منسمع كتير
هيك بيحكوا ....هيك قالوا
والهيكات..................... أوقات بتضل حكي
بس في هيكات كتير كمان بتصدق وبتصير حقيقة يعني مابتضل حكي .
اليوم وخلال تواجدي بالشام سمعت من هالخبريات خبريتين ....وبتمنى ماتصدق ..واذا صدقت ...صدقوني مارح تضر كتير

أولها _ وإعتباراً من 1/12/2005....رح يطلب تصريح أمني من كل مواطن لبناني للدخول إلى الأراضي السورية ...وهالتصريح هوي عبارة عن ورقة أوشهادة خطية من أحد مخافر الدرك الموجودة في المنطقة المقيم هالمواطن فيها ...!!!

ثانيها _ على كل مواطن سوري بيرغب بزيارة لبنان حمل فقط ألف ليرة سورية في محفظته (( واذا بجيبتوا مش مشكلة )) عند مغادرته الأراضي السورية .

هالخبريات طبعاً نقتلها لسبب وحيد وهو التأكد من صدق أو كذب الإشاعات اللي بتطلع قبل وقتها عن طريق تسريب المعلومات إما عن قصد أو عن غير قصد .

أنا ماصدقت !!!!

طيب .....

أنتوا صدقتوا؟؟؟؟

يلا بتبقى وحدها المي اللي بتكذب الغطاس فخلينا ننطر 1/12/2005 وإنشالله مانغطس
مع أنو هالتاريخ عزيز علي فياريت إذا بدو يطلع هالقرار يتغير اليوم والشهر تيضل عزيز ولذيذ

وسلامااات ماتواخذوني .....هيك سمعت

موقع زيدل سوريا حمص  .. خدمات تشات و دردشة  ... أرشيف المنتدى

vBulletin Copyright ©2000 - 2008, Jelsoft Enterprises Limited.
vB Easy Archive Final ©2000 - 2008 - Created by Stefan "Xenon" Kaeser