قربت الصيفية ومع الصيفية بتكتر الأخبار الطيبة

ناس رايحة ناس راجعة
ناس خاطبة بدها تتجوز
وناس عقبال العايزين رح تطير من القفص

هلق ياخبر اليوم بمصاري بكرة بيصير ببلاش ......صح !!!

إنما بيبقى دائماً ومتل مامنسمع بعالم الصحافة في خبطة صحفية !!!

ولكن ........!!

بموقع زيدل وابتداءً من اليوم مافي شي رح يكون أسموا خبطة زيدلية ؟؟

لأن هاللينك رح يكون بخدمة المافيا و الجاسوسية يعني يلي بيسمع خبر من قريب من بعيد عن واحد من أعضاء المنتدى عم يشتغل بسرية وبخفة مخفية من ورا الكواليس المهترية ....ماعليييييييي... إلا يدخل على هاللينك ويفشل خطتة الذكية.... ولكن بشرط كتير مهم وهوي أنو نتقيد بالمثل اللي بيقول كل شي بوقتوا حلوا !!!

يعني :

منكتب الحدث اللي سمعنا و بالتفصيل الممل ولكن من دون ذكر أسماء (( متل فضايح الشبكة تمام )) لنحافظ ولو شوي على جمال وسيسبنس هالحدث بوقتوا .

مثلاً :

_وصلني مبارح وبعد نص الليل ومن مصادر موثوقة جداً جداً أنو واحد من العصافير الحلوين .... القريبين من القلب كتير كتير..... رح يطير قريباً من قفص العزوبية..... لينتقل لقفص الزوجية ...للحياة الهنية .. يعني انلطش ...واللي لطشتوا صبية... طيبة وحلوة ....وآدمية ...دراستها الجامعية مهندسة زراعية....... والأهم أنو بيحبوا بعض كتير و بحرية .... ولكن لسوء الحظ مش رح يقدر يتجوز هالصيفية رح يأجلها للسنة الجاية بسبب ظروف عائلية فرح أتمنالوا ا التوفيق سلف ألوا وللصبية .....و بقول ألف مبروك تسلملنا انشالله .... عقبال العصافير الباقية. ....بس ياريت من هلق تحضرها لتصير عضو ة زيدلية .


إذا هاللينك رح يتخصص للجاسوسية وخصوصاً الزيدليه فاللي عندو هلق شي خبرية سرية من مصادر مخفية عن واحد قرب يسافر...أو واحد قرب يجي.... واحد مفكر يتجوز هالسني أو واحد بيحب وحدة بس مش ناوي لايتجوز ولايخطب لبعد الله بيعلم كم سنة ...... أو..... وأو الخ ..... يخبرنا ...وإنشالله.........إنشالله ....منتوج اللي بيكون ألو أكبر عدد من المشاركات تحت هاللينك على راس السنة (( ملك زيدل للجاسوسية )) ويمكن إذا دريت في أميركا يصير عضو مهم بالمافيا الأميركية

(( أسعى ياعبدي لأسعى معك ))

[align=justify]
مو أنا والله يا جماعة مو أنا حتى اسألو حبيب العمر ..دخيلكن لا تطالعوا علينا سمعة بعد هالشيبة وصمود في محراب العزوبية ...هي انا خبرتكن ...انا هيك مرتاح ...سمعتو ا ...مو أنا ...ليكون شي واحد أشقر .. [/align]

ياعبود ياصديقي اللطيف وعلى القلب خفيف
أتفقنا انو المنتدى في الوا قوانين لازم تتقيد فيها


كل شي بوقتوا حلوا


على كل حال مشي الحال فنفرح منك إنشالله السنة اللي جاي بس كان بتقدر تنتظركم يوم تيطلع الخبر على الصفحة الرئيسة كان أحلى ألنا والك .


إنما بتصور رح نعطي الحدث حقوا من دون أي تقصير لأن أنت مش مقصر بحقنا


ومبروك مبروك للجميع سلف صبايا وشباب


ملاحظة :

ياسهير ياعزيزتي حقك تهددي وتتوعدي وتعاتبي وتزعلي إنما بتمنى عليكي وقت تزعلي ويكون الك عتب على صديقك اللي ماخبرك أنو رح يخطب تكتبي بمنتدى العتب والنكد لأن الموضوع بياخد حقوا أكتر ووحياتك أنا رح كون معك لأن صدقيني الحق معك مش مع صديقك ((ماتقصري ))

[align=justify]إي عماد طبش ولا يهمك و أحسن هيك الواحد يضل مطبش مزمر مو عارف من وين الله طابشو ..أنا هلق بدي اطبشو طبشة لعبودي وانشالله ما ياخذها على محمل الطبش ..يعني يكتر خير هالخبر اللي خلا عبودي يطبشنا بسطرين تلاتي من إيديه ويكتب معنا أخيرا شي كنتو مفكروا ما بيعرف يكتب أو ما عندو كي بورد عربي يعني شغلتو بس نسخ طبش . وكمان منيح عبودي طبش الشغلة فيه وطلعنا برا وبرالنا صفحتنا الطابشة أصلا ً ..يمكن طبشناها شوي بس والله حاجتنا يمكن صار لازم حدا يلطشنا لطش ..أحسن ما بكرا تروح علينا على ما فيش ...ويطلع حكينا كل حش بحش . ..شوووووووووووو عماد شكلك كنت تحضر دعاية بطاطا طبوش اللي طبش الدنيا عنا وقت كانت تطلع ...بتذكر كانت تقول : أبو طبوش و أم طبوش وست طبوش وجد طبوش عم ياكل بطاطا طبوش ...بعدين شو صار ..طلعت البطاطا طابشة شوي ..وصارت الشركة بخبر طبوش . [/align]

أحبائي وقبل ما أنقل الخبر التاني بمنتدى المافيا الجاسوسية لازم أشكر كل الأحباء اللي أتفاعلوا مع هالمنتدى المتواضع .....ولكل اللي طبشوا مع عماد .غير طبش .....والحقيقية أنطبشت كتير بتطبيشاتكن

وهلق :

وصلتني ومن مصادر موثوقة جداً أن أحد الأعضاء سيبتعد بعد وقت ليس بالبعيد عن منتدى زيدل وسيكون هذا بداعي السفر ....المغادرة ستكون في 3 حزيران من مكان إقامته الحالية وسيعود مجدداً لمتابعة أعماله معنا في 28 تموز ..... أي بعد شهر خمس وعشرون يوماً وكل هذا سيحصل بإذن الله

والله كتيرررررررررررررررر.....؟؟؟؟؟

للصديق العزيز أقول الله معك ستترك فراغاً كبيراً فقط على صفحات المنتدى ولكن ستبقى كلماتك محفورة في القلب دائماً

أتمنى عليك لو أستطعت أن تقول وداعاً قبل مغادرتك لنقول لك :


روووووووووووووووووح الله يكون معك تروح وترجع بالسلامة ماتنسى توصل سلامنا للأهل

ولكن بيبقى كل شي بوقتوا حلوا .

أكيد ماحدا عرفوااااااااااااااااااااااااااااااا

مش رح طول عليكن بالخبر اليوم بس من الضروري تعرفوا بأنو في عضو مهم رح يغادرنا اليوم ....مش رح يطول كتير ماتنقزوا ماتخافوا ...كم يوم ....للأتنين يعني ولو بتعرفوا لوين رايح??? مش رح خبركن ....بس بدي قول نيالللللللللللللللللللللوا

بس يرجع وحياتكن رح خبركن

الله معك عزيزنا المفارق إنشالله تنبسط .....ماتنسى تتذكرنا ولووووو نحنا حبابك

قال شو عندي شوية تياب لوبتعرفي ياسناء مين رايح ياريت تخبريني لأبعتهن لنانسي تغسلهن
والشب الحلوا عبدلله ....رايح بثيابوا... على إيدي ورجلي ...لعتد نانسي يعني مافي لزوم يبعتهن مع حدا
ولكن الحمدلله أنو مش رايح لوحده .....يعني أسمى رايحة معوا و رح تقوم بها المهمة وتريح نانسي إنما مارح يكون مرتاح عبدلله ؟؟؟

عبدلله صدقني بحب نانسي.... بس بحب كاظم أكتر.... فخبرني الي كيف كان كاظم ...والشباب خبرهن عن نانسي ؟؟؟

إذاً ......................

اليوم وبــــــ3 تموز رح قول للعزيز عبود الله معك ....هلق أنت بالفضا مابين الأرض و السما ....

بعد ساعات رح توصل الشام ومن ثم رح تصير بين الأهل والأصحاب بزيدل ياسسسسسلام !!!

الحمدلله على السلامة سلف .......

هنيئاً لأهلك بتواجدك بيناتهن اليوم وخصوصاً لوالدتك .............اللي مابتكون عاطية فرحتها بلقائك لحدا !!!!

بتمنالك إجازة ممتعة صديقي .....على أمل لقائك قريباً إنشالله في زيدل ...ومن ثم من جديد بــ 28 تموز على صفحات المنتدى

(( ماتنسى عزيمة البوظة إلي وعن سليمان ))

قولكن رح يقرا عبود اللي عم بكتبوا ...

يعني عنجد زعلتيني على الصبح سناء, مابس لانه عبودي المنفوشي رح يغيب عنا اكتر من شهرين, بس لانه حضرتك كاتبه انه رح يرجع ب 28-07 يعني صدق بكلامه لمى قلي رح يضل هنيك وقت انا رح سافر

عبودي توصل بلسلامة يارب و ترجع بلسلامة كمان و حضر الاركيلة الي و البوظة لسناء و عم سليمان و الكورونا لعمادو لانه ماضل شي و رح نلحقك.

الله يساعد سوريا علينا انا و عبودي و عماد معنا كمان

تحياتي للجميع


ندى

اقتباس:

يعني بالزمنات طلع عليك سمعة كم سطر فوق انو بدك تخطب ... بالله بركي بتعملها عن جد

انه عمادو والله حرام تبلي بنات العالم هو صحيح عبودي مافي منه بس بيضل اسمه عبودي المنفوشي يعني حيااام. لازم يستنى لبين ما نطلع عليه اسم جديد بعدين يتقدم يخطب. يعني ما احلاه و هو رايح يخطب يسئله ابو العروس شو اسمك يقلهم عبودي المنفوشي اي والله مابتصير و نحنا ما بنقبلها عليه


المهم الله يوفق الجميع و يرجع المغتربين كلهم سالمين لوطنهم ان كان سياحة ام خطبة و زواج المهم يضلو جميعا بصحة و سلام و سعادة.

فيفا حووووووووووووووووووومص


ندووش

قبل ماقول لصديق عزيز وغالي على قلبنا كتير .........الله معك وتروح وترجع بالسلامة

بدي قلوا الحمدلله على السلامة هلق نايم بالتخت نتيجة سحب 65 بحصة من المرارة .(( قولوا أسمالله ))

مش رح نقول ايمتا رايح وأيمتا راجع تما تعرفوا ...وتشغلوا بالكن عليه

إنما قريباً جداً رح طمنكن عنوا وخبركن آخر أخباروا بوصولوا بالسلامة .............ولكن هلق الحمدلله هوي بألف خير......... ومش ناقصوا إلا لقاء الأهل والأحباب

لا بعد ماوصل لزيدل
إنما وصل على سوريا
الساعة 8:45
بعد ساعتين بيكون بشرق زيدل إنشالله يعني بحدود الـــــــــ11 ليلاً ليقطع المسافة مابين المطار وحمص .
أبونا جورج ألف الحمدلله على وصولك بالسلامة للوطن الحبيب
منتمنالك إقامة سعيدة وموفقة بين الأهل والأحباب ..... شهر بالتمام والكمال منيح
بس اللي مجنني من وين جبت 65 بحصة ....وطمني هل حملتهن معك لزيدل لتوزعهن عالأصحاب والغوالي والأحباب ....لا لالاوبيزيد عندك إذا الله راد .....فخبيلي وحدة إذا بتريد بين ماصير أنا بزيدل كمان

هالعنوان كان أسم لأيميل بعتوا لصديق كنت جربت أتجسس عليه من بعيد ولكن وعلى مايبدو صاحبنا مفكر حالوا أذكى من أنو زهرة الصحراء تقدر تعرف أيمتا رح يشرف لزيدل .
المهم معلوماتي بتقول بأنو هالعضو رح يكون بـــ 10 تموزكأقصى حد بسوريا بينما الرد وصل ليقول بين 1تموز و10 تموز بالنهاية مافي فرق المهم أنو عرفت وتيقنت بأنو زيارته لسوريا صارت أكيدة فانشالله ياعزيزي تقضي إجازة طيبة بين الأهل والأصدقاء وتتمتع تمام بأكل المازة وشرب العرق .

أما عن أنو الجاسوسية جزء لايتجزأ من المحبة هالشي طبعاً بينطبق فقط على بعض الأعضاء بمنتدى زيدل بمعنى مافينا نقول عن جاسوسية كوهين بأنها جزء من محبة ...فكوهين كان خائن إن صح القول ...وجاسوس على أي كان؟؟؟ أما زهرة الصحراء فمابتحب تتجسس على مين ماكان ..بالرغم من أنها بتكن المحبة للجميع دون أستثناء ومابتحب الكل يكونوا بخبر كان .

وهلق

أسمعوا كم خبر كمان ؟

عضو رح يغادر ويوصل لزيدل اليوم صرع الدنية يالتشات فبتصور عرفتووووا.... فتوصل بالسلامة ياطيب (( شو رح ترجع لـــــــــــ ؟؟؟ أو لا ؟؟؟) )

وعضو كمان رح يترك زيدل بحدود 26 من تموز ......فالبتوفيق إنشالله والوداع رح يكون بوقتوا أحلى بكتير

وفي خبر وصل من بعيد مش كتير شفاف وواضح عن مغادرة عضو للوطن الحبيب سوريا بوقت كتيركتير قريب مابيتجاوز الأسبوع ...(( هيك وصلني الخبر )) كمان الوداع رح يكون بوقتوا أنسب بكتير


لكل القادمين رح قول الحمدلله على رجوعكم بالسلامة
وللمغادرين تمنياتي ألكن بالتوفيق..... ربما بتجمعنا فيكن الأيام عن جديد مرة تانية .

وسلالالالالامات

********

طبعاً العضو ماغادر... وأنا مابكون بهيك حالة غلطت بنقل الخبر كوني نوهت بأنو الخبر مش كتير شفاف وواضح ولكن طبعاً مش العضو اللي خبرني ..أنا وبمعرفتي الشخصية قدرت أعرف الحقيقة ولكن كان الموقف محرج جداًُ جداً .. إنما رح نبقى يممممممممكن على أمل نودعوا بيوم .


[align=center] ******** [/align]


أما عن العضو اللي رح يوصل بحدود 10 الشهر وضعه مزعج شوي فهوي مش رح يبقى مع الأهل ولايوم أكتر من 1 /8 للأسف... ولكن يلا 20 يوم أفضل من بلا .....وهيك نحنا منرتاح منوا كم يوم

********

هالخبرين ممكن يكونوا وصلوا للبعض:

الأول _ عصفور كمان رح يدخل القفص الذهبي قريب جداً إذا الله راد وهوي صديق طيب للجميع محبوب ولطيف والأهم أنو مسالم أكتر من اللزوم فمنتمنالك التوفيق عزيزنا بكل خطواتك المقبلة (( بس ياأخي ليه ماعملتها بالصيف )) والله برد بتشرين ....وبعدين هيك هيك كنا كلنا بزيدل .....؟؟؟؟
بس وحياة عيونك الحلوين كنت رح أرجع من البرازيل لشوفك وأنت عم تكبر عقلك وتصير واحد من المتزوجين

[align=center] [/align]

الثاني _ غياب عضو عن المنتدى لعدة أيام بسبب رحلة لبعض المدن الأوروبية.. كمان بتمنى الخيروالسلامة لها العضو ورحلة موفقة إنشالله على أمل نقرا ونشوف بعض الصور عن هالمدن الجميلة متل مانوعدنا

من بعد خبرة ببعض المنتديات لقيت أنو الجاسوسية أجمل شي بالحياة ولكن جاسوسية عن جاسوسية بتفرق بمعنى وقت الخبر بيوصل لعندك بيفرق كتير عن ماتركض أنت ورا هيك أخبار .

طيوبة حبوبة
بانسياب ومن دون ماتشعر بتدخل لتحتل القلب
لقاءتها مميزة بترفع عن كل اللي يتقرب منها الهم والكرب
بتتمنى ماتغادرك ولاللحظة لروحها الحلوة وخفة ظلها
ولكن هبدا حال القدر ...اليوم صديقنا معنا ...اليوم خينا معنا ..... اليوم اللي منحبوا معنا ....وبكرة الضرورة رح تجبروا يغادرنا ويتركنا .
بها الكلمات القليلة رح ودع صديقة عزيزة معنا بالمنتدى رح تترك زيدل بكرة إنشالله بالسلامة كان الي معها محطات متميزة وحلوة

الله معك عزيزتي .... توصلي بالسلامة .....خبرينا قبل ماترجعي مرة تانية وهالمرة ياريت تطولي الغيبة .......مش عن زيدل ..لالا .......عن أميركا




<<>>


زهرة الصحراء

: thanks for the beautful words,i,m sorry for the delate but butter late than never i,ll miss you sanaa and desert rose i wish to go back to syria soon but ????????. i,wan,t some help from almafia to look for
a warda got lost in the desert so if any one can help me to find her i,ll apprachait that so help

قبل ماهز المنتدى بالخبر اليوم رح أرجع ألقي التحية على سلام وخبرها :

بأنو الزهرة ضاعت بالصحرامرة ولكن مش ممكن تضيع بعد هالمرة ...

أشتقنالك سلام ....

أما عن خبر اليوم فيمكن مميز عن باقي الأخبار لأنه حدث رح يصير بعد غياب طويل لعضو معنا بالمنتدى .ورح يتم اللقاء معه وبزيدل لأول مرة في عيد الميلاد المجيد إنشالله
فبعد كم يوم وبالضبط في 21 من هالشهر رح يعانق هالعضو من جديد أحباءه وأهله بزيدل واللي غادرهم من وقت مش قليل ...أفففف

فالحمدلله على السلامة سلف ....وتسلملي ماتنسى أنك بزيدل يعني خففلي شوي من توزيع البوسات والقبل ....وبلاها هي :

أم فلان ...... وبصوت عالي ......وتروح هاجم عليها ...........

خلص هونيك غير هون ...بزيدل لازم تكبر على هالحركات .... وتحس أنك صرت شب

وهلق بعد هالنصيحتين بتمنالك كل الخير بين أصحابك وأحبابك واذا لقيت شي عروس على ذوقك خبرني وحتى اذا انت ماخبرتني رح يوصل الخبر وينتشر عن طريق هالمنتدى اللطيف منتدى المافيا والجاسوسية

(( أعتبره تهديد ))

أهلا فيك lobnan
وتحياتنا لكل اللبنانيين وين ماكانوا موجودين بلبنان أم خارج لبنان
المنتديات كلها بأمرك صديقنا فشارك فيها على ذوقك .
بس شو قصة لبنان 1000

أما عن مشكلتك في أنك ماعم ماتقدر تسمع الأغاني كل الأغاني متل مافهمت رح أنقلك رد الصديق حسام على هالموضوع من تعقيب سابق وهيك بتكون أنحلت مشكلتك .

مش ممكن يقول غير الحقيقة وبأمان

واثقة منوا وكلاموا دائماً عالميزان
مش عارفة شو سبب هالتغيير وهالدوران
هل البعد عن الأهل ممكن يعلم كل شي للإنسان
أو عشق الأكل بيخلي البني آدم يصير فنان

أنا بعد ما اسمعت اليوم صديقي الطيب صاحب العيون الحلوين والقامة الممشوقة واللي بيسهر بزيدل للساعة أربعة وبيوعى تاني يوم الله بيعلم أي ساعة آمنت حقيقة بأنو الحاجة أم الإختراع لامحال .

جاسوسيتي اليوم بتتعلق بالمطبخ والطبخ وصدقوني بعدها الخبرية طازة وسخنة وطالعة من هونيك من محل كتير بعيد ....واللي رح يعرف من وين رح يكون ذكي وشاطر ومن نوعه فريد وبيطلعلوا

أسمعوا ....

شاب مغترب يحشي :

3 كيلو بيتنجان

2 كيلو كوسا

وملفوفة وزنها 3 كيلوا ....إذا مش أكتر
و200 قرص كبة

بعرف بأنو هالخبر مابيناسب النسوان والصبايا كتير لأن رح يصير هالشب مضرب متل للأخير

ولكن والله كمان ظلم ماكنا نقلوا الله يعطيك العافية... محل مايسري يمرى ....وإنشالله تكمل عزيمتك على خير...ويارب .....يارب عطي هالموهبة لكل الرجال والشباب آمين

م: عند سؤالي لها الحبوب هل في طباخة بتساعدك كان الرد

(( شو هالشباب مابينحكى قدامهن شي صح ...صديقتي اللي رح توصلي قريباً ))

لا والخبر التاني أعظم بكتير وهوي ............لالا ......كل شي بوقته حلو

رشاااااا

و الله ناس مثلكم مافي انا و الله صار كل مرة ادخل فيها لمنتدى زيدل اكتشف فيه كل جديد و الله ضحكت كتير و استمتعت كتير و اهدي لكل عضو بهل المنتدى الف وردة و وردة

__________________________________
الى امي ... جرحك جرحي.... روحي في روحك

ماكنت عارفة حالي مهمة هالقد بالإستخبارات والمخابرات إلا لمبارح عند اتصالي هاتفياً بالعزيز عماد للإطمئنان عن صحتوا وتقلوا بأنو إشتقنالوا وإذا رح تسمح ظروفوا نلتقي في كمان بها الصيفية .
وبسرعة وبعفوية ومتل النقزان عند سؤالي الأخير بيرد عماد تيقول :

لالا مش رح قلك ....ليه حتى تروحي تنقلي بمنتدى المافياً والجاسوسية
عماد بطمنك عزيزي مافي خبرية بتمرق إلا ماتدرى فيها الزهرة وتتصدق........ سماع هالكم خبرية :


أولاً _ الحمدلله على سلامة سهير واللي اليوم صارت بزيدل .
ثانياً _ العضو اللي ما كان مأكد بأنو رح يجي لزيدل بآخر نيسان إنشالله بيصير فينا نقلوا الحمدلله عالسلامة ياريت تطول الزيارة متل السنة الماضية
ثالثاً_ في قمر صرلوا فترة غايب عن المنتدى عضو مهضوم كتير ولكن وعدنا بإذن الله مش رح يطول غيبتوا أكتر واليوم يمكن يرجع بعد كسوف القمر
رابعاً _ وهيدا الخبر مش كتير مهم ومابيعنيني كتير سمعت بأنو في عضو عالأكيد رح يكون بأول تموز بزيدل ....ووووو ...يلا بلا ....ووووووووو كل شي بوقتوا حلوا
خامساً _ عضو بالمنتدى بآخر نيسان إنشالله رح يدخل القفص الذهبي ويرتاح من قرف العزوبية
سادساً _ مافي سادساً لأن السادساً يمكن تعمل بها المنتدى قصة كبيرة


شهيد السهاد شكراً لتواجدك الخفيف بها المنتدى بتمنى تشاركنا يشي خبر من أخبار ك الجاسوسية .

و الله الك انت الف شكر و شكر

و منايا اشارك بس انا مو من زيدل

اليوم صار فينا نقول مين هالعضو بعد أسئلة كثيرة عنوا ...مع أنو بعد ماوصل ولكن بكرة إنشالله بيكون ببيروت ....ومن بيروت بياخد تاكسي متل ماقال لزيدل .....بعد ماكان مخطط بأنو نروح نحنا نجيبوا من المطار .
عبدلله عرعوش الحمدلله على السلامة سلف .
يعني عن جد مش مصدقة رح شوفك بكره

أهلا بالــــــآروش آسفة مافي طول بالخبر أكتر من هيك .
بس يعني صدقني لو ظابطة القصة ما كنت رح أرحمك أكتر ........هيك منيح !!!!
الله ماعندوا حجار تيراشقنا فيها وأنا قلبي طيب وكل شي بصدق

خبرني بشو بتحب تشرف من المطار يالتويوتا برادو ....أو بالراف فور ....أو بتاخد تاكسي أحسن
ووين بتحب تنام عنا أو بالأوتيل أريحلك ...............

يعني سهير و قطعت الامل اني شوفها الصيفية هي, و كمان عبدالله والله زعلت كتير هلا انا.

ندى

حبل الكذب قصير
ولكن نحنا ممكن نطولوا كتير
إنما بالخبر الأخير وهوي سفر عبدلله لبيروت وبعدين لسوريا واللي شغّل ناس كتير ...مالازم نطول الحبل بعد أكثر .
القصة كانت مهضمومة والكذبة كانت حرزانة .
بيقولوا حسب نواياكم ترزقون

أسمعوا شو صار :

1 نيسان عيد الكذب بالعالم إن صح التعبير بيبعت عبدلله أوف لاين ميساج عالياهو بيقول في بأنو الخميس رح يوصل لبيروت ....من سوء حظ عبدلله ومن حسن حظي الأوف لاين مابيوصل !!!!
بعد يومين وقبل الخميس بيرجع عبدلله بيحكيني ليخبرني بأنو رح يوصل الخميس على بيروت .
وأنا هون شهقت وقلت واووووووووووووو عبدلله عظيم رح نطلع الخميس ناخدك من المطار ومنروح عالبيت وبعدين منشوف شو بتعمل .
عبدلله بيرد ....يعني بستقبلوني
سناء بتقول ولو عبدلله هالحكي معقول
عبدلله بيرد ببرادة وبيجاوب :
كان ممكن كل هالشي يصير بس قبل 1 نيسان .
هون عرفت وفهمت أني أكلت الضرب وعبدلله كان ناوي يطلعني عالمطار لأستقبله ووقت أوصل وبحبش عليه ما الاقي حدا ...أرجع جارة وراي ذيول الخيبة
الحقيقة كبرت القصة براسي .....ونطرت كم يوم .
بعدها حكيت مع عبدلله وأنذرته بأنه لازم يعتذر ....يعتذر وبس ...وبعدين ماعديت ...1...2...3 عبدلله عند وما أعتذر .....يمكن ماكان عارف على شو بدو يعتذر !!!
فضفت أنا الخبر ....وبعتلوا اللينك وقلتلوا ......الحمدلله على السلامة عبدلله تبقى طمّنا على الأهل بزيدل

ناس فايقة رايقة .... هيك رح تقولوا ...يلا بسيطة !!!!

هلق الإشكال اللي صار بعدين هوي تساؤل العضو اللي كان مقصود سألني وقال :

فكرت بأنو أنا المقصود بالعضو اللي رح يوصل لزيدل ....وهون قلت خلص بيكفي كذب وأعترفت وأعتذرت وقلت :

بعدك ومازلت العضو المقصود بالمكتوب ماتواخذنا رح نرجع نعلن خبر وصولك القريب لزيدل .

عبدلله تعيش وتاكل غيرها ...الله ماعندو حجار تيراشق فيها .ألك يوم ياظالم ...وين بدك تهرب

والله ياجماعة الخبر اللي بيجي لعندي مش أنا بروح لعندو اااا
وآخر خبرين :

الأول عضو من المنتدى إنشالله بيكون بــــــــــــــــــ؟؟؟؟ أيار بزيدل ....ياربي نجينا بخاف قول أيمتا بالضبط
الثاني عضو رح يتواجد بكرة بعد الظهر بالشام وانشالله رح كون أنا باستقبالوا ............بس أكيد مش كرمالوا

الحكي كتير مابفيد ويمكن يفسد الأكل متل الملح الكتير بالطبخة .

توصلوا بالسلامة ياحلوين والله كتير أشتقنالكن ...وعقبال..... ماأطلع لأستقبل باقي العصابة .

مابعرف إذا صديقتنا رح تلحق تقرا الرد قبل ماتغادر للسفر المحضر بعد ساعات لأوروبا ومن بعدها لسوريا إنشالله الله وتاريخ الوصول لزيدل رح يكون بـــ 8 أيار إنشالله فتصل بالسمة أيها العضو العزيز وسبحان من رح يريحنا منك كم شهر

سلام أنجيل شكرا على التهنئة بوصول الأب جهاد واللي صادف وصولوا مع وصول العزيزة ندى اللي غادرت هولندا لمدة 15 يوم سبحان من ريح كمان ....مع تمنياتي أني أرجع أستقبلها مع الأب جهاد مرة تانية بشهر تموز إنشالله .

أنجيل رح ننتظر إعلان تاريخ خبر وصول هالعضوين واللي بتصور رح يكون بأوائل تموز إذا مش غلطانة !!!...فالحمدلله على سلامتهم سلف وإنشالله يقضوا مع بعض أيام حلوة !!!!

وبيبقى الخبر اللي هلق عالنار ....... والأهم والأقوى...... هوي :

محاولة أحد الأعضاء القيام بزيارة لــــــــــ ؟؟؟؟ "أحم أحم" .....وذلك بتقديمة طلب للسفارة وبتصور المقابلة ب2 أيار....... فـــــــــ يابضل ..يابفل .....وبكل الأحوال ماتزعل عزيزي ..... إذا فللوك ...يعني شحطوك ....بتبقى الأيام قدامك وإذا كنت شاطر متل غيرك أكيد رح تقوم بها الزيارة .....بس ليه مخبي دخلك هالقد ...أنو بدها كل هالسرية

سناء من منتدى المافيا والجاسوسية

والله ياجماعة عم جرب أهرب من هالمنتدى
ولكن للأسف الجاسوسية لاحقتني لاحقتني .

اقتباس:

المشاركة الأصلية كتبت بواسطة angel أما الخبر الثاني فعم نستنى ايمتى رح تنور كندا مرة ثانية ويمكن يكون قريب أكثر ما نتصور

مابتصور كتير قريب أنجيل القصة بعد بدها شي 3 أشهر إذا مش غلطانة ويمكن شوي أكتر ....صح
أما الخبر اللي اليوم رح أنقلوا بأنو رح يكون لسورية شرف أنها تنور برجعة الأحباب بأول حزيران قبل ماتنور كندا إنشالله بأول تموز ..... بمعنى صار صعب ينوروا هالشخصين سوا بكندا وبنفس الوقت

للعزيزة سيما بقول الحمدلله عسلامتك ياغالية ولك أنو مبارح ودعتك بنفس المنتدى لحقتي ترجعي عزيدل أهلا أهلا سلالالام بالقلب والله مش بقلبي بقلب غيري دخيل الله
خبرينا كيف كانت سياحتك بأوروبا ....!!!! .........قولك بخبر هالشعب شو صار بفاتيما أو بخليها بيناتنا .

للصديقة ندى كمان بقول الحمدلله على رجعتها من سوريا لهولندا بالسلامة مع تمنياتي بأنو تكون قضت وقت حلوا مع الأركيلة والتبولة *************** ناطرينك كمان مرة بالصيف بإذن الله .

الى اللقاء ...مابطول برجع في خبر رح ........يهزززززززززززز الــــــــــــــ ولا يلا بلالالالا !!!!!!!!!

شو معنى يبقى منتدى الجاسوسية إذا ما اتجسسنا أو نقلنا من وقت لوقت وقبل بوقت شو أخبار الشب وشو وأخبار الصبية .
اليوم الخبر كتير حلواااا والحلوا في بأنو رح نحبس عصفور رابع من عصافير المنتدى بالقفص الذهبي .....قريباً وقريباً وقريباً جداً

يعني رح يزيدوا العاقلين عاقل جديد بالعالم

إذا وبينما نعلن الخبر للمباركة بشكل جدي إنشالله ....وندعي لها العروسيين بالتوفيق وبالرفاه والبنين ..أتمنوا معي ياصبايا بأنو نحبس عصفور خامس من عصافير المنتدى بالقفص ....بس قولكن مين رح يكون مين ؟؟؟؟ ياربي مين...مين ....فكروا معي وقولوا إنشالله هالمرة مابيكون شب بتكون صبية ...أو الأتنين .... آمين

؟؟؟؟

زهرة الصحراء

انا كمان بدوري بقول من هلا للعضو الي حكت عنه سناء الف مبروووووووك و عقبال التمام على خير

سناء قالت انه رح يزيدو العاقلين واحد انا رح قول رح يزيدو المسجونين واحد

اما بلنسبة الي ف حياة الحرية لساتها عاجبتني و مستمتعة فيها لبين ما الله يفرجها و يهديني و يبعتلي ابن الحلال الي بيخليني اتخلى عن شعاري 'الي ب بيت اهله على ( اقل ) من مهله ' و وقتها رح قول الشعار هدا انتهت صلاحيته و مدته ( بعد شي 99 سنة تقريبا )

اقتباس:

لهيك انا بنصحكم ما كثير تاخذوا بالحكي اللي بينكتب بهالقسم و خصوصي اذا كان مصدره امرأة!!! على كل لازم نصير نسميه منتدى الأشاعات و تلفيق الأخبار

مع الأسف اليوم مابقدر رد على هالكلام من شخص أسموا حسام معتبر حالوا رجال .....طاير عقلوا بطابة منفوخة هوى بها الأيام .

ولكن وللأمانة وللدفاع عن النفس فقط وليعذرني صديقي الغالي .... رح وثق تاريخ زواجه السعيد واللي مازال محفوظ بينوا وبيني أكيد لحد اليوم .... وهالتاريخ رح يكون موافق لـــ 5 آب .... وهيك مابيكون النقل عبارة عن إشاعة لذلك بــــــــــــــ هالوقت حضروا حالكن لنبارك لأحلى عروسين
وبالتوفيق ياعزيزي بإذن الله .
أما عن كذبة عبدلله فهي أصلاً كانت عبارة عن كذبة نيسان وكان لابد من الرد على عبدلله الصاع صاعين
و عن العضو اللي حكت عنوا الصديقة ندى واللي بجهلوا وأنابريئة من معرفتوا تمام لأن أنا مابعرف إلا الأعضاء الشباب بها المنتدى اللي الصبايا الها فخر بأنو تلزق فيهم كل العمر .

بسعدني و بيشرفني اعلن عن اول خطبة عضوة من اعضاء المنتدى

عضوة كلنا بنعزها و بنحترمها و الها مكانة خاصة عندي انا و بشكرها انها فرحتني بهيك خبر

بس لسى ما عزمتني على الخطبة ههههههههههههههههههههه

يعني ياسلام منك قليلة بالجاسوسية
بس اذا حسبناها شوي بأنو اللي جاي عضو قديم بعد أربع أيام الحساب بيكون سهل كتير وبيطلع حسابي مظبوط وببين أنو مافي غيروا هالعضو المهضوم اللي كان شي وصار شي ....وإذا عم يقرانا رح يكون عرف حالوا ...فأهلاً وسهلاً في ...ولوو ...زيدل زيدلوااااا .....بكل الأحوال شكرا عزيزتي للخبر اللي مش كل الناس بتقدر تحسبها لتعرف مين هالعضو ...بعدين إذا عضو قديم شو بيهمنا أمروا .

ماتزعل عزيزي بعدك بالقلب صدقني .

أما عن الخبر اللي ندى سبقتني علي فأنا سعيدة كتير ياندى بنقلك للخبر مع أنو وعدت هالصبية الرقيقة بنقلوا بجاسوسية خاصة ومميزة ولكن هلق مشي الحال .
فـــــــــ28 إنشالله منبارك رسمي بخطوبة أول صبية من صبايا المنتدى .
وهيك بتكون طارت أول عصفورة من عصافير المنتدى .... لتروح وتحبس عصفور طاير بها الدني بأحلى وأغلى قفص ....قفص الحب الذهبي ...اللي بتمنى وعن قريب كتير تنقلوا بكل خفة لقفص الزواج الألماسي ...وعقبال باقي الصبايا

والخبر الأخير يمكن شوي سئيل وهوي عن عضو بالمنتدى بعد كم يوم بيكون بزيدل ...بس بينوا وبين نفسوا عم يقول بأنو مش حابب هالصيفية الزيدلية هالسنة ...يعني رجل لقدام ورجل لورا ...وقال مش عم يلاقي سبب لهـــــ الإحساس ....فإذا حدا من الأعضاء لاقالوا ياه ياريت يخبرني تأرجع أنا خبروا

بس انا عندي خبر جاسوسي جديد ( يمكن صار قديم هلا )

صديق و اخ غالي علينا كلنا بيكون وصل مبارح بليل لزيـــــــدل . للأسف الصديق هدا ما قدر ينزل معنا بلصيف لسوريا لاسباب خاصة و هلا قرر ينزل يقضي شهر بسوريا مع الاهل و الاصدقاء. يلا انشاءالله السنة الجاية بنقدر نلتقى بسوريا مرة ثانية.

انا بقله بتمنالك اجازة سعيدة بسوريا و لاتنساانا

شكرا ندى لمتابعتك لأخبار أصدقاء بمنتدى زيدل
أي نعم ماقدر يجي بالصيفية فأجا بالشتوية
ومع أنو في فرق كتير بزيدل بين الصيفية والشتوية (((( آحوح شو بدي خبركن )))) بس الأهل حلوين بكل وقت !!!!!
المهم... يومين ومنرجع منقول لها العضو اللي رح يغادر زيدل 13 /11 الله معك ياغالي إنشالله تكون قضيت وقت حلوا مع أهلك وأصحابك وحاول نشوفك هالسنة بالصيفية بلكي منفرح منك .
نصحيتي ألك :
أتجوز على صغر بترتاح على كبر
"أسئال مجرب ولاتسأل حكيم "

أما الخبر التاني واللي بتذكر كتبت عنوا العام الماضي قريب هالأيام هوي وداع صديقة غالية وعزيزة على قلبي بكرة .
هيك الأيام ياعزيزتي يوم ألك يوم عليكي
عني أنا رح أشتقلك كتير
وعلى أمل نشوفك السنة اللي الجاي بس مش لحالك (( من دون تعليق الفرح للآخر بييقى أمنية للجميع ))
الله معك من هون
والى اللقاء في زيدل بكرة ومن ثم وداع آخر.... ومن لقاء ولقاء ولقاء دائم إنشالله

عـــــــــلاقونا

اللي ببيت أهلوا على مهلوا
قال شو معقول المدام تمرق بالسيارة وماتقلي مرحبا
وحياتك ماشفتك ياعيوني
أنا بسوق وعيوني بالسما
الله رحمك



بعدين مش على أساس حضرتك فليت
ولووووو بتضل بزيدل ومابتخبرني
و
نقطة عالسطر
وحدة بوحدة طلعنا خلاص

ومن ثم وين هالغيبة

يخرب زوق هالروووومات شو طيرت ناس



زهرة الصحراء

في كتير أخبار محلية
وكمان في أخبار عالمية
بس للأسف أنا حذرة من إضافتها خوفاً من زعل أصحابها !!!!
مع أنو ماتعودت خاف من حدااااا
إلا من رب السما

خلينا نقول إحترام رأي أصحابها " أظبط "
لذلك رح أنقل خبرين خفاف ومابيزعلوا ....
الأول : عن صديق عزيز إضطر ينام كم يوم بالتخت بسبب وجع بالمعدة ولكن الحمدلله عمل واجباتوا وزار الدكتور واليوم قام متل القرد بسلامتوا ..." سلامتك ياغالي عليي ياريت بقدر آخد عنك "
الثاني : خبر شوي زعلني ....بس كمان فرحني ...مش فرحة كاملة ....بس إنشالله بتكمل هالفرحة ....قولكن بتكمل

أنا مابتفرق معي من وين ماكنت
فوارزي ....زيدلي ...صدي ....وحتى لو من مسكنة
المهم تكون جاسوس
وتجبلنا أخبار الفوارزية + الأمة الصدية
بس بدك أنت تنتبه لحالك مايخبروااااا فيك الفوازية
ويطلّعوا فيك حكم بنقلك شحط من فيروزة لزيدل معلق بش موتور أو بشي تراكتور
أهلا بالجاسوس
emado1نورت هالمنتدى والله
matrexلازم تنقل أخبار مظبوطة ....وإلا رح صنفك جاسوس من الدرجة التانية ....يعني صحيح ممكن أشتري 5 كيلوا خيار من عـــــــــــالــــــــــــــ عربية ....بس لازم تقول بأيا شارع

شكرا للطافة الرد ....وخبرني من حمل الخيارات عالبيت

ياجماعة الخير لا بترتاحوا ولا بتخلوا حدى يرتاح منكم
لك الزءزوءة مخطوفة والداعي محسوبكم خاطفها حتى ترتاح من ابو الحس وتجاربو
اي والله شي بيعقد يا جماعة يوم عم يخترع ويوم عم يجرب ويوم الغرفة بطلت تفتح
ويوم ما بتوصل الرسائل الخاصة على الصندوق
ويوم قال شو المنتدى ماعم يفتح بسبب قيام ابو الحس بتجارب نووية

اي والله والله شي بيخلي الواحد يعصفر يوووو
الزءزوءة مخطوفة ومارح رجعلكم اياها لحتى تدفعوا
بالبزنس مافي يا امي ارحميني
قديش بتدفعوا؟؟؟؟
واذا ما دفعتوا وبالدولار مارح رجعلكم اياها لحتى تعصفروا كلكم
قال عصفورية قال اي رح تعصفرنا والله يا ابو الحس
لاء وفوق كل شي بيقلي المشاكل من عندكم
وكانو هوي ملاك الرحمة
المهم قديش بتدفعوا؟؟؟؟؟؟؟
ثقلوها ترى والله مارح ارضى غير بالغالي

ماكنت غايبة ..كنت عم بشتغل بديبلوماسية
والديبلوماسية السياسية الجاسوسية بتقول :
كان لازم يبقى حدا من حزب الحلاوة والدلع برات الحبس
أقله لتخليص العضوات الجميلات عند آخر مرحلة من الأسر وتنجيتهم من أيادي الشر والغدر والتصدي بقوة لإفناء هالسيل الجارف الزاحف من حزب التماسيح نحو عضوات حزب الحلاوة والدلع.
مابعرف مريم كيف خليتوهم يجرجروكن هيك وببساطة عالقاووش
صحيح متل ما اتفضل البعض وقال بأنو الحبس للرجال
بس مش كل رجال رجال ...صح !!!!

وبعدين إتطمنوا و ماتخافوا كتير عالزهرة
الزهرة ربيانية بصحرا
و لو فقدت مرة صبرها ......بعمرها مابتفقد عطرها
الله القوة عاطيها .....وبقلبها بيبقى سرها

شكرا مريم لحرصك على الزهرة وحمايتها من هالمجموعة المدمرة للنفسيات الجرئية ومنعهم من محاولة غزو الصحرا لأسر زعيمة حزبنا الجميل الموقر .
__________________________
وهلق هون حطنا الجمال ...ورح يكون إلى وقفة طويلة شوي بالرد على أحد أعضاء حزب التماسيح لابل زعيم التماسيح الأول والمدعو حسام عبد العزيز :

أولاً _ أقسم بالله خالق الأكوان.... أنو اللي بيتعرف عليك .... من السنة الأولى ضروري يزور العصفورية !!!!.......وبعد 6 سنين تقريباً لازم يكون صار معوا إقامة دائمة بسبب طبعك العنيد .
ثانياً _ ولك كل عمرك مابتعرف تكتب حرفين عالقافية ...من وين جايب كل الرتابة بالكلام ....شو كان نازل عليك الوحي
ثالثاً _ كيف عرفت بعد البحوشة والنكوشة من مريم وحبيب العمر إني بالعصفورية ...ومين العصفورة اللي عليي دلتك .
رابعاً _ والأهم إسمعلي هالغنية القديمة سماع ووقتها لكل حادث حديث .
خامساً _ إنشالله ياحسام مابطول وبمنحك شرف حمل الــــــــ green card....لمدة 3 سنين بالعصفورية واللي حضرتك منحتني ياه ...ومن بعدها بإذن الله رح إسعى بواسطة مدعومة لمنحك الجنسية العصفورية .

تحية خاصة من منتدى المافيا والجاسوسية لكل أعضاء زيدل الأحباء وأخص بالتحية :
الدكتورة مريم ...الطيب حبيب العمر ....سيلفانا ملكة الشعر الأولى في منتدى زيدل ... وعبدلله ...وعبودي ..ويلا ولحسام كمان بحيث عمل جهد وراح زارني بالعصفورية
بشرفك الواحد يبقى بالعصفورية مش أريح

زهرة الصحراء

أهلا بهالطلة أهلا .. أهلا بهالعين الكحلا

رح جبلك وردات الدار.. تتقلك أهلا و سهلا

ملف مرفق 2727

حدا بيعرف شأد حلوة ال

Desert Rose

إذا حابب يعرف

ما يطلّع بهالوردة

لازم يعرف Desert Rose اللي معنا

أهلا برجعتك سناء و الله يعطينا الصبر مثلك على حسام

لو صفّت الشغلة بس بالعصفورية سهلة .. كيف تقولي رنيم هلأ لكن

شو بدها تقول .. الله يعينها

الحمدلله على سلامة الجميع ....خصوصاً لرشا بعد غياب طويل .
تمنيات بإقامة طيبة ..والى اللقاء في زيدل انشالله ...والجاسوس فيكن يعرف ايمتا رح يكون هاللقاء
.
.
أما الخبر :
.
.

ففي عضو رح يوصل لزيدل خلال ايام ...عضو بيحب الأركيلة والمتي كتير ....حنطي اللون ....مهضوم ...وصاحب ضحكة حلوة كتير ....

....وووو((؟؟؟؟؟))

.
.

اقتباس:

حدا بيعرف شأد حلوة ال Desert Rose إذا حابب يعرف ما يطلّع بهالوردة لازم يعرف Desert Rose اللي معنا

عبدلله ...ولو مأخرة ....انا عاجزة عن تقديم الشكر لصديق عزيز متلك .
تمنيات كبيرة كمان ...بلقاء قريب معك ومع عائلتك .

الك عبدلله

زهرة الصحراء

عنجد انا كمان كتيييييييييييييييييييير فرحت لمى قريت انه رشا صارت بسوريا, مع انه عتبت عليها انها ما خبرتني انها رايحة

الحمدلله على سلامة الجميع و يلا استنوني كلها اسبوعين و بكون عندكم

بلنسبة للعضو الي بيحب الأركيلة والمتي كتير و حنطي اللون و مهضوم وصاحب ضحكة حلوة كتير, انا بقول يا عمادوووو يا عبودي

عنجد كتير فرحانة بأنه السنة هي رح نكون كلنا مجتمعين بسوريا, انجيل عقبالك تنزلي معنا انتي كمان

اقتباس:

خبر تازة لسى الفرن ما خلص من تحميصه رح تسمعوا الخبر قريباً عضو من الاعضاء القديمين جداً في المنتدى قرر اخيراً الانتقال الى القفص الذهبي الخطبة ستكون في وقت قريب والعروس مو من حمص الله يوفقهم وعلى قبال التمام بخير وان شاء الله يطلع الخبر اكيد

أنا حاسة الشم عندي مابتخيب ...لذلك هالخبر التازة سمعت في انا وببروكسل .
ولو هالخبر أكيد
أنا رح كون اول المهنئين والمباركين

وهيك منكون حبسنا آخر عصفور بالقفص الذهبي من شلة الأنترنيت المعتقة :
وسام ....جورج عرعوش ....جورج طحان .....شادي عبد العزيز .....حسام عبدالعزيز قريباً جداً جداً ....طلال الأشقر قريبا ًجداً .
وعقبال مانحبس الباقيين
ابتداءاً بالشيف عبود ....انتهاءاً بإياد طحان واللي بكل صراحة فاقدة الأمل من حبسوا قبل 5 سنين
على كل حال مبروك سلف لها العضو ؟؟؟؟؟؟؟؟؟؟؟؟؟؟
بالتوفيق انشالله

اقتباس:

وأكيد العرس رح يتزين بوجود سناء وسهير وأبونا جورج ...

شكراً أنجيل ...ولو أنو وجودك ووجود وسام وعصافيركم الصغار كانو رح يكونوا الزينة الأحلى بها الفرح العائلي الجميل .

دكتورة مريم شكراً على لطفك ورقتك ....وتصديقا ًلكلامك عن ابونا جورج ....ياحرام اليوم من ضعفوا مش عم يقدر يحكي عالتليفون

عماد ....مش اسمر شو قصتكن ؟؟؟؟

زهرة الصحراء

سلام
عندي خبر موثوق جدا جدا

والمصادر اكيدي جدا جدا

عضو رح يوصل ع ار ض سوريا يوم التنين 30 تموز

طيارتو بتحط مطار حلب الساعة 7 المسا جايي من روما

مواصفاتو

طويل وضعيف واسمر مو اشقر متل ما غلطو بعض ناس

ومشتئلكن كتير

و اول حرف من اسمو عين بس مو عب عال

فا مين معقول يكون هالعضو السري جدا جدا



شوووو

مش عارفة من وين بدي إبدا بالخبر .....
من بيروت ...من زيدل ...من(((؟؟؟؟؟؟)))
خايفة إكتب ..خايفة فول ....
.
.
.
مابدي إبدا بالمقلوب .
.
.
.
روقوا شوي
.
.
.
رح إبدا الخبر من هون (((؟؟؟؟؟)))
.
.
أي نعم من هون
.
.
أكيد عرفتوا من وين
.
.
.

.
.
.
من (((؟؟؟؟)))
.
.
.
يه يه يه
ماعم يمشي الحال
.
.
.
رح إرجع لزيدل ...من زيدل أسهل
.
.
.
بس لا بخاف هالعزيز يزعل ....خلينا من هون (((؟؟؟؟)))
.
.
.
على هيك
.
.
.
ومن هون الخبر بيكون ....عن شب كتير مهضوم........ مش رح خبر عنوا كتير ...شب بكل صراحة عيونوا كتير كتير كتير حلوين ...وقبضاي وشغيل ...صديق عزيز ..صاحب قلب طيب وكبير .
.
.
.
قلت مش رح خبر كتير ....تيبقى كم كلمة لبكرة إنشالله
.
.
.
هلق شو في بكرة ؟؟؟
مش رح قول اليوم
تأكتبها بتأكيد وبحرية
وتتحلى وتطول أكتر وأكتر هالخبرية
.
.
.
إذاً
الى اللقاء وبالتوفيق لهــــ الصديق بكل خطوة من خطواته القادمة الجديدة ....



زهرة الصحراء

عقبال التمام بالخير
للصديق العزيز ...عزيز المليح
.
.
اذاً الخبر كان عن طلب المباركة من قبل أهل عريسنا المهضوم عزيز من أهل العروس الحلوة ليديا كساب ليل مبارح ...وعقبال ماتعلن الخطوبة قريباً إنشالله .
.
.
ألف مبروك المباركة لعزيز الغالي وألفين مبروك لعروستنا ليديا وعقبال التمام بالخير
.
.


زهرة الصحراء

خسارة زيدل ............
ومبروك لأميركا استضافتها لبعض الأشخاص ..............
المشكلة بيني وبين هالقارة في كره كبير ......................
لاأميركا بتحبني ولا أنا بحب أميركا ...........................................
مشان هيك وقت بحس إنها عم بتبلع بعد أشخاص وناس عزيزين من زيدلنا بيزيد الوجع بقلبي .
بكل الأحوال بيضل عزائنا بأنو هالشخص المهاجر رح يكون بحال أفضل ربما وهالهجرة حصلت نتيجة لرغبة ذاتية محضة .

لذلك بدي هنئ وصول صديق عزيز وعضو متقدم في المنتدى مع عائلته لـ لوس أنجلوس من فترة قليلة واللي كان غادر زيدل بــ 4 من الشهر الحالي .
تمنياتي لك ايها الصديق بالتوفيق لك وللجميع
.
.
زيدل رح تشتقلك وأكيد أنتَ رح تموت شوق لزيدل

حرام عليكي يا ام باسل هلا الي بده يتزوج صار اسمه سعيد الحظ؟

شكراً ندوش بيضل لقب ملكة حلوا حتى لو كان لقب ملكة العفاريت ..

ياندى أنا اللي فهمتوا من الصديقة أم باسل بإنها دخلت منتدى المافيا والجاسوسية وقدرت تستشف بإنو العلاقات بين الأعضاء قديمة ومتينة وأعطت مثال على هالشي... وضع العضو السعيد الحظ متل ماذكرت بخانة الإنتظار بينما ينعرف مين هالعضو .
مابعرف اذا اللي قلتوا صحيح يا ام باسل ....أو أنا غلطانة ؟؟؟؟
أم باسل أهلا وسهلاً بحضرتك بمنتدى زيدل وبها المنتدى الفرعي من المنتديات... منتدى المافيا والجاسوسيةو اللي بيحمل من وقت لوقت أخبار أعضاء بتبدى خبرية وبعدين بتصير حقيقية .
هلق في خبرين واحد بيتعلق بسفر أحد الأعضاء ...لها العضو بتمنى رحلة سعيدة وأيام حلوة بعيد شوي عن أجواء القلق اللي اليوم عم تعيشها البلاد العربية وانشالله هالعضو يرجع ويلاقي عنا رئيس للجمهورية اللبنانية ((مع إنو صعبة))
والأهم من الرئيس يرجع يلاقينا إلنا
الخبر التاني ...حبس عضو بالقفص الذهبي قريباً ..عضو قديم عنده عدد من المشاركات القيمة ...اتعرف على العروس عن طريق اإنترنيت وقام برحلة سياحية اتعرف فيها عالعروس والحمدلله عجبها ....بس في عارض بسيط وهوي خير طبعاً ...مش عم يقدر يخليييي يكمل هالخطوة بالوقت الحالي ولكن الزلمة نواياه طيبة وناوي يكبر عقلوا .
يعني مافي غير هالشباب عم تطير ياندوووووش عقبال ماتطير الصبايا كمان .
مع انو في صبية سمعت بإنو رح تفرح منها هالسنة مع شب ناوي يكبّر عقلوا

100 أهلا بأم باسل .....عجبتك هالخبريات الجاسوسية

(())
زهرة الصحراء

أهلا حسام
بتعرف حسام أنا هالمنتدى بحبوا أكتر من منتدى بين المنتديات بتعرف ليه :

وقت أتعدلت المنتديات وكانت إدارة المنتدى ...حسام عبد العزيز وسناء والعزيز فيكتور كان المفروض الكل يتفق على رأي واحد بتسمية المنتديات ....وطبعاً ماكان في مجال لتسمية منتدى (( منتدى المافيا والجاسوسية )) لذلك كتبت موضوع تحت عنوان (( المافيا والجاسوسية )) والهيئة راقت القصة لحسام بعدين وعند التعديل التاني تم إعتماد هالموضوع على إنو منتدى فرعي من منديات زيدل ...لا الزلمة قدر يكتر خيروا يعني ماطنش ....وإنت بتعرف حسام موزق ومابطنش على شي

أما عن أبو العزززززز الغالي .....هيك اتعرفت أول مرة عليه بها الإسم يعني ...حقك ماتنتبه بحيث مسجب باسم aziz-m...ودائماً الإسم الرمزي أو المختصر بياخد وقت تنتعرف عليه .

بس بتعرفلي شي عضو بالمنتدى بعد اربع أشهر رح تجيي ي بخير وسلامة إنشالله بنوت مهضومة متلوا ومتل أم البنت .....إذا بتعرفوا ياريت تخبرنا ...بس من دون ماتخبروا... شو حابب يسمي البنوت
يسلمولي البنات


أحلى وردة لـــــــــــــ
حسام _ ريما
زهرة الصحراء

موقع زيدل سوريا حمص  .. خدمات تشات و دردشة  ... أرشيف المنتدى

vBulletin Copyright ©2000 - 2008, Jelsoft Enterprises Limited.
vB Easy Archive Final ©2000 - 2008 - Created by Stefan "Xenon" Kaeser