الارشيف - شيخ المحشي

Pages: 1

شيخ المحشي
(انقر هنا ان احببت مشاهدة الموضوع الاصلي بالالوان و الصور )

Posted by: sulieman safar

بصراحة كنت بدي اعمل عزيمي كبيري بالمندى على شرف العزيزة تامي وقدم هالطبخة من زمان وهلق ما صار شي.رجائاً من الصبايا المعدلات بالطبخ ما يوجهولي نقد كثير على اساس انا حاطط طريقة تحضير هالأكلي (شيخ المحشي) للشباب فقط ونشلا بتعجبكم وبننقل الموضوع الى منتدى ثاني تحت عنوان " كيف تسعد زوجتك"

يحضر كمية وافرة من الكوسا العربية( وقبل ما يسألني وسام اذا الكوسا الكندية بيمشي حالها ,فالجواب لا ولأشلك بهالصرعة)

كمية وافرة من اللحم الأحمر المثروم (اذا كانت معزومة الغالية سناء من الضروري توضعوا كمية وافرة من الشحم مع اللحم . بيجوز بتضروا حالكم شوي بس على الأقل بيطلعلكم شي تأكلو : قال الموز بينصح)

تحفر الكوسا حسب الذوق مع الحرص ان لا يكون أكثر من حمسة ثقوب في أي كوساي ما.
يحوج اللحم(مع الشحم حسب) مع البهارات مثل الكزبرة والكمون والفلفل الأسودمع اضافة نقطتين من زيت الكمأة الأسترالية.

تعبأ الكوسا باللحم المحوج الى فمها ثم تحضر للطبخ.

انتبهوا يا شباب هون رح تتعقد الطبحة شوي .
في طنجرة يتناسب حجمها مع عدد المعازيم يوضع كمية وافرة من اللبن ويضاف اليها نفس الكمية من الماء ويضاف اليها بيضة نية وتخلط المزيج الى حد ما يصبح من جلس واحد(عبارة من القاموس)

توضع الطنجرة على نار هادئة وتحرك الخليط باستمرار الى درجة الغليان من ثم توضع الكوسا المحشية في الطنجرة وتتطبخها لمدة خمسة عشر دقائق.

تقدم الكوسا على فراش من الرز البسماتي محوج بالسمة العربية وصحتين.
وأنا رح قدم بوظة الشوكلا على طريقة العزيزة تامي بعد الأكل.
تفضلوا يا جماعة.
سليمان.

Posted by: alessandro

اولا بحب اشكر الاخ سليمان على ترحيبو
يا اخ سليمان (شيخ المحشي) اكلي طيبه جدا ووصفك لطريقه النحضير وصف كافي وافي بس بدي علق على بند من البنود وهو (الكوسه باللحم)
انا افضل وضع اللحم بالكوسه هاكذا بتكون جاهزه للطبخ هههههههه

وقبل وصفي للاكلي الثانيه بدي قول كلمتين بموضوع (كيف تسعد زوجتك) كل مجوز عندو زوجه طباع مختلفه عن طباع الاخرى يعني كل مري لها طرق مختلفه لاسعادها (كل واحد عقلو براسو بيعرف خلاصو)
هلق عندي اكلي بصيطه جدا جدا جدا
(بيض و دبس )
طريقه التحضير اربعه بيضات كوب شاي دبس (دبس مصنوع من العنب) و ملعقه سمن
تضع السمن في المقلاي على النار حتى يسخن السمن جيدا وتكون قد خفقه البيضات جيدا ملاحظه(بدون ملح)
وتضع البيضات فى السمن حتى ينقلو جيدا تطفئ النار وتضع الدبس على البيضاه حتى يذوب الدبس

بصيطه مو هيك وسريعه

ارجو ان تعجبكم

(((((((((((((((( alessandro))))))))))))))))

Posted by: angel

أولا" بحب رحب بالعضو الجديد alessandro في أسرة المنتدى وانشاءالله بتشبع من الأكلات الشهية اللي رح نتحفك فيها خاصة اذا صارلك فترة طويلة ما ذقت أكلات البلد ...
وبحب ثانيا" طمن العم سليمان انو في عندنا بكندا محلات لبنانية بتبيع كل شي بيخطر على بالك من الكوسا العربية للملوخية للمكدوس ..... يعني لا ينحرق قلبك علينا كثير
بس حابة ضيف تعليق صغير على الأكلة انو نحنا منقشر الكوسا ومنقليها قبل ما نحشيها باللحم والصنوبر ...
وصحتين وهنا...

Posted by: alessandro

اشكرك انجل على ترحيبك اتمنى ان افيد واستفيد منكم في هاذا المنتدى الرائع وقريتنا الجميله الا وهيا (((زيدل)))

واوجه تحيه لكل اعضاء المنتدى الكرام فردا فردا بدون استثناء

وارجو من الله التوفيق للجميع في جميع المجالات

((((((((((((((((alessandro))))))))))))))))

موقع زيدل سوريا حمص .. خدمات تشات و دردشة ... أرشيف المنتدى