الارشيف - ورق عنب

Pages: 1

ورق عنب
(انقر هنا ان احببت مشاهدة الموضوع الاصلي بالالوان و الصور )

Posted by: George daboul

تحية للجميع

اليوم سأشارك صديقاتنا من الجنس اللطيف بالتذكير عن أكلة شعبية ومحببة لدى النساء عموما إذ أنه من النادر ما تجد البعض من الرجال يحبون هذه الأكلة
وخصوصا بعد أن تتابعوا طريقة التحضير
الأكلة لها أكثر من تسمية
ورق عنب ---- يبرق ---- دوالي
المكونات
ورق عنب طازج أو مخزون – رز – لحمة ناعمة – سمنة – بهار – ملح – حمض أو شرائح ليمون
ويمكن أن يوضع تحته أثناء الطبخ ( عصاعيص – أو جوانح وأفخاذ الفروج )
طريقة التحضير
بالطبع أنا لا أعرف طريقة التحضير وخصوصا طريقة لف الورق وتعبئته بالرز
ولكن صدق أو لا تصدق بأن الصديقة زهرة الصحراء اتصلت من بيروت لتسأل زوجتي عن طريقة لف الورق وطريقة الطبخ
وكون الصديقة زهرة الصحراء استفسرت جيدا عن طريقة التحضير فيمكنكم الاستفسار منها إما عبر بريدها الخاص أو على صفحات المنتدى
وإذا لم تقتنعوا يمكننا متابعة الموضوع وتقديم وجبة من إعداد زهرة الصحراء ( بس الموعد مو معروف )
وصحتين وهنا
***************************************
وعذرا إن أخطأت
‏الاحد‏، 08‏ أيار‏، 2005

Posted by: fr george massis

الطريقة سهلة كثير يا أخونا جورج وأنا رح اشرح للمدام بالتفصيل الممل
هاي يا ستنا أول شي بتروحي على أقرب مكتب طيران وبعد ما بتسألي وتستفسري عن الأسعار -لا تستعجلي أنت ما بدك أكلة يبرق طيبة لازم مكتب طيران-
اليوم في رخصة على تكت ساو باولو بيروت بتقطعيلي تكت على السريع وأنا بكل طيبة خاطر بجي من البرازيل على بيروت بلفلك أكلة يبرق علة كيف أبو الطون وبرجع وحياتك ما بذوقهن كمان
يعني المقادير 1500$ تكت طيارة
كيلو ورق عريش
400غ رز
500غ لحمة غنم
200غ لية خروف
بهارات سبعة خلطة حلبية ماكنة
طنجرة بريستو أو بخار
وبس
وصحتين وهنا
ملاحظة المقادير لشخصين بس يعني سناء وطوني وما حدا معزوم وغيرو نحنا بالخدمة بس مكتب الطيران بالأول
والله معك...............

Posted by: Desert rose

اقتباس:

ولكن صدق أو لا تصدق بأن الصديقة زهرة الصحراء اتصلت من بيروت لتسأل زوجتي عن طريقة لف الورق وطريقة الطبخ

الله يسامحك على هالحكي طيب رح قول الحقيقة علي وعلى أعدائي يارب :

من فترة وكالعادة ومتل ماعودونا جورج وجميلة دائماً بيوصلني صوت من بعيد من السقلبية وبيقول :

جورج : مرحبا سناء
سناء :أهلالالالالالا أبو جريج
وبعد السلام وطول الكلام بيقلي عملنا حسابك بكم أكلة بازلاء وكم أكلة فول للمونة بالفريرز وشوية ورق عريش
إنشالله تكوني بتعرفي تلفي ورق عنب .

هون فقعت ضحكة رجت حيطان البيت وقلت :

ولوووو ياجورج شو جاي من باريس ..ياعمي أنا أتجوزت كان عمري عشرين سنة وقتها كان عندي أربع ولاد وبعدين صاروا سبعة معقول هالجيش يكون ربي وكبر من دون مايكون مرق تحت أسنانوا طبخة ورق عريش .

وهون رد جورج على هالحكي بضحكة طيبة خفيفة وقلي يعني مابتقولي لا ؟؟؟

رديت طبعاً ...لا مش رح قول لا ....بالعكس ماتنسى دخيلك أنت وأختي جميلة ...البيتنجان المنقور الميبس .....والفريكة الشهية ...والبرغل الخشن والناعم .....والملوخية المجففة للشتوية .... الفليلفلة البودرة الحرة والحلوة .......والمسبس دخيل الله كلوا بلا ....إلالالالالالالالالالالالا المبسبس ؟؟؟

فياجورج الله يخليك لاتسمع ولاتدمع أتفضل لبيروت لتاكل أطيب ورق عنب ملفوف بإيدين الصديقة زهرة الصحراء بس بدك تنبه على أصابيعك ....وقتها ياعزيزي بتحكم .

ماتنسوا المونة المليانة محبة من السقلبية الله يخليكن أبو جريج .

وملاحظة صغيرة على المقادير بها الأيام .....البعض من الستات بضيفوا حبات الجانرك الحامض بين طيقات ورق العنب وممكن كمان قطع من الأرضي شوكي بترجع حسب الرغبة .

وصحتين وهنا

*********************************

أبونا جورج الله يخليلنا هالمحبة الكبيرة إلي ولطوني بس والله مابدي عذبك مشان هيك حضرلنا غرفة لنجي نحنا لعندك ومنجيب ورقات العنب ....واللحمات .....والرزات ......منلفهن سوا .....ومنرجع منطبخن .....ومناكلهن أنا وطوني ببيروت

بس إذا حابب تجي تشرب كاسة متي أو فنجان قهوة وترجع... شركة الطيران كلها على حسابك

*********************************

بمناسبة الحكي على ورق العنب بدي أشكر والدة الصديق إياد طحان على أكلات ورق العريش المصففة والمنسقة... فألف شكر للأيدين اللي قطفوا ...وللي رتبوا... وللي حملوا ...وصحتين وهنا للي رح ياكلوا

مدعووووومة مووووووووووو

زهرة الصحراء

Posted by: imad_dahi

ايه خدو راحتكن وحرقصو العالم ، والمغتربين منون ومش كل المغتربين، بهالاكلات الطيبة وخصوصا اليبرق ، او ورق عريش ( لبنانية هي الكلمة )
ع كل حال الصيف جاي قصدي قول الرجعة ع البلد والماما الله يديمها اكيد رح تعوضني عن الحرقصة لي عم عيشها هلق وانا عم اقرا كلماتي الاعضاء عن هالطبخات
وكمان انتو ....... [blink]ماتتهربو[/blink] من العزايم
باي

موقع زيدل سوريا حمص .. خدمات تشات و دردشة ... أرشيف المنتدى