الخبر أكيد لطيف كونه بيتعلق بالهوا الخفيف !!.
وهالخبر بتصوري بيهم كل المغتربين الزيادلة اللي مش قادرين يوصلوا لزيدل أو كمان للناس اللي مش قادرة تزور هالضيعة بشكل دوري يعني كل سنة .
كم قنينة معباية من هوا زيدل وبتنحل القصة ....
ولكن بيبقى عنا مشكلة وهي تعباية هالقناني وشحنها لبلاد الإغتراب وخلق موقع على الأنترنيت لبيع الهوا الزيدلي الصحي النقي الممتاز الملوث شوي بغاز مصفاية حمص ....حول العالم وبشرط أساسي .......مايكوووون مغشوش
الفكرة إقتصادية مية بالمية وممكن حدا من الزيادلة بزيدل أو من المغتربين خارج زيدل يتنبنى الموضوع وبسرعة ....قبل مايجي شي واحد متل ((غروناو)) يعبي هوا من فيروزة ويبيعوا على أساس من زيدل

أكثر مايدهشني في أصدقائي وأقاربي الزيادلة هو تحديد الجهات الأربعة ليلاً أم نهاراً عندما يقومون بزيارتي لبيروت ؟؟
لاأعلم سر هذا التحديد بالضبط ولكن أعزي الأمر إلى تحول جزء من الدماغ عندهم لبوصلة ممغنطة بسبب إكتساب هذه العادة منذ الصغر فيقولون مثلاً :

الكنيسة الغربية ....الصالة الشرقية .....بيتهم مغرب ....أو روح إبلي ؟؟ الخ

هذا الأمر يوقعني دائماً في حيرة وتساؤل ورجاء أن يكون الدليل دائماً من الشخص بقول نحو اليسار أو اليمين لأنني وعذراً ولو بدوت ساذجة لكنني حتى اليوم لاأستطيع تمييز الإتجاهات في زيدل بهذه الطريقة بشكل سليم مئة بالمئة ...... وللبرهان أكثر .

في أحد الليالي ذهبت لرؤية صديق في حفل (( حنة عريس إن لم أكن مخطأة )) بعدها حاولت العودة إلى المنزل فضللت الطريق ...ووصلت إلى مكان توجد فيه أشجار سرو عالية ..تسمرت في مكاني بلاحراك لعلني أجد من يساعدني للعودة إلى نقطة علام ....حينها أرسل الله ملائكته وإذ بشاب في مقتبل العمر يأتي من بعيد توجهت نحوه بالسيارة طبعاً وسألته الإتجاه الصحيح نحو (( نص الضيعة )) وبدأ العد :

روحي إبلي... وبعدين مشرق والخ ....وقتها ضحكت من قلبي وقلت له أرجوك هل تستطيع الذهاب معي لأن علاماتي صفر في الإتجاهات الزيدلية .... ضحك هو أيضاً وكان دليلاً لطيفاً .... وعدت سالمة إلى المنزل .


فياعزيزي فايز :

أولاً _ ماذا يحصل شرقي معمل العرق
ثانياً _ وين يعني شرقي ؟

معليش يا زهرتنا أسمحيلي جاوبك عن أخي فايز بجواب واضح وسهل .وأوضح من جواب أختنا كاتيا .
شرقي معمل العرق .يعني غربي البلدية مباشرةً.يعني بيكفي توقفي بسيارتك غربي البلدية وبس شميتي ريحة عطر اليانسون أو شعرتي أنو راسك فتل شوي . بتكوني شرقي المعمل مباشرةً .
بعتقد أني سهلتها عليكي .بس مو أحلى طريقة بذمتك ...

اذا هيك بيقصد فايز ياكاتيا عظيم ...............بيصير الهوا اللي معبا بالقناني صيف وكيف ...ولكن بهيك حال بيصير الوضع خطير.... بمعنى ....منخاف يدمن الزيادلة المغتربين على هالنوع من القوارير كونها أصبحت بتحوى على رائحة أحد أنواع الكحول الهامة ((عرق الميماس الزيدلي ))....وهوا زيدل طبيعي رح يتغيير بين الصيف وبين الشتي .. فشو الحل برأيك

وإن سألتيني رأي بقول ......بيبقى الحل عند رب العالمين .

شكراً لردك اللطيف كاتيا

أما للحكيم فرح يكون شكري أكبر شوي لتنبيهي لها الموضوع الشيق وصدقوني بالصيفية كل ماضيعتوني رح تلاقوني غربي البلدية ....شرقي معمل العرق ... عم أتنشق هوا ملوث بريحة اليانسون والعرق ....أي بذمتك حكيم في عطور بالعالم حتى العطور الفرنسية ممكن تضاهي هيك عطور زيدلية

شكرا للتعقيب الطيب حكيم

موقع زيدل سوريا حمص  .. خدمات تشات و دردشة  ... أرشيف المنتدى

vBulletin Copyright ©2000 - 2008, Jelsoft Enterprises Limited.
vB Easy Archive Final ©2000 - 2008 - Created by Stefan "Xenon" Kaeser