الارشيف - وأخيراً كبر حسام

Pages: 1

وأخيراً كبر حسام
(انقر هنا ان احببت مشاهدة الموضوع الاصلي بالالوان و الصور )

Posted by: Desert rose

[align=center]كما جرت العادة وبتاريخ 24 آب ومنذ معرفتي بالصديق حسام وبعائلته الكريمة ،تقوم السيدة والدته بقص قالب من الكاتو بمناسبة عيد ميلاده لتذكيرنا دائماً أن صديقنا حسام موجود دائم بيننا رغم غيابه وبعده عنا ...((لمة صغيرة يعني ))

شارك في إحياء هذه الذكرى ....طبعاً أبو وسام وأم وسام ...الأب جهاد ...سهام جلحوم ..ربال عبد العزيز ...طوني وفرانسواز وملحم وجهاد عاقوري ....وأنا

والصديقة الطيبة جداً سيما صايغ .

في متل هذه المناسبات لاتفيد إلا التمنيات بالخير والصحة الدائمة لصاحب المناسبة ...ولكن مايميز هذا العيد عن باقي الأعياد أن حسام بدأ عامه الثلاثين ومعروف أن هذا العمر عند النساء عمر زهور البساتين ولاأعلم لو أنه يجوز أن نطلق على رجل أسم زهرة في بستان .

وهيك بيكون كبر حسام طبعاً سنة بالعمر إنما هو ي دائماً كبير الفكر منذ عرفته وعرفتموه معي ؟؟ (( هل عندكم شك بما أقول )) ..؟

[blink]حسام [/blink]

[blink]حسام [/blink]

وبالمناسبة قامت الصديقة سيما أيضاً بإحياء ذكرى عيد ميلاد للطفل جايسون طعمة مع لفيف من أقاربه وأصدقائه بالرغم من تواجده البعيد عنها ... بمعنى هي في زيدل وهو في أميركا .....كل عام وأنت بألف خير جايسون وكمان كل عام والطفل توماس عيسى بخير

.

بعض الصور

كل عام وأنت بخير حسام

أي شو هالجمعة الحلوة

عقبال فرحتك حسام

شكراً للصور ربال

صحتين سيما

من كتر الكاتو ماكان طيب كنت رح آكل السكين

من عيد ميلاد جايسون طعمة وتوماس العيسى

زهرة الصحراء [/align]

Posted by: sulieman safar

بصراحة انا كنت ما بدي عايد على حسام ولكن من كم يوم عطانا وعد رسمي انو رح يخطب ويتجوز السني الجاي وكان موجود شاهد ما بيتبرطل . بنائاً على ذاك الوعد وكرامة الحاضرين بالمندى والصور:
الغالي حسام :
happy birthday to you
you belong in the zoo
you look like a monkey
and you act like one too

مني ومن خالتك نهلا وكرستشن وسيمونا وسالينا نتمنا لك أطييب الأمنيات في عيد ميلادك والله يطعمك اذا ما بتوفي بالوعد.
معك 363 يوم فقط
سليمان

ملاحظة للغالي حسام:
يمكن معايدتي ما عجبتك رحت عطلت المنتدى عئال عاد

__________________
if those who hate you make you hate them you lose

ابلاغ المشرف | مشاهدة ip

24 August 2005 12:51 PM

Posted by: maikel

بالرغم من اللقاء القصير معك في زيدل إنما وجدت عندك كل مؤهلات الشاب الطيب لتكون صديق متميز .
بتمنالك كل الخير على أمل لقائك من جديد قريباً إنما هالمرة ببروكسل .

وعن تعطيل المنتدى مابيهم ياسليمان كنت رح ضيف المشاركة ألف مرة كمان

مايـكل

من الشام

Posted by: hosam abdulaziz

ما بعرف ليه سناء بتحب تذكرني دائما بعمري و تعايدني بالمناسبة مع انه انا اللي بالزمانات طرحت موضوع حول الأحتفال بعيد الميلاد هل هو مناسبة للأحتفال او للمواساة.
و فوق هالشي بدها تتبلى علي و تسويني دخلت بالثلاثينات ,
يا عمي انا ما بعترف عهالشي , عمري هلق 29 سنة و 5 ايام فقط , فهل في شي رقم 3 بالنص ؟؟؟؟؟

بكل الأحوال شكرا سناء عالمبادرة و هالشي منه جديد عليكي و عمحبتك الكبيرة لجميع الأعضاء , و يمكن حصة الأسد من نصيبي فيها.
و تكافيكي رح عايدك بعيدك القادم و باركلك بدخولك العقد الخامس من عمرك

اما العم سليمان فشو بده الواحد انه ينكتبله شعر ببلاش ؟؟؟
انا عجبني الشعر و انبسطت فيه , و انا لا حذفت و لا عطلت و بشكرك على اعادة المقال مرة اخرى حتى يتأرشف بصفحات المنتدى.
شكرا عالشعر الحلو و انشاء الله بنقطع الكاتو سوى سنة الجاي بسورية (شد الهمة)

مايكل فرصة حلوة انه التقينا و لو بسرعة في زيدل , تتمتع بهدوء ملفت قد يحير من يتعرف عليك لكن يعرف لاحقا نه آت من تواضعك و ليس لأي سبب آخر.
انشاء الله بتجمعنا الأيام ببروكسل(بيجوز بالأحلام)

انا يا جماعة في عندي امنية بهالمناسبة انشاء الله بتحقق العام القادم و هي اني احتفل بميلادي القادم بسورية مع كل من احب.

Posted by: wisam

[أستعير قول السيد المسيح كي أتمنى لسلفي وأخي الغالي حسام ثلاثين وستين ومائة من العمر والوزنات
وأكرر الدعوة اللتي دعوتها لك بأن يكون العيد القادم في سوريا وسط جميع من تحب بمن فيهم نحن والعروس

من وسام وأبو دويد ومني أخلص الأمنيات بالعمر المديد
وكل عام وأنت بخير يا حسوم

Posted by: liza

انشالله العمر كلو بس مو عزابــــــــــــي

ميلاد سعيد

ليزا

Posted by: a_aroush

كل عام و أنت بخير حسام , و نشالله سنة الجاي بتكون مع أهلك و احبابك ... أكيد مليت من كروت المعايدة اللي مثل هاذ .

Posted by: suher issa

كل عام وانت بخير حسام
واخيرا كبر العقلات لانك وصلت لسن من صغير لكبير ههههههههههه
بلكي بهل السنة منشوف تقدم فكري ووعي اكبر من السنة الماضية
وانشاءلله المناقشات تصير واعية اكتر وتفكير اكتر هههههههههه
بتمنا كمان لا تبكي كتير لانك بالغربة لان كبرت هلق هههههههه
انشاءلله السنة الجاي بتكون في سوريا بعيد ميلادك كما دعيت( بقولو دعوة المجنون مقبولة ) وانشاءلله رح تتحقق هههههههههههههه
والله يا حسام بتعرف ادا ما مزحت معك ما بكون انا سهير لهيك حبيت بهل المناسبة الحلوة انتقم منك شوي لان والله بالسنة جننتني بمواضيعك وبنقاشاتك
لهيك وفففففففففففف فشيت خلقي شوي بما انه على حسابك كل هدا الكلام
ههههههههه
يعني ادا ما مزحت ما بنبسط
رح اكتب مزح على شان الما بيعرف يمزح ويلقا مزح يفكر ان كلامي بس للمزح متل ما اعتدت
هلق عن جد بتمنا ان تحقق كل ما بتريد والله يكون معك وين ما رحت ووين ما جيت
كل عام وانت بخير وعقال المئة سنة

Posted by: hosam abdulaziz

شكرا مجددا للجميع
انجيل شكرا كثير يا اختي على الأمنيات الجميلة التي اخترتها من اقوال السيد المسيح و انا بدوري ادعو الرب للقائكم مجددا بأسرع وقت , لأنه الظروف شاءت ان تكون ساعات لقيانا محدودة جدا .
الرب يحرسكم انت و ابو الويس و ابو دويد (اندرو).

ليزا كل سنة بنجتمع بهالمناسبة و بعدني عزابية بس بأذن الله سنة الجاي ما رح كون لوحدي يا خاطب يا متجوز(بالحالتين ماكلها

) و عقبالك انت كمان.

عبد الله المميز , اضفت لأمتيازك هالكرت اللي ما شفت و لا رح شوف مثله انا فكرته مكتوب بالأحرف الهيروغلوفية بس لاحقا تبين انه بالصيني , فشكرا الك و عقبال ما نبعثلك شي كارت باللغة السنسكريتية بالتعاون مع العم سليمان.

اما سهير فانا مبسوط من كل قلبي لكتابتك الحلوة و اللي اذا بتدل عشي , فهو اني كنت دائما المنتصر بنقاشاتنا و معاركنا الودية و هالشي واضح من كتابتك و قد مانك حابسة(شوي لتطقي)
على كل انا بعرف قلبك طيب و بتتحملي مزح لهيك كنت دائما مراهن عهالنقطة و ثقل دم عليكي.
انا بتمنى سنة الجاي تشاركيني العيد بسورية لهيك جهزي حالك من هلق.

شكرا مجددا للجميع

موقع زيدل سوريا حمص .. خدمات تشات و دردشة ... أرشيف المنتدى