الارشيف - بوظة الشوكولا الأوروبية

Pages: 1

بوظة الشوكولا الأوروبية
(انقر هنا ان احببت مشاهدة الموضوع الاصلي بالالوان و الصور )

Posted by: تامي العيسى

الكمية تكفي 3 إلى 4 أشخاص

المقادير:
صفار بيضتين
ملعقتا طعام من السكر
رشة فانيللا
كوب من القشطة الطازجة المخفوقة
بياض بيضتين
ملعقة طعام من السكر
150غ من الشوكولا شبه الحلوة
بضع حبات من البندق أو اللوز المفروم خشناً للزينة

التحضير:
يخفق صفار البيض حتى يصبح كثيفاً وبلون الليمون . يضاف اليه السكر ويتابع الخفق للحصول على مزيج خفيف وكثير الرغوة . تضاف إليه الفانيللا ومن ثم القشدة المخفوقة .
في وعاء آخر يخفق بياض البيض حتى يصبح خفيفاً ثم يضاف اليه السكر ويخفق معه للحصول على مزيج خفيف .
يضاف بياض البيض الى مزيج القشدة أو يخلط بواسطة ملعقة خشبية برفق .
تذوب الشوكولا شبه الحلوة في المايكروويف ثم تترك لبعض الوقت حتى تبرد قليلاً وتضاف الى المزيج .
يسكب المزيج في وعاء محكم الاغلاق ويحفظ في الثلاجة حتى يجمد .
تقدم البوظة في أكواب البوظة أو تسكب في قوالب زخرفية وتفرغ من القوالب بعد أن تجمد تماماً . تزين البوظة بالبندق أو اللوز المحمص والمفروم .

صحة وهنا

Posted by: Desert rose

شكراً تامي واضح كون البوظة بتحوي على الشوكولا فأكيد رح تكون لذيذة كتير
إنما من إيديكي الحلوين رح تكون ألذ ........
نحنا بانتظار دعوتك كونك بزيدل لنتذوق هالبوظة الشهية ......وفي حال كانت كتير كتير طيبة رح نحنا نجرب نعملها ببيوتنا كمان

ملاحظة صغيرة مش عارفة إذا رح تغيير طعم البوظة :

هل ممكن نلغي ملاعق السكر الثلاثة مشان مريض السكري و لتخفيف الوزن كمان .

شكراً تامي

زهرة الصحراء

Posted by: sulieman safar

وانا عازم حالي كلعادة
شكراً تامي بس بحب نوه انو تذويب الشوكلا لازم يتم بواسطة وضعها في وعاء اشاني من ثم وضع الوعاء في الماء الغالية وهكذا لا يتغير طعم الشوكلا أو تركيبها الكيمياوية في المايكروايف كما هوا الحال مع بعض مواد الطبخ.أما بالنسبي للزينة أنا بفضل انو تصبي حصتي بجاط وتزينيها بالفريز والتوت الأزرق.
شحاد ومتشرط.
سليمان

Posted by: suher issa

شكرا تامي على البوظة
انا ما كتير بحب البوظة بس وحياتك رح جربها شي يوم على شان شوف كيف بتطلع معي
يعني انا مشكلة ان بضل داري حالي على شان ما انصح وما باكل كتير حلو بس والله رح جربها وشوف كيف ورح نقطع الريجيم هل اليوم
شكرا حبيبتي على مشاركاتك
وبدي اياكي تشاركينا بمواضيع عامة كمان وتعطي رأيك فيها
شكرا وسلامي للجميع

موقع زيدل سوريا حمص .. خدمات تشات و دردشة ... أرشيف المنتدى