الارشيف - ركن المحادثة الصوتية

Pages: 1

ركن المحادثة الصوتية - مشاكل و حلول
(انقر هنا ان احببت مشاهدة الموضوع الاصلي بالالوان و الصور )

Posted by: wisam

في الفترة الاخيرة شهد ركن المحادثة الصوتية ازدهاراً شديدا في موقع زيدل و بدا يزوره العديد من الزوار العرب المنتشرون حول العالم
طبعا البادرة ايجابية و هي تجسد هدف موقع زيدل في التعريف عن قريتنا للعالم اجمع و ذلك عبر تقديم خدمات تجذب الزوار
لكن بنفس الوقت تظهر مشكلة كثرة الازعاجات و المتطفلين الذين يفتقدون الى اللبقاقة احيانا و للتهذيب احيانا اخرى و هنا يظهر عدة حلول لمنع ذلك منها مثلاً
الغاء الركن بكامله
الزام الزوار بالتسجيل مسبقا
او مراقبة الغرف من قبل مشرفين يتواجدون على الاقل في ساعات الذروة التي تنحصر و حسب توقيت سوريا من الساعة السابعة مساء و حتى الساعة الواحدة بعد منتصف الليل
او ترك الحال على ما هو عليه

احببت سماع رايكم بالركن الصوتي و الحلول لضبطه

مع الشكر

Posted by: hosam abdulaziz

انا رح اعطيك رأي من الناحية التقنية للحل:
بتصور السيستم الموجود لغرفة المنتدى هو افضل حل لقالقصة.
اما اللي ذكرته :
1 ما فيك توجد شخص يغدر يتفرغلك ليبقى بالغرف و يراقب الأمور بشطل دائم
2 وجود هيك شخص بيعني حجز كرسي دائك بالغرفة و هالشي غير مستحب حيث ان سعة الغرف هي 5 او 10
3 و حجب الغرف بالمطلق كمان غير محبب لأنها خدمة جيدة لزائر الموقع.

الحل من وجهة نظري:
تقييد الزائر بالقيام بعملية تسجيل بسيطة بيختار فيها الأسم اللي بيفضل يدخل فيه بشكل دائم مع الباسورد الخاص فيه
عملية التسجيل بنراقبها نحن و بنوافق عالأسماء الطبيعية و بنفعلها , اما الأسماء الغريبة و البايخة لنقول بنلغيها.
و يفضل انه كل واحد من الزوار يختار اسمه الحقيقي خصوصي اذا كان من زيدل و ضيع الجوار.
هلق في حال قام اي اسم بتعكير صفو الجو بالغرفة , بيكون في قسم للمراسلة و الأبلاغ عن اعضاء غير سويين , و هون بيلعب دور الأدارة بحذف الأسم اللي بتكرر عليه الشكوى

و بتصور هالعملية غير معقدة تقنيا عبر انشاء قاعدة بيانات خاصة للغرفة ؟؟؟

Posted by: mimisy

بصراحة يا شباب هاي مشكلة فعلاً عم نعاني منها كثير ولازم يلتقى حل بس أكيد ما لا زم تعقدو طريقة الدخول
عالغرفة
وشكراً لجهودكن

Posted by: George daboul

الحق ما نطقت به حسام
هذه المشكلة تمت مناقشتها منذ زمن بعيد وتم اقتراح حلول لها
ولكن اقتراح حسام هو الأفضل
وشكرا لكم

Posted by: imad_dahi

هو يعني شو ما بيقول حسام انا معووووووووو
بتعرفو ليش

هوهووووووو اسباب كتير .. بس مش وقت الاسباب خلونا بالغرفي

اقتباس:

تقييد الزائر بالقيام بعملية تسجيل بسيطة بيختار فيها الأسم اللي بيفضل يدخل فيه بشكل دائم مع الباسورد الخاص فيه
عملية التسجيل بنراقبها نحن و بنوافق عالأسماء الطبيعية و بنفعلها , اما الأسماء الغريبة و البايخة لنقول بنلغيها.

انو الحل الازبط
بس يا حسام من خلال الـــ IP لكل شخص منقدر نجبرو على استعمال اسم واحد من جهازو اذا ماني غلطان ، قصدي من خط الانترنت

واذا ايه
بيكون لي سجل يهرب من الازعاجات مبشان ما ينحرم دخول الغرفي

ميمي .. الحل مش معقد بس انو لازم يعبي شي ميت مربع ويستنى شي اسبوعين اربعة ... وبالاخر يتم رفضو هيهيهيهيه...... مزحة
بس انا براي هيك حلول هي الافضل

Posted by: hosam abdulaziz

هلق الطرح اللي ذكرته ما في تعقيد نهائيا
يعني اعتبر حالك عم تسجل دخول عالمنتدى او المسنجر و بالتالي بدك كلمة مرور و اسم مستخدم.

عمادو شكرا للثقة العمياء بس يا زلمة بتطقلي بهالزيدلي و ما بفهم عليك شو بتقصد ؟؟؟
بس انا مثل فهمت منك انه اللي بيسجل ليزعج و اسمه بينحذف , بيرجع بيسجل باسم ثاني و بيظل يزعج و بالتالي علينا محاربة هالمشكلة بقصة ال IP
هلق اذا القصة بدها تصير مثل القط و افارة انا بسجل من هون وبرجع برجعلكم من هون فعلى الدنيا السلام.

و من ناحية الأي بي يا عماد اذا هذا هو قصدك , رح نبهك لشغلة انه قصة الي بي المتطورة بدول اوروبا و امريكل هي غيرها ببلدان الشرق الوسط
يعني باميركا ممكن كل شخص يكون اله IP مستقل ما بيشاركه فيه حدا , بس بسورية كلها بتشتغل على 2 IP و انا هون بالسعودية بشتغل على شركة اول نت و بالتالي كل المستخدمين لهالشرطة الهم نفس ال IP , و بالتالي اذا حجبت اي بي من سورية , معناته حرمنا مئات المستخدمين اذا مو كلهم.

هلق فينا نطور الموضوع اكثر عبر استمارة التسجيل:
يعني يا اصدقائي اي واحد منا بس يسجل بأيميل او بمنتدى , بده يعبي استمارة بسيطة ما رح تزعجه او تعذبه.
و بالتالي لو قمنا بهيك خطو ما رح يتذمر منها الزائر و بالعكس رح تخلق جو منظم بيسوده الأحترام المتبادل, فمثلا فينا نعمل استمارة بالشكل التالي:
الأسم و الشهرة: حسام عبد العزيز
مكان الأقامة: السعودية
عنوانك البريدي : hosam@zaidal.com
اسم الدخول الى الغرفة: hosam abdulaziz
الباسورد: *********

طبعا هالمعلومات رح تظل سرية للأدارة و هيك فينا نراقب التسجيل بشكل منظم.

و بالنهاية نحنا ناطرين تعليق المايسترو وسام عهالأفكار

Posted by: hosam abdulaziz

الى جميع مستخدمي غرف المحادثة الصوتية , من اعضاء المنتدى و الزوار نقدم هالبشرى:
فبعد اجماع الجميع الى ضرورة تنظم عملية دخول الزوار الى الغرف الصوتية و كثرة الشكاوي من المزعجين , توصلت باشراف المايسترو وسام الى ايجاد الحل لهذه القصة.
المبدأ يقوم عبر قيام الزورا الذين يودون استخدام الغرف الصوتية بتعبئة نموذج بسيط , يتالف من اسم المستخدم الذي يريد استخدامه و بشكل دائم للمرور الى الغرف
اضافة الى كلمة مرور خاصة به و بعض المعلومات العامة عنه : اسمه الحقيقي و العائلة و البريد الألكتروني.

طبعا بأمكاننا مراقبة الطلبات و عدم تفعيله لكل من يخل بالشروط
هناك الكثير من التقنيات في هذه البرمجية لكن ما يهمكم معرفته هو ان الأسم الذي ستسجلون به , ستجبرون على الدخول بع الغرف اتوماتيكيا.
طبعا بعد مدة قريبة سيطبق النظام , لذلك يفضل لكل من يحب استخدام الغرف البدئ بالتسجيل فورا غبر الرابط التالي. http://www.zaidal.com/vsignup/signup.php
بتمنى نسمع آرائكم حول هالخدمة لاحقا
على كل للمزيد من التفصيل هذه صفحة التعليمات الخاصة بالبرنامج.
http://www.zaidal.com/vsignup/help_chatroom.htm

[web]http://www.zaidal.com/vsignup/help_chatroom.htm[/web]

موقع زيدل سوريا حمص .. خدمات تشات و دردشة ... أرشيف المنتدى