكل حلقة عم تنسحر فيها اللجنة أكثر , و ما بيصير أي واحد بيحب السمع ما ينسحر بهالصوت الرائع .

لكن للأسف التصويت و النجاح بهالبرنامج ما بتحدده اللجنة إنما الجمهور اللي عم يصوّت , لهيك حبيت الفت نظر الشباب اللي معني هون لهالبرنامج , و للي بيحب الطرب , أن لو يسمع صوت هالمتشاركة , ما يسمع مني و يصوتلها بناءً على رأيي فيها , إنما يسمعها و يقرر , و أنا متأكد أنه مو بس رح يعجب فيها و إنما رح ينبهر من صوتها , و لو صوتلها بيكون مليح لأنها بحاجة لكل صوت , و للأسف أن اللي عم يصوتو بهالبرنامج من سوريين قلال , لهيك خرج من المنافسة السنة الماضية المتشارك حسام مدنيّة و اللي كان برأيي صوته كان أجمل من اللي أخذ المرتبة الأولى و الثانية و الثالثة و الرابعة .

فليه السوريين ما عم يهتموا لهالبرنامج و ما عم يصوتوا كفاية فيه , صحيح أن النجاح بيجي بعدين و مو مهم مين ياخذ الأول بهالبرنامج , و عم نلاحظ أن حسام مدنيّة أخذ شهرة أكثر من اللي سبقوه أو أخذوا أصوات أكثر منو , لأنه حقيقة بيستاهل .

لكن كمان ما ننسى أن عم يصير مسؤوليّة تجاه اللي عم ينجحوا بالبرنامج , عم يصير اهتمام فيهن و برأيي ما حدا بيستاهل هالرعاية و الاهتمام أكثر من شهد برمدا بالمستقبل , و أنا متأكّد أنها رح تلاقي موسيقيين و شركات إنتاج كثير تهتم فيها فيها لأنها أكيد عملت بصمة كبيرة بصوتها لا يمكن أنها تتجاهل , بس بيضل التصويت الها مهم .

فيا ريت من كل شخص مو عم يصوّت بهالبرنامج أن يتابعو و يسمعها و يصوتلها .

للتصويت بتحتاج لايميل ... احصل من خلاله على passward للتصويت رح يبعثولكن اياها بالايميل مباشرة و فيكن تصوتو بعدها .

التصويت عم يصير على هاللينك

http://rack.futuretvnetwork.com/superstar/vote/

ما فيي قلكن شأد أنا معجب بشهد برمدا يعني حقيقة كل ما عم أسمعها عم تطيرلي عقلي , و عم سجل كل الحلقات و عم ارجع اسمع غناها و ما عم اشبع من سماعه , و لو أن بتعرفو أن عمرها بس 17 سنة , شي لحالو بيطير العقل .

أنا بالنسبة الي أد ما أني متأثر بهالصوت رح حاول كلشي و فيني جبلها أصوات , بيكفي الفت انتباه اللي مو عم يتابع , و أنا متأكد اللي بيسمعها ما ممكن ما يعجب فيها و يصوتلها .

عندي شرطان مسجلة بصوتها بس ما بعرف كيف فيي حوّل الأغاني و حطها بفايل صغير يمكن نزلوا هون , فإذا حسام أو وسام ممكن يساعدوني بهالشيء , رح كون سعيد حطلكن كم غنية بصوتها اللي غنتهن سابقاً حتى تسمعوها .

أني بالنسبة الي عندي خمس ايميلات و حصلت على خمسة passwards و عم صوتلها بالخمسة كل يوم أحد .

طول بالك أبو عرعوش علينا وألف سلامة لعقلاتك دخيلك ما ناقصنا مشاكل
ويعني يا عم سليمان ناطر أسمع ردك على أبوعرعوش كونك بتعرف بالفن والغناء خصوصاً أنا الحقيقة حبيت صوت العراقي يلي جاي من أميركا يمكن أسمو أحمد بس كنيتو فالح أكيد والله غلطان يعني الواحد من العمر بينسى شوي ما تواخذونا
والله معك..............

Posted by: Desert rose

أبونا جورج عنا بالمنتدى موضوع عنوانه ومن الحب ماقتل ....فليه مستغرب يطيروا عقلات عبدلله من إعجابه وحبه الكبير لشهد برمدا

....وبطمنك سليمان مش رح يرد لابل مستحيل .....لأن أذنه الموسيقية مش معه بها الوقت وكل هموا بأيام هالعيد كاسة مليانة من أطيب نبيذ

عبدلله بصراحة مش متابعة حلقات السوبر ستار ...حتى ماعندي أي فكرة عن البرنامج لها السنة ولكن محبتي الكبيرة ألك لدرجة أنك مطيرلي عقلاتي

..رح تخليني تابع تشوف شهد وصوّّت على الـــــــ 6 ميلات اللي عندي

...ولك تكرم عبدلله كرمال عين تكرم مرج عيون وخصوصاً إذا متل عيون شهد .

"...(( بكرة إذا ماشفتني بيكون طوني

مع أنه من زمان لازم : ....

))

زهرة الصحراء

Posted by: Nada1981

انا بضم صوتي لصوت عبدالله, مع انه انا ماني ابدا من متابعين السوبر ستار بس ماما و اخواتي من كثر ما حكولي عنها و عن صوتها و سجلولي الحلقة بس منشانها هي, شفت انه البنت هي فعلا فظيعة و لهلا ماني مصدقة انه عمرها 17 سنة بس. على كل حال الله يوفقها و يوفقهم جميعا.

بس في عندها مشكلة: هي صغيرة بلعمر و بلطول و بتروح و بتوقف جنب البنت اللبنانية الطويلة

رفقاتي و اهلي كانو متوقعين اني رح صوت للشاب الفلسطيني ( ماشاءالله عليه ) البيجنن و شكله بيعقد و كله على بعضه لذيذ بس بتضل شهد صوتها احلى و اعتقد انه المسابقة اكتر منها للاصوات و بعدين بيجي الشكل

تحياتي

ندووووووش

Posted by: a_aroush

التصويت اليوم الأحد و لبكرة المسا .

http://www1.futuretvnetwork.com/supe...gmainform.html

ما بعرف لو شفتوها اليوم عم تغني لسعاد محمد شي رااااااااااااااائع .

صوت ل شهد برمدا

Posted by: Desert rose

كوني وعدتك عبدلله بمتابعة وسماع شهد اليوم
وكون وعد الحر دين
فأنا اليوم وفيت بالوعد وسمعت وشفت شهد
جمال .....وجاذبية
وأناقة كاملة متل الملاك بتيابها البيضا
وصوت ....ولا أروع
وشهادة قيّمة من غسان الرحباني ...

ولكن التصويت اليوم كرمالك وحياتك مش كرمال شهد

يعني صرت عايشة برعب من أنو تخسر شهد السوبر ستار ....وخوفي مش من الخسارة ..إنما خوفي من اللي رح يصير فيك عبدلله

زهرة الصحراء

Posted by: sulieman safar

شكراً سناء ........
فأنا اليوم وفيت بالوعد وسمعت وشفت شهد
جمال .....وجاذبية
وأناقة كاملة متل الملاك بتيابها البيضا

لعلنا عرفنا سبب انحناء ابو عرعوش اتجاه هذه المخلوقة وما يحرك حماسه ويوقظ ميول كانت غير موجدة عنده. أنا بدوري رح صوت للغالية ندوش وبنفس الوقت بدي اغتنم الفرصة لعايد عليها وعلى بيت العم ابو عصام .
يا صلاة الزين على الحلوين.
سليمان

Posted by: a_aroush

شكراً سناء

بس بربك ما بتستاهل ؟؟؟؟؟؟؟؟

طيب أنا رأيي بيضل رأي شخص عادي .. بس سمعتي أنتي و شفتي رأي لجنة التحكيم اللي ما الها دور بالنجاح, و لو هني اللي بينجحوا أو لاء كانوا نجحوهاو نهو البرنامج من هلأ .

شفتي كيف كان رأيهم هني المحترفين و شغلتهن و رأيهن أد ما نكون نحنا سميعة ما ممكن نوصل لمعرفتهن .. و كانوا بالاجماع مسحورين بهالصوت .

حقيقة صوت مثل صوت شهد برمدا بيخلق منو كل جيل مرّة وحدة و يمكن ما يخلق , و لو ما نجحت شهد شو بدو يصير فيي ؟ ولا شي بس ما عد أحضر البرنامج نهائياً , إلا إذا رجعوا المحترفين هني اللي يقرروا مين اللي بستاهل يربح مو الجمهور , و يرجعوا يعملوا مثل ما كان ستوديو الفن من قبل , اللي كانت اللجنة هيي اللي تحكم , صحيح ما كان فيه مشتركين من كل أنحاء الوطن العربي بس اللي طلعوا من استوديوا الفن ما حد بيغدر يقول عليهن ما بيستاهلو مثل ما صار بسوبر ستار السنة الماضية و اللي قبلها , و بذكر طلع من ستوديو الفن ( وليد توفيق - راغب علامة - نجوى كرم - نوال الزغبي - فارس كرم - وائل كفوري - ربيع الخولي باعتقد كمان ....و غيرهن ) و ما باعتقد حدا منكن بينكر أنها كلها أصوات حلوة و كان مصيرها النجومية , مو مثل اللي عم ينجحوا هالأيام بستار أكاديمي و سوبر ستار , صحيح ما حل يظهر نجاحهن , بس برأيي الخاص اللي نجحوا السنة الماضية بسوبر ستار بحياتهن ما رح يشوفوا شيء اسمه نجومية , لأنهن بصراحة ما كانوا بيستاهلوا هالنجاح أصلاً .

و شكراً سناء مرة ثانية ... بس ما تفكري أني عم صوتلها بس لأنها حلوة و عيونها بتجنن ... لا .. كنت صوّت لأسماء التونسية لو بدي صوّت للجمال .. مو هيك .

و شكراً عم سليمان عم نحط الرد أنا و أنت سوي يبدو , بس مثل ما قلت لسناء صحيح أنا بميل للحلوين , بس ما بتنكر أنك أعجبت فيها أنت كمان و بصوتها و بعدين وين الغلط لو كان صوتها حلو و هيي حلوة بيصير يعني الواحد بيسمع و يطلع عليها و السكرة بتصير أحلى مو هيك

Posted by: Desert rose

ياسليمان بحياتك شفت رجال مابينحني للجمال

فماتلوم عبدلله... شهد والتونسية... بيستحقوا الإنحناء وخصوصاً بأنو زيادة على جمال الوجه الله أنعم عليهم بجمال الصوت

عبدلله ضمن إمكانياتي نقلت هالمقطع الصغير اليوم لشهد من التليفزيون ...التسجيل يمكن مش بالمواصفات المطلوبة ولكن ماشي الحال بتمنى تعجبك ...والحقيقة الغنية بالأصل كتير حلوة .

<< شهد برمدا >>

زهرة الصحراء

Posted by: a_aroush

شكراً كثير سناء عالغنية .. و عالتعب اللي تعبتيه فيها و يمكن من مشاركة ثانية فهمت أنه عطل الكومبيوتر بسببي ... بسيطة أنتي قوليلي شو بدك نوع الكومبيوتر و رح ابعثلك إياه .

هاذ اللي بيجينا من الحلوين وجعة الراس , يعني لسا مبارح تعرفنا على شهد برمدا من عالشاشة رح تحطتني حق كومبيوتر , كيف لو شخصي ؟ كنت بدي قلّك كرمال عين تكرم مرج عيون مثل ما قلتي بس عاد كرمال مين و يكرم مين ماني عارف فينا نحسبها عالجهتين .

بس كيف كان رأيك بصوتها مو بجمالها ؟ و كنت حابب اسمع آراء الشباب كمان لو عم يتابعوا .

ولو في حدا يخبرنا كمان من سورية إذا كانت آخذي شي ضجة أم لاء , لأن كل المشتركين محفولين فيهن ببلدهن و عم يعملولوهن دعاية و ضاجين الجرايد و التلفزيون فيهن , فكيف عني في حدا مهتم ام لا ؟

Posted by: Nada1981

انا بعرف انه في حملة اعلانية عم تنزاع على الراديو بسوريا, اليوم للصدفة كانت ماما عم تسمع راديو و طلع الاعلان تبع شهد. الاعلان هي عاملتها بصوتها و كل شوي بيذيعوها. و بيقولو رقم التلفون منشان التصويت كمان. بس اذا بسورية عاملين شي كمان ما بعرف لازم حدا يكون ساكن بسوريا لحتى يخبرنا.

تحياتي

ندوووووش

Posted by: a_aroush

حبيت جرّب نقل هالفايل عالموقع و شوف كيف رح يشتغل .

العزيز حسام شكراً عالمساعدة

احتجت البرنامج الثاني لحتى اغدر استعمل ال real producer لكن البرنامج مو كامل ما بيسمحلك تعمل conversion غير ل %10 من الفايل . يعني لازم اشترى البروغرام كامل ليشتغل .

على كل نزلت هالفقرة للتجريب و شوف كيف رح يطلع الشغل.

الملف ما عم يفتح معي .. فحدا يخبرني إذا عم يفتح معه الملف يا شباب و شكراً .

Posted by: George daboul

مرحبا
لعيونك عبدالله
أنا قمت بتحميل الملف وفعلا فتح الملف طبعا بس صوت
فقط أحببت أن أخبرك بناء على طلبك
**************************
وعذرا إن أخطأت

Posted by: a_aroush

شكراً جورج

عجيب ليه ما عم يفتح معي , عانيت هالمشكلة بموضوع أغاني , روابط ال rm ما عم يفتحو معي , يمكن لازم اعمل update للريل ما بعرف , بدي لشوف حسام يحللي هالمشكلة .

جربت اعملها حفظ و بعدين افتحها و بالفعل اشتغل , كمان الغنية اللي حطها ابونا جورج كمان فتحت بهالطريقة , بس ليش ما عم يفتح مباشرة ما بعرف .

Posted by: hosam abdulaziz

مرحبا جميعا قبل ما وضح الشق التقني بدي عقب عبرنامج السوبر ستار.
انا بصراحة بستغرب بعد تعلقكم بهالبرنامج بعد خيبات الأمل المتكررة بنسختيه الأولى و الثانية.
و كيف بعدكم مندفعين للتصويت بعد النتائج الغير منطقية اللي حققها بدورتيه الأولتين.
انا لا انكر ان البرنامج يقدم اصوات احترافية احيانا , لكن بصراحة النتائج كارثية بالدورتين الأولتين.
من الناحية المنطقية:
هل يعقل ان تنجع ديانا كرزون من بلد مثل الأردن(3-4 مليون نسمة) في حين يتساقط امامها متشاركين من لبنان و سورية و مصر
و هل من المعقول ان ينجع متسابق من ليبيا و يسقط امامه متسابقين من جميع الدول العربية الأخرى المتقدمة تقنيا و تعدادا.
انا لا اقتنع ان المصّوت العربي يصوت لصالح الصوت , بل يصوت لصالح ابن البلد و بالتالي انا اشكك بنتائج الدورتين السابقتين.

اما من الناحية التقنية موسيقيا:
فالبرنامج اثبت فشلا ذريعا في تخريجه لما كان سيسمى super star و يمكن عملوا مثل جوائز الأوسكار لأسوء فلم
و النتيجة النهائية للبرنامج المذكور هي للمشترك الأسوء
فهل من المنطق ان تتوج ديانا كرزون , من ضمن مجموعة تضم ملحم زين و رويدا عطية و سعود سلطان
و هل من المنطق ان ينجح ايمن الأعتر (عشو نجحوه مني فهمان لهلق) من ضمن كوكبة من النجوم مثل هادي اسود و حسام شامية و
و لك حتى الوصيف اللي نسيان اسمه شي مهزلة.

يعني فرضا ان البرنامج يعتمد بصدق على المصوتين , فوقتها اقول ان المبدأ خطا 100% لأن المصوت العربي لا يصوت للصوت الجميل بل لأبن البلد.
قد تكون طريقة ستار اكاديمي افضل من ناحية ايصال الأفضل كون اللجنة تختار من لا يستحق البقاء .
اما سوبر ستار كان بامكانهم اعطاء 50% من العلامة للجنة و 50% للجمهور و وقتها قد تختلف الأمور للأفضل.
****************************************
عبد الله انا مبارح حقيقة ما تحمست وقت قلتلي القصة متعلقة بالسوبر ستار , بس وقت سمعت صوت شهد حسيت انه لازم اعمل شي لتورجينا طلتها البهية و صوتها الرائع , اللي للاسف سلفا ما رح تحمل اللقب لأنه هيك منطق البرنامج بيقول و كيف انها سورية !!!!!!!!!!!! يعني اكتملت معها هلق.

بالنسبة ليه ما عمتغدر تسمع اعمالك عبر النت انا بنصحط تعمل save as للملف و ليس اختيار open
اما ليه عميطلع صوت بس ما بعرف شو نوع الملف اللي عمتحوله بس بيجوز هذا الأصدار القديم مال بيقبل غير لواحق avi
لهيك حمل هذا البرنامج و اسمه DVD Ripper و هو بيحول للواحق mpeg و avi
علة هالبرامج يا عبد الله انها بتعمل بطريقة ال streaming يعني وقت التحويل = وقت المشاهدة العادية للفلم.
لهيك اختار المقطع المطلوب تحويله مشان ما تتأخر كثير.
و بس عملت الملف بصيغة ال avi او mpeg قم بتحميل النسخة الحديثة للبرنامج لنضمن سلامة قبولها لكل الصيغ RealProducer Plus v10
و بتصور هالبرنامج الرائع رح تعرف تكفي المهمة فيه لوحدك.
انا عملت تجربة اليوم عالتحويل و قمت باختيار سرعة dial up 56kb مشان يطلع الملف صغير , و مشان تضمن انه خيار ال 56 هو اللي رح ينفذ فوت على Audiences بالبرنامج الحديث طبعا و امسح كل الخيارات الموجودة بالنافذة اليمنى باستثناء الخيار 56
و هي الغنية اللي حولتها اليوم هدية مني الك و لكل محبين السوبر ستار و ما بعرف اذا دقة الصورة رح تخيب املك شوي بس الملف الأصلي من السي دي هو 46 ميجا و صار بعد التحويل 1.2 ميجا
46 يعني صغر 38 مرة عن الملف الأصلي و غير هيك رح تكون السعات كبيرة و ما رح يستفيد منها احد.
listen and see
خبرني اذا واجهتك شي مشاكل

Posted by: a_aroush

حسام يبدو بدنا نعمل الموضع للتشات ... قوم نطلع نحكي برا .

أني قلت أن لما عم أعمل save للفايل عم أغدر أفتحو و عم اسمع الصوت عادي , و لكن السؤال حسام أن ليه ما كان يفتح مباشرة لما ننقر عليه ( عم احكي عن ال rm files هون ).

أما عن البرنامج DVD Ripper فما كان أحسن من سابقة اللي خبرتني عنه بالرسالة , و اللي أسمو easy DVD DviX30.0.27 باعتقد هيك كان اسمه لأن الاثنين بدهن مفتاح , يبدو بالسعودية و سورية ما بيفكرو فيها منوب الحمدالله بس يبعثو لواحد برنامج لأن يبدو أول شغلة بيتعلموها كيف يعملوا للبرامج كراك .

فحبيبي حسام عيني روحي بجاه الله افهام عليي , البرنامجين اللي عم تقلي عنهن هذول , بدهن key ليفتحو يعني مفتاح بالعربي , و طلّعت عندي بعليقة المفاتيح جربت الكل ولا واحد فيهن شتغل فإذا عندك شي مفاتيح ابعثلي شي واحد , و إذا عندك مفتاح لبرنامج easy DVD بيكون أحسن لأني ما حبيت هذا DVD ripper هذاك الصوت عم يطلع فيه رائع و معاملته أسهل ( لما عم قلك أنو عم يشتغلو , عم يسمحولي بتحويل 10 بالمية او 5 بالمية من الفايل بس ل MPEG فايل ).

طلاع برا خلينا نحكي عرواق .

Posted by: hosam abdulaziz

عبد الله مشان عدم مقدرتك عسماع الملفات rm انا ما كثير فهمت القصد:
بس عسبيل المثال وقت جيت اسمع الملف اللي انت حملته نقرت عليه, و هيك اتوماتيكيا بيتحمل الملف الى tmporary internet files و بهالحالة طلب البرنامج يعمل upgrade و مع هيك ما فتح الملف.
انا قلت ما بيصير ما يفتح لهيك قمت بالدخول الي قلب ال tmporary internet files و نسخ الملف المذكور الى desk top و وقت فتحته من هناك عمل بشكل عادي , فيبدو ان هناك مشكلة في تحديد الموقع من قبل البرنامج لسبب ما او سبب آخر اجهله.
و لهيك انا نصحتك تنقر زر الفارة اليمين على الملف و عمل save file as و هيك انت بتحدد سلفا موقعه و بتشغله بايدك.

اما عن البرنامج dvd ripper و السيريال , ففعلا يمكن نحنا العربان متعودين عالقرصنة و بنشوف الكراك او ال pin من بين الوف الملفات.
يا عبد الله دور و بحبش منيح بين ملفات البرنامج اللي بعثتلك اياه و بتلاقي ملف اسمه Serial.txt و بتلاقي فيه اعدادت تسجيل البرنامج
و بدي منك تمشي حالك فيه لأنه ما لقيت بعد مفتاح البرنامج الأول اللي سبق و قلتلك اخترتلك ياه من الأنترنت و لا املك مفتاحه حتى هذه اللحظة.

اذا بتحب نشتغل تحت الأضواء ما عندي مانع او ممكن تفتح لينك ثاني حتى يستفيد جميع المهتمين بالتعامل مع المفات الصوتية و الفيدو و خصوصا تحويلات ال DVD.

Posted by: a_aroush

مثل ما توقّعت و حسام كمان كان من نفس الرأي , أن اللي عم ينجح بهالبرنامج مو هوي الأفضل بين المشتركين , و كان أول المؤشرات لهالشيء هو خروج هيثم الشوملّي من فلسطين , واللي كان برأيي أفضل من بعض اللي بقيو بالبرنامج .

و كانت المتشاركة السورية شهد برمدا بين المتشاركين اللي كانوا بموقع خطر و مثل ما بيقولوا بالبرنامج مو بأمان , بسبب قلّة الأصوات لها , و لكن كان نصيب هيثم الشوملي هو الأسوأ في التصويت و اللي أدى لخروجه من البرنامج , مع أني كرأيي الشخصي حطيته بدرجة ثانية أو ثالثة على الأقل .

بتساءل لماذا لا يهتم السوريين بالتصويت , يمكن لأنهم لم يمارسوا هذا الحق بحياتهم و هو حق الانتخاب أو التصويت و هذا هو السبب بعدم إيمانهم بجدوى هذه الأمور , أو عدم اكتراثهم لها .

شيء محزن حقيقة أن نرى نجم مثل شهد برمدا تصل لمرحلة الخطر , و خصوصاً أن من تبقى في البرنامج ليس بينهم سوى صوت واحد آخر جيّد غير شهد برمدا و هو أيمن لسيق من تونس , فإذا لم يكن من حظ هذين الاثنين الوصول للمرحلة النهائية فبرأيي أن تغلق قناة المستقبل هذا البرنامج لأنه سيثبت فشله الكامل و التام بعد ذلك بالحصول على أفضل صوت يستحق لقب Super Star في المستقبل .

على كل حال أتمنى أن نتابع التصويت لشهد برمدا و لا نيأس من النتائج و نحنا منعمل اللي علينا و الباقي على الله , و أتمنى منه أن يوفقها من كل قلبي .

حسام بالنسبة ل Serial.txt اللي قلتلي دور عليه و ما خليت أرنه بس ما لقيت شيء ,على كل حال رح اشتري برنامج لهالغاية و شكراً على المساعدة , أما عن برامج ال rm قلت أكثر من مرّة بس مانك عم تفهم عليي أن لما عم اعمل right click على الفايل و اعمل save as لكومبيوتري عم يشتغل الملف و عم يفتح , و يبدو أنك كمان عم تواجه نفس مشكلتي بأنه ما عم يفتح بالنقر عليه مباشرةً , و لا تعرف السبب أيضاً , فما النا غير نروح على عيادة الأخ الأردني نسأله على حل المشكله .

Posted by: شهد العسل

الاخ عبدالله راح جرب اشترك ببعض الآراء عن مثل هيك برامج فمثلا انا أبتعدت كلياعن مثل هيك برامج بسبب أنه الهدف الرئيسي من هيك برامج هو فقط للماديات والتلاعب بالاصوات وكثرة التصويت يعود لصالح بعض الجهات او لبعض الاشخاص وتمييز متسابق عن مسابق يعني بنحط رقم واحد لشهد وبعدين بنلقم البرنامج وبحيث الاصوات اللي بتروح لشهد بتروح للمتسابق رقم اثنين ليشششش؟؟؟ لانه بهالحالة المرة الجاي المشاهدين بيعرفه شهد بخطر بزيدوه التصويت وبتزيد المصاري على القناة وعلى البرنامج وحقيقة وقت بسمع رأي لجنة التحكيم وهن بيمدحوه المتسابق وقت بكونوه عند الاختيار بالمرحلة الاولى عم ينتقدوه بالمراحل الاخيرة بقترح اللجنة ما يكون الها اي دور لانه فعلا بضحك لما بشوف طريقة النقد او المدح كيف بتكون وعذرا من الجميع وطبعاً الحالة اللي ذكرتها عن التلاعب حصلت ببرنامج ستار اكاديمي بين المتسابق هشام من السعودية والمتسابقة المصرية زيزي كان رقم زيزي 1 وهشام اثنين ويوم اعلان النتائج تم قلب المتسابقين بالتعاكس و خسرت زيزي و تم كشف هذه الحالة من قبل والدها بتصريحات ممكن الجميع سمع وشافها ولكم محبتي للجميع

Posted by: a_aroush

أول شيء بحب رحب فيك أو فيكي شهد العسل بمنتدانا و نشالله تقضي و نقضي معك وقت ممتع .

ما بعرف سبب اختيارك لهالأسم بالذات , و اللي أطلقه الياس الرحباني على شهد برمدا , واضح أنك معجب فيها , و لكن ما بعرف ليه مأضرب عالتصويت .

يعني مو معقول تكون قناة المستقبل عم تعمل مصاري لما أنت أو غيرك عم يصوّت , فمثلاً لما عم تصوت عن طريق الانترنيت , كيف ممكن تستفيد القناة مادياً من تصويتك يعني هل ممكن الشركة اللي بتأمنلك خدمة الانترنيت تعطيهن قسم من دفعتك الشهرية لانك دخلت على موقعهن مثلاً , أو أن شركة الهاتف تعطيهن قسم من فاتورتك .

بس الفائدة ممكن قلّك من وين بتصير , لما بيكون عدد مشاهدين القناة أكبر بيزداد تقييمها , و هالشيء بيدفع الشركات أنها تدفع أموال أكثر لتنشر دعاياتها بهالقناة فضلاً عن غيرها من القنوات .

يعني أنت واحد فقط لا بيزيد و لا بيقلل من تقييم قناة تلفزيون اللي بيحتاج لملايين من المشاهدين غيرك حتى تستحق تقييم جيد .

يعني الأموال اللي عم تعملها القناة و اللي من حقها تعملوا لتستمر , مانك عم تدفع شيء منها من جيبك , فعلى شو زعلان و على شو محملهن منيّة .

و لو كنت من محبين شهد برمدا و مانك دافع شيء من جيبك صوتلها لأنها هيي اللي رح تكسب أكثر من محبتك هي مو قناة المستقبل .

Posted by: شهد العسل

الاخ عبدالله اول شي صح كل اللي حكيته بس راح عرفك عن حالي اني شب واني شاركت بالموضوع بس لخبر اعضاء المنتدى عن اعجابك بشهد برمدا واللي اني قلتلك من قبل بغرفة المحادثة اني عم صوت لشهد لان اسمها على اسمي ولان عندها موهبة فنية اكثر من رائعة واذا بعدك متذكر خبرتك من وين عم تحصل على اغانيها خبرتني انهم سي دي لازم تكون عرفتني هلق مو هيك ابو العبد سيدنا بس حبيت بلش مشاكل معك بالاول على كل حال انا عم صوت لشهد كرامة انها بنت البلد بنت سوريا وبنت حلب مدينة الطرب والفن واسمها قلتلكن على اسمي و لا تنكر انها امورة عبدالله

ههههههههههه ولك محبتي عبدالله ...

Posted by: hosam abdulaziz

اقتباس:

حال انا عم صوت لشهد كرامة انها بنت البلد بنت سوريا وبنت حلب مدينة الطرب والفن واسمها قلتلكن على اسمي و لا تنكر انها امورة عبدالله

يعني انا وقت قلتلكم انه المصّوت العربي دائما ينجاز لأبن البلد و لا يهمه كثير الصوت .
ما قصدي انقد شهد بس يعني مجرد تنويه لأنه بزماناتي صوتت لمريم بالنسخة الأولى من ستار اكاديمي كونها السورية الوحيدة.
عبد الله انا بتصور كل اصوات الانترنت بتروح عالزبالة فورا , لأنه الشركة هدفها اصوات الهواتف فمثلا الدقيقة من المملمة العربية السعودية لأي برنامج ترفيهي او تصويتي بتطلف بين 8 - 10 ريال يعني حوالي 2.5 دولار.و باقي الدول العربية حسب مدخول البلد بيحسبوا الكلفة.
بقا اكيد ما من مصلحتهم التشجيع على تصويت الأنترنت.
بالنسبة للباسورد رح حطلك اياه بالمرفقات و يا ريت تحطلنا شي غنية و لو صوت لشهد برمدا (الف ليلة و ليلة مثلا) لأنه ما بعرف اذا حل تنزل اغانيها عالنت.
من يومين طلبت من صبية اني صوت عبر كل اليملات اللي بستخدمها لشهد برمدا .
فحبيت استلمها و اسلبها عليها , قلتلها بعثيلي شي موقع فيه اغاني الها , حتى استمع لصوتها و شوف اذا فعلا بتستاهل اصواتي او لأ (من مبدأ انه اصواتنا بانتخابات البلد مثل قلتها , فحابب حس انه ممكن يكون صوتي ذو فائدة يوما ما )
بس عاد صديقتنا اخذت عخاطرها و زعلت من برادتي , بقا انقذني يا عبد الله بشي غنية مشان اتمسك بمبادئي من جهة

و نرضي صديقتنا الغالية من جهة اخرى.
و فرد مرة كون شهد عميقول عنها فرفروة تلزقونا شي صورة احسن ما روح دور و تعب حالي و تطلع مو مستاهلة.

يلا بالتوفيق لبنت البلد و انشاء الله السنة بيكون الستار فعلا بيستاهل هاللقب.

Posted by: a_aroush

أهلين شهد كيفك ... نورت المنتدى , كنت عارف أنك أنت بس ما حبيت نوه لهالشيء , ليقوم تطلع مو أنت . ال CD اللي سألت عنهن بالأحرى هني DVD مسجلهن من عالتلفزيون و عم حولهن ليتنزلوا هون و لكن يبدو في مشكلة بالربامج أو بالتسجيل لحتى ما عم أغدر حول كل الغنية بالرغم من أن جبت ثلث برامج و كلهن عم واجه فيهن نفس المشكلة على كل بعثت شرح للمشكلة للشركة المصنعة لأحد البرامج ليساعدوني بحل المشكلة , لأن يبدو المشكلة مو من البرامج و إنما من التسجيل أو ال setup تبع ال DVD recorder عندي بس شو هوي اللي لازم سويه اليوم بعثت اسأل عن هالشيء و عم استنى رد عليه .

على كل البرنامج عم يسمحلي حول دقيقة وحدة من كل فايل لهيك نقيت دقيقة من كل غنية غنتها شهد برمدا بالمراحل الأخيرة و رح نزلها نشالله تعجبكن .

ملاحظة : إذا الفايل ما فتح معكن مباشرة رح نوّه مرة ثانية للي عم واجه نفس المشكلة أن يعمل نقر عالماوس بجهة اليمين و يعمل save للفايل عنده و بعدين يتسمع عليه .

ملاحظة ثانية لحسام : الموقع بيسمح بتنزيل rm فايل بقياس 5.0mb , لهيك حاولت أعمل هذول الفقرات صوت و صورة بأقل من هذا القياس بحيث يضلوا الصورة و الصوت جيدين و مشي الحال لكن ما غدرت نزلهن على الموقع , فلغيت الصورة و خليت الصوت مليح كمان ما مشي الحال مع أنه القياس صار 1.5 mb فشو القصة ؟

Posted by: a_aroush

و هي حطيتلك صورة حسام مشان ما تزعل لأن ما رح تقدر تشوف الفيديو كليب .

و باعتبار ما رح اغدر نزل المشاركة بأقل من سبعين حرف لازم كان ضيف هالسطر ....هههههههه .

Posted by: fr george massis

يعني الواحد بس بياخذ على خاطروا ولو ما بتشوف مشاركين بباقي المنتديات مثل هاللينك
يعني على العادي الديمقراطية الأميركية بدنا نحب غصب
فهمنا يا رب تنجح شهد وتريحنا من قصص عبدالله وزملائه ......بس قولوا وراي أمين
يا رب تصوتوا لشهد ...............أمين
يارب يخلص سوبرستار................أمين
يا مخلص خلصنا ...............................امين
وكمان مرة ثانية ...................................أمممممممممممميي ييييييينننننننننننننننننننننننننننن

Posted by: a_aroush

أبونا بدك تحبهي ... بدك تحبهي ... بالغصب بالرضى مو مهم كيف .... هي طريقتنا بأمريكا , و إذا مو عاجبتك طريقتنا و ديمقراطيتنا رجاع عسورية صوّت بنعم أو لا , بلكي ...و دعي لله أن بلكيييييي شي مرّة بينجح لا و منخلص من نعم ...آمييييييييييييييييييييين يا رب .

Posted by: Nada1981

هلا مقعول يا ابونا الدعوات هي كلها لشهد؟؟؟؟

خلص انا رح سجل بلسوبر ستار سنة الجاي بلكي حدا بيدعيلي هيك دعوات مثلها

شو رأيكم؟

عم سليمان انا ضمنانة صوته لانه هو الي اكتشف موهبة صوتي

و بكرا بعملي شي كم عملية تجميل و وقتها بيمشي الحال بلشكل كمان. بس بيضل في مشكلة وحدة

قولتكم بيقبلو حماصنة بلسوبر ستار لانه هي الشغلة الوحيدة الي مافيني غيرها؟؟؟؟؟؟

ندوووووووووووووووووش ( سوبر ستار ال 2007 )

Posted by: أبو كارلوس

يا شباب ويا صبايا مشان الله صوتوا لشهد برمدا في سبوبر ستار لأنها الأفضل

Posted by: alessandro

تكرم جار الي بدك اياه بصير صوتني لهل الاموره الحلوي لعيونك والله ههههههههه

Posted by: hosam abdulaziz

يعني مبارح حصلي الشرف سماع هالفنانة الصاعدة بعد ما سجلت عالكمبيوتر حفلتها و حضرتها بعد فترى عملي.
و هلق لعرفت ليه كل هالهيصة و الليصة عليها , اثاريها بتستاهل هالشي شكلا و مضمونا بس هه ناقصها شي 20 سم طول بتصير 100%.
اللفت نظري هو اندماج الأعلام السورية باللبنانية بتشجيع هالمطربة و هي ظاهرة حلوة بتدل على انه الشعب ما لازم يتأثر بالخلافات السياسية.
الظاهرة البشعة اللي لم تعجبني هي المكرفونات الصغيرة الاسلكية التي توضع في اذني كل متسابق و لم تسلم منها لجنة الحكم , لا اعرف ان كانت ضرورية لهذه الدرجة, حتى يقبل المخرج بتشويه صورة الفنانين بهذه الطريقة حيث يبدون للوهلة الأولى مثل اصحاب الأحتياجات الخاصة ذوي السمع المحدود.
بتمنى التوفيق لفنانتنا الشابة و الوصول الى النهائي.

عبد الله جربت قوم بالمهمة عنك لبين ما تزبط معك حملت هالملف للي بيحب يشوف شهد بالصوت و الصورة: شهد تغني ليلة ليلة
لسماع رأي لجنة التحكيم

Posted by: shadi

طبعا أنا أيضا من المعجبين بصوت شهد برمدا وبتوقع تصل للنهائي في حال صوتو كل الي بيحبوها وضلو معها على طول واليوم كانت بأمان وبقيت بالتوب فايف top five
فبهني عبد الله وجميع السوريين والعرب المحبين لصوت شهد بوصولها لهالمرحلة المشرفة وانشالله كمان وكمان .. وانا بالزمانات كنت كثير متحمس لرويدة عطية وصوتلها أكثر من 100 صوت بالنهائي بس للأسف نجحت ديانا كرازون وقتها وكانت صدمة ....
بالنسبة للتصويت بسوريا إما عن طريق الموبايل أو الإنترنت .. للأسف التصويت عن طريق الموبايل مكلف نوعاً ما ... أما التصويت عن طريق الإنترنت فأقل كلفة لكن بحاجة إلى عدد إيميلات أكثر بس كنت حابب إسأل انو الباس وورد تبع الإيميل بيضل نفسو أو كل تصويت إلو باس وررد مختلف ... وشكراً..

Posted by: a_aroush

شكراً شادي عالتهنية و الحقيقة هلأ لاعرفت النتيجة تبع مبارح من مشاركتك و ابسطتني كثير .

بالنسبة للتصويت الباس وورد بيضل نفسه ما بيتغير .

و في ملاحظة بالمناسبة للي ما عنده باس وورد أو لو فات عالموقع ليحصل على باس وورد , أنه ما ممكن يحصل عليها غير يوم التصويت اللي هوي يوم الأحد , يعني لو إجا هلأ حدا يحاول يحصل على باس وورد ما رح يطلعلو شي , فالمفروض يستنى يوم الأحد و يحاول مرة ثانية , و بعدها بس تجيه الباس وورد بيستعملها نفسها عطول بس يحتفظ فيها ما يضيعها لأن ما بيعود يغدر يرجع يحصل على وحدة ثانية على نفس الايميل .

و شكراً

Posted by: sulieman safar

ما حدى بشهد منفوش
قد الغالي ابو عرعوش
الله يساعدنا ادا ربحت
رح يشرب لحتى يطوش

صاير يعتني بالفنون
وبصوت شهد ممحون
لا بد ما يجي يوم ويقول
العمص! بالفعل أنا مجنون

ولا يهمك ابو عرشوش
انت بصوتها شوي مغشوش
لأنو صوتها عادي
وعم يوصل لعندك بالالكترون مدحوش

وهون بعيد صلاة أبونا الغالي جورج , يا رب تربح شهد بس لنتخلص من أبو عرعوش.
سليمان

Posted by: a_aroush

هي أول مرة بتاريخ كتابتي بالمنتدى بتخليني أكتب شعر عم سليمان , مو لأنك بتعطي الواحد قريحة للكتبة , بس لأني حبيت رد عليك بنفس طريقتك , ممكن ما تكون أبياتي موزوني بس باعتقد أفضل من تخبيصك و بتسوي حالك شاعر , أنا من أول محاولة بيطلع معي أحسن منك .

و هلأ بدي قلّك :

منفوش مغشوش ما بيهم بضل أحسن منك معتّر
عايش بدنيي أنت مثلها بيسموها عنا اللاند أندر

مفكر حالك غزال بس لا تنسى أنك بتضل كنغر
بتنط نط و بتحط مو مثل الغزال بمشيتو بيتمختر

بشهد أنت مغروم و بصوتها و من عيونها بتتحسّر
بوعدك ما قول لنهلة اعترف حاج تتزعبر و تتكبّر

و هلأ حتى غيظك أكثر و خليك تتحسّر أكثر .. رح حطلك مقاطع الأغاني الماضية صوت و صورة خليك تسكر .

http://www.zaidal.com/usa/shahd_barmada_22.rm

http://www.zaidal.com/usa/shahd_barmada_17.rm

http://www.zaidal.com/usa/shahd_barmada_18.rm

http://www.zaidal.com/usa/shahd_barmada_19.rm

http://www.zaidal.com/usa/shahd_barmada_20.rm

http://www.zaidal.com/usa/shahd_barmada_21.rm

Posted by: Desert rose

بطبعي بحب ساير الكل ومازعل حدا ولكن هالمرة رح تكون مختلفة والهيئة رح زعل الكل وخصوصاً عبدلله اللي رح أطلب منه أكتر من غيره يكبر عقلوا .
ياجماعة هلق من كل عقلكن عم تصوتوا لشهد
ومن كل عقلكن عم تفكروا بأنو التصويت رح يلعب هالدور بجد
تسلملولي ماتنسوا بأنو المستقبل هي اللي عم تبث برنامج السوبر ستار يعني من الصعب بأنو تحصل شهد على هالمرتبة المميزة ..شو نسيانين ياحلوين نحنا وين ....نحنا بلبنااااان ....................لبنااااااااان .
وبصراحة لو أنا مكان شهد كنت هلق بنسحب لأن 100/100 مش رح توصل لحلم هي بتتمناه ونحنا معها منتمناه .
هلق الأمل شيء جميل ...والتفاؤل شيء أجمل ولكن هالكلام مابينطبق على برنامج بينعرض بمحطة عربية وببلد عربي متل لبنان.
على كل حال برأي السوبر ستار رح يكون إبراهيم الحكمي
أما شهد فبعد حلقتين رح تقول على الدنيا السلام .
أعذروني وماتزعلوا من إحساسي واللي بيحب الرهان خلي يراهني .

عبدلله إذا شهد مافلت:
ياأنت عحسابك على أميركا مع إقامة 15 يوم بتعزمني
ياأنا على بيروت بعزمك والتكيت والإقامة كاملة على حسابي .

ولكن بالنهاية كرمالك وكرمال أبو كارلوس رح ضل صوت وبس لبنت البلد .

شكرا على اللينكات وبرافوووو ووو......ماقصرت بسليمان

زهرة الصحراء

Posted by: RUSHA AWAD

والله شهد بتستاهل الواحد يسهرلو كم ساعة بعد نهار كامل شغل مشان يستمتع بصوتها اللي بفوت عالقلب بدون استئذان واني من أكثر المعجبين بهالموهبي

وهالشجاعة والجرأة عالمسرح وكأنو صرلها عمر بتغني وعلى قولة فاديا تبعيت لجنة التحكيم " شهد خلقت مبارح بس هيي بتغني من اول مبارح" . هلق منجي للجد يعني بجوز كلياتني زعلني شوي لما قريني شو كتبت سناء

وحكيهي سليم بالمية مية وطبعا هاي وجهة نظري بس كمان ممكن توجهات المستقبل السياسية تكون انو شهد تنجح لحتى يثبتو بلكي انهن ناس حضاريين وبيفصلو بين شي اسمو سياسة وشي اسمو فن ومسابقة شريفة

وانشالله يكون هيك لانو اذا شهد طلعت من المسابقة رح اضطر كلف حالي

وروح مشان شارك بمسابقة سوبر ستار4 وتضطرو انتن تصوتولي لانو عيب عليكن ما تصوتولي

يعني بتجيني الضحكي كل ما اتذكر انو ماطالعو ابراهيم عبدالعظيم من المسابقة الا بعد ما عملولو عيد ميلاد وخلو فضيحتو بجلاجل عالفضائيات وثاني نهار قالولو باي باي.

بس عنجد سنة الجاي لازم حدي من المنتدى يقدم على سوبر ستار مشان يصرلني صديق بعالم الفن ومن هذا المنطلق

ادعو كل من يجد في نفسه صفات الستار انو يرشح حالو ويكون الاختيار بغرفة التشات تبعيت الاعضاء بحيث بيلتقي الكل واللي بحب يظهر مواهبو الفنية بكون قدامو فرصة غير شكل فشو رأيكن

وكل سوبر ستار وانتن بخير

مع حبي واحترامي
رشاعواد

Posted by: a_aroush

بعد معاناة طويلة بالتعامل مع برامج تحويل ال DVD.Video فايل أخيراً نحلت المشكلة و اللي تقريباً صرلي شهر عم حاول حلها , و أخيراً و بمساعدة الشركة المصنّعة للبرنامج وجدنا شو العقبة اللي عم تمنع البروغرام من تحويل الفايل بأكمله , و بعد محاولات و بخيارات عديدة و بعد إيميلات ما الها نهاية , طلع الحل بسيط جدّاً , و لكن للأسف حتى الشركة المصنعة ما غدرت تحدده مباشرةً إلا بعد التجربة .

بحب إحكي عن شغلة بس و لو أخذت من وقتكن شوي , أن شو المعاملة حلوة هون للزباين بأمريكا و أكيد كلكن ممكن سمعتو عنهي , يعني رضا الزبون شيء مهم جدّاً , البرنامج اللي شتريته من الشركة بيكلف 30 دولار شيء بسيط يعني لو قسناه بالوقت اللي صرفوه معي ليساعدوني على حل المشكلة , يعني حاطين موظف قطع معي عالأقل عشرين ساعة , و هاذ أجرة ساعتو الموظف بهيك شركات أكيد ما بتقل عن 50 دولار بالساعة , بس كمان هني أكيد ستفادو من هالتجربة للتعامل مع هالمشكل بالبرنامج للمستقبل و ممكن يعملو تعديل الو حتى ما العالم تعاني من المشكلة مرة ثانية , يعني الفائدة للطرفين , فصحيح صرفوا 1000 دولار ليحلوا مشكلة لزبون صارف عندهكن 30 دولار بس الفائدة الهن مستقبلياً أكيد كبيرة . بس وين فينا نلاقي عالم بتفكر هيك بأي بلد , أكيد مو عني .

و هلأ رح أنقل آخر ست أغاني لمحبي شهد برمدا كاملة صوت و صورة , و لكن ملاحظة بسيطة ما حبيت صغّر الفايل للغنية أكثر من هيك حتى تضل الصورة و الصوت مقبولين , فممكن تاخذ معكن الغنية 5 دقائق للتنزيل إذا ما عندكن وصل سريع .

تابع المشاركة التالية لسماع الأغاني

Posted by: a_aroush

الأغاني بالتسلسل خلال المراحل النهائيّة

شهد برمدا بأغنية ألف ليلة و لية لأم كلثوم

شهد برمدا بأغنية إنت إيه لشرين

شهد برمدا بأغنية يا قلبي لا تتعب قلبك لفيروز

شهد برمدا بأغنية أوعدك لسعاد محمّد

شهد برمدا بأغنية يا حبيبي تعال لفضل شاكر

شهد برمدا بأغنية بعاد كنتم لمحمّد عبدو

أرجو أن تنال إعجابكم

Posted by: hosam abdulaziz

عبد الله يعطيك يالف عافية عتعبك و عملك المميز
يعني ما ضاع هالتعب عالفاضي , بس لا بد من توجيه نقد بسيط .
اول ما انطلق الموعد و لهلق بعدنا بنشتغل بتوجهاتنا مشان نراعي امكانيات المتصفح السوري المقيم بسورية.
و لهيك موضوع لسرعة هو دائما الهاجس.
بس ما بعرف اذا وصلنا لزمن , صار المتصفح السوري عميغرد خارج السرب ,و صار فجوة كبيرة بينه و بين نضرائه بالغرب و حتى البلدان العربية , و بالتالي صفا من غير المنطقي نظل مجبورين نساير التخلف عحساب التقنية الجيدة.
لهيك ما بلومك عضبط الدقة للاغاني عهالدرجة هي , كون الصورة اقل من هيك بتصير مشوهة و مو حلوة .
و بنفس الوقت بقلك انه هيك سعة بتكسر ظهر المتصفح السوري , يعني مو معقول دقيقتين و شوي , يطلعوا 8 ميجا,
8 ميجا بسورية بدها حوالي نصف ساعة اذا ما زادت .

بكل الأحوال العمل رائع عبد الله و بتستاهل ميدالية التقدير عهالعمل , بس اكلتها من هلق ليخلص البرنامج انت مسؤول عن تنزيل كل مشاركات شهد برمدى.

Posted by: Desert rose

عبدلله يعجز اللسان عن الشكر على هاللينكات الحلوة لأغاني شهد واللي بتصوري آخدة معك وقت وجهد .
طبعا حجم الأغاني كبير وخصوصاً غنية ""بعاد كنتم ولا قريبين" واللي حجمها 11.5 ميغا
بالنسبة إلى مافي مشكلة بتحميل كل اللينكات
أما بالنسبة للأعضاء اللي مش قادرين على التحميل فمنتمنى بيوم تواكب بلادهم التطور التقني ويقدروا يحملوا بسرعات كبيرة و بأسعار منيحة أو عند تأمين شركات النت أو الدولة الأتصال بالشبكة 24/24 كمان بأسعار مقبولة .
إنما وبصراحة اللي بدو يسكر مابدو يعد قداح
لذلك اللي بيحب شهد مش رح يسأل على كم كارت وكم ساعة زيادة على النت .

عبدلله كل شي منك حلوا

بدي رجعلك هاللينك

http://www.zaidal.com/usa/Shahd_Barmada_14.rm

زهرة الصحراء

Posted by: a_aroush

حقيقة نسيت التعب بعد اللي سمعتو من حسام و سناء , شكراً الكن مرة ثانية .

باعرف أن حجم الأغاني كبير بس ما تصورت أن بياخذ وقت هيك ليتحملو , على كل رح نزلهم مرة ثانية قريباً بصوت بس و حجم صغير بيتنزل بسرعة .

Posted by: a_aroush

بناءً على طلب الإدارة و مراعاة للمتصفّح السوري و الأسترالي يبدو عندو نفس المشكلة كمان , رح عيد تنزيل روابط الأغاني بقياس أصغر سهل التحميل , و أنا باعتذر ما كنت فكّر أن بياخذ وقت طويل هيك , و كنت مفكر أني مراعي هالموضوع .

على كل هي الروابط مرة ثانية بنفس التسلسل السابق و لكن بصوت فقط .

ما تصدقو أن باستراليا هيك كمان بس مراعاة للعم سليمان لأن عايش بالآوت باك مع الأبوريجينيز ما عندو وصل سريع .

Posted by: a_aroush

هذه المرحلة خطيرة لأن اثنين رح يطلعو بكرة لهيك حبيت ذكركن بالتصويت , أما عن الأغاني عم استنى حسام يكبر سعة الصفحة اللي فيها الأغاني

VOTE FOR SHAHD

http://rack.futuretvnetwork.com/superstar/vote/

Posted by: hosam abdulaziz

عبد الله يعطيك العافية و انا رفعت السعة الى 200 ميجا
بسرعة بعثلنا الغاني خصوصي تبع الجمعة اللي غافلونا فيهم و سمعت شوي منهم و بتصور كانوا حلوات و طربيات.
اما عن البارحة حقيقة وقت غنت شهد برمدى ,تهيء لي للوهلة الولى ان الساندريلا سعاد حسني بعثت للحياة من جديد
فالشكل و الأداء و ردات الفعل المتناسقة مع الكلام قريبة جدا الى حرفنة الراحلة سعاد حسني اضافة الى الشكل و الطلة فيها وجه شبه كبير بينهم .
كانت شهد مميزة الى ابعد الحدود و تحتاج المرور الى المرحلة القادمة
و بسبب حراجة المرحلة سارعت بالتصويت لأول مرة بالبرنامج بـ 5 اصوات اتمنى ان تكون بجانب اصواتكم داعما لنجمتنا الشابة.

Posted by: sulieman safar

أول شي بحب هني الغالي حسام على مشاركته 1001 والله يطول بعمرك . بنرجع لشهد وعبدالله !
ادا كان حدى عندو معلومات أكثر مني يا ريت يفيدنا فيها!
شو هالسر؟
ما صوتت ولا رح صوت.
سليمان

Posted by: fr george massis

السر مبين وواضح
يا ريت بتشحد عيون عبدالله وبتشوف فيهم
وبعدين بتوصل لنتيجة وبتدعيلي على كل حال هالصورة بس هدية لعبدالله والعم سليمان

Posted by: George daboul

تحية للجميع
يعني شو بيصير إذا شي مرة كنت سباق بخبر حلو
اليوم تأهلت شهد للدور ماقبل النهائي
مبروك لشهد
مبروك لعبدلله وللعم سليمان ولزهرة الصحراء
ولكل المعجبين والمشجعين للطرب

Posted by: RUSHA AWAD

مبروك لكل محبي شهد برمدا واللي اني اولهن , هلأ شهد صارت بين الثلاث اللي وصلو للنهائيات ومعها ايمن لسيق من تونس وابراهيم الحكمي من المملكة العربية السعودية والله يستر . هلأ أني اللي ماعم افهمو انو ليش بالرغم من الصوت النادر اللي ماعد مر مثلو من سنة السبعينات بتطلع شهد مرتين على منطقة الخطر اي والله اني اليوم يمكن مارمشت عيني من وقت اللي طلعت على منطقة الخطر لوقت اللي اعلنو انها رح تتابع للمرحلي المقبلي من سوبر ستار

المهم انو تكسب اصوات اكثر بالحلقة الجاي واللي بعدهي انشالله بس المشكلي انو كل دول الخليج العربي عم تصوت لابراهيم الحكمي ودول المغرب العربي عم تصوت لايمن لسيق من تونس وهالمسكيني مين رح يدعمها بالاصوات الا اذا اللجني اتخذتلها شي قرار مثل سوبر ستار بالسني الاولى وعلى كل حال نحني السوريين تعودني انو ماناخذ حقني حتى ولو بكون معروف انني منستاهل الافضل فاذا وقفت الشغلي على شهد بتهون النتيجي عليني.

بس نصيحة خذوهي مني انو ماتحضرو حلقات اعلان النتائج حتى مايصيبكن مثل ماصابني

good luck shahd

مع حبي واحترامي
رشاعواد

Posted by: a_aroush

كل مرّة و كل حلقة عم نعيش على أعصابنا مثل ما قالت رشا, و هي نحنا بس مشاهدين فكيف هني المشتركين أكيد ما عد ضل عندهن أعصاب أبداً .

لحسام شكراً كبرت صفحة www.zaidal.com/usa لأغدر نزّل الأغاني اللي مرقو الأحدين الماضيين .
عم سليمان و أبونا جورج مانكن بحاجة لعيوني لتشوفوا و لا أذاني لتسمعوا , لأن أنتن يبدو بتسمعو و بتشوفوا البدكن و اللي ما بدكن لا بتشوفوه و لا بتسمعوه .

و شكراً جورج عالتهنئة و عالخبر .

الأحد الماضي قبل مبارح كنت قول إني حابب اسمع من شهد قدود حلبيّة و فعلاً غنت قدود و لكن ما حضرنا الحلقة ليوم السبت اللي قبل مبارح لأن ما عرضت على قناة المستقبل الفضائيّة , و قبل حلقة مبارح كنت عم قول لمرتي كمان لو أنها بتغنّي لميّادة حناوي رح تطلع رائعة منهي , و فعلاً كمان مبارح غنّت لميادة حناوي و بالمرتين أبدعت , و هلأ رح نزّل أغاني الحلقتين اللي مضو بنموذجين , واحد صوت و صورة وواحد صوت فقط , فاللي عنده الانترنيت بطيء الأفضل يتسمع للأغاني صوت فقط لأنها ما بتاخذ وقت كثير للتنزيل , و نشالله تعجبكن .

الأغاني صوت و صورة

شهد برمدا تغني قدود حلبية

شهد برمدا بأغنية موعود لعبد الحليم حافظ

شهد برمدا بأغنية إرجع للشوق لإليسّا

شهد برمدا بأغنية الحب اللي كان لميّادة حنّاوي

الأغاني صوت فقط

شهد برمدا .. قدود حلبية

شهد برمدا.. موعود .. لعبد الحليم حافظ

شهد برمدا .. ارجع للشوق .. اليسا

شهد برمدا .. الحب اللي كان .. ميادة حناوي

..أرجو أن تنال إعجابكم..

Posted by: a_aroush

أريد أن أنوه قبل تنزيل هذه الأغاني لمن يتعسّر عليه فتح الأغاني التي نزّلت قبل المشاركة الماضية , أن يزور هذا اللينك للاستماع لها www.zaidal.com/usa السبب بعدم فتح الأغاني أنني قد صحّحت الخطأ الموجود بأسماء ال files .

الأغاني صوت و صورة

شهد برمدا بأغنية لحسين الجاسمي

شهد برمدا بأغنية دقو المهابيج لفيروز

الأغاني بصوت فقط

شهد برمدا بأغنية لحسين الجاسمي

شهد برمدا .. دقوا المهابيج .. فيروز

شهد برمدا بأغنية في يوم و ليلة لوردة

Posted by: Desert rose

الحقيقة ياعبدلله أصوات بتخوف
وبالفعل مبارح الكل بدّع
ولكن مش حاسس معي بأنو إبراهيم الحكمي من السعودية عم يخلينا نقفز قفزات مش طبيعية وقت عم نسمعوا

أبدع بأغنية محمد عبده وبأغنية فيروز عا هدير البوسطة وكمان مبارح بأغنية أم كلثوم بعيد عنك حياتي عذاب ...مابعرف ليه حسيت بالخوف مبارح على شهد .

مش كتير ارتحت لتعليق الياس الرحباني .

شو قولكم .....مين رح يطير اليوم

وعندي طلب عبدلله وتمني وهوي تنزيل آخر أغاني من برنامج السوبر ستار لشهد وغير شهد إذا كان بالإمكان ...الأحد اللي جاي إنشالله .

مرة تانية شكرا جزيلاً عزيزي على روائع شهد برمدا

زهرة الصحراء

Posted by: a_aroush

مبروك لشهد برمدا تأهلها للحلقة النهائيّة.

سناء بدك تحكي مع المايسترو أو حسام يكبّر سعة الصفحة تبع www.zaidal.com/usa حتى تسع كل الأغاني البدك ياها , و بعدها تكرم عيونك

بس صار هيك بدو 2GB ليسع .

Posted by: Nada1981

مبرووووووووووووووووووووووووووك و عقبال اللقب

Posted by: Desert rose

بالرغم من أني من مجشعي شهد برمدا لصوتها النادر وأدائها المميز إلا أنو لعبة التصويت كانت خسارة كبيرة وبتخوف لشهد ولإبراهيم .
متل مالاحظت عبدلله ومن الصبح عند ما أعلن أيمن اللسّيق إنسحابه من حلقة التصويت اليوم بسبب الرسائل اللي كانت عم توصل من أصدقائه بأنه التونسية مش عم يقدروا يصوتوا بسبب إنشغال الخط أعتبر أيمن بأن خسر معركة السوبر ستار وأعلن إنسحابه ولكن الله بيعلم شو رجع حصل .
يعني اليوم لعبة التصويت كانت لعبة عالمكشوف وهي مش شغلة جديدة على برنامج السوبر ستار .
أنا مازعلت لأن أيمن طار إنما زعلت عالطريقة اللي طيروا فيها واللي أنقالت بشكل علني على شاشات التلفزيون .

الحقيقة اليوم زاد خوفي أكتر من ابراهيم الحكمي على شهد .

ولكن بيذوب الثلج وبيبان المرج وإنشالله مايعملوا بشهد متل ما عملوا بأيمن بالتصويت ....وقبلها بملحم زين .

عن الأغاني ياعبدلله ممكن أقبل بأغنية واحدة لإبراهيم الحكمي وشكرا سلف .

بكل الأحوال اليوم فينا نقول ألف مبروك لشهد وعقبال الأسبوع الجاي

.

زهرة الصحراء

Posted by: Nada1981

مرحبا جميعا

بتعرفي سناء من شي اسبوعين حكيت لعبدالله عن قصة عن ابراهيم.

عندي صديقة من لبنان كل سنة بتسافر على مصر بلصيف اجازة. و من فترة عم احكي معها عن سوبر ستار. قالتلي بتعرفي ابراهيم؟ قلتلها هداك السعودي قالت ايه
قالت العالم بمصر و خاصة بلقاهرة بيعرفوه كويس و بيحبوه لانه عنده برنامج بهيك مثل مقهى ليلي او نادي ليلي مابعرف شو اسمه بلعربي و كانت هي و رفقاتها كل اسبوع يروحو اكتر من مرة منشان يحضروه. قالت صوته كتير حلو

و في عالم كتير كانو يروحو كتير منشانه

بس قالتلي احلى شي لمى كان يطلع على المسرح, كانو يجو 4 يساعدوه منشان يطلع لفوق ههههههههههههههههههههه

يعني المشكلة انه عم يجيه دعم و تصويت مابس من الخليج, من مصر كمان و حتى من العالم الي بتعرفه عن حقيقة او شافته وقت الاجازة تبعهم لمصر.

الله يستر مثل ما قلتي و يصير مثل ماصار برويدة وملحم

بس خلي العالم يكون عندها 1% من المصارحة مع حالهم: هلا الي بيطلع على شهد و ابراهيم و بيسمع صوت ال 2 من دون تحيز لجنسية او اي شي ثاني, و يكونو صريحين مع ضميرهم و بعدين يصوتو. و وقتها انا متأكدة انه شهد رح تربح اذا الله راد

تحياتي

ندوووووووووووووش

Posted by: RUSHA AWAD

مبروووووووووووووووووووووك من القلب لشهد ولكل محبي شهد , كانت اليوم حلقة اعلان نتائج التصويت وشرشحة بنفس الوقت لأسلوب هيك برنامج واني من ناحيتي غيرت رأيي بالمشاركة بسوبر ستار السني الجاي

المهم اللي كثير فاجأني هوي ردت فعل المشتركين التسعة اللي كانو مع الجمهور بحلقة اعلان النتائج بس راحت عاللي ماشاف كيف كان وجه نانسي نصرالله وقت اللي اعلن ايمن قيسوني تأهل ابراهيم الحكمي للحلقة النهائية ولو بتشوفو شو قالت وكانت الكلمة كثير واضحة من حركة الشفاف

قالت (shet) والمعنى بقلب الشاعر

بس بصراحة يعني ايمن وابراهيم مابيستاهلو يوصلو لهيك مرحلي وكان في اكثر من ثلاث مشتركين بيستحقو يوصلو اكثر منهن يعني مثلا حاتم ايدار او هيثم . يالله بكرا بذوب الثلج وببان المرج وياريت مايفاجئوني بشي مفاجأة غير سارة كالعادي

مع حبي واحترامي
رشاعواد

Posted by: Nada1981

ابراهيـم الحكمي يفـوز بلقب سـوبر ستار 2006

طبعا النتيجة كانت معروفة من البداية و نحنا كلنا عملنا الي علينا بس الظاهر انه البرنامج هدا مثل البرامج الثانيين و كل سنة مثل غيرها و التصويت اصلا مانه الا منشان جمع المصاري ما اكتر

ابراهيم من شكله و ضحكته كان واضح انه عارف النتيجة من قبل ما يطلع على التلفزيون. للاسف قدرات الاخوة الخليجيين على التصويت اكتر من قدراتنا نحنا السوريين ان كان عن طريق الانترنت او عن طريق التلفون و الرسائل. و بعدين كيف قناة المستقبل بدها تطلع بنت سورية سوبرستار العرب بعد الشغلات الي عم تصير بلبنان هلا !!!! ياريت لو انه السياسة ماكانت تدخل بهيك مواضيع لانه حرام عليهم هيك

يعني مانها شغلة غريبة انه النتائج كل سنة بتكون مثل بعضها ؟ 53 % مقابل 47 % ؟؟؟؟؟؟؟ :

يلا بلنسبة النا شهد بتضلها سوبر ستارنا و اكيد الشعب السوري كله مفتخر فيها

و هاردلك شهد

http://music.panet.co.il/videoclip/super-star-end.wmv

خيرها بغيرها عبدالله ..............................................ز

ندى

Posted by: Toufic Saade

Don't be sad guys
Shahed is the best although she hasn't won the title
We all love her in Lebanon
We are all proud of this talent
Just know that syrian people are in our hearts and Shahed is the queen of my heart
I love you Shahed
You're the best

Posted by: a_aroush

باقتراب الأسبوع على النهاية الحزينة لبرنامج سوبّر ستار , و الذي ودّعناه وودّعته الفنّانة و أقول فنانة لأنها أكبر بكثير من أن تكون هاوية فقط , ودّعته بدون الّلقب , لقب سوبّر ستار .

و لكن ما حاجتها لهذا اللقب , لو كانت تعرف أن حبّها قد طغى على ملايين القلوب في أنحاء العالم , و بهم فقط هي سوبّر ستار .

مبروك لابراهيم الحكمي اللقب , و أنا حقاً كنت أحبه , و لكن لم أحبه لدرجة أن يأخذ اللقب من شهد

, على كل إذا كان قد استحقّه بجدارة و بدون أي تلاعب فألف مبروك , و لكن لو كان هناك أي تلاعب يمكن أن يظهر يوماً ما , فأظنه بغنىً عنه , فهو لديه صوت جميل و أنا متأكد أنه ليس بحاجة اللقب أيضاً و لن يجلب له اللقب سوى النفور من الناس حتى من الذين أحبوه , على كل أتمنى أن تكون النتيجة صادقة , و في النهاية هم الاثنين و خصوصاً شهد اظنها حققت ما أردناه لها من النجاح و الاستمرار إلى آخر دقيقة من البرنامج , و بالتالي النجاح الأهم هو ما سيأتي فيما بعد فنتمنى لها النجاح الدائم .

أعتذر عن التأخّر بتنزيل الأغاني للحلقة الأخيرة لبعض الأسباب الفنيّة , أعيد التنويه إلى من يود سماع كل الأغاني أن يزور هذا اللينك .. www.zaidal.com/usa .. , و ملاحظة لمن لديه السرعة بطيئة على الانترنيت أن يستمع للأغاني المحملة بدون صورة لأنها ستستغرق وقت طويل للتحميل ... و يا ريت لو حدا مجرب شأد طويل يقلي ... بس للاطلاع ..( عم نحكي عن وقت التنزيل هون )

..أغاني الحلقة الأخيرة .. صوت و صورة ..

شهد برمدا بأغنية أنا مو ولهان لحسين الجاسمي

شهد برمدا بأغنية أنا عندي حنين لفيروز

شهد برمدا بأغنية العيون السود لوردة

..الأغاني بصوت فقط..

شهد برمدا .. أنا مو ولهان .. حسين الجاسمي

شهد برمدا .. أنا عندي حنين .. فيروز

شهد برمدا .. العيون السود .. وردة

أغنية حلقة التتويج

شهد برمدا بأغنية حبينا لميادة الحناوي .. في حلقة التتويج

الأغنية بصوت فقط

و لمن عنده شك بأن هناك تلاعب في النتائج , و أنا لا أحب أن أكون منهم لأن الأمر لا يهمني كثيراً من حيث المبدأ لأن النتيجة واحدة .
فلهؤلاء أريد أن أشاركهم هذه الملاحظة التي لفتت انتباهي في البرنامج , و لا أعرف إذا كانت مجرد غلطة عفوية في التعبير و الكلام أم أنها كما نقول .. زلّة لسان .. و لا أريد أن أحكم استمعو لهذه الفقرة من تعليق للياس الرحباني بعد انتهاء شهد من الأغنية الأولى في الحلقة النهائية , حيث النتيجة لم تكن معروفة بعد ... لنا على الأقل ... و أرجو أن تقولوا رأيكم هل يستدعي هذا الكلام إلى الشك ... بكذا الأحوال كما قلنا اللقب غير مهم , و ابراهيم الحكمي نفسه يعرف أنه بحاجة لأن يقطع مئة سنة ضوئيّة في الغناء حتى يقترب من شهد برمدا .

بلسان الياس الرحباني

أخيراً أتمنى أن يكون هذا الموضوع قد نال إعجابكم و لا أعرف إن هذه نهايته , على كل سيبقى ذكرى جميلة بالنسبة لي , فبالرغم من الوقت الطويل الذي قضيته على تحضيره , لكنني كنت استمتع بكل لحظة منه و السبب هو أن شهد كانت دائماً تغني في أثناء تحضيري للأغاني و الردود , و هذا ما جعل كل لحظة منه جميلة ... و أخيراً أقول إلى اللقاء .. و أودعكم هنا بكلمات أخيرة من شهد برمدا .

كلمة أخيرة مع شهد برمدا we Love you Shahd

Posted by: a_aroush

مبارح ..الجمعة 26 أيار 2006 .و صدفة و أنا عم اتبع بعض أخبار شهد برمدا بأحد المواقع .. تفاجئت بوجود ايميلها على الهوت ميل MSN , فقلت رح ضيفو عندي , و لو اني ما فاتح مسينجر الام س ن من ثلث سنين .

المهم نزلت اسمها , و عم اشتغل عادي .. و عم اتصفح النت و نسيان أن الام س ن لسا موصول , ما عندي حدا عليه غير ابن أختى , فجأة حدا فات عليه فكان ابن أختى أول مرة بحكي معه عليه , يعني ضايفو عليه عالفاضي .. مو لاني ما بحب المسينجر بس كل أصدقائي عالياهو مسينجر .

المهم و نحنا عم نحكي حدا ثاني فات .. يعني مين رح يكون ؟؟ كان اسم شهد نوّر عالمسينجر .. قلت احكي شو خسران حتى لو كانت كذبة .

كانت لطيفة كثير بالرد , و لكن ما كنت مصدق أنها هي , خفت ما يكون حدا منتحل شخصيتها ... كلشي بيصير عالنت , فسألتها سؤال لاتأكد أنو هي .. صعب جوابه و ما بدي قول ما في غير شهد برمدا بتعرف جوابه .. بس في قول ما حدا ممكن يجاوب عليه بهالسرعة ... وقتها تأكدت أنها هي .

بعثتلها لينك هالموضوع لتشوفو , و عجبها كثير و لما شكرتني عليه , ما بتصدقو شو نبسطت ... شهد عم تشكرني !!!!!!! ... يعني لهلأ مصدق و مو مصدق هالقصة ... المهم أنا بحب أني صدق .

و أذا ما كانت هي حبل الكذب قصير إلا ما اعرف .. و أكيد رح أعرف .

بالنهاية .. بدي قول أني رجعت قريت الموضوع مرة ثانية , لقيت أني عملت وعد لسناء حطلها غنية لابراهيم الحكمي .. و ما وفيت بالوعد ... بس مثل ما بيقولوا وعد الحر دين . و هلأ رح حط هالغنية لابراهيم الحكمي لسناء ... نشالله تعجبها .

ابراهيم الحكمي .. اللي نساك نساه

Posted by: hosam abdulaziz

و مبسوط كثير بحالك لاحق اخبار شهد من موقع لموقع ؟؟؟
و كمان ضايفها عالمسنجر (انشاء الله يكون شي مقلب)
و بكرة ما تستغربوا حضرة عبد الله قاطع عسورية كرمال يحضر الحفلة بفيروزة.
اي انا لو محل مرتك , يوم واحد ما بقعد معك بالبيت, بس يكثير خيرها قلبها طيب و بتحبك و ساكتة عكل هالقصص.
بس يعني الواحد لازم يقدر هالشي و يرد المعروف بالمعروف.

بيقولوا كانت النصيحة بجمل عند العرب و زمان , انا هلق عم بعطيك نصيحة ببلاش.
هدية ما من وراها جزية , دير بالك عحالك عمي عبد الله.

.
.
.

هزئتوا.

Posted by: a_aroush

ولك شكراً حسام .. كل الناس تحكي إلا أنت ... يعني بدك تقنعني بكرة بنت الحلال بدها تمنعك تفوت عالنت ... و لو ما منعتك ما رح تحكي مع صبية ابداً ؟؟!!! .

بعدين شو هالقصة الغريبة اللي مستكبرها على عقلك اني عم أقرا أخبار فنانة عالنت و عم تابع أخبارها .. فكرتك أفهم من هيك ... لعلمك أول واحد عرف هالخبر هو مرتي ... و شافت كل اللي حكيناه ... ما عم الك أنها ما بتزعل أو بتغار او شيء .. لكن أفهم من أنها تغار من فكرة عم أقرأ أخبار فنانة أو حكيت معها .

زعلتني منك حسام .. يعني عم تنزع سمعة أهل ضيعتنا .. والله نحنا منفتحين اكثر من هيك .. بس ما بلومك لأنك عايش بالسعودية و يمكن عم تتأخر أفكارك لورا .. والله يعين اللي بدها تاخذك .. يمكن تمنعها تطلع من البيت , و يمكن ما لازم تحكي مع رجل غيرك , أو تطلع فيه , أو ما تخليها تسوق سيارة ...الخ من سوالف أهل السعودية ... عن جد طلعت متخلّف ما فكرتك هيك .

Posted by: فتاة عربية

هاي انا عضوة جديدة
بس بدي قول انو لو كان شهد جمهور كبير كانت نجحتزاما انو سبب عدم نجاحة انا سورية فمش سبب مقنع لانو محمد(سوري الجنسية)لي شترك بي اكس فاكتر لي نعرض على روتانا ربح و فاز باللقب.
و شكرا.

موقع زيدل سوريا حمص .. خدمات تشات و دردشة ... أرشيف المنتدى