منتدى آخر سيكون بخدمتكم أحبائي الأعضاء
منتدى الحرية والتحرير .....لفنون الصراحة والتعبير !
منتدى لكل من لديه عتب صغير أو كبير من بعيد أو من قريب ماعليه إلا أن يقترب من هذا اللينك فوحده الدواء الشافي لكل علة وعليل .
أكتبوا مايحلوا لكم وعبروا بالطريقة التي تناسبكم ولكن أرجوكم أبتعدوا عن ذكر الأسماء كي لاندخل بمتاهات نحن بغنى عنها فتعلوا الصراخات وربما يؤدي هذا لنسف المشاعر والأحاسيس ومع تدميرها ستنعدم كل اللقاءات والحوارات والنقاشات .

مثال 1

تكلمت البارحة مع أحد أصدقاء المنتدى على ماسنجر الياهو ولكنه همشني وذبلني ولم يكلف خاطره عناء الرد أو إلقاء التحية بعد أن قرأ الأوف لاين ميساج تبعي ؟؟؟


مثال2

تلقيت رسالة من أحد الأعضاء ولكن وبصراحة مضمونها لم يعجبني كثيراً لاأعلم ماسسبب هذه الكلمات الموجهة لي نكد بنكد شي بيطقق !!!

مثال 3

لي عتب ولوم على طرح أحد المواضيع لكنني لن أذكر إسمه كي لاأقلل من شأن صاحبه ومعقيبيه يعني هيدا موضوع بشرفكن .؟؟؟


مثال 4

قام أحد الأعضاء بإرسال رسالة خاصة لي يقول فيها لن تهمه بعد اليوم صداقتي ولا صداقة أحد من أعضاء المنتدى وأنه يفضل البقاء بعيداً عن كل مايتعلق بالمنتدى قال هيك أريحلوا وأحسنلوا ؟؟

مثال 5

تلقيت رسالة من أحد الإداريين يوجه فيها لي ملاحظة عن عبارة وردت في إحدى مشاركاتي ولكن صدوقني ياجماعة لم أقصد منها ماقصده هو من معناها ...ولك معقول كون هيك قاصد ؟؟

مثال 6

سمعت فلان قال هيك ....وفلانة خبرتني هيك


بالعربي الفصح أخبار عتب بعتب ونكد بنكد وفشة خلق عالطالع والنازل متل السكين وبنصحكم ماتوفروا حدا إنما الشرط الأساسي ماتنسوا الله يوفقكن أنتبهوا ماتذكروا أسماء أبداً حتى ماتعلق حرب أهلية ويصير عنا طائفية محلية وإنقسامات بالخطوط الأمامية والخلفية وتدمير شامل لباقي المنتديات على حساب هالمنتدى اللطيف هاد


وسلامات إلى اللقاء .....نحنا بخدمة كل الأحباء الأعضاء إنشالله مانكون عم نقصر معكن

وبعد حديث قصير على التليفون
ومشاحنة على الماسنجر مع أحد الأعضاء
وفي ظل الحرية والديمقراطية وتحت حماية ووصاية قانون المحبة المهترية
تبين أنو في واحد من الأعضاء الغايبين من وقت عن المنتدى
لامبالي بوجوده معنا ..... ومع أنوا سبب الهجر والبعد بسيط إنما سببلنا قلق شديد.
فعذراً منك صديقي الغائب ......؟

هلق مين بدو يدفعلي فاتورة التليفون ؟؟؟؟؟؟؟؟؟

لو حضرتك بررت غيابك كان ألطف وأوفر على حالك وعلينا ....مال وفكر .
ولكن على مايبدو آخر همك شي أسمو (( شغل البال ))

قال شو الحق على الأنتريت ؟؟؟؟؟؟؟؟؟

والله ياسهير الحق معك هالمنتدى لو من زمان عنا كنا يمكن لامتنا ولاشفنا مين مات ...طبعاً الطرطيش بتلحقنا كلنا

مرحبا سلين

آسفة منت عارفة منتظرة مني رد فياعزيزتي

المنتدى قدامك مفتوح ولكن خلي العتب لغسيل القلوب مش لكسر القلوب ..

كارت بلانش خدي راحتك سيلين ولكن ضمن حدود الشروط والمطلوب


بالمناسبة اذا في حدا بيعرف ليه فتحت هالمنتدى للنكد والعتب بيكون الصديق العزيز مطانس سلامي .....تحياتي مطانس ؟

لكم محبتي

عزيزي عماد

عظيم قدرت تتفاعل بها الطريقة مع منتدى النكد

ولكن الحقيقة ضعنا بين إذا كان هالعضو اللي راح وماخبرك مذكر و مؤنث

إنما أنا بعرف أتنين أعضاء كانوا بالشام بين مبارح واليوم فبالنسبة إلي مافي مشكلة وأعتبرت بأني عرفت مين عالعضو أو العضوة اللي غاب وماخبرك .........إلا الههههههههم إذا في عضو أو عضوة (( رقم 3 راحوا عالشام وماخبروك ))


يمكن نحول هالرد لمنتدى المافيا والجاسوسية ......الخبر هونيك رح يكون أهم وأنسب

موقع زيدل سوريا حمص  .. خدمات تشات و دردشة  ... أرشيف المنتدى

vBulletin Copyright ©2000 - 2008, Jelsoft Enterprises Limited.
vB Easy Archive Final ©2000 - 2008 - Created by Stefan "Xenon" Kaeser