الارشيف - جدول مباريات بطولة العالم في المانيا 2006

Pages: 1

جدول مباريات بطولة العالم في المانيا 2006
(انقر هنا ان احببت مشاهدة الموضوع الاصلي بالالوان و الصور )

Posted by: hosam abdulaziz

في حفل رياضي منظم و جميل تم سحب قرعة كأس العالم 2006 في المانيا و قد تخلل العرض عدة فقرات منها
1عرض فيلما يحكي قصة كأس العالم منذ بدايتها على مر التاريخ
2 عرض فيلما يحكي استعدادات الملاعب الألمانية والمدن الألمانية للمونديال
اضافة لعروض فنية و غنائية.
شارك في سحب القرعة عدد من نجوم العالم منهم:
من المانيا : القيصر بكنباور , ماتيوس , كلينسما و بالاك
من باقي الدول:
روجيه ميلا - كرويف - بيليه - أساشي ناكاياما - لوثر ماتيوس - كاريمبو - لوكاس راديبي

قد وزعت المنتخبات الـ 32 المتأهلة على 8 مجموعات من 4 منتخبات، يتأهل صاحبا المركزين ‏الاول والثاني فيهما مباشرة الى الدور الثاني.‏
ووضعت المانيا في المجموعة الاولى كونها البلد المضيف وهي ستخوض المباراة الافتتاحية في ميونيخ ‏في التاسع من حزيران المقبل، فيما جاءت البرازيل في المجموعة السادسة.‏
وتعمد الاتحاد الدولي وضع المنتخبين الالماني والبرازيلي في المجموعتين الاولى والسادسة حتى لا ‏يلتقيا قبل المباراة النهائية المقررة على الملعب الاولمبي في برلين في التاسع من تموز المقبل.‏
واستغرق حفل القرعة 90 دقيقة وتضمن عرض فيلم عن تاريخ كأس العالم بالاضافة الى تقديم ‏للدولة المضيفة للنهائيات انجزه فولفغانغ بيكر صاحب فيلم غودباي لينين (2003).‏
وشارك في الحفل نجوم كبار في عالم كرة القدم وهم الاسطورة البرازيلي بيليه، بطل العالم ‏اعوام 1958 و1962 و1970، والهولندي يوهان كرويف الذي قاد منتخب بلاده الى نهائي مونديال ‏‏1974 قبل ان يخسر امام المانيا، والالماني لوثار ماتيوس الحائز كأس العالم عام 1990، ‏والكاميروني روجيه ميلا والجنوب افريقي لوكاس راديبي والاميركي كوبي جونز والياباني ‏ماساشي ناكاياما والفرنسي كريستيان كاريمبو.‏
وتخوض المانيا والبرازيل مبارياتهما في الدور الاول في اكبر الملاعب المخصصة للبطولة وذلك بسبب ‏الرهانات الاقتصادية، وبالتالي ستلعب المانيا والبرازيل في مدن برلين (شرق) ودورتموند ‏‏(غرب) وميونيخ (جنوب).‏
وحضر مدربو المنتخبات الـ 32 المتأهلة باستثناء مدرب الارجنتين خوسيه بيكرمان.‏
وحضر ايضا الرئيس الفخري للفيفا البرازيلي جواو هافيلانج ورئيس المانيا هورست كولر ‏والمستشارة الالمانية انغيلا ميركل.
اما نتيجة القرعة فكانت على الشكل التالي:
جدول بطولة كاس العالم في المانيا
المجموعة الأولى :
1 - ألمانيا
2- كوستاريكا
3- بولندا
4 - الاكوادور

المجموعة الثانية:
1 - انجلترا
2 - البارغواي
3 - ترينديداد وتوباجو
4 - السويد

المجموعة الثالثة:
1 - الأرجنتين
2 - ساحل العاج
3 - صربيا والجبل الأسود
4 - هولندا

المجموعة الرابعة:
1 - المكسيك
2 - إيران
3 - أنجولا
4 - البرتغال

المجموعة الخامسة:
1- ايطاليا
2- غانا
3- الولايات المتحدة الأمريكية
4 - التشيك

المجموعة السادسة:
1 - البرازيل
2 - كرواتيا
3 - استراليا
4 - اليابان

المجموعة السابعة:
1 - فرنسا
2 - سويسرا
3 - كوريا الجنوبية
4 - توجو

المجموعة الثامنة:
1 - اسبانيا
2 - أوكرانيا
3 - تونس
4 - السعودية

Posted by: shadi

شكراُ للعزيز الغالي حسام على إدراجك نتائج قرعة كأس العالم التي ستقام في ألمانيا
وكما ذكرت ستقام المبارة الأولى بين ألمانيا وكوستاريكا في 9 حزيران 2006 ولكن هل بالإمكان إدراج الجدول الكامل للمباريات وشكراً .

Posted by: hosam abdulaziz

هلا بالعميم
يعني بنتشكر قرعة كأس العالم الي خلتنا نسمع صوتك بعد غياب طويل .
يعني عن جد شهيتني اخطب لشوف هيك رح يصير فيي؟؟؟؟؟؟

بالنسبة لجدول البطولة , كنت مفكر فيه بس قلت بكير بعد , بس بما انه ابو الشيد طلب يعني القصة صارت أمر , و 100 طلب من هالشكل.
هي الجدول بتمنى ينال اعجابك.
جدول بطولة كاس العالم في المانيا من الافتتاح الى النهائي
سلام لعروستنا الحلوة ومن هلق عودلي اياها عالمباريات

.
و اذا الله راد بنحضر سوى نهائي ال 2006

Posted by: sulieman safar

ا ي يا وييل الفريق البرازيلي من الفريق الأسترالي. أخر ما سمعته بأن الفريق الأسترالي يتدرب على القفز مثل الكنغر والتدفيش مثل النعامة ومن جهتي أنا أعلنت العداوة مع ابونا جورج لفترة ما يربح الفريق الأسترالي(انتبهتوا مافي صفة: ابونا الغالي, وعلى كل حال ما عم لاقيه يمكن هوي ما بدو يحكي معي فزعان من الخسارة ).
نحن نتحدى البرازيل...طاق طاق طاق طاق.
سليمان
ملاحظة:
عندك حق يا حسام بالنسبة لأبو الشد صابو صابو صابو مثل هذاك الواحد من شاف حبابوا نسي صحابوا.

Posted by: Desert rose

أنا هالخبر مابيهمني أبداً
مع أنو تزامن مع إنتخاب ملكات جمال لبنان ولكن عند إعلان الملكة كانوا كما ن عم يعلنوا نتائج القرعة وقتها أنا كبست ...OF....وقلت النوم أهم وأحلى .
واذا عم عقب عالخبر بس كرمال شادي ...فالمسا وقت قريت إسم شادي بموقع زيدل أعتقدت بأنو السما عم تبرق فحولت نظري ورفعتها عن صفحة الموقع ومن شباك غرفتي شفت النجوم وحدها اللي عم تلمع وعن جديد رجعت دققت وأتأكدت بعدها بأنو مافي ولا لمعة برق بالسما واللي شفتوا كان لمعة نجم ملائكي هبط من جديد عالأرض ....من هالسما .

شادي ياعمي وينك بعني منيح حسام كتب تعليق رياضي تنشوفك بالمنتدى ....شو خلصت شغل..أم بعد ؟؟؟؟

سلام للحلوة من عندك... وربنا يوفقها ويوفقك ...وعقبال العايزين ...شو مظبوط متل ماقال سليمان (( من شاف حبابوا نسي صحابوا ؟؟))

سمعنا صوتك كمان وكمان سيدي الإداري المعتق

زهرة الصحراء

Posted by: shadi

شكراً للعميم الغالي حسام على إرفاقك جدول المباريات طبعاً لكل من يهتم بمعرفة هالجدول طبعاً نظراً لضيق الوقت بشكل عام لم يتسنى لي المشاركة بالمنتدى للأسف مثل الأول .. وبالنسبة للعم سليمان انا أكيد ما نيستكن ولا بعمري بنساكن والله على طول بالبال .. ولزهرة الصحراء الغالية على قلبي بقلها طول عمرك غامرتينا بلطفك ومحبتكن كلكن على طول بقلبي وانشالله منشوفكن عن قريب......يارب.

Posted by: angel

وأنا كمان صابني مثل زهرتنا .. كنت عم اتصفح عناوين مواضيع المنتدى وضربت عيني على اسم شادي ومع انو اخر موضوع كان محتمل افتحه هو كأس العالم بس فتحته كرامة ابن العم الغالي شادي وقله نور المنتدى اللي افتقد لاراءك الرزينة والحكيمة وأنا بغفرلك بس لانو الغالية هدى بتستاهل تعطيها كل وقتك .. ابقى سمعنا حسك ياشادي .. اشتقنالك..

Posted by: شهد العسل

يعني احترنا بدنا نرد على موضوع كأس العالم والا نبارك عوده شادي

على كل حال ابو الشيد بيستاهل بس راح قلك يمكن يروح عليك مباريات كثير من الكأس يمكنها العروس مو من النوع اللي بيتفرج على المباريات فنصيحه أتجوز قبل البطوله

يعني هيك بيجوز تتعود العروس تحضر مباريات

وشكرا حسام كثير عالجدول يعني يمكن الكل بيعرف عنا يالله يالله يفرجونا شي كم مباراه والله يخليلنا القنوات المكسيكيه باميركا بتنقلهن ولكم محبتي .......

Posted by: samir shakar

not enough to mention the groups , the date and the time should be beside that., otherwise it is nonsense to know the country withourt following the action.
please complete your table - when, who win beside the results.
thank you.

موقع زيدل سوريا حمص .. خدمات تشات و دردشة ... أرشيف المنتدى