الارشيف - وشوشات .حركشات .ذكريات .من التشات

Pages: 1

وشوشات .حركشات .ذكريات .من التشات
(انقر هنا ان احببت مشاهدة الموضوع الاصلي بالالوان و الصور )

Posted by: Desert rose

لكل شيء بها الحياة سلبيات وإيجابيات
كما لكل إنسان بالتمام
والتشات السابق اللي كان موجود بالمنتدى بيخضع لهــــ القاعدة فبالرغم من سلبياتو إنما كان يتمتع بإيجابية مهمة وهي جمع الأعضاء من وقت لوقت للي حابين يشاركوا وللي مش حابين كانوا يقعدوا بسسسسسس ليراقبوا

هلق بسبب تواجدي لوقت طويل بالمنتدى كنت مراقبة عن غير إرادة (( ويمكن كون كذابة وتكون المراقبة عن أكتر من إرادة )) المهم بالموضوع اليوم هو التالي :
من بعد إذن كل عشاق التشات رح قوم بنقل بعض الفقرات التشاتية الطبيعية وممكن أوقات تكون خارجة شوي عن الحدود الطبيعية

لذلك حبيت نوه للموضوع للي عنده أي إعتراض يقوم بارسال رسالة خاصة لزهرة الصحراء لتتمنع عن ذكر التشات اللي خاص في (( يعني أعذر من أنذر )) (( وذنبكم على جنبكم )) والباقي على الله .

بالرغم من أني متأكدة من أني مش رح لاقي معارضة من أي عضو كون التشات كان مساحة بيضا لمحبة جمعتنا على مدى 3 أعوام تقريباً (( ولكن نصيحتي ألكن تعترضوا ))

صحيح من راقب الناس مات هماً ... ولكن رغم المراقبة المستمرة للمنتدى ماحسيت هالمثل بينطبق علي

المهلة المحددة لإستلام رسائل المعاضة 3 أيام فقط.. والسلام

زهرة الصحراء

Posted by: hosam abdulaziz

انا بس بحب علق عنقطتين :
هو ليه استثنينا التشات من هالنسخة:
1 انه لم يكن هناك استخدام حقيقي له و استعاضة معظم الأعضاء عنه بالمسنجرات , و السبب يعود الى ضعفه تقنيا و بطئه نوعا ما.
2 اكثر استخداماته كانت بقصد السلامات و التحيات و اذا بتحبوا بنعمل زاوية اهداءات حلوة بتفي اكثر بهالغرض.
3 برمجيا كان عبء على المنتدى و الموقع كون صفحته تحدث كل 5 ثواني , و هالشي اله نتائج سلبية لكن بنسبة قليلة.
*************

اقتباس:

ويمكن كون كذابة وتكون المراقبة عن أكتر من إرادة

الأرادة موجودة بدون ادنى مجال للشك و الدليل انت قلتيه , يعني شو هالصدفة اللي بتخلي زهرتنا تحتفظ بسجلات التشات لكل الأعضاء و تعذب قلبها على copy & Paste

بالنسبة الي معك الحرية الكاملة و احمض ما عندك طبخيه

Posted by: hosam abdulaziz

بعد البحث و التجريب تبين انه يمكن اضافة خاصية التشات لهالنسخة و هو احلى من القديم و اسرع , و ممكن تنحصر مشاهدته بالأعضاء فقط.
فأذا الأعضاء ملاقيين انه وجود التشات افضل من عدمه يا ريت يعبروا عن هالشي بهاللينك (بعد اذنك سناء)

Posted by: George daboul

تحية للجميع
أعتقد أن وجود التشات شيء جيد لأنه ليس بالضرورة أن يكون التواصل مع كل الأعضاء عن طريق الميسنجر أيا كان ولربما التشات يعطي فرصة للتواصل بين الأعضاء
*****************
أما بالنسبة للمذكرات
طبيعي الحلو ما بيناسبني صحيا
بإمكانك سناء وعلى قول حسام أحمض ماعندك طبخي
إلا إذا عندك دايت بيكون أحسن
بالنسبة لي شخصيا ليس عندي ما أخاف من نشره سواء عبر التشات أو ؟؟؟؟
وكل كلمة قلتها أن مقر بها ومأتحمل مسؤوليتها
لنشوف شو أو ل طبخة رح تطبخها سناء ؟؟ حامض ولا حلو ولا دايت

Posted by: sulieman safar

بصراحة انا وسناء يمكن كنا أكبر مستعملين للتشات وأنا شخصياً بحب التشات من حيث اني كنت اتحركش بالرايح والجاي, وخصوص الصبايا الحلوات وبنفس الوقت كانوا الشباب العزابية يطقوا مني وخصوص حسام ..........عمي سليمان منين بتعرف هاي؟ دون أن يعلمون ان الصبايا الحلوات كلهن اقربائي وأنا من طبيعتي بحب الحلوات, يعني فيكم تقولوا اني موضة قديمة واكثر ما حب عندما أترك أو أوجد سلام من أو للغوالي جميع . ملخصها اذا كان ممكن رجعولنا التشات وحاج تهددوا الغالية سناء . صدقاً اذا نفخت عليكم بتطيركم! صح يا رجال ؟ أيوا صحححححححححححححح.

Posted by: a_aroush

يا شباب قبل ما تخلو سناء تطبخ الحلو حامض .. ديرو بالكن شو ممكن يصير .

- أول شيء أنا و جورج و العم سليمان ... ممكن نضل نايمين بالصالون لآخر السنة .

- حسام ما عليك خوف ... يعني انت نايم نايم بالصالون ... أما دير بالك يمكن الصبايا اللي معك عالمسينجر نصهن ما عاد يحكو معك .

- أما سناء ... إذا بدك تكوني عادلة بتكتبي شو انتي حاكية هنيك كمان ... و هيك رح تنامي بأوضة النوم لحالك كمان لآخر السنة .. لأن طوني رح ينام بالصالون بإرادتو .

- أما باقي الأعضاء ... منهن رح يروح عبيت خالتو ... الثاني أمه رح تحرمو من الكومبيوتر ... الثالث بيجوز يخسر شغله ... الرابع يمكن يشلح ثوبه ... الخامس حبيبتو أو حبيبها رح يتركها و يشوف غيرها .... و ..و .. و .. الخ .

فإذا مستعدين لهالآكشن ... فخلوها تطبخ الحلو عندها حامض .

و إذا بدك رأيي فأنا مع الشباب ... و إيدك و ما تطوووول ... بس إذا كان الحكي اللي عالتشات بس ..مو اللي عالمسينجرات كمان ... لأنو هيك العواقب هذيك كلها رح تصير ضرب اثنين أو عشرة لبعض الناس ...

Posted by: hosam abdulaziz

مرحبا عن جديد
بعد التأكد من ان نسخة التشات الحديثة تتلائم مع هذه النسخة دون مشاكل, و نظرا لحنين معظم زوار هذه الصفحة لها قمنا بأضافتها للمنتدى
النسخة مميزة تقنيا من ناحية مؤثراتها و طريقة عرضها و طريقة التحديث للبيانات و امكانية التحكم بكل صغيرة و كبيرة فيها.
حاليا فقط الأعضاء المتقدمين و المشاركين لأكثر من x مشاركة يمكنهم زيارتها.
*****************
للذين لايرغبون بوجود هذه الصفحة و لا يحبذونها ايضا ...لديهم طرق للتخلص منها:
تخلص مؤقت عبر التأشير على هذا السهم

الموجود اعلى التشات. و هكذا يمكن استعادته متى شاءوا. موضح بالصورة المرفقة
اما للتخلص منها بشكل نهائي بحيث لا تظهر نهائيا فالأمر بسيط و لا يحتاج سوى لمراسلة webmaster@zaidal.com او رسالة خاصة لأحد الإداريين.
************
بتمنى يكون عجبكم و شكرا

Posted by: Desert rose

بالرغم من عدم وصول رسائل بتمانع عرض ذكريات من التشات عدا رسالة واحدة بيطلب فيها العضو عدم ذكر التشات اللي متواجد أسموا في أو :

فياعزيزنا نحنا رح نحترم رغبتك وهيدا أقل عمل منقوم في بالمنتدى وهوي إحترام رغبات كل الأعضاء لذلك رح :

أما عن طبخ الحامض والدايت أعزائي حسام وجورج لقيت القصة مش رح تفيد كتير وخصوصاً بعد مارجع التشات عن جديد وبشكل أفضل وأسرع و بعد ماقريت تعقيب عبدلله واللي في رح كون يمكن سبب لخراب بعض البيوت

(( فخليها بيني وبين عبدلله وبين سليمان

))

************

أخيراً....وبكل صدق ومحبة التقنيين في المنتدى دائماً عم يسعوا لتكون كل الأعضاء مرتاحة ومبسوطة بالرغم من بساطة العمل ببعض الأوقات ...فمبروك التشات الجديد ..مع تمنياتي بإعادة التواصل مع الجميع من خلال هالزاوية المحببة ...بالإضافة لتواصلنا عبر طرح المواضيع وتلقي بعض التعقيبات كل بما يناسبه

زهرة الصحراء

موقع زيدل سوريا حمص .. خدمات تشات و دردشة ... أرشيف المنتدى