يا عيب الشوم على هالضيعتين

لعل سرعة الردود والمشاركات لموضوعك فايز هو حماس الأصدقاء معنا لمواضيعك الصريحة بامتياز.
لايمكنني إلا أن أستنكر كما تفضل العم ابو هاني وخصوصا أنه مضى لي أربع سنوات بعيدة عن القرية "ومشاكل القرية" ولم أعتد أن أكون من رواد اسواق حمص ولكني لست أدري ومازلت أفكر أن مثل هذه المشاكل هل هي مشاكل خدماتية بمعنى أن الأزمة ليست فقط لكلا القريتين بل للقرى المجاورة ايضا أم أن المشكلة هي إهمال من المسؤولين في زيدل. لا أستطيع أن أعتب على أحد أو أنتقد أحد ولكني أود أن ألفت نظر الإخوة القراء وليس الأعضاء فقط أن مظاهر الترف "والفشخرة" في زيدل وفيروزة "بالموني على اهل فيروزة" لا يجب أن تغرنا وعبارة أن التكاسي ملأت القرية منها الخاص ومنها العام هي عبارة الأشخاص "المتفضيين والفايقين لزمانهن". هنالك اعزائي عدد لا يستهان به من الموظفين والعمال وحتى الأشخاص العاديين "اللي اسمهن ذوو الدخل المحدود اذا بعدكن فطنانين فيهن" يعتمدون في تنقلاتهم على الباصات والميكروهات "يعني كانت الناس تحكي نكث عن الحماصنة هلأ صار في منافس للحماصنة, مكرو خط حمص زيدل". لن أذكر " الانشحة " التي ذكرها اصدقاؤنا في مشاركاتهم ولكن تصوروا معي أن المواطن "س" خرج من بيته في الصباح الباكر وذهب إلى عمله وقضى عدة ساعات "من اللي بحبهن قلبكن" وبعد ساعات التعب الطويلة يعود لينتظر في كافة فصول السنة بحلوها ومرها هذا الباص الذي أتصور أنهم يكتبون عليه "باص" حتى لا يتصور المرء أشياء أخرى, وبعد كل هذا يسحبون الباص من الخط "يعني صابكن على قولة رضينا بالبين والبين مارضي فينا".
خليني كفي بالعامية, اني عم حس انو الناس "او المواطنين" بزيدل وفيروزة بلشو من فترة يحسو حالهن دولة مستقلة وعم يكون الهن كيان خاص خدماتي ومتصورين انو ممكن يستغنو عن خدمات الدولة اللي مثل ما الكل بيعرف بتاخذ وقت طويل للي بدو يستني ولأني نحني ناس بتضل بصلتني محروقة وفي دعم مادي مامننتظر بالدور مثل كل خلق الله وهالسلوك عامل ردة فعل تجاه هالضيعتين من قبل المسؤولين بحمص والكل صار ياخذ فكرة انو يا اخي هذول الناس عندهن مغتربين كثير وهني مجبورين فيهن , فما بالكن اذا اهل فيروزة وزيدل تخلو عن هالحقوق تبعيتهن وحتى انو ماطالبو فيها. وهالسلوك كمان عامل نتائج سلبية اني وكثير اشخاص مثلي مو حاسين فيها لأنو مانها من حياتني اليومية بس هالشي مابيعني انو كل الناس هيك او انو صار المبدأ المتعارف عيله "اني ومن بعدي الطوفان" انشالله كون غلطاني


مع حبي واحترامي
رشاعواد