الارشيف - إلى الأعضاء الزيادلة الأحباء ؟

Pages: 1

إلى الأعضاء الزيادلة الأحباء ؟
(انقر هنا ان احببت مشاهدة الموضوع الاصلي بالالوان و الصور )

Posted by: Desert rose

[align=center]بعد عدة لقاءات مع حروفكن الذهبية عن بعد
مع الكلمة المميزة
مع الصوت الرائع
مع الشعر الجميل
مع النثر الصريح
مع الضحكة ....مع البسمة
مع دمعة فرح وحزن ربما

حان موعد اللقاء فيكن عن قرب مع أصواتكن ومع نظراتكن الحلوة .

ولنكون أكثر شفافية رح أسألكن هل أنتوا حاضرين لإستقبال ضيفوكن الزيادلة من خارج زيدل .

حبيت نوه للموضوع لكل اللي وعدني بجاااااااط تبولة يبدى بفرم البقدونس
واللي عازمني على بوظة يشوف محل في ((شوكولاموا )) لأن هيدا البوظة المفضلة عندي
وبتذكر في ناس عزمتني على الملوخية صح ؟
ومارح أنسى عزيمة كاس العرق والكبة المشوية
والعصافير ماتنسوا العصافير قبل ما العصفور يطير لبعيد مع أنو الصياد طار ولكن الله مابيقطع وفي صيادين كتير
وورق العنب ....والكوسا والبيتنجان المحشي .....والخ
والمتة ماتنسوا المته الصباحية ....هي ضرورية كتير .

أما أنا فبقلكن رح كون بزيدل بــــ 10/7/2007...فأهلا وسهلا بكل اللي حبوني وكل اللي حبيتهن في بيت أهلي بيت الأب جهاد جلحوم على أمل لقائكن بصحة وخير إنشالله ....وكتير كتير أشتقتلكن ...ولكن هالشي مابيمنع بأني رح أبقى على تواصل معكن من وقت لوقت ....ليعود الأتصال فيكن بشكل دائم بأوائل أيلول إنشالله ...وهيك رح تبقى الأمانة بإيدين الأعضاء اللي رح يكونوا على تواصل دائماً للتهوض دائماً بالمنتدى وعذراً مني وعن كل من غاب واللي قريب رح يغيب .

092620820....سناء

زهرة الصحراء [/align]

Posted by: wisam

اهلا و سهلا بام ملحم و كل ال جلحوم في زيدل
زيارتكم الصيفية اصبحت تقليد سنوي مفرح منستناه دوم

و العزيمة جاهزة على اللي بدك ياه

Posted by: sulieman safar

ولك يا عمي خلتي شغلي وما عزمتي حالك عليها؟

............ بجاااااااط تبولة ............... ضروري بجاط
.............بوظة يشوف محل في ((شوكولاموا )) .....الله يساعد الخال عبودي ومليح ما طلبتي قشطة وعسل
.............وبتذكر في ناس عزمتني على الملوخية صح ؟ هذا يمكن المسكين شادي الله بدي قول العروس تساعدك على الطبخ.

..............ومارح أنسى عزيمة كاس العرق والكبة المشوية .....أكيد رح تدعي انو كل أهل الضيعة عزموكي على هالأكلي. بيعينهم الله.
...............والعصافير ماتنسوا العصافير قبل ما العصفور يطير لبعيد مع أنو الصياد طار ولكن الله مابيقطع وفي صيادين كتير.........وحياتك الشباب مشغولين بصيادة الصبايا الحلوات ويا ريت تعذريهم عن هالأكلي.
..............وورق العنب ....والكوسا والبيتنجان المحشي .....والخ . يعني فهمنا الملفوف والمحاشي بس يعني شو والخ؟ أكيد هذا اللي بدك اياه بدو يحضر.
..............والمتة ماتنسوا المته الصباحية ....هي ضرورية كتير. اي هلق صدقتي ويا ميت أهلاً وسهلاً فيكي ومني بقول الله يساعد اللي ما بيقدم متي لأم ملحم.
ولكن شو بدكم مافي أحلا من الصيف في زيدل وخصوص في حضور ام ملحم والعائلة الكريمة لأنو اكدوا تمام انو أكبر أكلي وأكبر مشروب رح يكون المحبي والضحك والفرح والمرح واداماكم الله في صحة جميع.
كاسكم
سليمان

Posted by: ziad sattah

[align=center]بالإذن من العندليب الأسمر
--------------------- -

جلست و الحب بعينيها
تقرأ في الفنجان وعود
قالت يا ولدي لا تحزن
فحبيبة قلبك سوف تعود
* * *
إذ أنّ سمائك صافية
و طريقك مفروش بورود

فحبيبة قلبك يا ولدي
ناطرة في قصر موعود
* *
من يدخل حجرتها
من يدنو من سور حديقتها
من حاول فك ضفائرها
يا ولدي بالفطرة مسعود
*
يا ولدي قد عاش سعيداً
من ملك السلّة و العنقود
![/align]==أهلاً ب(بنت الحي )ابنة الحارة الأخت سناء في ربوع زيدل
==بالنسبة للبوظة: و لا يهمّك , عندي محل للبوظة الحموية . و صحتين على قلبك!!!

Posted by: roddain

شقنالكم والله

اهلين بزهرة الصحراء وآل جلحوم والله الحارة اشتاقت .

وعم سليمان صار دورك وبتكمل الشلة بزيارتك للوطن

Posted by: Desert rose

[align=center]وسام وعلى نفسها جنت براقش
فياعزيزي عودتنا دائما بعزايمك الكريمة نشوف ورق العريش والكباب واللحمة المشوية وكاسة العرق الزيدلية والكبسة بالرز المستورد من السعودية

والعصافير ماتنسى العصافير مع أنو الصياد طار ولكن في صيادين كتير وبها المناسبة رح وجه تحية للصياد الماهر كنان بأبو ظبي وقلوا رح نفقدلوا هالسنة ألوا ولعصافيرو .شكرا وسام للكرم لآخر لحظات ألك بزيدل .

سليمان الله يسامحك لو ماعم تشد العزيمة من سنتين لروح لأستراليا كنت صدقت أني شحادة وعم بتشرط ولكن اللي بيشفعلك بعدم الرد هي محبتك اللي بعدك عم تقدمها ألنا ولكل اللي حبك متل ردين اللي منتظر زيارتك .

أستاذ زياد بشكرك كتير ياجار على تغيير بعض الحروف من أغنية عبدل الحليم واللي فيها حولت نظرة الخوف لنظرة حب وإنتظار الوفاء بالوعد إذا نحنا على موعد مع أطيب بوظة حموية عندك صديقي الكريم .

ردين وقت قريت مشاركتك أتذكرت كل لحظة عشناها معك ومع عائلتك الكريمة بكل عشاءلذيذ وكل دبكة فنية زيدلية ..مع أحلى أصحاب وأطيب جيران ... والمتة الليلية

وأتذكرت كم غنية حلوين بيخصوا كل بيت زيدلي كمان :

بين الدوالي بالكرم العالي يامحلا السمرا

تحت العريشة سوا ....

ومن أعطني الناي ........ هل جلست العصر مثلي بين جفنات العنب والعناقيد تدلت كثريات الذهب

أعطني الناي

الى اللقاء القريب وشكرا لكل مرحب وأخص بالذكر الصديقتين سيلين وندى على عزيمة التبولة ...((كبروا الجاط ))....وجورج دعبول جايين من دون عزيمة

زهرة الصحراء [/align]

Posted by: imad_dahi

[align=center]j ai rien a te presenter qu un souffre d amour
et j espere que ca te ( toi ) et ( vous ) sera assez

ZAIDAL LOVE

ImAdoOOo[/align]

Posted by: celine

تكرم عيونك سناء........

قلتلك وبقلك تكرم عينك شو ماطلبتي عليكي مابيغلى....اصلا نحنا مابنرضى بأقل من هيك لاء وبدنا اكتر......وأهلا فيكي ...... وانا عقبت لاني معتبرة حالي منكن وفيكن يعني من اهل البيت ....وانشالله قرب اللقاء اللي صرلنا زمان عم نستناه.............اللي بتحبكن.....سيلين

Posted by: hana safar

ما بقيلي شيء
الحقيقة ما بقي شيء حتى اعزمك عليه غير شوية عنبري عند اهلي وقعدي تحت العرايش مع منى وابراهيم هون كمان جايين ب 10 /8
يا اهلا ببيت ابو ملحم

Posted by: aframn

زيدل في القلب

موقع زيدل سوريا حمص .. خدمات تشات و دردشة ... أرشيف المنتدى