الارشيف - عيب على التلفزيون السوري

Pages: 1

عيب على التلفزيون السوري
(انقر هنا ان احببت مشاهدة الموضوع الاصلي بالالوان و الصور )

Posted by: wisam

من العنوان اكيد فهمتم القصد
هل يعقل ان يشارك منتخبنا لكرة القدم في كاس العالم و لا يقوم تلفزيوننا بنقل الحدث
عرضوا 500 الف دولار على الاي ار تي لنقل او ثلاثة مباريات و ما رضيوا ... طيب عرضوا مليون شو المشكلة ... هلق فيه ناس قالت نص مليون يعطوه للعبية احسن و انا اقول لا لانه اكبر مكافاة للعيب هي حضور جمهوره له و اهله في هكذا مناسبة رياضية مما يرفع الروح المعنوية للاعب اضافة الى لفت انظار الاندية له ان كانت سورية او لبنانية مما قد يحقق له مكاسب على صعيد العقود في المستقبل

على كل مرقت هلق بس لازم التلفزيون العربي السوري يستوعب من الان و صاعدا و يتعود على قصة الاحتكار للبث التلفزيوني الرياضي و ياخد قرار سريع بانه يبحبح ايده شوي لانه هالايام سرقة المباريات من قنوات اخرى او الحصول عليها هدية او بمبالغ زهيدة ولت من دون رجعة ... اليوم كرة القدم مثل كافة انواع الرياضات الاخرى صناعة يعني استثمار و جني ارباح و تلفزيونا لازم يفهم هالخط و يلاغي صيغة مناسبة لتوفير اجور النقل .. مثل رعاية تجارية او غيره

مع تمنياتنا لمنتخبنا بالتوفيق في مباراته اليوم مع البرازيل و ايها الشعب السوري دبر راسك مع شي حدا عنده اي ار تي

Posted by: victorwardeh

[align=justify]معك حق معلم والله عيب يستحو على حالهن أنا متلك سمعت كانو بدهن يشترو بس 3 مباريات تبع سوريا بس المحطة رفضت وقالت إما كل المباريات أما لا وهذا حقها . بس ولا يهمك اذا حدا حابب يتابع المباريات ما في مشكل مقهى الروضى بحمص بانتظاركن وفي السيتي كافيه كمان . بس أنا بنصح بالروضة أحسن لأنو بالهواء الطلق وهنيك كل اهل زيدل وهيك بيكون التشجيع والحماس أكبر وبتصير كأنك بهولندا بالملعب واذا خسرنا لا تخاف ما في ولا برازيلي تفش خلقك فيه إلا اذا التقى شي حموي متنكر بلباس برازيلي . ..اللي حابب يروح يحضر المباراة يمر علي ياخذني معو بس لازم ينزل بكير مشان يحجز محل بالصفوف الأماميه

____________________
فكتور[/align]

Posted by: wisam

فيه كمان مطعم صحارى بحمص و صالة فيروزة ... بس التعليق الطريف اللي قريته اليوم بموقع كرة بيقول
هل ستطحن البرازيل سوريا كما تطحن البن البرازيلي ؟؟؟؟

لنشوف

Posted by: lamia

ههههههههههه ما هني بالاصل اكتفوا بنقل نتائج المباريات على الموبايل هههههههههه

انا تحديدا بترقب النتائج كل يوم لشوف اخبار منتخبنا
بس يعني الهزيمة قبال البرازيل بواحد صفر كتير منيح ... و الله توقعت البرازيل تسجل عليهم شي 10 اهداف

Posted by: sameer

الحقيقة انا نادر ما اكتب ولكني اقرأ
وكل شيئ يحفزني عندما يكون الشيئ عن الوطن. وهنا تحفزت عندما قرأت الطحن و ال10 اهداف .لأنني شاهدت المبارة كاملة.ومن رأى مدرب المنتخب البرازيلي البارحة اخر ربع ساعة من المبارة وهذا القلق والتوتر الذي فرضه منتخبنا عليه والله ستر البرازيل اخر ربع ساعة من ضغط منتخبنا المتواصل والأداء الرجولي الذي لو لعبنا به كل المبارة لكنا طحنا البرازيل وعصرناهم كما نعصر زيت الزيتون هنا.اما هدفهم الذي جاء من ضربة جزاء فأعتقد ان كثير من الحكام لا يحتسبوها.وما فرحة المنتخب البرازيلي بعد انتهاء المباراة الا دليل على ما اقول
والله يحفظ هالمنتخب ولا يصيبه متل اللي قبلو
وشكراً لكل واحد وطني

Posted by: lamia

يا ســــــــــــــــــــــــــــــمير ... هدّي ولو ... ما في شي بيساتهل .... انت فهمتنا غلط ..
وسام كان عم يقول عن التعليق اللي قراه فحسب ..
و انا كنت عم قول بما معنى انو كتيييييييييير منيح ==>>> لاحظ كلمة منيح
انو البرازيل ما سجلت غير هدف واحد ....
و انا وطنية كتير و الماشي ما كنت من الاصل تابعت النتائج لشوف اخبار سوريا
بس بالمقابل الانتقادات موجودة و لا بد منها
انت شفت بسلسلة المباريات الماضية لما فريق عربي شارك فيها تسجل عليه كومة اهداف اي و الله خجلنا رغم انو ما كان سوري ... ....

يعني .. .... ما بعرف

Posted by: wisam

سمير شرفتنا و انشاء الله تضل تكتب من دون تحفيز
بس الصراحة قصة ردك بعصر الزيتون .... فعلا تشبيه روعة و من روح بلدنا و اعتقد انه عصر الزيتون اقسى بعد من طحن البن
و انشاء الله قريبا منتخبنا بيتمكن من عصر كل خصومه عصر الزيتون

Posted by: ayham alkhouri

مرحبا شباب يالبداية مبروك للمنتخب السوري الفوز على البرازيل لأنو بصراحة هالنتيجة هي فوز وليست خسارة
وانابتمنى لو كانت الظروف غير وكنت مداوم بالمطار وقت وصول المنتخب حتى استقبلهم استقبال الأبطال ونفتحلهم شمبانيا بس هيك الظروف ,..................
أما بالنسبة للنقل فأنا متأكد لو أن التلفزيون السوري دفع مليارات الدولارات لياخذ حق نقل المباريات فإن تلفزيون art لن ولن يبيعها لنا وذلك لأن المهندسين السورييين ( الله يخليلنا ياهن ) رح يستغلوا الفرصة ويحاولو يفكوا الشيقرة ورح تنجح معهن لأنهن ملاعين بهيك شغلات وبالتالي فإن art رح تدفع أكثر من ما رح يدفع التلفزيون السوري لتحصل على شيفرات جديدة من الصعب على أي شخص أن يقوم بفكها
وها هي القصة
ودمتم

موقع زيدل سوريا حمص .. خدمات تشات و دردشة ... أرشيف المنتدى