الارشيف - نعتذر من بعض الأعضاء

Pages: 1

نعتذر من بعض الأعضاء
(انقر هنا ان احببت مشاهدة الموضوع الاصلي بالالوان و الصور )

Posted by: hosam abdulaziz

مرحبا للجميع
اود ان اعتذر من بعض الأعضاء اللذين وضعوا مشاركات بتاريخ 24 و 25 من هذا الشهر بسبب حذفها .

السبب يعود ان المنتدى تعرض لبعض محاولات السطو البرمجي من قبل بعض المخربين و كان لا بد من اجراء خطوات حماية عبر تغيير مكان قاعدة بياناته و هذا يقتضي نسخها و تحميلها من جديد.
فالذي حدث انه تلك المشاركات اضيفت بالفترة التي تلت نسخ قاعدة البيانات
و بالتالي عن اعادتها اعيد عمل المنتدى من النقطة التي سبقت اضافة الأعضاء لمشاركاتهم.

ما بعرف اذا فهمتوا عليي بس القصة برمجية و ليس ادراية من قبل احد الأداريين.
و مثل ما قالتلي سناء وقت خبرتها عالقصة انه تنحذف كم مشاركة احسن ما يطير المنتدى كله.

عذرا مرة اخرة و نترجوا تقبل الأمر برحابة صدر

Posted by: a_aroush

حسام في كثير شغلات منها عم تشتغل لما بدنا نكتب تعقيب بالمنتدى كمان , الصور الموضوعة بالاشتراكات مو عم تبين , و ال tool bars كمان ما عم يبينو , و ال smilys ... كمان الصفحة اللي فيك تكتب فيها تعقيب مباشرة من دون عنوان .

Posted by: حكيم عيون

أخي حسام بسيطة ومو مشكلة . بس لو سمحتو ا حذفولي مشاركتي ب25 الشهر اللي نزلتها رداً على مشاركة للأستاذزياد في لينك لاتظلميني وبعد مانزلت مشاركتي الأخيرة وجدت مشاركة الأستاذ زياد محذوفة .طبعاً حاولت أحذفها فوراً لأنها صارت تبلّي على الزلمة بعد ماحذفتو مشاركتو لكن مانجحت المحاولة .
وقمت بإبلاغ المشرف برغبتي بالحذف لمشاركتي الأخيرة وهي مضى 24ساعة ولسّا المشاركة بمحلّها .
فلو سمحتوا يا مشرفين حذفو ا مشاركتي الأخيرة بلينك لا تظلميني .مع الشكر سلفاً .

Posted by: Desert rose

بضم صوتي لصوت حسام بالإعتذار من كل الأعضاء الكرام عاللي صار .
إنما ماحصل متل ماذكر صديقنا ماكان إلا لحماية المنتدى من أي قرصنة ربما تؤدي لتغييب المنتدى بالكامل .

وللحكيم بقول حقك علينا حكيم طلبك بمحلوا آسفين كتير .
رح يتم الحذف بعد حفظ التعقيب على أمل أن يضيف الأخ زياد رده من جديد وتكًمل هالمشاركة مسيرتها بها الطابع الحلوا اللي صرنا مننتظروا من وقت لآخر .

أما التغيير اللي حصل في تقنية المشاركات فهو مؤقت عبدلله وكله يصب في صالح المنتدى .

تحياتي لجميع الأعضاء وشكراً لكم أناتكم وتقبلكم لما حصل .

زهرة الصحراء

Posted by: hosam abdulaziz

مرحبا عن جديد
شكر كبير للأعين الساهرة على مصلحة المنتدى و اخص بالذكر الأخ و الصديق عبد الله عرعوش.

عبد الله جميع الملاحظات التي ذكرت كانت صائبة و قمت بأصلاحها و اتمنى على كل من يلاحظ اي خلل بعمل المنتدى ان يضيف تعقيب على هذه الصفحة.

اما الأخ حكيم عيون فملاحظتك في محلها و رسالتك وصلت , لكن لم استطع الحكم وقتها على المطلوب حتى تبين ضياع المقالات , بكل الأحوال ناسف للتأخير بتنفيذ الطلب.

هلق حتى نبري ذمتنا نوعا ما رح ارفق كل المشاركات اللي لم تنقل بعد التغيير و اللي بيحب يرجع يضيفها بنكون من الشاكرين اله , و اللي بيحب يقرأها فهي متاحة امامه.

شكرا للجميع و انشاء الله تكون آخر المشاكل التقنية.

Posted by: a_aroush

أهلا حسام ... هذا أقل شي فينا نعمله .

بس لسا كمان كم شغلة .

الصور عند هوية العضو ... كمان وضعه لو كان online أو لاء ما عم يشتغل , في كمان اللينك تبع منتدى النكث ما عم يفتح من الصفحة الرئيسية .

يعطيك العافية و غذا انتبهت على شيء ثاني بخبرك

Posted by: sulieman safar

عجبتني هالعبارة من الغالية سناء............... السطو البرمجي من قبل بعض المخربين .

يسطي عليهم الأبو ملعون وتخرب دريارهم المحبي ليش في عنا شي بيخرب وما خرب من زمان .
شكراً للغالية سناء على التكبير اللائق في منتدانا الحبيب.

سليمان

Posted by: Desert rose

كان بودي ضيف رد بشكل أدبي متميزللتعبير أكثر عن مدى الصداقة اللي بتربطني بها الموقع الحبيب وبأعضائه المتميزيين .
إنما أرتأيت ومن الأفضل إتباع مايقال عن أن خير الكلام ماقل ودل !!!

فبالمختصر أقول /

عندى ثلاثة أولاد مدللين ....والمنتدى هو طفلي الرابع الصغير المدلل ولكن هذا لايعني أن إهتمامي بالمنتدى كان أو سيكون على حساب بيتي وأولادي الحقيقين .....و كل من وطئت أقدامه بيت العاقوري في بيروت شعر بذلك ....والمي بتكذب الغطاس ؟؟؟؟

ولكن إن كان لابد من الشكر سليمان فلي تمني أن يكون هدا الشكر لرفيق دربي الرجل المتفهم المحب الواعي..الذي كان لي عوناً وسنداً في كل أوقاتي الطيبة والعصيبة التي مررت فيها خلال معاصرتي لهذا المنتدى العظيم بتواضعه الذي لم شمل الطيبيين ....فالشكر أولاً وأخيراً لطوني وليس لسناء .

اقتباس:

يسطي عليهم الأبو ملعون وتخرب دريارهم المحبي ليش في عنا شي بيخرب وما خرب من زمان .

مش شي جديد خفة الدم عند ك ياسليمان

عبدلله كمان بيستحق الشكر للأمانة الموجودة عنده في الحفاظ على المنتدى ....والكثير الكثير من الأعضاء اللي مافي مجال لشكرهم لكثرة عددهم فشكراً للجميع .

وبالنهاية لاشكر على واجب

زهرة الصحراء

Posted by: hosam abdulaziz

شكرا مجددا للجميع دون ذكر الأسماء

عبد الله لينك النكث و وضعية العضو متصل او غير متصل ما غيرت فيهم شي لأنهم شغالات من عندي بس بيجوز عندك ما تحدثوا بعد بسبب طبيعة بعض شركات الأتالات , تأكد و خبرني

اما صور العضو ففعلا كانت ناقصة و قمت بأصلاحها
و الف شكر لك.

وقت وسام قرر يقوم بهالخطوة قلي اخي رح نقضي اسبوع ترقيع و تصليح و فعلا بعد بتطلعنا اكثر من نقطة ما منتبهيلنها هلق لهيك بنحتاج دعمكم.

Posted by: a_aroush

اليوم شفتهن صاروا يشتغلو حسام , يبدو مثل ما قلت الشغلة من عندي , لأن ما نطفي الكومبيوتر مبارح , و كل اليوم هون لهيك ما تحدّث شي معي .

أما الصورة اللي بتكون تحت هوية العضو , ما بعرف عم تقول انك صلحتها بس اللي عم يبين عندي مربعات ملونة مو أكثر , و مو مبين شيء من الصورة .

Posted by: h_yasor

السلام عليكم انا عضو بالمنتدى تحيه خاصه للجميع واود بذكر الاخ حسام انه موقع رائع الحمدالله على هذه الصدفه الرائعه اود معرفه المزيد عن قريه زيدل لان نازل الى حمص بتاريخ 12-7 وهل بالامكان من احد من اهل القريه ان اتعرف عليه شخصيا هنالك لكى يعطينى معلومات سياحيه اخوكم هاشم منالاردن

موقع زيدل سوريا حمص .. خدمات تشات و دردشة ... أرشيف المنتدى