Pages: 1

ادبكو مع عم حسين

(انقر هنا ان احببت مشاهدة الموضوع الاصلي بالالوان و الصور )

Posted by: wisam

مع قدوم الصيف في كل سنة .. تقترب معه ليالي زيدل العامرة و كنت دائما قبل قدوم الصيف احاول توقع الاغنية التي ستضرب على صعيد الدبكات او الرقص و غالبا كنت اصيب بذلك
لكن السنة يبدو ان خبري قديم و باتت اغنية ربيع حمدي عم حسين هي المرشح الاقوى و خصوصا على صعيد الديكات

و اليكم اغنية عم حسين مع انها تقترب لان تكون دقائق من عزف الاورغ و الضجيج الى كونها اغنية بس للدبكات لطة بلطة
و مع انه الموقع في الاسبوع الاخير بعد صفحة الاغاني اضافة لعدد الزوار الذي ارتفع في الشهر الاخير الى مستويات قياسية بات يعاني من حمولات زائدة ...بس عم حسين بتستاهل

http://www.zaidal.com/songs/player.swf


Posted by: Desert rose

[align=center]شكرا وسام على العزيمة على الدبكة
ولكن صدقني عم ندبك من دون دف
قصدي نحنا مندبك من دون طبل ودف فكيف اذا كانت الدبكة مع عم حسين

مابعرف وين رح يكونوا اول مرة ملوك التهييص ويسمعوا ويلبوا الدعوة

بس كابتن شو هالواسطة تفتح الغنية مع الصفحة حلوة ةة

والأحلى ماحدا بيقدر يلطشها والأحلى الأحلى تصير تسمعنا صوتك قبل الغنية :


تأتيكم في هذا الوقت برعاية زيدل دوت كوم





عم حسين وهلا بك ياعم حسين



بعد الغيبة الطويلة حول يازين



عالفلاحة ياخيييييييييييييييييييييييييييييييي




سليمان وينك وينكن يامغتربين ؟؟؟؟؟؟؟؟؟


زهرة الصحراء [/align]


Posted by: sulieman safar

صدقيني يا سناء انا اكتفيت يالتعليق بالتشات وشافو ابو أندور بس زعلان شوي على أساس بدو يبلش موسم التهييص وبيجوز ما كون هناك وبكرى بصير أكتب بالمنتدى وما حدى يرد كالعادة وخليها لربك يا مواطنة ولكن السنة أكدي تمام بدي اعملكم مفاجئة وعم حاول خلي التفاصيل سريي من نهلا بدك تقولي. شكراً انك ذكرتينا والشاطر يمسك مع سناء على الأول في حين وجودي .
وراكم والتهييص على الأبواب.
سليمان


Posted by: فايز زكور

مبارح كنت راجع من الصيدلية شي الساعة 8 مساءً بسرفيس الحولة وكان معنا شلة ميكانيكيين حماصنة يعملون هناك أيضاً وأبى الشوفير الا أن يسمعنا عم حسين طول الطريق وع الصوت العالي كمان .
وكان أحد الركاب يحاول أن ينام قليلاً دون جدوى . فالعم حسين لن يسمح لأحد بالنوم
فقال للشوفير : ولك منشان الحسن والحسين شيل هالشريط يا عمي
فقال له الشوفير : طول بالك وسماع هالبيت ما أحلاه
وبعد لحظات قال ربيع حمدي ( ع العلوج ..... ع العلوج يا خيي داعور)
فقال له الرجل (اي هيك الشغل صار بدها دبكة ع الأول وأخرج مسبحة من جيبه وصار يدمدم مع عمي حسين وسط ضحك جميع الركاب
المهم مثل ما قال وسام للدبكة لطة بلطة


Posted by: hosam abdulaziz

الله يبشرك بالخير ابو الويس يعني طمنتني بوجود هيك اغاني لأنه الصيفية اذا الله يسر للجميع رح تكون حافلة بالأعراس و خصوصي اهل البيت و الأصدقاء و اللي بنمون فيهم بقا انا متلهف للايام الجايي.
بس كونكم ذكرتوا سيرة ملوك التهييص فأكيد نحنا جماعة ما بنعتمد بالدرجة الكبيرة عالأغاني و شعبيتها قد ما نحنا بنسخر بقدراتنا الخطيرة هالأغاني لنقدم من خلالها تحف فنية راقصة بالسهرات تفرح رؤياها كل عين
عم سليمان(زميل) لحق حالك السنة الصفرية قايمة قيامتهم بالعراس و انا بالمونة بعزمك من هلق .


Posted by: iyad tahhan

شكرا وسام على الغنية الهيئة عم حسين موبس بدو يدبكنا بدو يرجعنا على الضيعة كمان شوقنا لسهرات الضيعة ولياليها يللا السنة انشالله ما منفوت هالصيفية علينا
عرب عرب على المشفى يابو فههههههههههههههههد



Posted by: suher issa

شكرا وسام
يعني الحقيقة ان كنت مفكرة ان م ارح روح عل سوريا هاي السنة
بس هلق باكدلك ما رح روح ابدا بعد سماع الاغنية لان مابدي استحملها بكل سهرة
وشكرا للتنبيه للاغنية الموسم
هههههههههههههه


Posted by: fr george massis

كثير حلوة بس لحقينا سناء ووسام بالكلمات لأنو الأغنية لقت رواج هائل بالبرازيل
بس في صعوبة ما عم بعرف ترجم الكلمات فيا ريت تساعدونا
وانتشروا............. يا بي............يا خي
والله معك................


Posted by: hosam abdulaziz

انا برد كرر شكري الك يا وسام عطرحك لهالغنية لأنه اول ايجابياتها بينت وقد سهير اكدت عدم روحتها بالصيفية عالضيعة من ورا هالغنية و هيدا خبر حقو مصاري .
و ابونا جورج يعني شي بس انتم بتصلوا و ما بتفهموا حدا شي ؟؟؟ نحنا بدنا نغني و نهيص بدون ما تفهموا شي علينا.
و الله كريم بنلتقي بالجميع


Posted by: wadi2

شكرا جزيلا على هذه الدبكه الشعبيه والتى تجعل الانسان فى الغربه يعود بالذاكره الى تقاليد بلده
اقتباس:
المشاركة الأصلية كتبت بواسطة wisam مشاهدة المشاركات
مع قدوم الصيف في كل سنة .. تقترب معه ليالي زيدل العامرة و كنت دائما قبل قدوم الصيف احاول توقع الاغنية التي ستضرب على صعيد الدبكات او الرقص و غالبا كنت اصيب بذلك
لكن السنة يبدو ان خبري قديم و باتت اغنية ربيع حمدي عم حسين هي المرشح الاقوى و خصوصا على صعيد الديكات

و اليكم اغنية عم حسين مع انها تقترب لان تكون دقائق من عزف الاورغ و الضجيج الى كونها اغنية بس للدبكات لطة بلطة
و مع انه الموقع في الاسبوع الاخير بعد صفحة الاغاني اضافة لعدد الزوار الذي ارتفع في الشهر الاخير الى مستويات قياسية بات يعاني من حمولات زائدة ...بس عم حسين بتستاهل

http://www.zaidal.com/songs/player.swf



Posted by: wadi2

تحيه وبعد .............
كيف ممكن تحميل هذه الدبكه


تحيات وادى


Posted by: ABUODEE

تفضل عزيزي
اضغط بزر الفارة اليمين واختار save target as

اضغط هنا
او اضغط بزر الفارة اليساري لتعمل تلقائي



موقع زيدل سوريا حمص  .. خدمات تشات و دردشة  ... أرشيف المنتدى



vBulletin Copyright ©2000 - 2008, Jelsoft Enterprises Limited.
vB Easy Archive Final ©2000 - 2008 - Created by Stefan "Xenon" Kaeser