الارشيف - <<منتجع زيدل السياحي>>

Pages: 1

<<منتجع زيدل السياحي>>
(انقر هنا ان احببت مشاهدة الموضوع الاصلي بالالوان و الصور )

Posted by: Desert rose

تم بإذن الله إنهاء كل المستلزمات من مخططات وخرائط هندسية للمباشرة بالعمل في منتجع زيدل السياحي والذي تكلمت عنه منذ ثلاث سنوات تقريباً في موضوع زيدل الجميلة .
المنتجع كما ذكرت سابقاً مؤلف من :

_ كتلة الفندق
_ مسابح
_ مطعم صيفي وآخر شتوي
_ كتلة موتيلات
_ حدائق ومدينة ألعاب للأطفال
_ ساونا ....وملاعب رياضية
_ ديسكوتيك

التفاصيل بالطبع لاتهم مايهم هو أن هذا العمل سيستغرق حسب العقد مدة ثلاث سنوات وسيقوم على الإشراف المهندس حبيب متري رعد الذي قام بوضع المخططات الكاملة مع باقي المهندسين في مكتبه الهندسي أما العمل فسيقوم بتنفيذه كادر فني كبير ...لاداعي أيضاً الآن لذكر أسمائهم

أتمنى أن يعتلي إسم (( منتجع زيدل السياحي )) قائمة الأعمال السياحية فيكون عند حسن ظن كل سكان سوريا بما فيهم سكان زيدل بالذات وتكون زيدل المحطة الرئيسية لإستقبال عدد من السائحين بيوم ما كون منطقة حمص تتوسط الغرب والشرق والشمال والجنوب .كذلك أتمنى أن يكون متنفساً لكل أطفال المنطقة بمافيهم أطفال زيدل بالذات أيضاً ..ولكل أهالي زيدل الأحباء .

دام الجميع سالمين
ومبروك لزيدل إتطلاق العمل بالمشروع
والشكر للأب جهاد جلحوم أخيراً على تلك اللفته الكريمة في العمل داخل قريته لاخارجها

وبس ....واللي مابيعرف يسبح ....عندو 3 سنين في يتعلم السباحة

زهرة الصحراء

Posted by: Kinan

الحقيقة يا سناء انو مشروع رائع حسب مانو مخطط و مدروس و انشالله رح يلاقي النجاح و التقدم المرجوات من هالمشروع
طبعا هالمشروع انجاز كبير لزيدل ولاهالي زيدل و نحنا بانظار نهاية العمل بفارغ الصبر
بالنهاية كل الشكر للاب جهاد جلحوم وبالتوفيق نشالله

Posted by: shadi

طبعاً اشكر في البداية العزيزة سناء لتلك المعلومات الهامة للمشروع الهام الذي سيقام في زيدل الخضراء برعاية أبونا جهاد جلحوم الذي يسعى دائماً لتطوير القرية التي سترفع كثيراً من أسهم السياحة على مستوى المنطقة الوسطى بشكل عام وزيدل بشكل خاص .. وخاصة ضمن دراسات منظمة وكادر عمل مؤهل ... ومدة ثلاث سنوات لهكذا مشروع هو برأيي زمن قياسي.
الله يوفقك أبونا جهاد والله يتمم على خير .

Posted by: fr george massis

يعني شي بيفرح القلب فمبروك لزيدل اول شي وبعدين لبونا جهاد يلي نزعلنا الصيفية الماضية وأنا بحملوا المسؤولية كاملة بقصة البير وعدم وجود المي وقلبنا اياها نكد ............
يعني أنا من جهتي رجعت لنادي السباحة من جديد وبلشت التمارين
بس عندي سؤال بيقرقني بس ما بوقف عندوا لأنو متجاوزوا من زمان
يعني فهمني الخوارنة مابيشاركوا بالسهرات بزيدل مو لأنو موحلو أو ما بيصير مثل ما بيفكر البعد لاء على الإطلاق لأنو ببساطة ما فيهم الإلتزام بالكم الكبير من السهرات والحفلات وبفس الوقت الواجبات الأخرى يعني يخزي العين كل يوم ومافي يشارك بيت فلان وما يشارك بيت علان تفرقة عنصرية وطائفية ومستوى اجتماعي مادي يعني حارتنا زغيرة ومنعرف بعضنا ........
مو هون قصتنا يعني يا زهرة أنا يلي تعودت ومنشكر الله دخلت بالمجتمع البرازيلي على حياة النوادي فعندي مدرس سباحة خاص ثلاث مرات بالأسبوع على مدى ساعة مع ساعتين تشميس يلي كثير غاليين على قلبي وصحتي شو قولك فينا نعمل نفس الشي بضيعتنا ولي كثرين يلي رح يركضوا ورا أول حجر؟؟؟؟؟؟؟؟؟؟؟؟؟؟؟؟؟؟؟
وبالنهاية بعرف حالي بس مراعاة عواطف الناس ومشاعرهم وأفكارهم يعني شي من المعايشة يلي بكرها وبحس حالي ملزم بالتغير نحو وضع أخر أقرب للحضارة يلي هي بريئة من بعض العقليات
السؤال هل شعبنا محضر لفكر أبونا جهاد ويلي بالنهاية عم يقدم لزيدل بالأول ولو أنو فئة قليلة يلي بيهما الموضوع؟؟؟وشكرا
الله معك...............

Posted by: sadala_nemeh

شكرا للأب جهاد
ان هذا المشروع منأهم المشروعات التي تقدم لزيدل على الإطلاق رغم إن البعض لايدرك جدواه
اقتصادبا ومعنويا
ان هذا المشروع الحيوي سيقدم الكثير شرط أن يرافقه العديد من النشاطات عند الإقلاع ان شاء الله
وسوف أقدم اقتراحاتي عندئذ
وأكرر شكري للكبير الأب جهاد والذي تكبر به زيدل وبأمثاله مهما كانت مساهماتهم متواضعة
فخير لنا أن نشعل شمعة حب من أن نلعن لون العتمة

Posted by: Desert rose

اقتباس:

يعني شي بيفرح القلب فمبروك لزيدل اول شي وبعدين لبونا جهاد يلي نزعلنا الصيفية الماضية وأنا بحملوا المسؤولية كاملة بقصة البير وعدم وجود المي وقلبنا اياها نكد ............

أي بسيطة أبونا جورج ...كله في حبك يهون ...وزيدل بتستاهل تنزع صيفية كرمالها أي قليلة كانت لو ماطلعت المي

عن مشاركة الآباء الأفاضل لسهرات الضيعة واذا الوقت وحده السبب مامنقدر نعلق على هالشي فلكل قرية عاداتها ولكل كاهن رأيه الشخصي .

عن منتجع زيدل وإذا شعبنا محضر لقبول رأي الأب جهاد لازم نسمع رأي الشعب (( أهالي زيدل الكرام )) طبعاً ....ولكن عن رأي بقول :

بأنه زيدل قرية جميلة بتتميز بهدوئها وبشمسها الجميلة الساطعة بالنهار وبهواها البارد العليل بالليل..بالإضافة لطيبة أهلها وسكانها ...وقربها من مدينة حمص ...واللي ممكن يسهل أمور كتير .

من الناحية الإجتماعية ....دائماً في شي أسمه أول ....والأول يابيصير تاني ....يابيضل أول ..!!!
وكل طرقات حياتنا بتبدا بخطوة أولى وأحياناً ممكن هالخطوة تودينا للهلاك ولكن ممكن بنفس الوقت تنجينا ونوصل فيها لقمة ماكنا نحلم فيها .
منتجع زيدل طريق طويلة وهالطريق بصراحة بتحمل على جوانبها الخطر ...ولكن بالرغم من كل النصائح والمعارضات بأنو زيدل مش المكان المناسب لهيك عمل ضخم كونها مش من منطقة سياحية إلا أنو أبونا جهاد كان يناقض آراء الكل ويقول (( مابغير بزيدل يعني بزيدل )) لابد مانوضع أول حجر ونمشى بقوة الله أول خطوة بطريق ممكن بيوم يدفع بزيدل نحو القمة .

وليه لأ وليه مايكون في مدربين للسباحة وليه شباب وصبايا زيدل مايكون عندهم حلم يكونوا سباحين ماهرين ويوصلوا بيوم للبطولة القطرية أو الدولية .

على كل حال أبونا جورج ...هلق كلنا بحاجة لدعاءاتكم للرب يوفق أبونا جهاد ومايخيب أمله الكبير ويعطيه الصحة ليكمل هالمشروع بخير وسلامة .

شكرا أبونا جورج وشادي لكلماتكم اللطيفة

كنان أنت بتلحق الحنة بالمنتجع

أستاذ سعد جزيل الشكر سلفاً لمبادرتك بدعمك للمنتجع ببعض أفكارك مستقبلاً .

وياريت ياأبونا نسمع آراء البعض وتوقعاتهم عن هالمنتجع اللي بإذن الله رح يشتغل بعد 3 سنوات

تضلوا بخير ....لكم محبتي

زهرة الصحراء

Posted by: a_aroush

شالله بالتوفيق للأب جهاد جلحوم .

مثل ما قلتي سناء كل شيء بيبدأ بخطوة , و وين بتوصلنا ما منعرف .

اللي مثل أبونا جهاد منقول عنه باللغة الانكليزيّة Dreamer بس مو معناها مثل ما نحنا منفهما أن عم يحلم و هذا مجرد حلم , معناها أنه إنسان بيحلم بالأفضل و ببناء أشياء كبيرة و عظيمة , و نشالله يتوفّق بأحلامه هي .

و الي بيفكّر أنه زيدل مانها المكان المناسب لهيك مشروع ممكن ياخذ عبرة من أشيا كثيرة .

مثلاً : كان أحد رجالات المافيا , و طبعاً لا أشبه أبونا جهاد به و لكن المقصود العبرة من القصّة , كان في سيارته مع صديقتو و صديق آخر يسيرون على طريق صحراوي يؤدي إلى بلد’ أو مدينة صغيرة في ولاية Nevada بالولايات المتحدة , و على الطريق كان في نقاش حاد بينهم فعصّب ووقّف على جنب الطريق , و طلّع حوله عالصحراء الخالية ليروق , و فجأة المنظر أوحالو بفكرة , و لكن شو هالمنظر ؟ صحراء و تلال جرداء و غبار و مكان منعزل و بعيد عن البشر , هناك فكّر يبني Casino , و فعلاً فعل هالشيء و بنى ال Flamingo Casino و لو أنه ما عاش ليشوفو هلأ كيف , و لكن هذا ال Casino كان أول كازينو بينبنى فيما هو معروف الآن ب Las Vigas أكبر مكان سياحي إن لم يكن في أمريكا فربما بالعالم أجمع .

فالعبرة هون أن إذا بقلب الصحرا بعيد مئات الأميال عن البشريّة عمرت أكبر منطقة سياحيّة بالعالم , فوين الغلط باختيار زيدل مكان لهذا المنتجع ؟

Posted by: Desert rose

لكل اللي بيحبوا يتابعوا العمل بمنتجع زيدل رح ضيف شوية صور بالمتابعة .
أول الصور رح تكون للكتلة الرئيسية....اللي بتضم :

الفندق ...المطاعم ....والمسبح الشتوي .....الساونا ..... الديسكوتيك .....المطبخ وخدماته

بالتوفيق إنشالله

زهرة الصحراء

Posted by: Desert rose

شكراً للتشجيع والتفاؤل عبدلله

زهرة الصحراء

Posted by: sulieman safar

ألف مبروك لبداية المشروع وهالمانظر بتفرح القلب ولكن سناء ثلث سنين كثير كثير ويا ريت الشباب يشدوا اجريهم وايديهم ويخلصوا السني هاي .
عقبال التمام بالخير.
سليمان

Posted by: fr george massis

يعني سناء أنا حجزت من هلق الجناح الخاص فيني بالنتجع
بس شهلوها شوي وخفوا أيدهم بالشغل يعني شوية همي
بداية موفقة وعقبال التمام على بخير وبخير وتضلوا دايما بألف الف خير
والله معك.......................

Posted by: George daboul

بالتوفيق إنشاء الله
من كل قلبي أتمنى أن تكون الأمور في هذا المشروع بأحسن حال وأن لا تكون هناك أية عوائق
وأتمنى أن يتم انجازه بأقل من المدة المحددة
بالتوفيق إنشالله
شكرا سناء ع الصور الحلوة والتي تبشر بالخير
مرة ثانية ومن كل قلبي أتمنى النجاح لهذا المشروع
************************************
الآباء والمغتربين بلشو يحجزو أماكن ؟؟؟؟؟ بس لا تنسونا خدونا بعطفكم وحنانكم

موقع زيدل سوريا حمص .. خدمات تشات و دردشة ... أرشيف المنتدى