الارشيف - يا عيب الشوم

Pages: 1

يا عيب الشوم
(انقر هنا ان احببت مشاهدة الموضوع الاصلي بالالوان و الصور )

Posted by: fr george massis

يعني هاي يو مين وأنا بفتح الإيميل بلهفة والمنتدى عسى ولعل بتفشكل بشي معايدة بكلمات حلوة بعيد ميلادي ال 29 عقبال ال100 أو بمناسبة عيد شفيعي القديس مار جرجس ومع كل أسف ما لقيت شي فقررت على الطريقة الحديثة طالب محاسبة كل مسؤول عن هذا التقصير
ولا تقولوا ما ني زعلان الحقيقة أخذ على خاطري شوي مو كثير
ولا يهمكن نحنا بنحب نهز الورد لحتى نشمو
والله معك......................

Posted by: sulieman safar

صدقني عندك حق بس تقول انو تعودنا على الكسل من حيث انو كنا نشوف عيد ميلاد الأعضاء في قسم المنتدى بحد التشات ولكن ما بعرف صور واختفت ومالك غير الخال حسام ,الله باليك فيه, بيدبرها .أما بالنسبي لعيد ميلادك سماع واترنم:

سبحان رب العباد
قديش خلق أمجاد
وفي واحد اسمو ابونا جورج
هوي أكبر نعمي للبلاد.

وهذا مو شي عند وقت ما تجي تزورنا,على قول الشماسي , ما رح يروحي محل وما ياخذوك معهم بدي اخربها أبونا ولا يهمك .مبروك عيد ميلادك وأدامك الله لرعيتك ولنا جميع كأخ وصديق.
سليمان صفر والعائلة

Posted by: a_aroush

أبونا ما بعرف كيف كان فينا نعرف أنو اليوم عيد ميلادك , على كل حال كل عام و انت بخير و عقبال المية سنة

Posted by: imad_dahi

ابونا جورج ... من قلب والله
كل عام وانت بالف خير

Posted by: George daboul

مبروك وانشالله العمر كله
الأب جورج
تحية
ألف مبروك عيد ميلادك وأدعو لك بطول العمر وأن تكون أيامك كلها أعياد وفرح ومحبة
وأعتذر عن تقصيري في المعايدة وعزائي في ذلك أنني لم ألحظ مايدل على هذه المناسبة إلا اليوم عندما قرأت مشاركتك
فألف ألف مبروك وعساه يأتي يوم نلتقي فيه ونطفيء الشموع ونغني لك أجمل الأغاني
وعذرا إن أخطأت
‏الاثنين‏، 25‏ نيسان‏، 2005

Posted by: suher issa

لك كل المحبة التي في قلبنا ابونا وصديقي العزيز جورج
لو عرفنا عيد ميلادك لم نتوقف ابدا عند معايدتك لانك تستاهل الحب لانك شخص عزيز علينا جميعا
اتمنى لك عيد ميلاد سعيد
وكل عام وانت بخير
وكل عام والكنيسة بخير لوجود اب يخدمها بالمحبة والعطاء التي تعطيها للجميع
وليكن الايمان دائما معنا لنكون جزء بسيط من الدي تحمله انت في قلبك
هنيئا لنا ايضا بولادتك لتكون معنا بالمنتدى وتعلمنا ما هي حقا كلمة الله
عيد سعيد
وعقبال المئة سنة

Posted by: shadi

كل عام واني بخير أبونا الحقيقة الظاهر أنو العالم كانت شوي مشغولة بالبابا الجديد يمكن أو بشغلات ثانية الله يخليني إياك وتنعاد عليك بالصحة والعافية ..
[blink]happy Birthday Dear Father[/blink]

Posted by: الأب جان سيف

بارخمور أبونا جورج الغالي:
عيدو بريخو كل عام وانتي بالف خير ولو متأخرة بس أنا كنت مشغول هالأسبوع
انشالله تكون أيامك كلها وسعادة وفرح دائم وصدقسني لو منعرف إنو عيد ميلادك وما عايدناك معك حق يا عيب الشوم علينا بس ما عرفنا بسيطة لا تزعل مننا أبونا
الرب يكون معك وصليلنا أبونا جورج

أخوك الأب جان سيف

Posted by: Desert rose

[align=center]من دواعي سروري مبارح واليوم قصة العيب اللي قام بطرحها الأب الغالي جورج مصيص على صفحات المنتدى واللي إن دلت على شي بتدل على محبة كبيرة وبساطة وتسامح من أبونا جورج لكل أعضاء المنتدى وبصراحة وطيبة من دون حدود

جمعتنا المحبة وجمعنا الحب وكتير مواضيع يمكن أكتر أهمية إنما كمان يجمعنا العيب فهيدي شغلة عظيمة وكبيرة وبيثبت هالشي هالردود الحلوة اللي وصلت عند صرخة شوق وحنين من قلب صافي..من قلب كبير .. لقلوب أكتر صفاء .

أبونا أنا آسفة على التقصير .

وبتمنى تقبل المعايدة ولو مأخرة مني ومن عائلتك الصغيرة بلبنان طوني وسناء وفرانسواز وجهاد الصغير .

<<كل عام وأنت بألف خير>>

زهرة الصحراء [/align]

Posted by: iyad tahhan

ابونا جورج بعتذر على التأخير لسبب سفري الى زيدل على كل حال عقبال المية وسنة انشالله
ولكل واحد اسمه جورج بعايدو بعيد مار جرجس على الشرقي والغربي وبقلن كل عيد وانت بالف خير
ربنا يحمكن وطول عمركن بشفاعة قديسنا مار جرجس

Posted by: ABUODEE

أبونا جورج كل عام وأنت بألف ألف خير
وعقبال ما نشوفك بزيدل وبتكون المعاتبة وجه لوجه
تاخرنا بمعايدتك وحقك علينا وانا أكيد مانك زعلان مننا
[glow=FF9933]وكل عام وأنت بألف خير [/glow]مرة تانية
واحلى وردات لاحلى ابونا

Posted by: hosam abdulaziz

و الله الحقيقة مناسبة مو قليلة

يعني ابونا جورج هيئته رح يدرجنا سيستم جديد بالمنتدى عالطريقة الحمصية انه ان ما حدا فطن فيي و ما عايدني انا بعايد حالي و بهيص و بطفي الشمع لوحدي و بوس حالي و و
بس اكبر دليل على حمصية ابونا جورج انه متوقع العالم تعايده بميلاده مع انه :
1 بحياته ما فكر يعزمنا بالمدرسة مع الصبايا الحلوات على شي قطعة كاتو ؟؟؟ حتى نعرف بالقليلة هالتاريخ العظيم
2 حتى بالمنتدى منه ذاكر تاريخ ميلاده باعداداته و باتالي شو بدك العالم تنّجم لتعايدك ؟؟؟؟ او آه صحيح فيها تبحث بمواقع المشاهير عالنت و تلاقيه

بكل الأحوال يا صديق العمر و الطفولة من كل قلبي اتمنى لك عمرا مليئا بالأفراح و عقبال ال 100 و انشاء الله تظل بخفية هالدم طول العمر

Posted by: fr george massis

أنا ما قلتكم نحنا بنحب نهز الورد لنشمو
ليش كل هالزعل والنرفزة ، بعدين هاي طريقة حديثة وبراءة اختراع لكرت معايدة مستقبلي يعني لازم تشجعو المواهب من اليوم ورايح واضح أي ها هلق جينا
ولك حسام خص نص ما ني عارف مين الحمصي فينا ولك يا زلمي أنا لاعبيت حقول ولا تواريخ ولا حتى بفهم بكل هالشغلة مو أنتي يلي سويت كل التسجيل وبعثتلي حتى كلمت السر؟؟؟؟؟؟؟؟؟
اتذكر سلامت عقلك يا خال مو حلو هيك صرت على وجه جيزة الله يخليك بعدين عمك سليمان بيبلش فيك وأنا ما دخلني

Posted by: johnnydaoud

له يا ابونا جورج ما بتعرف نحنا اديه تزكرناك هون بالدير يوم عيد مار جرجس وذكرنا كل يلي مروا عالدير واسمن جورج يعني انتو دايما بالبال وبالقلب وعلى كل حال باسمي وباسم الشباب هون بقلك كل سنة وانت بالف خير وعقبال المية وخمسا وعشرين سنة يا رب وانشالله منشوفك بالمناصب الاعلى
you friend johnnyyyyyyyy

Posted by: hosam abdulaziz

يعني انا بهنيك يا ابونا عهالروح الرياضية بحيث انك بتعترف بجهلك التقني بدون اي احراجات !!!!!!!!!!
يعني اكيد انا ما بنسى انه من سنة سجلتلك بالمنتدى بنفسي لمهدلك الطريق لتقوم بكلشي بنفسك لاحقا .
بس اللي مني متوقعه انه من بعد سنة بعدك مكانك راوح و ما تحسن مستواك الفني بالكمبيوتر و النت ؟؟؟
دخلك كل القساوسة هيك ؟؟؟؟ همهم الأكبر بالحياة الأكل ؟؟؟؟ و من بعده بيجي كل شي ؟؟؟؟
كان بودي شوف قالب الكييك اللي طرقتوا بعيد ميلادك , قالب او قوالب ؟؟؟؟

موقع زيدل سوريا حمص .. خدمات تشات و دردشة ... أرشيف المنتدى